கோயில்

அருளியவர்: சேதிராயர்
பண்: பஞ்சமம்
தலம்: கோயில் (சிதம்பரம், தில்லை)
நாடு: சோழநாடு காவிரி வடகரை

ஒன்பதாம் திருமுறை ›

1

சேலு லாம்வயல் தில்லையு ளீர்உமைச்சால நாள்அயன் சார்வதி னால்இவள்வேலை யார்விடம் உண்டுகந் தீர்என்றுமால தாகும்என் வாணுதுலே.

சொற்பிரிப்பு

சேலுலாம் வயல் தில்லை உளீர் உமைச்சாலநாள் அயல் சார்வதினால் இவள்வேலையார் விடம் உண்டுகந்தீர் என்றுமாலதாகும் என்வாணுதலே.

உரை

மூலத்தில் தமிழ் உரை இல்லை.

2

வாணு தற்கொடி மாலது வாய்மிகநாணம் அற்றனள் நான்அறி யேன்இனிச்சேணு தற்பொலி தில்லையு ளீர்உமைகாணில் எய்ப்பிலள் காரிகையே.

சொற்பிரிப்பு

வாணுதல் கொடி மாலதுவாய் மிகநாணம் அற்றனள் நான் அறியேன் இனிச்சேணுதல் பொலி தில்லை உளீர் உமைக்காணில் எய்ப்பிலள் காரிகையே.

உரை

மூலத்தில் தமிழ் உரை இல்லை.

3

காரி கைக்(கு)அரு ளீர்கரு மால்கரிஈரு ரித்தெழு போர்வையி னீர்மிகுசீரி யல்தில்லை யாய்சிவ னே என்றுவேரி நற்குழலாள் இவள்விம்முமே.

சொற்பிரிப்பு

காரிகைக்கு அருளீர் கருமால் கரிஈர் உரித்து எழு போர்வையினீர் மிகுசீர் இயல் தில்லையாய் சிவனே என்றுவேரி நற்குழலாள் இவள் விம்முமே.

உரை

மூலத்தில் தமிழ் உரை இல்லை.

4

விம்மி விம்மியே வெய்துயிர்த் தாளெனாஉம்மை யேநினைந்(து) ஏத்துமொன்(று) ஆகிலள்செம்ம லோர்பயில் தில்லையு ளீர்எங்கள்அம்மல் ஓதி அயர்வுறுமே.

சொற்பிரிப்பு

விம்மி விம்மியே வெய்துயிர்த்து ஆளெனாஉம்மையே நினைந்து ஏத்தும் ஒன்றாகிலள்செம்மலோர் பயில் தில்லையுளீர் எங்கள்அம்மல் ஓதி அயர்வுறுமே.

உரை

மூலத்தில் தமிழ் உரை இல்லை.

5

அயர்வுற்(று) அஞ்சலி கூப்பி அந்தோஎனைஉயவுன் கொன்றையந் தார்அருளாய்எனும்செயலுற் றார்மதில் தில்லையு ளீர்இவண்மயலுற் றாள்என்றன் மாதிவளே.

சொற்பிரிப்பு

அயர்வுற்று அஞ்சலி கூப்பி அந்தோ எனைஉய உன் கொன்றை அம் தார் அருளாய் எனும்செயலுற்றார் மதில் தில்லையுளீர் இவண்மயலுற்றாள் என்தன் மாது இவளே.

உரை

மூலத்தில் தமிழ் உரை இல்லை.

6

மாதொர் கூறன்வண் டார்கொன்றை மார்பன்என்(று)ஓதில் உய்வன்ஒண் பைங்கிளி யேஎனும்சேதித் தீர்சிரம் நான்முக னைத்தில்லைவாதித் தீர்என்மடக் கொடியையே.

சொற்பிரிப்பு

மாது ஒர் கூறன் வண்டார் கொன்றை மார்பன் என்றுஓதில் உய்வன் ஒண் பைங்கிளியே எனும்சேதித்தீர் சிரம் நான்முகனைத் தில்லைவாதித்தீர் என் மடக்கொடியையே.

உரை

மூலத்தில் தமிழ் உரை இல்லை.

7

கொடியைக் கோமளச் சாதியைக் கொம்பிளம்பிடியை என்செய்திட் டீர்பகைத் தார்புரம்இடியச் செஞ்சிலை கால்வளைத் தீர்என்றுமுடியும் நீர்செய்த மூச்சறவே.

சொற்பிரிப்பு

கொடியைக் கோமளச் சாதியைச் கொம்பு இளம்பிடியை என் செய்திட்டீர் பகைத்தார் புரம்இடியச் செஞ்சிலை கால் வளைத்தீர் என்றுமுடியும் நீர் செய்த மூச்சறவே.

உரை

மூலத்தில் தமிழ் உரை இல்லை.

8

அறவ னேஅன்று பன்றிப் பின்ஏகியமறவ னேஎனை வாதைசெய் யேல்எனும்சிறைவண் டார்பொழில் தில்லையு ளீர்எனும்பிறைகு லாம்நுதற் பெய்வளையே.

சொற்பிரிப்பு

அறவனே அன்று பன்றிப் பின் ஏகியமறவனே எனை வாதை செய்யேல் எனும்சிறை வண்டார் பொழில் தில்லையுளீர் எனும்பிறைகுலாம் நுதல் பெய்வளையே.

உரை

மூலத்தில் தமிழ் உரை இல்லை.

9

அன்ற ருக்கனைப் பல்லிறுத்(து) ஆனையைக்கொன்று காலனைக் கோளிழைத் தீர்எனும்தென்ற லார்பொழில் தில்லையு ளீர்இவள்ஒன்றும் ஆகிலள் உம்பொருட்டே.

சொற்பிரிப்பு

அன்று அருக்கனைப் பல்லிறுத்து ஆனையைக்கொன்று காலனைக் கோள் இழைத்தீர் எனும்தென்றலார் பொழில் தில்லையுளீர் இவள்ஒன்றும் ஆகிலள் உம் பொருட்டே.

உரை

மூலத்தில் தமிழ் உரை இல்லை.

10

ஏயு மா(று)எழில் சேதிபர் கோன்தில்லைநாய னாரை நயந்துரை செய்தனதூய வாறுரைப் பார்துறக் கத்திடைஆய இன்பம்எய் தியிருப்பரே.

சொற்பிரிப்பு

ஏயுமாறு எழில் சேதிபர் கோன் தில்லைநாயனாரை நயந்துரை செய்தனதூயவாறு உரைப்பார் துறக்கத்திடைஆய இன்பம் எய்தி இருப்பரே.

உரை

மூலத்தில் தமிழ் உரை இல்லை.