திருவாவடுதுறை

அருளியவர்: சேந்தனார்
பண்: பஞ்சமம்
தலம்: ஆவடுதுறை
நாடு: சோழநாடு காவிரித் தென்கரை

1

பொய்யாத வேதியர் சாந்தைமெய்ப் புகழாளர் ஆயிரம் பூசுரர்மெய்யே திருப்பணி செய்சீர் மிகுகா விரிக்கரை மேயஐயா ! திருவா வடுதுறை அமுதே ! என்றுன்னை அழைத்தக்கால்மையார் தடங்கண் மடந்தைக்(கு)ஒன்(று) அருளாது ஒழிவது மாதிமையே.

சொற்பிரிப்பு

பொய்யாத வேதியர் சாந்தை மெய்ப் புகழாளர் ஆயிரம் பூசுரர்மெய்யே திருப்பணி செய் சீர் மிகு காவிரிக்கரை மேயஐயா! திருவாவடுதுறை அமுதே! என்று உன்னை அழைத்தக்கால்மையார் தடங்கண் மடந்தைக்கு ஒன்று அருளாது ஒழிவது மாதிமையே.

உரை

மூலத்தில் தமிழ் உரை இல்லை.

2

மாதி மணங்கம ழும்பொழில் மணிமாட மாளிகை வீதிசூழ்சோதி மதிலணி சாந்தைமெய்ச் சுருதி விதிவழி யோர்தொழும்ஆதி அமரர் புராணனாம் அணிஆ வடுதுறை நம்பிநின்றநீதி அறிகிலள் பொன்நெடும் திண்தோள் புணர நினைக்குமே.

சொற்பிரிப்பு

மாதி மணம் கமழும் பொழில் மணிமாட மாளிகை வீதி சூழ்சோதி மதில் அணி சாந்தை மெய்ச் சுருதி விதி வழியோர் தொழும்ஆதி அமரர் புராணனாம் அணி ஆவடுதுறை நம்பி நின்றநீதி அறிகிலள் பொன் நெடும் திண் தோள் புணர நினைக்குமே.

உரை

மூலத்தில் தமிழ் உரை இல்லை.

3

நினைக்கும் நிரந்தர னே !என்னும் நிலாக்கோலச் செஞ்சடைக் கங்கைநீர்நனைக்கும் நலங்கிளர் கொன்றைமேல் நயம்பேசும் நன்னுதல் நங்கைமீர் !மனக்கின்ப வெள்ள மலைமகள் மணவாள நம்பிவண் சாந்தையூர்தனக்கின்பன் ஆவடு தண்துறைத் தருணேந்து சேகரன் என்னுமே.

சொற்பிரிப்பு

நினைக்கும் நிரந்தரனே என்னும் நிலாக் கோலச் செஞ்சடைக் கங்கை நீர்நனைக்கும் நலங்கிளர் கொன்றை மேல் நயம் பேசும்; நன்னுதல் நங்கைமீர்!மனக்கு இன்ப வெள்ள மலைமகள் மணவாள நம்பி வண் சாந்தையூர்தனக்கு இன்பன் ஆவடு தண் துறைத் தருண இந்து சேகரன் என்னுமே!

உரை

மூலத்தில் தமிழ் உரை இல்லை.

4

தருணேந்து சேகர னேஎனும் தடம்பொன்னித் தென்கரைச் சாந்தையூர்ப்பொருள்நேர்ந்த சிந்தை யவர்தொழப் புகழ்செல்வம் மல்குபொற் கோயிலுள்அருள்நேர்ந்(து) அமர்திரு வாவடு துறையாண்ட ஆண்டகை அம்மானேதெருள்நேர்ந்த சித்தம் வலியவா திலக நுதலி திறத்திலே.

சொற்பிரிப்பு

தருண இந்து சேகரனே! எனும் தடம்பொன்னித் தென்கரைச் சாந்தையூர்ப்பொருள் நேர்ந்த சிந்தையவர் தொழப் புகழ் செல்வ மல்கு பொற் கோயிலுள்அருள் நேர்ந்து அமர் திருவாவடுதுறை ஆண்ட ஆண்டகை அம்மானேதெருள் நேர்ந்த சித்தம் வலியவா திலக நுதலி திறத்திலே.

உரை

மூலத்தில் தமிழ் உரை இல்லை.

5

திலக நுதல்உமை நங்கைக்கும் திருவா வடுதுறை நம்பிக்கும்குலக அடியவர்க்(கு) என்னையாட் கொடுத்தாண்டு கொண்ட குணக்கடல்அலதொன்(று) அறிகின்றி லேம்எனும் அணியும்வெண் ணீ(று)அஞ் செழுத்தலால்வலதொன் றிலள்இதற்(கு) என்செய்கேன் வயலந்தண் சாந்தையர் வேந்தனே !

சொற்பிரிப்பு

திலக நுதல் உமை நங்கைக்கும் திருவாவடுதுறை நம்பிக்கும்குலக அடியவர்க்கு என்னை ஆட் கொடுத்து ஆண்டுகொண்ட குணக்கடல்அலது ஒன்று அறிகின்றிலேம் எனும் அணியும் வெண்ணீறு அஞ்செழுத்து அலால்வலது ஒன்று இலள் இதற்கு என் செய்கேன் வயல் அம் தண் சாந்தையர் வேந்தனே!

உரை

மூலத்தில் தமிழ் உரை இல்லை.

6

வேந்தன் வளைத்தது மேருவில் அரவுநாண் வெங்கணை செங்கண்மால்போந்த மதிலணி முப்புரம் பொடியாட வேதப் புரவித்தேர்சாந்தை முதல் அயன் சாரதி கதியருள் என்னும் இத் தையலைஆந்தண் திருவா வடுதுறையான் செய்கை யாரறி கிற்பாரே

சொற்பிரிப்பு

வேந்தன் வளைத்தது மேரு வில் அரவு நாண் வெங்கணை செங்கண் மால்போந்த மதில் அணி முப்புரம் பொடி ஆட வேதப் புரவித் தேர்ச்சாந்தை முதல் அயன் சாரதி கதி அருள் என்னும் இத்தையலைஆந்தண் திருவாவடுதுறையான் செய்கை ஆர் அறிகிற்பரே.

உரை

மூலத்தில் தமிழ் உரை இல்லை.

7

கிற்போம் எனத்தக்கன் வேள்விபுக்(கு) எழுந்தோ டிக்கெட்ட அத்தேவர்கள்சொற்போலும் மெய்ப்பயன் பாவிகாள்என் சொல்லிச் சொல்லும் இத் தூமொழிகற்போல் மனம்கனி வித்தஎங் கருணால யாவந்திடாய் என்றால்பெற்போ பெருந்திரு வாவடு துறையாளி பேசா(து) ஒழிவதே.

சொற்பிரிப்பு

கிற்போம் எனத் தக்கன் வேள்வி புக்கு எடுத்து ஓடிக் கெட்ட அத்தேவர்கள்சொற்போலும் மெய்ப் பயன் பாவிகாள்! என் சொல்லிச் சொல்லும் இத் தூ மொழிகல் போல் மனம் கனிவித்த எம் கருணாலயா! வந்திடாய் என்றால்பெற்போ பெரும் திருஆவடுதுறை ஆளி! பேசாது ஒழிவதே.

உரை

மூலத்தில் தமிழ் உரை இல்லை.

8

ஒழிவொன்றி லாவுண்மை வண்ணமும் உலப்பிலள் ஊறின்ப வெள்ளமும்மொழிவொன்றி லாப்பொன்னித் தீர்த்தமும் முனிகோடி கோடியா மூர்த்தியும்அழிவொன்றி லாச்செல்வச் சாந்தையூர் அணிஆ வடுதுறை ஆடினாள்இழிவொன்றி லாவகை எய்திநின்(று) இறுமாக்கும் என்னிள மானனே.

சொற்பிரிப்பு

ஒழிவு ஒன்றிலா உண்மை வண்ணமும் உலப்பிலள் ஊறு இன்ப வெள்ளமும்மொழிவு ஒன்றிலாப் பொன்னித் தீர்த்தமும் முனி கோடிகோடியா மூர்த்தியும்அழிவு ஒன்றிலாச் செல்வச் சாந்தையூர் அணி ஆவடுதுறை ஆடினாள்இழிவு ஒன்றிலா வகை எய்தி நின்று இறுமாக்கும் என் இளமானனே.

உரை

மூலத்தில் தமிழ் உரை இல்லை.

9

மானேர் கலைவளையும் கவர்ந்துளம் கொள்ளை கொள்ளவழக்(கு) உண்டே !தேனே ! அமுதே !என் சித்தமே ! சிவலோக நாயகச் செல்வமே !ஆனேஅ லம்புபுனற் பொன்னி அணியா வடுதுறை அன்பர்தம்கோனே !நின் மெய்யடி யார்மனக் கருத்தை முடித்திடுங் குன்றமே !

சொற்பிரிப்பு

மானேர் கலை வளையும் கவர்ந்து உளம் கொள்ளை கொள்ள வழக்கு உண்டேதேனே அமுதே என் சித்தமே சிவலோக நாயகச் செல்வமேஆனே அலம்பு புனல் பொன்னி அணி ஆவடுதுறை அன்பர் தம்கோனே நின் மெய்யடியார் மனக் கருத்தை முடித்திடும் குன்றமே.

உரை

மூலத்தில் தமிழ் உரை இல்லை.

10

குன்றேந்தி கோகன கத்(து)அயன் அறியா நெறிஎன்னைக் கூட்டினாய்என்றேங்கி ஏங்கி அழைக்கின்றாள் இளவல்லி எல்லை கடந்தனள்அன்றே அலம்பு புனற்பொன்னி அணியா வடுதுறை ஆடினாள்நன்றே இவள் நம் பரமல்லள் நவலோக நாயகன் பாலளே.

சொற்பிரிப்பு

குன்று ஏந்தி கோகனகத்து அயன் அறியா நெறி என்னைக் கூட்டினாய்என்று ஏங்கி ஏங்கி அழைக்கின்றாள் இளவல்லி எல்லை கடந்தனள்அன்றே அலம்பு புனல் பொன்னி அணி ஆவடுதுறை ஆடினாள்நன்றே இவள் நம் பரமல்லள் நவலோக நாயகன் பாலளே.

உரை

மூலத்தில் தமிழ் உரை இல்லை.

11

பாலும் அமுதமும் தேனுமாய் ஆனந்தம் தந்துள்ளே பாலிப்பான்போலும்என் ஆருயிர்ப் போகமாம் புரகால காமபு ராந்தகன்சேலும் கயலும் திளைக்குநீர்த் திருவா வடுதுறை வேந்தனோ(டு)ஆலும் அதற்கே முதலுமாம் அறிந்தோம் அரிவைபொய் யாததே.

சொற்பிரிப்பு

பாலும் அமுதமும் தேனுமாய் ஆனந்தம் தந்துள்ளே பாலிப்பான்போலும் என் ஆருயிர்ப் போகமாம் புரன் கால காம புராந்தகன்சேலும் கயலும் திளைக்கு நீர்த் திருஆவடுதுறை வேந்தனோடுஆலும் அதற்கே முதலுமாம் அறிந்தோம் அரிவை பொய்யாததே.

உரை

மூலத்தில் தமிழ் உரை இல்லை.