திருவீழிமிழலை

அருளியவர்: சேந்தனார்
பண்: பஞ்சமம்
தலம்: வீழிமிழலை
நாடு: சோழநாடு காவிரித் தென்கரை

1

ஏகநா யகனை இமையவர்க்(கு) அரசை என்னுயிர்க்(கு) அமுதினை எதிரில்போகநா யகனைப் புயல்வணற்(கு) அருளிப் பொன்னெடுஞ் சிவிகையா வூர்ந்தமேகநா யகனை மிகுதிரு வீழி மிழலைவிண் ணிழிசெழுங் கோயில்யோகநா யகனை அன்றிமற் றொன்றும் உண்டென உணர்கிலேன் யானே.

சொற்பிரிப்பு

ஏகநாயகனை இமையவர்க்கு அரசை என்னுயிர்க்கு அமுதினை எதிர் இல்போகநாயகனைப் புயல்வணற்கு அருளிப் பொன்நெடும் சிவிகையா ஊர்ந்தமேகநாயகனை மிகு திருவீழி மிழலை விண்ணிழி செழுங்கோயில்யோகநாயகனை அன்றி மற்றொன்றும் உண்டு என உணர்கிலேன் யானே.

உரை

மூலத்தில் தமிழ் உரை இல்லை.

2

கற்றவர் விழுங்கும் கற்பகக் கனியைக் கரையிலாக் கருணைமா கடலைமற்றவர் அறியா மாணிக்க மலையை மதிப்பவர் மனமணி விளக்கைச்செற்றவர் புரங்கள் செற்றஎஞ் சிவனைத் திருவீழி மிழலைவீற் றிருந்தகொற்றவன் தன்னைக் கண்டுகண்(டு) உள்ளம் குளிரஎன் கண்குளிர்ந் தனவே.

சொற்பிரிப்பு

கற்றவர் விழுங்கும் கற்பகக் கனியைக் கரையிலாக் கருணை மா கடலைமற்றவர் அறியா மாணிக்க மலையை மதிப்பவர் மன மணிவிளக்கைச்செற்றவர் புரங்கள் செற்ற எம் சிவனைத் திருவீழிமிழலை வீற்றிருந்தகொற்றவன் தன்னைக் கண்டுகண்டு உள்ளம் குளிர என் கண் குளிர்ந்தனவே.

உரை

மூலத்தில் தமிழ் உரை இல்லை.

3

மண்டலத்து ஒளியை விலக்கியான் நுகர்ந்த மருந்தைஎன் மாறிலா மணியைப்பண்டலர் அயன்மாற்(கு) அரிதுமாய் அடியார்க்(கு) எளியதோர் பவளமால் வரையைவிண்டலர் மலர்வாய் வேரிவார் பொழில்சூழ் திருவீழி மிழலையூர் ஆளும்கொண்டலங் கண்டத்(து) எம்குரு மணியைக் குறுகவல் வினைகுறு காவே.

சொற்பிரிப்பு

மண்டலத்து ஒளியை விலக்கி யான் நுகர்ந்த மருந்தை என் மாறிலா மணியைப்பண்டலர் அயன் மாற்கு அரிதுமாய் அடியார்க்கு எளியதோர் பவள மால் வரையைவிண்டலர் மலர்வாய் வேரி வார் பொழில் சூழ் திருவீழிமிழலை ஊர் ஆளும்கொண்டல் அம்கண்டத்து எம் குரு மணியைக் குறுக வல்வினை குறுகாவே.

உரை

மூலத்தில் தமிழ் உரை இல்லை.

4

தன்னடி நிழற்கீழ் என்னையும் தகைத்த சசிகுலா மவுலியைத் தானேஎன்னிடைக் கமலம் மூன்றினுள் தோன்றி எழுஞ்செழுஞ் சுடரினை அருள்சேர்மின்னெடுங் கடலுள் வெள்ளத்தை வீழி மிழலையுள் விளங்குவெண் பளிங்கின்பொன்னடிக்(கு) அடிமை புக்கினிப் போக விடுவனோ பூண்டுகொண் டேனே.

சொற்பிரிப்பு

தன்னடி நிழற்கீழ் என்னையும் தகைத்த சசி குலா மவுலியைத் தானேஎன்னிடைக் கமலம் மூன்றினுள் தோன்றி எழும் செழும் சுடரினை அருள் சேர்மின்னெடும் கடலுள் வெள்ளத்தை வீழி மிழலையுள் விளங்கு வெண்பளிங்கின்பொன்னடிக்கு அடிமை புக்கு இனிப் போக விடுவனோ பூண்டு கொண்டேனே.

உரை

மூலத்தில் தமிழ் உரை இல்லை.

5

இத்தெய்வ நெறிநன் றென்(று)இருள் மாயப் பிறப்பறா இந்திர சாலப்பொய்த்தெய்வ நெறிநான் புகாவகை புரிந்த புராணசிந்தா மணி வைத்தமெய்த் தெய்வ நெறிநான் மறையவர் வீழி மிழலைவிண் ணிழிசெழுங் கோயில்அத்தெய்வ நெறியிற் சிவமலா(து) அவமும் அறிவரோ அறிவுடை யோரே.

சொற்பிரிப்பு

இத்தெய்வ நெறி நன்று என்று இருள் மாயப் பிறப்பு அறா இந்திரசாலப்பொய்த் தெய்வ நெறி நான் புகா வகை புரிந்த புராண சிந்தாமணி வைத்தமெய்த்தெய்வநெறி நான்மறையவர் வீழி மிழலை விண்ணிழி செழும் கோயில்அத்தெய்வ நெறியில் சிவம் அலாது அவமும் அறிவரோ அறிவுடையோரே.

உரை

மூலத்தில் தமிழ் உரை இல்லை.

6

அக்கனா அனைய செல்வமே சிந்தித்து ஐவரோ(டு) அழுந்தியான் அவமேபுக்கிடா வண்ணம் காத்தெனை ஆண்ட புனிதனை வனிதைபா கனைஎண்திக்கெலாம் குலவும் புகழ்த்திரு வீழி மிழலையான் திருவடி நிழற்கீழ்ப்புக்குநிற் பவர்தம் பொன்னடிக் கமலப் பொடியணிந்(து) அடிமைபூண் டேனே.

சொற்பிரிப்பு

அக்கனா அனைய செல்வமே சிந்தித்து ஐவரோடு அழுந்தி யான் அவமேபுக்கிடா வண்ணம் காத்து எனை ஆண்ட புனிதனை வனிதை பாகனை எண்திக்கு எலாங் குலவும் புகழ்த் திருவீழி மிழலையான் திருவடி நிழல் கீழ்ப்புக்கு நிற்பவர் தம் பொன்னடிக் கமலப் பொடியணிந்து அடிமை பூண்டேனே.

உரை

மூலத்தில் தமிழ் உரை இல்லை.

7

கங்கைநீர் அரிசிற் கரையிரு மருங்கும் கமழ்பொழில் தழுவிய கழனித்திங்கள்நேர் தீண்ட நீண்டமா ளிகைசூழ் மாடநீ டுயர்திரு வீழித்தங்குசீர்ச் செல்வத் தெய்வத்தான் தோன்றி நம்பியைத் தன்பெருஞ் சோதிமங்கையோர் பாகத்(து) என்னரு மருந்தை வருந்திநான் மறப்பனோ இனியே.

சொற்பிரிப்பு

கங்கை நீர் அரிசில் கரை இரு மருங்கும் கமழ் பொழில் தழுவிய கழனித்திங்கள் நேர் தீண்ட நீண்ட மாளிகை சூழ் மாட நீடுயர் திருவீழித்தங்கு சீர்ச் செல்வத் தெய்வத் தான்தோன்றி நம்பியைத் தன் பெருஞ்சோதிமங்கை ஓர் பங்கத்து என் அரு மருந்தை வருந்தி நான் மறப்பனோ இனியே.

உரை

மூலத்தில் தமிழ் உரை இல்லை.

8

ஆயிரம் கமலம் ஞாயி(று)ஆ யிரம்முக் கண்முக கரசர ணத்தோன்பாயிருங் கங்கை பனிநிலாக் கரந்த படர்சடை மின்னுபொன் முடியோன்வேயிருந் தோளி உமைமண வாளன் விரும்பிய மிழலைசூழ் பொழிலைப்போயிருந் தேயும் போற்றுவார் கழல்கள் போற்றுவார் புரந்தரா திகளே.

சொற்பிரிப்பு

ஆயிரம் கமலம் ஞாயிறு ஆயிரம் முக் கண் முக கர சரணத்தோன்பாயிரும் கங்கை பனி நிலாக் கரந்த படர் சடை மின்னு பொன்முடியோன்வேயிரும் தோளி உமை மணவாளன் விரும்பிய மிழலை சூழ் பொழிலைப்போயிருந்தேயும் போற்றுவார் கழல்கள் போற்றுவார் புரந்தராதிகளே.

உரை

மூலத்தில் தமிழ் உரை இல்லை.

9

எண்ணில்பல் கோடி சேவடி முடிகள் எண்ணில்பல் கோடிதிண் தோள்கள்எண்ணில்பல் கோடி திருவுரு நாமம் ஏர்கொள்முக் கண்முகம் இயல்பும்எண்ணில்பல் கோடி எல்லைக்(கு)அப் பாலாய் நின்(று)ஐஞ்ஞூற்(று) அந்தணர் ஏத்தும்எண்ணில்பல் கோடி குணத்தர்ஏர் வீழி இவர்நம்மை ஆளுடை யாரே.

சொற்பிரிப்பு

எண்ணில் பல்கோடி சேவடி முடிகள் எண்ணில் பல்கோடி திண் தோள்கள்எண்ணில் பல்கோடி திருவுரு நாமம் ஏர்கொள் முக்கண் முகம் இயல்பும்எண்ணில் பல்கோடி எல்லைக்கு அப்பாலாய் நின்று ஐஞ்ஞூற்று அந்தணர் ஏத்தும்எண்ணில் பல்கோடி குணத்தர் ஏர் வீழி இவர் நம்மை ஆளுடையாரே.

உரை

மூலத்தில் தமிழ் உரை இல்லை.

10

தக்கன்வெங் கதிரோன் சலந்தரன் பிரமன் சந்திரன் இந்திரன் எச்சன்மிக்கநெஞ்(சு) அரக்கன் புரம்கரி கருடன் மறலிவேள் இவர்மிகை செகுத்தோன்திக்கெலாம் நிறைந்த புகழ்த்திரு வீழி மிழலையான் திருவடி நிழற்கீழ்ப்புக்கிருந் தவர்தம் பொன்னடிக் கமலப் பொடியணிந்(து) அடிமைபூண் டேனே.

சொற்பிரிப்பு

தக்கன் வெங்கதிரோன் சலந்தரன் பிரமன் சந்திரன் இந்திரன் எச்சன்மிக்க நெஞ்சு அரக்கன் புரம் கரி கருடன் மறலி வேள் இவர் மிகை செகுத்தோன்திக்கெலாம் நிறைந்த புகழ்த் திருவீழி மிழலையான் திருவடி நிழல் கீழ்ப்புக்கு இருந்தவர் தம் பொன்னடிக் கமலப் பொடியணிந்து அடிமை பூண்டேனே.

உரை

மூலத்தில் தமிழ் உரை இல்லை.

11

உளங்கொள மதுரக் கதிர்விரித்(து) உயிர்மேல் அருள்சொரி தரும்உமா பதியைவளங்கிளர் நதியும் மதியமும் சூடி மழவிடை மேல்வரு வானைவிளங்கொளி வீழி மிழலைவேந் தேயென்(று) ஆந்தனைச் சேந்தன்தா தையையான்களங்கொள அழைத்தால் பிழைக்குமோ அடியேன் கைக்கொண்ட கனககற் பகமே.

சொற்பிரிப்பு

உளம் கொள மதுரக்கதிர் விரித்து உயிர்மேல் அருள் சொரிதரும் உமாபதியைவளம் கிளர் நதியும் மதியமும் சூடி மழவிடை மேல் வருவானைவிளங்கு ஒளி வீழிமிழலை வேந்தே என்று ஆந்தனைச் சேந்தன் தாதையை யான்களங்கொள அழைத்தால் பிழைக்குமோ அடியேன் கைக்கொண்ட கனக கற்பகமே.

உரை

மூலத்தில் தமிழ் உரை இல்லை.

12

பாடலங் காரப் பரிசில்கா(சு) அருளிப் பழுத்தசெந் தமிழ்மலர் சூடிநீடலங் காரத்து எம்பெரு மக்கள் நெஞ்சினுள் நிறைந்துநின் றானைவேடலங் காரக் கோலத்தின் அமுதைத் திருவீழி மிழலையூர் ஆளும்கேடிலங் கீர்த்திக் கனககற் பகத்தைக் கெழுமுதற்(கு) எவ்விடத் தேனே.

சொற்பிரிப்பு

பாடு அலங்காரப் பரிசில் காசு அருளிப் பழுத்த செந்தமிழ் மலர் சூடிநீடு அலங்காரத்து எம் பெருமக்கள் நெஞ்சினுள் நிறைந்து நின்றானைவேடு அலங்காரக் கோலத்தின் அமுதைத் திருவீழிமிழலை ஊர் ஆளும்கேடில் அம் கீர்த்திக் கனக கற்பகத்தைக் கெழுமுதற்கு எவ்விடத்தேனே.

உரை

மூலத்தில் தமிழ் உரை இல்லை.