1
ஓடுங் கவந்தியுமே உறவென்றிட் டுள்கசிந்துதேடும் பொருளுஞ் சிவன்கழலே எனத்தெளிந்துகூடும் உயிரும் குமண்டையிடக் குனித்தடியேன்ஆடுங் குலாத்தில்லை ஆண்டானைக் கொண்டன்றே.
சொற்பிரிப்பு
ஓடும், கவந்தியுமே, உறவு' என்றிட்டு உள் கசிந்து;தேடும் பொருளும் சிவன் கழலே எனத் தெளிந்து ;கூடும், உயிரும், குமண்டையிடக் குனித்து; அடியேன்ஆடும் குலாத்தில்லை ஆண்டானைக் கொண்டன்றே
உரை
அயலார் இடுகின்ற பிச்சையை ஏற்று உண்ணத் திருவோடும், பிறர்கண்டு நாணாதிருக்கக் கோவணமும் உறவாகக் கொண்டு மனம் கசிந்தேன். வேறு எதனையும் எவரையும் உறவாகக் கொண்டிலேன். உள்ளம் உருகித் தேடுகின்ற பொருள் சிவனது திருவடியே என்று தெளிந்தேன். விளங்குகின்ற தில்லை ஆண்டவனைப் பற்றிக் கொண்டு என் உயிரும் அதன் கூடாகிய உடலும் ஆனந்தத்தில் நிறைந்து யானும் வளைந்து கூத்தாடுவேன்.