1
வேத மொழியர்வெண் ணீற்றர்செம் மேனியர்நாதப் பறையினர் அன்னே என்னும்நாதப் பறையினர் நான்முகன் மாலுக்கும்நாதரிந் நாதனார் அன்னே என்னும்.
சொற்பிரிப்பு
வேத மொழியர், வெண்-நீற்றர், செம்-மேனியர்நாதப் பறையினர்; அன்னே ! -என்னும்;நாதப் பறையினர், நான்முகன் மாலுக்கும்நாதர், இந் நாதனார்; அன்னே ! என்னும்.
உரை
தோழியே ! நம் தலைவராகிய சிவபெருமான் ஞானம் உபதேசிக்கும் சொல் உடையவர் என்று எப்பொழுதும் சொல்லுவாள் என்று தலைவியின் நிலையைத் தோழி, செவிலிக்குக் கூறினாள். இவரே நாதமாகிய ஓங்கார ஒலி முழக்குவதற்குப் பறையை உடையவராய் உள்ளார். இவர் அயனுக்கும் அரிக்கும் தலைவராக உள்ளார் என்றும் தலைவி எப்பொழுதும் சொல்லுவாள் என்று தோழி மேலும் கூறினாள்.