திருநனிபள்ளி

அருளியவர்: சுந்தரர்
பண்: பஞ்சமம்
தலம்: நனிபள்ளி
நாடு: சோழநாடு காவிரித் தென்கரை

1

ஆதியன் ஆதிரை யன்அயன் மால்அறி தற்கரியசோதியன் சொற்பொரு ளாய்ச்சுருங் காமறை நான்கினையும்ஓதியன் உம்பர்தங் கோனுல கத்தினுள் எவ்வுயிர்க்கும்நாதியன் நம்பெரு மான்நண்ணும் ஊர்நனி பள்ளியதே.

சொற்பிரிப்பு

ஆதியன்‌; ஆதிரையன்‌ அயன் ‌ மால்‌ அறிதற்கு அரியசோதியன்‌; சொல் பொருள்‌ ஆய்‌, சுருங்கா மறை நான்கினையும்‌ஓதியன்‌; உம்பர் தம்‌ கோன்‌; உலகத்தினுள்‌ எவ் உயிர்க்கும்‌நாதியன்‌; நம்பெருமான்‌; நண்ணும்‌ ஊர்‌ நனிபள்ளி அதே.

உரை

மூலத்தில் தமிழ் உரை இல்லை.

2

உறவிலி ஊன மிலிஉண ரார்புரம் மூன்றெரியச்செறுவிலி தன்னினை வார்வினை யாயின தேய்ந்தழியஅறவில கும்மரு ளான்மரு ளார்பொழில் வண்டறையும்நறவிரி கொன்றையி னான்நண்ணும் ஊர்நனி பள்ளியதே.

சொற்பிரிப்பு

உறவிலி; ஊனமிலி; உணரார்‌ புரம் மூன்று எரியச்‌செறு வி(ல்‌)லி; தன்‌ நினைவார்‌ வினை ஆயின தேய்ந்து அழியஅற இலகும்‌ அருளான்‌; மருள் ‌ ஆர்‌ பொழில்‌, வண்டு அறையும்‌,நற விரி கொன்றையினான்‌; நண்ணும் ‌ ஊர்‌ நனிபள்ளி அதே.

உரை

மூலத்தில் தமிழ் உரை இல்லை.

3

வானுடை யான்பெரி யான்மனத் தாலும்நினைப் பரியான்ஆனிடை ஐந்தமர்ந் தான்அணு வாகியோர் தீயுருக்கொண்டூனுடை இவ்வுட லம்ஒடுங் கிப்புகுந் தான்பரந்தான்நானுடை மாடெம் பிரான்நண்ணும் ஊர்நனி பள்ளியதே.

சொற்பிரிப்பு

வான்‌ உடையான்‌; பெரியான்‌: மனத்தாலும்‌ நினைப்பு அரியான்‌;ஆன்‌ இடை ஐந்து அமர்ந்தான்‌; அணு ஆகி, ஓர்‌ தீ உருக்‌ கொண்டுஊன்‌ உடை இவ்‌ உடலம்‌ ஒடுங்கிப்‌ புகுந்தான்‌; பரந்தான்‌;நான்‌. உடை மாடு; எம்பிரான்‌; நண்ணும் ‌ ஊர்‌ நனிபள்ளி அதே.

உரை

மூலத்தில் தமிழ் உரை இல்லை.

4

ஓடுடை யன்கல னாவுடை கோவண வன்உமையோர்பாடுடை யன்பலி தேர்ந்துண்ணும் பண்புடை யன்பயிலக்காடுடை யன்னிட மாமலை ஏழுங் கருங்கடல்சூழ்நாடுடை நம்பெரு மான்நண்ணும் ஊர்நனி பள்ளியதே.

சொற்பிரிப்பு

ஓடு உடையன்‌, கலனா; உடை கோவணவன்‌; உமை ஓர்‌பாடு உடையன்‌; பலி தேர்ந்து உண்ணும்‌ பண்பு உடையன்‌; பயிலக்‌காடு உடையன்‌, இடமா; மலை ஏழும்‌, கருங்கடல்‌ சூழ்‌நாடு, உடை நம்பெருமான்‌ நண்ணும் ‌ ஊர்‌ நனிபள்ளி அதே.

உரை

மூலத்தில் தமிழ் உரை இல்லை.

5

பண்ணற் கரிய தொருபடை ஆழி தனைப்படைத்துக்கண்ணற் கருள்புரிந் தான்கரு தாதவர் வேள்விஅவிஉண்ணற் கிமையவ ரையுருண் டோட உதைத்துகந்துநண்ணற் கரிய பிரான்நண்ணும் ஊர்நனி பள்ளியதே.

சொற்பிரிப்பு

பண்ணற்கு அரியது ஒரு படை ஆழி தனைப்‌ படைத்துக்‌கண்ணற்கு அருள்புரிந்தான்‌; கருதாதவர்‌ வேள்வி அவிஉண்ணற்கு இமையவரை உருண்டு ஓட உதைத்து, உகந்து,நண்ணற்கு அரிய பிரான்‌; நண்ணும் ‌ ஊர்‌ நனிபள்ளி அதே.

உரை

மூலத்தில் தமிழ் உரை இல்லை.

6

மல்கிய செஞ்சடை மேல்மதி யும்மர வும்முடனேபுல்கிய ஆரணன் எம்புனி தன்புரி நூல்விகிர்தன்மெல்கிய விற்றொழி லான்விருப் பன்பெரும் பார்த்தனுக்குநல்கிய நம்பெரு மான்நண்ணும் ஊர்நனி பள்ளியதே.

சொற்பிரிப்பு

மல்கிய செஞ்சடை மேல்‌ மதியும்‌ அரவும்‌ உடனேபுல்கிய ஆரணன்‌, எம்‌ புனிதன்‌, புரிநூல்‌ விகிர்தன்‌,மெல்கிய வில்‌-தொழிலான்‌, விருப்பன்‌, பெரும்‌ பார்த்தனுக்குநல்கிய நம்பெருமான்‌, நண்ணும் ‌ ஊர்‌ நனிபள்ளி அதே.

உரை

மூலத்தில் தமிழ் உரை இல்லை.

7

அங்கமோ ராறவை யும்அரு மாமறை வேள்விகளும்எங்கும் இருந்தந் தணர்எரி மூன்றவை ஓம்புமிடம்பங்கய மாமுகத் தாளுமை பங்கன் உறைகோயில்செங்கயல் பாயும் வயற்றிரு ஊர்நனி பள்ளியதே.

சொற்பிரிப்பு

அங்கம்‌ ஓர்‌ ஆறு அவையும்‌, அரு மாமறை, வேள்விகளும்‌,எங்கும்‌ இருந்து அந்தணர்‌ எரி மூன்று அவை, ஓம்பும்‌ இடம்‌;பங்கய மா முகத்தாள்‌ உமை பங்கன்‌ உறை கோயில்‌;செங்கயல்‌ பாயும்‌ வயல்‌ திரு ஊர்‌ நனிபள்ளி அதே.

உரை

மூலத்தில் தமிழ் உரை இல்லை.

8

திங்கட் குறுந்தெரி யற்றிகழ் கண்ணியன் நுண்ணியனாய்நங்கட் பிணிகளை வான்அரு மாமருந் தேழ்பிறப்பும்மங்கத் திருவிர லால்அடர்த் தான்வல் லரக்கனையும்நங்கட் கருளும் பிரான்நண்ணும் ஊர்நனி பள்ளியதே.

சொற்பிரிப்பு

திங்கள் குறுந்தெரியல்‌ திகழ் ‌ கண்ணியன்‌; நுண்ணியனாய்‌ ,தம்‌ கண்‌ பிணி களைவான்‌; அரு மா மருந்து, ஏழ் பிறப்பும்‌;மங்கத்‌ திருவிரலால்‌ அடர்த்தான்‌, வல்‌ அரக்கனையும்‌;நங்கட்கு அருளும்‌ பிரான்‌; நண்ணும்‌ ஊர்‌ நனிபள்ளி அதே.

உரை

மூலத்தில் தமிழ் உரை இல்லை.

9

ஏன மருப்பினொ டும்மெழில் ஆமையும் பூண்டுகந்துவான மதிளர ணம்மலை யேசிலை யாவளைத்தான்ஊனமில் காழிதன் னுள்ளுயர் ஞானசம் பந்தற்கன்றுஞானம் அருள்புரிந் தான்நண்ணும் ஊர்நனி பள்ளியதே.

சொற்பிரிப்பு

ஏன மருப்பினொடும்‌ எழில் ‌ ஆமையும்‌ பூண்டு, உகந்து,வான மதிள்‌ அரணம்‌ மலையே சிலையா வளைத்தான்‌;ஊனம்‌ இல்‌ காழி தன்னுள்‌ உயர் ‌ ஞானசம்பந்தற்கு அன்றுஞானம்‌ அருள்புரிந்தான்‌; நண்ணும் ‌ ஊர்‌ நனிபள்ளி அதே.

உரை

மூலத்தில் தமிழ் உரை இல்லை.

10

காலமும் நாழிகை யுந்நனி பள்ளி மனத்தினுள்கிகோலம தாயவ னைக்குளிர் நாவல ஊரன்சொன்னமாலை மதித்துரைப் பார்மண் மறந்துவா னோருலகிற்சாலநல் லின்பமெய் தித்தவ லோகத் திருப்பவரே.

சொற்பிரிப்பு

காலமும்‌ நாழிகையும்‌ நனி பள்ளி மனத்தின்‌ உள்கி,கோலம்‌ அது ஆயவனைக்‌ குளிர் ‌ நாவல ஊரன்‌ சொன்னமாலை மதித்து உரைப்பார்‌, மண் ‌ மறந்து வானோர்‌ உலகில்‌சால நல்‌ இன்பம்‌ எய்தி, தவலோகத்து இருப்பவரே.

உரை

மூலத்தில் தமிழ் உரை இல்லை.