திருவாரூர்

அருளியவர்: சுந்தரர்
பண்: செந்துருத்தி
தலம்: ஆரூர்
நாடு: சோழநாடு காவிரித் தென்கரை

1

மீளா அடிமை உமக்கே ஆளாய்ப் பிறரை வேண்டாதேமூளாத் தீப்போல் உள்ளே கனன்று முகத்தால் மிகவாடிஆளாய் இருக்கும் அடியார் தங்கள் அல்லல் சொன்னக்கால்வாளாங் கிருப்பீர் திருவா ரூரீர் வாழ்ந்து போதீரே.

சொற்பிரிப்பு

மீளா அடிமை உமக்கே ஆள்‌ ஆய்‌, பிறரை வேண்டாதே,மூளாத்‌ தீப்‌ போல்‌ உள்ளே கனன்று, முகத்தால்‌ மிக வாடி,ஆளாய்‌ இருக்கும்‌ அடியார்‌ தங்கள் ‌ அல்லல்‌ சொன்னக்கால்‌வாளா (ஆ)ங்கு இருப்பீர்‌; திரு ஆரூரீர்‌! வாழ்ந்து போதீரே!

உரை

மூலத்தில் தமிழ் உரை இல்லை.

2

விற்றுக் கொள்வீர் ஒற்றி யல்லேன் விரும்பி ஆட்பட்டேன்குற்றம் ஒன்றுஞ் செய்த தில்லை *கொத்தை ஆக்கினீர்எற்றுக் கடிகேள் என்கண் கொண்டீர் நீரே பழிப்பட்டீர்மற்றைக் கண்தான் தாரா தொழிந்தால் வாழ்ந்து போதீரே.

சொற்பிரிப்பு

விற்றுக்‌ கொள்வீர்‌; ஒற்றி அல்லேன்‌; விரும்பி ஆட்பட்டேன்‌;குற்றம்‌ ஒன்றும்‌ செய்தது இல்லை; கொத்தை ஆக்கினீர்‌;எற்றுக்கு அடிகேள்‌! என்‌ கண்‌ கொண்டீர்‌? நீரே பழிப்பட்டீர்‌;மற்றைக்‌ கண்தான்‌ தாராதொழிந்தால்‌, வாழ்ந்து போதீரே!

உரை

மூலத்தில் தமிழ் உரை இல்லை.

3

அன்றில் முட்டா தடையுஞ் சோலை ஆரூர் அகத்தீரேகன்று முட்டி உண்ணச் சுரந்த காலி யவைபோலஎன்றும் முட்டாப் பாடும் அடியார் தங்கண் காணாதுகுன்றில் முட்டிக் குழியில் விழுந்தால் வாழ்ந்து போதீரே.

சொற்பிரிப்பு

அன்றில்‌ முட்டாது அடையும்‌ சோலை ஆரூர்‌ அகத்தீரே!கன்று முட்டி உண்ணச்‌ சுரந்த காலி அவை போல,என்றும்‌ முட்டாப்‌ பாடும்‌ அடியார் ‌ தம்‌ கண்‌ காணாதுகுன்றில்‌ முட்டிக்‌ குழியில்‌ விழுந்தால்‌, வாழ்ந்து போதீரே!

உரை

மூலத்தில் தமிழ் உரை இல்லை.

4

துருத்தி உறைவீர் பழனம் பதியாச் சோற்றுத் துறைஆள்வீர்இருக்கை திருவா ரூரே உடையீர் மனமே எனவேண்டாஅருத்தி யுடைய அடியார் தங்கள் அல்லல் சொன்னக்கால்வருத்தி வைத்து மறுமை பணித்தால் வாழ்ந்து போதீரே.

சொற்பிரிப்பு

துருத்தி உறைவீர்‌; பழனம்‌ பதியா, சோற்றுத்துறை ஆள்வீர்‌;இருக்கை திரு ஆரூரே உடையீர்‌; மனமே என வேண்டா;அருத்தி உடைய அடியார்‌ தங்கள் ‌ அல்லல்‌ சொன்னக்கால்‌,வருத்தி வைத்து, மறுமை பணித்தால்‌, வாழ்ந்து போதீரே!

உரை

மூலத்தில் தமிழ் உரை இல்லை.

5

செந்தண் பவளந் திகழுஞ் சோலை இதுவோ திருவாரூர்எந்தம் அடிகேள் இதுவே ஆமா(று) உமக்காட் பட்டோர்க்குச்சந்தம் பலவும் பாடும் அடியார் தங்கண் காணாதுவந்தெம் பெருமான் முறையோ வென்றால் வாழ்ந்து போதீரே.

சொற்பிரிப்பு

செந்‌தண்‌ பவளம்‌ திகழும்‌ சோலை இதுவோ, திரு ஆரூர்‌?எம் தம்‌ அடிகேள்‌! இதுவே ஆமாறு, உமக்கு ஆட்பட்டோர்க்கு?சந்தம் பலவும்‌ பாடும்‌ அடியார் ‌ தம்‌ கண்‌ காணாதுவந்து, “எம் பெருமான்‌! முறையோ?" என்றால்‌, வாழ்ந்து போதீரே!

உரை

மூலத்தில் தமிழ் உரை இல்லை.

6

தினைத்தாள் அன்ன செங்கால் நாரை சேருந் திருவாரூர்ப்புனைத்தார் கொன்றைப் பொன்போல் மாலைப் புரிபுன் சடையீரேதனத்தா லின்றித் தாந்தாம் மெலிந்து தங்கண் காணாதுமனத்தால் வாடிஅடியார் இருந்தால் வாழ்ந்து போதீரே.

சொற்பிரிப்பு

தினைத்தாள்‌ அன்ன செங்கால்‌ நாரை சேரும்‌ திரு ஆரூர்ப்‌புனைத்‌ தார்‌ கொன்றைப்‌ பொன்‌ போல் ‌ மாலைப்‌ புரி புன் சடையீரே!தனத்தால்‌ இன்றி, தாம்தாம்‌ மெலிந்து, தம்‌ கண்‌ காணாது,மனத்தால்‌ வாடி, அடியார்‌ இருந்தால்‌, வாழ்ந்து போதீரே!

உரை

மூலத்தில் தமிழ் உரை இல்லை.

7

ஆயம் பேடை அடையுஞ் சோலை ஆரூர் அகத்தீரேஏயெம் பெருமான் இதுவே ஆமா றுமக்காட் பட்டோர்க்குமாயங் காட்டிப் பிறவி காட்டி மறவா மனங்காட்டிக்காயங் காட்டிக் கண்ணீர் கொண்டால் வாழ்ந்து போதீரே.

சொற்பிரிப்பு

ஆயம்‌ பேடை அடையும்‌ சோலை ஆரூர்‌ அகத்தீரே!ஏ, எம்பெருமான்‌! இதுவே ஆமாறு, உமக்கு ஆட்பட்டோர்க்கு?மாயம்‌ காட்டி, பிறவி காட்டி, மறவா மனம்‌ காட்டி,காயம்‌ காட்டி, கண்‌ நீர்‌ கொண்டால்‌, வாழ்ந்து போதீரே!

உரை

மூலத்தில் தமிழ் உரை இல்லை.

8

கழியாய்க் கடலாய்க் கலனாய் நிலனாய்க் கலந்த சொல்லாகிஇழியாக் குலத்திற் பிறந்தோம் உம்மை இகழா தேத்துவோம்பழிதான் ஆவ தறியீர் அடிகேள் பாடும் பத்தரோம்வழிதான் காணா தலமந் திருந்தால் வாழ்ந்து போதீரே.

சொற்பிரிப்பு

கழியாய்‌ , கடலாய்‌, கலனாய்‌, நிலனாய்‌, கலந்த சொல்‌லாகி,இழியாக்‌ குலத்தில்‌ பிறந்தோம்‌ உம்மை இகழாது ஏத்துவோம்‌;பழி தான்‌ ஆவது அறியீர்‌; அடிகேள்‌! பாடும்‌ பத்தரோம்‌;வழி தான்‌ காணாது, அலமந்து இருந்தால்‌, வாழ்ந்து போதீரே!

உரை

மூலத்தில் தமிழ் உரை இல்லை.

9

பேயோ டேனும் பிரிவொன் றின்னா தென்பர் பிறரெல்லாங்காய்தான் வேண்டிற் கனிதான் அன்றோ கருதிக் கொண்டக்கால்நாய்தான் போல நடுவே திரிந்தும் உமக்காட் பட்டோர்க்குவாய்தான் திறவீர் திருவா ரூரீர் வாழ்ந்து போதீரே.

சொற்பிரிப்பு

“பேயோடேனும்‌ பிரிவு ஒன்று இன்னாது”என்பர்‌, பிறர்‌ எல்லாம்‌;காய் தான்‌ வேண்டில்‌, கனி தான்‌ அன்றோ, கருதிக்‌ கொண்டக்கால்‌?நாய் தான்‌ போல நடுவே திரிந்தும்‌, உமக்கு ஆட்பட்டோர்க்குவாய் தான்‌ திறவீர்‌; திரு ஆரூரீர்‌! வாழ்ந்து போதீரே!

உரை

மூலத்தில் தமிழ் உரை இல்லை.

10

செருந்தி செம்பொன் மலருஞ் சோலை இதுவோ திருவாரூர்பொருந்தித் திருமூ லட்டா னம்மே இடமாக் கொண்டீரேஇருந்தும் நின்றுங் கிடந்தும் உம்மை இகழா தேத்துவோம்வருந்தி வந்தும் உமக்கொன் றுரைத்தால் வாழ்ந்து போதீரே.

சொற்பிரிப்பு

செருந்தி செம்பொன் மலரும்‌ சோலை இதுவோ, திரு ஆரூர்‌?பொருந்தித்‌ திரு மூலட்டான(ம்‌)மே இடமாக்‌ கொண்டீரே:இருந்தும்‌, நின்றும்‌, கிடந்தும்‌, உம்மை இகழாது ஏத்துவோம்‌;வருந்தி வந்தும்‌, உமக்கு ஒன்று உரைத்தால்‌, வாழ்ந்து போதீரே!

உரை

மூலத்தில் தமிழ் உரை இல்லை.

11

காரூர் கண்டத் தெண்டோள் முக்கண் கலைகள் பலவாகிஆரூர்த் திருமூ லட்டா னத்தே அடிப்பே ராரூரன்பாரூர் அறிய என்கண் கொண்டீர் நீரே பழிப்பட்டீர்வாரூர் முலையாள் பாகங் கொண்டீர் வாழ்ந்து போதீரே.

சொற்பிரிப்பு

கார்‌ ஊர்‌ கண்டத்து எண் தோள் ‌ முக்கண்‌ கலைகள் பல ஆகி,ஆரூர்த்‌ திரு மூலட்டானத்தே அடிப் பேர்‌ ஆரூரன்‌,பார்‌ ஊர்‌ அறிய, என்‌ கண்‌ கொண்டீர்‌; நீரே பழிப்பட்டீர்‌;வார்‌ ஊர்‌ முலையாள்‌ பாகம்‌ கொண்டீர்‌! வாழ்ந்து போதீரே!

உரை

மூலத்தில் தமிழ் உரை இல்லை.