திருமுறை 7 · 7.086 · 10

திருவன்பார்த்தான்பனங்காட்டூர்

அருளியவர்
சுந்தரர்
பண்
சீகாமரம்
தலம்
வன்பார்த்தான் பனங்காட்டூர்
நாடு
தொண்டைநாடு

ஏழாம் திருமுறை ›

1

விடையின்மேல் வருவானை வேதத்தின் பொருளானைஅடையில்அன் புடையானை யாவர்க்கும் அறியொண்ணா*மடையில்வா ளைகள்பாயும் வன்பார்த்தான் பனங்காட்டூர்ச்சடையிற்கங்கை தரித்தானைச் சாராதார் சார்பென்னே.(*அறிவொண்ணா என்றும் பாடம்)
சொற்பிரிப்பு
விடையின் மேல்‌ வருவானை; வேதத்தின்‌ பொருளானை;அடையில்‌ அன்பு உடையானை; யாவர்க்கும்‌ அறிய ஒண்ணா,மடையில்‌ வாளைகள்‌ பாயும் ‌ வன்பார்த்தான்‌ பனங்காட்டூர்‌,சடையில்‌ கங்கை தரித்தானை; சாராதார்‌ சார்பு என்னே!
உரை

மூலத்தில் தமிழ் உரை இல்லை.

2

அறையும்பைங் கழலார்ப்ப அரவாட அனலேந்திப்பிறையுங்கங் கையுஞ்சூடிப் பெயர்ந்தாடும் பெருமானார்பறையுஞ்சங் கொலிஓவாப் படிறன்றன் பனங்காட்டூர்உறையுமெங்கள் பிரானாரை* உணராதார் உணர்வென்னே.(*பிரானை என்றும் பாடம்)
சொற்பிரிப்பு
அறையும்‌ பைங்கழல்‌ ஆர்ப்ப, அரவு ஆட, அனல்‌ ஏந்தி,பிறையும்‌ கங்கையும்‌ சூடி, பெயர்ந்து, ஆடும்‌ பெருமானார்‌;பறையும்‌ சங்கு ஒலி ஓவாப் ‌ படிறன்‌; தன்‌ பனங்காட்டூர்‌உறையும்‌ எங்கள்‌ பிரானை; உணராதார்‌ உணர்வு என்னே!
உரை

மூலத்தில் தமிழ் உரை இல்லை.

3

தண்ணார்மா மதிசூடித் தழல்போலுந் திருமேனிக்கெண்ணார்நாண் மலர்கொண்டங் கிசைந்தேத்தும் அடியார்கள்பண்ணார்பா டல்அறாத படிறன்றன் பனங்காட்டூர்ப்பெண்ணாணா யபிரானைப் பேசாதார் பேச்சென்னே.
சொற்பிரிப்பு
தண்‌ ஆர்‌ மா மதி சூடி, தழல்‌ போலும்‌ திருமேனிக்குஎண்‌ ஆர்‌ நாள் மலர்‌ கொண்டு அங்கு இசைந்து ஏத்தும்‌ அடியார்கள்பண்‌ ஆர்‌ பாடல்‌ அறாத படிறன்‌; தன்‌ பனங்காட்டூர்‌பெண்‌ ஆண்‌ ஆய பிரானை; பேசாதார்‌ பேச்சு என்னே!
உரை

மூலத்தில் தமிழ் உரை இல்லை.

4

நெற்றிக்கண் ணுடையானை நீறேறுந் திருமேனிக்குற்றமில் குணத்தானைக் கோணாதார் மனத்தானைப்பற்றிப்பாம் பரையார்த்த படிறன்றன் பனங்காட்டூர்ப்பெற்றொன்றே றும்பிரானைப் பேசாதார் பேச்சென்னே.
சொற்பிரிப்பு
நெற்றிக் கண்‌ உடையானை, நீறு ஏறும்‌ திருமேனிக்குற்றம்‌ இல்‌ குணத்தானை, கோணாதார்‌ மனத்தானை,பற்றிப்‌ பாம்பு அரை ஆர்த்த படிறன்‌, தன்‌ பனங்காட்டூர்ப்‌பெற்றொன்று ஏறும்‌ பிரானை, பேசாதார்‌ பேச்சு என்னே!
உரை

மூலத்தில் தமிழ் உரை இல்லை.

5

உரமென்னும் பொருளானை உருகிலுள் ளுறைவானைச்சிரமென்னுங் கலனானைச் செங்கண்மால் விடையானைவரம்முன்ன மருள்செய்வான் வன்பார்த்தான் பனங்காட்டூர்ப்பரமன்எங் கள்பிரானைப் பரவாதார் பரவென்னே.
சொற்பிரிப்பு
உரம்‌ என்னும்‌ பொருளானை, உருகில்‌ உள்‌ உறைவானை,சிரம்‌ என்னும்‌ கலனானை, செங்கண் மால் விடையானை,வரம்‌ முன்னம்‌ அருள்செய்வான்‌, வன்பார்த்தான்‌ பனங்காட்டூர்ப்‌பரமன்‌, எங்கள்‌ பிரானை, பரவாதார்‌ பரவு என்னே!
உரை

மூலத்தில் தமிழ் உரை இல்லை.

6

எயிலார்பொக் கம்எரித்த எண்டோ ள்முக் கண்இறைவன்வெயிலாய்க்காற் றெனவீசி மின்னாய்த்தீ எனநின்றான்மயிலார்சோ லைகள்சூழ்ந்த வன்பார்த்தான் பனங்காட்டூர்ப்பயில்வானுக் கடிமைக்கட் பயிலாதார் பயில்வென்னே.
சொற்பிரிப்பு
எயிலார்‌ பொக்கம்‌ எரித்த எண் தோள்‌ முக்கண்‌ இறைவன்வெயிலாய்‌ , காற்று என வீசி, மின்‌னாய்‌, தீ என நின்றான்மயிலார் சோலைகள் சூழ்ந்த வன்பார்த்தான் பனங்காட்டூர்‌பயில்வானுக்கு அடிமைக்கண் பயிலாதார் பயில்வு என்னே.
உரை

மூலத்தில் தமிழ் உரை இல்லை.

7

மெய்யன்வெண் பொடிபூசும் விகிர்தன்வே தமுதல்வன்கையில்மான் மழுவேந்திக் காலன்கா லம்அறுத்தான்பைகொள்பாம் பரையார்த்த படிறன்றன் பனங்காட்டூர்ஐயன்எங் கள்பிரானை அறியாதார் அறிவென்னே.
சொற்பிரிப்பு
மெய்யன் வெண்பொடி பூசும் விகிர்தன் வேத முதல்வன்கையில் மான் மழு ஏந்திக் காலன் காலம் அறுத்தான்பைகொள் பாம்பு அரை ஆர்த்த படிறன்றன் பனங்காட்டூர்ஐயன் எங்கள் பிரானை அறியாதார் அறிவு என்னே.
உரை

மூலத்தில் தமிழ் உரை இல்லை.

8

வஞ்சமற்ற மனத்தாரை மறவாத பிறப்பிலியைப்பஞ்சிச்சீ றடியாளைப் பாகம்வைத் துகந்தானைமஞ்சுற்ற மணிமாட வன்பார்த்தான் பனங்காட்டூர்நெஞ்சத்தெங் கள்பிரானை நினையாதார் நினைவென்னே.
சொற்பிரிப்பு
வஞ்சம்‌ அற்ற மனத்தாரை மறவாத பிறப்பு இலியை,பஞ்சிச்‌ சீறடியாளைப் ‌ பாகம்‌ வைத்து உகந்தானை,மஞ்சு உற்ற மணி மாட வன்பார்த்தான்‌ பனங்காட்டூர்‌நெஞ்சத்து எங்கள்‌ பிரானை, நினையாதார்‌ நினைவு என்னே!
உரை

மூலத்தில் தமிழ் உரை இல்லை.

9

மழையானுந் திகழ்கின்ற மலரோனென் றிருவர்தாம்உழையாநின் றவருள்க உயர்வானத் துயர்வானைப்பழையானைப் பனங்காட்டூர் பதியாகத் திகழ்கின்றகுழைகாதற் கடிமைக்கட் குழையாதார் குழைவென்னே.
சொற்பிரிப்பு
மழையானும்‌, திகழ்கின்ற மலரோன்‌, என்று இருவர் தாம்‌உழையா நின்றவர்‌ உள்க உயர் வானத்து உயர்வானை;பழையானை; பனங்காட்டூர் ‌ பதி ஆகத்‌ திகழ்கின்றகுழைக்‌ காதற்கு அடிமைக்கண் ‌ குழையாதார்‌ குழைவு என்னே!
உரை

மூலத்தில் தமிழ் உரை இல்லை.

10

பாரூரும் பனங்காட்டூர்ப் பவளத்தின் படியானைச்சீரூருந் திருவாரூர்ச் சிவன்பேர்சென் னியில்வைத்தஆரூரன் அடித்தொண்டன் அடியன்சொல் அடிநாய்சொல்ஊரூரன் உரைசெய்வார் உயர்வானத் துயர்வாரே.
சொற்பிரிப்பு
பார்‌ ஊரும்‌ பனங்காட்டூர்ப் ‌ பவளத்தின்‌ படியானை,சீர்‌ ஊரும்‌ திரு ஆரூர்ச் ‌ சிவன்‌ பேர்‌ சென்னியில்‌ வைத்தஆரூரன்‌ அடித்தொண்டன்‌ அடியன்‌ சொல்‌, அடிநாய்‌ சொல்‌,ஊர் ஊரன்‌ உரை செய்வார்‌,உயர் வானத்து உயர்வாரே.
உரை

மூலத்தில் தமிழ் உரை இல்லை.