திருக்கேதாரம்

அருளியவர்: சுந்தரர்
பண்: நட்டபாடை
தலம்: கேதாரம்
நாடு: வடநாடு

1

வாழ்வாவது மாயம்மிது மண்ணாவது திண்ணம்பாழ்போவது பிறவிக்கடல் பசிநோய்செய்த பறிதான்தாழாதறஞ் செய்ம்மின்தடங் கண்ணான்மல ரோனுங்கீழ்மேலுற நின்றான்றிருக் கேதாரமெ னீரே.

சொற்பிரிப்பு

வாழ்வாவது மாயம்‌ ; இது மண்‌ணாவது திண்ணம்‌;பாழ் போவது பிறவிக்கடல்‌; பசி, நோய்‌, செய்த பறி தான்‌;தாழாது அறம்‌ செய்ம்மின்‌! தடங் கண்ணான்‌. மலரோனும்‌கீழ்‌ மேல்‌ உற நின்றான்‌ திருக்கேதாரம்‌ எனீரே!

உரை

மூலத்தில் தமிழ் உரை இல்லை.

2

பறியேசுமந் துழல்வீர்பறி நரிகீறுவ தறியீர்குறிகூவிய கூற்றங்கொளும் நாளாலறம் உளவேஅறிவானிலும் அறிவானல நறுநீரொடு சோறுகிறிபேசிநின் றிடுவார்தொழு கேதாரமெ னீரே.

சொற்பிரிப்பு

பறியே சுமந்து உழல்வீர்‌; பறி நரி கீறுவது அறியீர்‌;குறி கூவிய கூற்றம்‌ கொளும் ‌ நாளால்‌ அறம்‌ உளவே?அறிவானிலும்‌ அறிவான் நல நறு நீரொடு, சோறு,கிறி பேசி நின்று இடுவார்‌ தொழு கேதாரம்‌ எனீரே!

உரை

மூலத்தில் தமிழ் உரை இல்லை.

3

கொம்பைப்பிடித் தொருக்காலர்கள் இருக்கால்மலர் தூவிநம்பன்னமை ஆள்வானென்று நடுநாளையும் பகலுங்கம்பக்களிற் றினமாய்நின்று சுனைநீர்களைத் தூவிச்செம்பொற்பொடி சிந்துந்திருக் கேதாரமெ னீரே.

சொற்பிரிப்பு

கொம்பைப்‌ பிடித்து ஒருக்‌காலர்கள் ‌ இருக்கால்‌ மலர்‌ தூவி,நம்பன்‌ நமை ஆள்வான்‌ என்று, நடுநாளையும்‌ பகலும்‌;கம்பக்‌ களிற்று இனம்‌ ஆய்‌ நின்று, சுனை நீர்களைத்‌ தூவி,செம்பொன் பொடி சிந்தும்‌ திருக்கேதாரம்‌ எனீரே!

உரை

மூலத்தில் தமிழ் உரை இல்லை.

4

உழக்கேயுண்டு படைத்தீட்டிவைத் திழப்பார்களுஞ் சிலர்கள்வழக்கேயெனிற் பிழைக்கேமென்பர் மதிமாந்திய மாந்தர்சழக்கேபறி நிறைப்பாரொடு தவமாவது செயன்மின்கிழக்கேசல மிடுவார்தொழு கேதாரமெ னீரே.

சொற்பிரிப்பு

உழக்கே உண்டு, படைத்து ஈட்டி வைத்து, இழப்பார்களும்‌, சிலர்கள்‌;வழக்கே? எனில்‌, பிழைக்கேம்‌ என்பர்‌, மதி மாந்திய மாந்தர்‌;சழக்கே பறி நிறைப்பாரொடு தவம்‌ ஆவது செயன்மின்‌!கிழக்கே சலம்‌ இடுவார்‌ தொழு கேதாரம்‌ எனீரே!

உரை

மூலத்தில் தமிழ் உரை இல்லை.

5

வாளோடிய தடங்கண்ணியர் வலையிலழுந் தாதேநாளோடிய நமனார்தமர் நணுகாமுனம் நணுகிஆளாயுய்ம்மின் அடிகட்கிடம் அதுவேயெனில் இதுவேகீளோடர வசைத்தானிடங் கேதாரமெ னீரே.

சொற்பிரிப்பு

வாள்‌ ஓடிய தடங்கண்ணியர் ‌ வலையில்‌ அழுந்தாதே,நாள்‌ ஓடிய நமனார் தமர் ‌ நணுகா முனம்‌ நணுகி,ஆளாய்‌ உய்ம்மின்‌! அடிகட்கு இடம் ‌அதுவே எனில்‌ இதுவே;கீளோடு அரவு அசைத்தான்‌ இடம் ‌ கேதாரம்‌ எனீரே!

உரை

மூலத்தில் தமிழ் உரை இல்லை.

6

தளிசாலைகள் தவமாவது தம்மைப்பெறி லன்றேகுளியீருளங் குருக்கேத்திரங் கோதாவிரி குமரிதெளியீருளஞ் சீபர்ப்பதந் தெற்குவடக் காகக்கிளிவாழையொண் கனிகீறியுண் கேதாரமெ னீரே.

சொற்பிரிப்பு

தளி சாலைகள்‌ தவம்‌ ஆவது, தம்மைப்‌ பெறில்‌ அன்றே?குளியீர்‌, உளம்‌! குருக்கேத்திரம் ‌ கோதாவிரி, குமரி,தெளியீர்‌ உளம்‌! சீ பர்ப்பதம்‌; தெற்கு வடக்கு ஆககிளி வாழை ஒண் கனி கீறி உண்‌ கேதாரம்‌ எனீரே!

உரை

மூலத்தில் தமிழ் உரை இல்லை.

7

பண்ணின்றமிழ் இசைபாடலின் பழவேய்முழ வதிரக்கண்ணின்னொளி கனகச்சுனை வயிரம்மவை சொரியமண்ணின்றன மதவேழங்கள் மணிவாரிக்கொண் டெறியக்கிண்ணென்றிசை முரலுந்திருக் கேதாரமெ னீரே.

சொற்பிரிப்பு

பண்ணின்‌ தமிழ்‌ இசை பாடலின்‌ , பழ வேய்‌ முழவு அதிர,கண்ணின்‌ ஒளி கனகச் சுனை வயிரம்‌ அவை சொரிய,மண்‌ நின்றன மத வேழங்கள் ‌ மணி வாரிக்கொண்டு எறிய,கிண்ணென்று இசை முரலும்‌ திருக்கேதாரம்‌ எனீரே!

உரை

மூலத்தில் தமிழ் உரை இல்லை.

8

முளைக்கைப்பிடி முகமன்சொலி முதுவேய்களை இறுத்துத்துளைக்கைக்களிற் றினமாய்நின்று சுனைநீர்களைத் தூவிவளைக்கைப்பொழி மழைகூர்தர மயில்மான்பிணை நிலத்தைக்கிளைக்கமணி சிந்துந்திருக் கேதாரமெ னீரே.

சொற்பிரிப்பு

முளைக்கைப்‌ பிடி முகமன்‌ சொலி, முது வேய்களை இறுத்து,துளைக்கைக் களிற்று இனமாய்‌ நின்று சுனை நீர்களைத்‌ தூவி,வளைக்கைப்‌ பொழி மழை கூர் தர, மயில்‌ மான்பிணை நிலத்தைக்‌கிளைக்க மணி சிந்தும்‌ திருக்கேதாரம்‌ எனீரே!

உரை

மூலத்தில் தமிழ் உரை இல்லை.

9

பொதியேசுமந் துழல்வீர்பொதி அவமாவதும் அறியீர்மதிமாந்திய வழியேசென்று குழிவீழ்வதும் வினையாற்கதிசூழ்கடல் இலங்கைக்கிறை மலங்கவரை அடர்த்துக்கெதிபேறுசெய் திருந்தானிடங் கேதாரமெ னீரே.

சொற்பிரிப்பு

பொதியே சுமந்து உழல்வீர்‌; பொதி அவம்‌ ஆவதும்‌ அறியீர்‌;மதி மாந்திய வழியே சென்று குழி வீழ்வதும்‌, வினையால்‌;கதி சூழ்‌ கடல்‌ இலங்கைக்கு இறை மலங்க வரை அடர்த்துக்‌கெதி பேறு செய்து இருந்தான்‌ இடம் ‌ கேதாரம்‌ எனீரே!

உரை

மூலத்தில் தமிழ் உரை இல்லை.

10

நாவின்மிசை அரையன்னொடு தமிழ்ஞானசம் பந்தன்யாவர்சிவன் அடியார்களுக் கடியானடித் தொண்டன்தேவன்றிருக் கேதாரத்தை ஊரன்னுரை செய்தபாவின்தமிழ் வல்லார்பர லோகத்திருப் பாரே.

சொற்பிரிப்பு

நாவின் மிசை அரையன்‌னொடு, தமிழ்‌ ஞானசம்பந்தன்‌,யாவர்‌ சிவன்‌ அடியார்களுக்கு, அடியான்‌ அடித்தொண்டன்‌,தேவன்‌ திருக்‌ கேதாரத்தை ஊரன்‌ உரை செய்தபாவின்‌ தமிழ்‌ வல்லார்‌, பரலோகத்து இருப்பாரே.

உரை

மூலத்தில் தமிழ் உரை இல்லை.