திருவையாறு

அருளியவர்: சுந்தரர்
பண்: காந்தாரபஞ்சமம்
தலம்: ஐயாறு
நாடு: சோழநாடு காவிரி வடகரை

1

பரவும் பரிசொன் றறியேன்நான் பண்டே உம்மைப் பயிலாதேன்இரவும் பகலும் நினைந்தாலும் எய்த நினைய மாட்டேன்நான்கரவில் அருவி கமுகுண்ணத் தெங்கங் குலைக்கீழ்க் கருப்பாலைஅரவந் திரைக்கா விரிக்கோட்டத் தையா றுடைய அடிகளோ.

சொற்பிரிப்பு

பரவும்‌ பரிசு ஒன்று அறியேன்‌ நான் ‌ பண்டே உம்மைப்‌ பயிலாதேன்‌;இரவும்‌ பகலும்‌ நினைந்தாலும் ‌ எய்த நினையமாட்டேன்‌, நான்‌கரவு இல்‌ அருவி கமுகு உண்ண, தெங்கு அம்குலைக் கீழ்க்‌ கருப்பாலைஅரவம்‌ திரைக்‌ காவிரிக்‌ கோட்டத்து ஐயாறு உடைய அடிகளோ!

உரை

மூலத்தில் தமிழ் உரை இல்லை.

2

எங்கே போவே னாயிடினும் அங்கே வந்தென் மனத்தீராய்ச்சங்கை யொன்றும் இன்றியே தலைநாள் கடைநாள் ஒக்கவேகங்கை சடைமேற் கரந்தானே கலைமான் மறியுங் கனல்மழுவுந்தங்குந் திரைக்கா விரிக்கோட்டத் தையா றுடைய அடிகளோ.

சொற்பிரிப்பு

எங்கே போவேன்‌ ஆயிடினும்‌, அங்கே வந்து என்‌ மனத்தீராய்‌,சங்கை ஒன்றும்‌ இன்றியே தலைநாள்‌ கடைநாள்‌ ஒக்கவே;கங்கை சடைமேல்‌ கரந்தானே! கலைமான் மறியும்‌ கனல் மழுவும்‌தங்கும்‌, திரைக்‌ காவிரிக்‌ கோட்டத்து, ஐயாறு உடைய அடிகளோ!

உரை

மூலத்தில் தமிழ் உரை இல்லை.

3

மருவிப் பிரிய மாட்டேன்நான் வழிநின் றொழிந்தேன் ஒழிகிலேன்பருவி விச்சி மலைச்சாரற் பட்டை கொண்டு பகடாடிக்குருவி ஓப்பிக் கிளிகடிவார் குழன்மேல் மாலை கொண்டோ ட்டந்தரவந் திரைக்கா விரிக்கோட்டத் தையா றுடைய அடிகளோ.

சொற்பிரிப்பு

மருவிப்‌ பிரிய மாட்டேன்‌, நான்‌; வழி நின்றொழிந்தேன்‌; ஒழிகிலேன்‌பருவி விச்சி மலைச்சாரல் ‌ பட்டை கொண்டு பகடு ஆடி,குருவி ஓப்பி, கிளி கடிவார் ‌ குழல் மேல்‌ மாலை கொண்டு ஒட்டந்தர, அம்‌ திரைக்‌ காவிரிக்‌ கோட்டத்து ஐயாறு உடைய அடிகளோ!

உரை

மூலத்தில் தமிழ் உரை இல்லை.

4

பழகா நின்று பணிசெய்வார் பெற்ற பயனொன் றறிகிலேன்இகழா துமக்காட் பட்டோர்க்கு வேக படமொன் றரைச்சாத்திகுழகா வாழைக் குலைத்தெங்கு கொணர்ந்து கரைமேல் எறியவேஅழகார் திரைக்கா விரிக்கோட்டத் தையா றுடைய அடிகளோ.

சொற்பிரிப்பு

பழகா நின்று பணி செய்வார்‌, பெற்ற பயன்‌ ஒன்று அறிகிலேன்‌,இகழாது உமக்கு ஆட்பட்டோர்க்கு; ஏக படம்‌ ஒன்று அரைச்‌ சாத்தி!குழகா! வாழை, குலை, தெங்கு கொணர்ந்து கரைமேல்‌ எறியவே,அழகு ஆர்‌ திரைக்‌ காவிரிக்‌ கோட்டத்து ஐயாறு உடைய அடிகளோ!

உரை

மூலத்தில் தமிழ் உரை இல்லை.

5

பிழைத்த பிழையொன் றறியேன்நான் பிழையைத் தீரப் பணியாயேமழைக்கண் நல்லார் குடைந்தாட மலையும் நிலனுங் கொள்ளாமைக்கழைக்கொள் பிரசங் கலந்தெங்குங் கழனி மண்டிக் கையேறிஅழைக்குந் திரைக்கா விரிக்கோட்டத் தையா றுடைய அடிகளோ.

சொற்பிரிப்பு

பிழைத்த பிழை ஒன்று அறியேன்‌, நான்‌; பிழையைத்‌ தீரப்‌ பணியாயே!மழைக்‌ கண்‌ நல்லார்‌ குடைந்து ஆட, மலையும்‌ நிலனும்‌ கொள்ளாமைகழைக்‌ கொள்‌ பிரசம்‌ கலந்து, எங்கும் ‌ கழனி மண்டி, கை ஏறி,அழைக்கும்‌ திரைக்‌ காவிரிக்‌ கோட்டத்து ஐயாறு உடைய அடிகளோ!

உரை

மூலத்தில் தமிழ் உரை இல்லை.

6

கார்க்கொள் கொன்றைச் சடைமேலொன் றுடையாய் விடையாய் கையினால்மூர்க்கர் புரமூன் றெரிசெய்தாய் முன்னீ பின்னீ முதல்வன்நீவார்க்கொள் அருவி பலவாரி மணியும் முத்தும் பொன்னுங்கொண்டார்க்குந் திரைக்கா விரிக்கோட்டத் தையா றுடைய அடிகளோ.

சொற்பிரிப்பு

கார்க்‌ கொள்‌ கொன்றை சடைமேல்‌ ஒன்று உடையாய்‌! விடையாய்‌! கையினால்‌மூர்க்கர்‌ புரம் மூன்று எரி செய்தாய்‌! முன்‌ நீ; பின்‌ நீ; முதல்வன்‌ நீவார்க்‌ கொள்‌ அருவி பல வாரி, மணியும்‌ முத்தும்‌ பொன்னும்‌ கொண்டு,ஆர்க்கும்‌ திரைக்‌ காவிரிக்‌ கோட்டத்து ஐயாறு உடைய அடிகளோ!

உரை

மூலத்தில் தமிழ் உரை இல்லை.

7

மலைக்கண் மடவாள் ஒருபாலாய்ப் பற்றி உலகம் பலிதேர்வாய்சிலைக்கொள் கணையால் எயிலெய்த செங்கண் விடையாய் தீர்த்தன்நீமலைக்கொள் ளருவி பலவாரி மணியும் முத்தும் பொன்னுங்கொண்டலைக்குந் திரைக்கா விரிக்கோட்டத் தையா றுடைய அடிகளோ.

சொற்பிரிப்பு

மலைக்கண்‌ மடவாள்‌ ஒரு பாலாய்ப்‌ பற்றி உலகம்‌ பலி தேர்வாய்‌!சிலைக்‌ கொள்‌ கணையால்‌ எயில்‌ எய்த செங்கண்‌ விடையாய்‌! தீர்த்தன்‌ நீமலைக்‌ கொள்‌ அருவி பல வாரி, மணியும்‌ முத்தும்‌ பொன்னும்‌ கொண்டு,அலைக்கும்‌ திரைக்‌ காவிரிக்‌ கோட்டத்து ஐயாறு உடைய அடிகளோ!

உரை

மூலத்தில் தமிழ் உரை இல்லை.

8

போழும் மதியும் புனக்கொன்றைப் புனல்சேர் சென்னிப் புண்ணியாசூழும் அரவச் சுடர்ச்சோதீ உன்னைத் தொழுவார் துயர்போகவாழு மவர்கள் அங்கங்கே வைத்த சிந்தை உய்த்தாட்டஆழுந் திரைக்கா விரிக்கோட்டத் தையா றுடைய அடிகளோ.

சொற்பிரிப்பு

போழும்‌ மதியும்‌, புனக்‌ கொன்றை, புனல்‌, சேர்‌ சென்னிப்‌ புண்ணியா!சூழும்‌ அரவச்‌ சுடர்ச்சோதீ! உன்னைத்‌ தொழுவார்‌ துயர்‌ போக,வாழும் அவர்கள்‌, அங்கு அங்கே வைத்த சிந்தை உய்த்து ஆட்ட!ஆழும்‌ திரைக்‌ காவிரிக்‌ கோட்டத்து ஐயாறு உடைய அடிகளோ!

உரை

மூலத்தில் தமிழ் உரை இல்லை.

9

கதிர்கொள் பசியே ஒத்தேநான் கண்டேன் உம்மைக் காணாதேன்எதிர்த்து நீந்த மாட்டேன்நான் எம்மான் றம்மான் றம்மானேவிதிர்த்து மேகம் மழைபொழிய வெள்ளம் பரந்து நுரைசிதறிஅதிர்க்குந் திரைக்கா விரிக்கோட்டத் தையா றுடைய அடிகளோ.

சொற்பிரிப்பு

கதிர்‌க்‌ கொள்‌ பசியே ஒத்தே நான் ‌ கண்டேன்‌, உம்மைக்‌ காணாதேன்‌;எதிர்த்து நீந்த மாட்டேன்‌, நான்‌ எம்மான்‌ தம்மான் தம்மானே!விதிர்த்து மேகம்‌ மழை பொழிய, வெள்ளம்‌ பரந்து, நுரை சிதறி,அதிர்க்கும்‌ திரைக்‌ காவிரிக்‌ கோட்டத்து ஐயாறு உடைய அடிகளோ!

உரை

மூலத்தில் தமிழ் உரை இல்லை.

10

கூசி அடியார் இருந்தாலுங் குணமொன் றில்லீர் குறிப்பில்லீர்தேச வேந்தன் திருமாலும் மலர்மேல் அயனுங் காண்கிலாத்தேச மெங்குந் தெளித்தாடத் தெண்ணீர் அருவி கொணர்ந்தெங்கும்வாசந் திரைக்கா விரிக்கோட்டத் தையா றுடைய அடிகளோ.

சொற்பிரிப்பு

கூசி அடியார்‌ இருந்தாலும்‌ குணம்‌ ஒன்று இல்லீர்‌; குறிப்பு இல்லீர்‌;தேச வேந்தன் திருமாலும்‌, மலர்மேல்‌ அயனும்‌, காண்கிலார்‌தேசம்‌ எங்கும்‌ தெளித்து ஆடத் ‌ தெண்‌ நீர்‌ அருவி கொணர்ந்து எங்கும்‌வாசம்‌ திரைக்‌ காவிரிக்‌ கோட்டத்து ஐயாறு உடைய அடிகளோ!

உரை

மூலத்தில் தமிழ் உரை இல்லை.

11

கூடி அடியார் இருந்தாலுங் குணமொன் றில்லீர் குறிப்பில்லீர்ஊடி இருந்தும் உணர்கிலேன் உம்மைத் தொண்டன் ஊரனேன்தேடி யெங்குங் காண்கிலேன் திருவா ரூரே சிந்திப்பன்ஆடுந் திரைக்கா விரிக்கோட்டத் தையா றுடைய அடிகளோ.

சொற்பிரிப்பு

கூடி அடியார்‌ இருந்தாலும்‌, குணம்‌ ஒன்று இல்லீர்‌; குறிப்பு இல்லீர்‌;ஊடி இருந்தும்‌ உணர்கிலேன்‌, உம்மை, தொண்டன்‌, ஊரனேன்‌,தேடி எங்கும்‌ காண்கிலேன்‌; திரு ஆரூரே சிந்திப்பன்‌ஆடும்‌ திரைக்‌ காவிரிக்‌ கோட்டத்து ஐயாறு உடைய அடிகளோ!

உரை

மூலத்தில் தமிழ் உரை இல்லை.