திருவாவடுதுறை

அருளியவர்: சுந்தரர்
பண்: தக்கேசி
தலம்: ஆவடுதுறை
நாடு: சோழநாடு காவிரித் தென்கரை

1

கங்கை வார்சடை யாய்கண நாதா கால காலனே காமனுக் கனலேபொங்கு மாகடல் விடமிடற் றானே பூத நாதனே புண்ணியா புனிதாசெங்கண் மால்விடை யாய்தெளி தேனே தீர்த்த னேதிரு வாவடு துறையுள்அங்க ணாஎனை அஞ்சலென் றருளாய் ஆரெ னக்குற வமரர்கள் ஏறே.

சொற்பிரிப்பு

கங்கை வார் சடையாய்‌! கணநாதா! காலகாலனே! காமனுக்கு அனலே!பொங்கு மாகடல் விடம்‌ மிடற்றானே! பூதநாதனே! புண்ணியா! புனிதா!செங்கண்‌ மால்விடையாய்‌! தெளி தேனே! தீர்த்தனே! திரு ஆவடுதுறையுள்‌அங்கணா! எனை, அஞ்சல்‌! என்று அருளாய்‌! ஆர்‌ எனக்கு உறவு? அமரர்கள்‌ ஏறே!

உரை

மூலத்தில் தமிழ் உரை இல்லை.

2

மண்ணின் மேல்மயங் கிக்கிடப் பேனை வலிய வந்தெனை ஆண்டுகொண் டானேகண்ணி லேன்உடம் பில்லடு நோயாற் கருத்த ழிந்துனக் கேபொறை ஆனேன்தெண்ணி லாஎறிக் குஞ்சடை யானே தேவ னேதிரு வாவடு துறையுள்அண்ண லேயெனை அஞ்சலென் றருளாய் ஆரெ னக்குற வமரர்கள் ஏறே.

சொற்பிரிப்பு

மண்ணின் மேல்‌ மயங்கிக்‌ கிடப்பேனை வலிய வந்து என்னை ஆண்டு கொண்டானே !கண்‌ இலேன்‌; உடம்பில்‌ அடு நோயால்‌ கருத்து அழிந்து, உனக்கே பொறை ஆனேன்‌;தெண்‌ நிலா எறிக்கும்‌ சடையானே! தேவனே! திரு ஆவடுதுறையுள்‌அண்ணலே! எனை, “அஞ்சல்‌!” என்று அருளாய்‌! ஆர்‌ எனக்கு உறவு? அமரர்கள்‌ ஏறே!

உரை

மூலத்தில் தமிழ் உரை இல்லை.

3

ஒப்பி லாமுலை யாளொரு பாகா உத்த மாமத்த மார்தரு சடையாய்முப்பு ரங்களைத் தீவளைத் தங்கே மூவ ருக்கருள் செய்யவல் லானேசெப்ப ஆல்நிழற் கீழிருந் தருளுஞ் செல்வ னேதிரு வாவடு துறையுள்அப்ப னேயெனை அஞ்சலென் றருளாய் ஆரெ னக்குற வமரர்கள் ஏறே.

சொற்பிரிப்பு

ஒப்பு இலா முலையாள்‌ ஒரு பாகா ! உத்தமா! மத்தம்‌ ஆர் தரு சடையாய்‌!முப்புரங்களைத்‌ தீ வளைத்து அங்கே மூவருக்கு அருள் செய்ய வல்லானே!செப்ப ஆல் நிழல் கீழ்‌ இருந்து அருளும்‌ செல்வனே! திரு ஆவடுதுறையுள்‌அப்பனே! எனை, “அஞ்சல்‌!” என்று அருளாய்‌! ஆர்‌ எனக்கு உறவு? அமரர்கள்‌ ஏறே!

உரை

மூலத்தில் தமிழ் உரை இல்லை.

4

கொதியி னால்வரு காளிதன் கோபங் குறைய ஆடிய கூத்துடை யானேமதியி லேன்உடம் பில்லடு நோயால் மயங்கி னேன்மணி யேமண வாளாவிதியி னாலிமை யோர்தொழு தேத்தும் விகிர்த னேதிரு வாவடு துறையுள்அதிப னேயெனை அஞ்சலென் றருளாய் ஆரெ னக்குற வமரர்கள் ஏறே.

சொற்பிரிப்பு

கொதியினால்‌ வரு காளி தன்‌ கோபம்‌ குறைய ஆடிய கூத்து உடையானே!மதி இலேன்‌; உடம்பில்‌ அடு நோயால்‌ மயங்கினேன்‌; மணியே! மணவாளா!விதியினால்‌ இமையோர்‌ தொழுது ஏத்தும்‌ விகிர்தனே! திரு ஆவடுதுறையுள்‌.அதிபனே! எனை, “அஞ்சல்‌!* என்று அருளாய்‌! ஆர்‌ எனக்கு உறவு? அமரர்கள்‌ ஏறே!

உரை

மூலத்தில் தமிழ் உரை இல்லை.

5

வந்த வாளரக் கன்வலி தொலைத்து வாழும் நாள்கொடுத் தாய்வழி முதலேவெந்த வெண்பொடி பூசவல் லானே வேட னாய்விச யற்கருள் புரிந்தஇந்து சேகர னேஇமை யோர்சீர் ஈச னேதிரு வாவடு துறையுள்அந்த ணாஎனை அஞ்சலென் றருளாய் ஆரெ னக்குற வமரர்கள் ஏறே.

சொற்பிரிப்பு

வந்த வாள்‌ அரக்கன்‌ வலி தொலைத்து வாழும்‌ நாள்‌ கொடுத்தாய்‌! வழி முதலே!வெந்த வெண்பொடிப்‌ பூச வல்லானே! வேடனாய்‌ விசயற்கு அருள்புரிந்தஇந்து சேகரனே! இமையோர்‌ சீர்‌ ஈசனே! திரு ஆவடுதுறையுள்‌அத்தணா! எனை, “அஞ்சல்‌!” என்று அருளாய்‌! ஆர்‌ எனக்கு உறவு? அமரர்கள்‌ ஏறே!

உரை

மூலத்தில் தமிழ் உரை இல்லை.

6

குறைவி லாநிறை வேகுணக் குன்றே கூத்த னேகுழைக் காதுடை யானேஉறவி லேன்உனை அன்றிமற் றடியேன் ஒருபி ழைபொறுத் தால்இழி வுண்டேசிறைவண் டார்பொழில் சூழ்திரு வாரூர்ச் செம்பொ னேதிரு வாவடு துறையுள்அறவ னேயெனை அஞ்சலென் றருளாய் ஆரெ னக்குற வமரர்கள் ஏறே.

சொற்பிரிப்பு

குறைவு இலா நிறைவே! குணக்குன்றே! கூத்தனே ! குழைக்‌ காது உடையானே!உறவு இலேன்‌, உனை அன்‌றி; மற்று அடியேன்‌ ஒரு பிழை பொறுத்தால்‌ இழிவு உண்டே?சிறை வண்டு ஆர்‌ பொழில்‌ சூழ்‌ திரு ஆரூர்ச்‌ செம்பொனே! திரு ஆவடுதுறையுள்‌அறவனே! எனை, “அஞ்சல்‌!” என்று அருளாய்‌! ஆர்‌ எனக்கு உறவு? அமரர்கள்‌ ஏறே!

உரை

மூலத்தில் தமிழ் உரை இல்லை.

7

வெய்ய மாகரி ஈருரி யானே வேங்கை ஆடையி னாய்விதி முதலேமெய்ய னேஅடல் ஆழியன் றரிதான் வேண்ட நீகொடுத் தருள்புரி விகிர்தாசெய்ய மேனிய னேதிகழ் ஒளியே செங்க ணாதிரு வாவடு துறையுள்ஐய னேயெனை அஞ்சலென் றருளாய் ஆரெ னக்குற வமரர்கள் ஏறே.

சொற்பிரிப்பு

வெய்ய மா கரி ஈர்‌ உரியானே! வேங்கை ஆடையினாய்‌! விதி முதலே!மெய்யனே! அடல்‌ ஆழி அன்று அரி தான்‌ வேண்ட, நீ கொடுத்து அருள்புரி விகிர்தா!செய்ய மேனியனே ! திகழ்‌ ஒளியே! செங்கணா! திரு ஆவடுதுறையுள்‌ஐயனே! எனை, “அஞ்சல்‌!” என்று அருளாய்‌! ஆர்‌ எனக்கு உறவு? அமரர்கள்‌ ஏறே!

உரை

மூலத்தில் தமிழ் உரை இல்லை.

8

கோதி லாவமு தேஅருள் பெருகு கோல மேஇமை யோர்தொழு கோவேபாதி மாதொரு கூறுடை யானே பசுப தீபர மாபர மேட்டீதீதி லாமலை யேதிரு வருள்சேர் சேவ காதிரு வாவடு துறையுள்ஆதி யேயெனை அஞ்சலென் றருளாய் ஆரெ னக்குற வமரர்கள் ஏறே.

சொற்பிரிப்பு

கோது இலா அமுதே! அருள்‌ பெருகு கோலமே! இமையோர்‌ தொழு கோவே!பாதி மாது ஒரு கூறு உடையானே! பசுபதி! பரமா! பரமேட்டி!தீது இலா மலையே! திரு அருள்‌ சேர்‌ சேவகா! திரு ஆவடுதுறையுள்‌ஆதியே! எனை, "அஞ்சல்‌!” என்று அருளாய்‌! ஆர்‌ எனக்கு உறவு? அமரர்கள்‌ ஏறே!

உரை

மூலத்தில் தமிழ் உரை இல்லை.

9

வான நாடனே வழித்துணை மருந்தே மாசி லாமணி யேமறைப் பொருளேஏன மாவெயி றாமையும் எலும்பும் ஈடு தாங்கிய மார்புடை யானேதேனெய் பால்தயிர் ஆட்டுகந் தானே தேவ னேதிரு வாவடு துறையுள்ஆனை யேயெனை அஞ்சலென் றருளாய் ஆரெ னக்குற வமரர்கள் ஏறே.

சொற்பிரிப்பு

வானநாடனே! வழித்துணை மருந்தே! மாசு இலா மணியே! மறைப்பொருளே!ஏன மா எயிறு, ஆமையும்‌, எலும்பும்‌, ஈடு தாங்கிய மார்பு உடையானே!தேன்‌ நெய்‌ பால்‌ தயிர்‌ ஆட்டு உகந்தானே! தேவனே! திரு ஆவடுதுறையுள்‌ஆனையே! எனை, "அஞ்சல்‌!” என்று அருளாய்‌! ஆர்‌ எனக்கு உறவு? அமரர்கள்‌ ஏறே!

உரை

மூலத்தில் தமிழ் உரை இல்லை.

10

வெண்ட லைப்பிறை கொன்றையும் அரவும் வேரி மத்தமும் விரவிமுன் முடித்தஇண்டை மாமலர்ச் செஞ்சடை யானை ஈச னைத்திரு வாவடு துறையுள்அண்ட வாணனைச் சிங்கடி யப்பன் அணுக்க வன்றொண்டன் ஆர்வத்தால் உரைத்ததண்ட மிழ்மலர் பத்தும்வல் லார்கள் சாத லும்பிறப் புமறுப் பாரே.

சொற்பிரிப்பு

வெண் தலை, பிறை, கொன்றையும்‌, அரவும்‌, வேரி மத்தமும்‌, விரவி முன்‌ முடித்தஇண்டை மாமலர்ச்‌ செஞ்சடையானை; ஈசனை; திரு ஆவடுதுறையுள்‌அண்ட வாணனை; சிங்கடி அப்பன்‌ அணுக்க வன்தொண்டன்‌ ஆர்வத்தால்‌ உரைத்ததண்‌ தமிழ் மலர் பத்தும்‌ வல்லார்கள் சாதலும்‌ பிறப்பும்‌ அறுப்பாரே.

உரை

மூலத்தில் தமிழ் உரை இல்லை.