ஊர்த்தொகை

அருளியவர்: சுந்தரர்
பண்: பழம்பஞ்சுரம்
தலம்: பொது
நாடு: பொது

1

காட்டூர்க் கடலே கடம்பூர் மலையே கானப் பேரூராய்கோட்டூர்க் கொழுந்தே அழுந்தூ ரரசே கொழுநற் கொல்லேறேபாட்டூர் பலரும் பரவப் படுவாய் பனங்காட் டூரானேமாட்டூர் அறவா மறவா துன்னைப் பாடப் பணியாயே.

சொற்பிரிப்பு

காட்டூர்க்‌ கடலே! கடம்பூர்‌ மலையே! கானப்பேரூராய்‌!கோட்டூர்க்‌ கொழுந்தே! அழுந்தூர்‌ அரசே! கொழு நல்‌ கொல்‌ ஏறே!பாட்டு ஊர்‌ பலரும்‌ பரவப்படுவாய்‌! பனங்காட்டூரானே!மா(ட்‌)டு ஊர்‌ அறவா! மறவாது உன்னைப் பாடப்‌ பணியாயே!

உரை

மூலத்தில் தமிழ் உரை இல்லை.

2

கொங்கிற் குறும்பிற் குரக்குத் தளியாய் குழகா குற்றாலாமங்குற் றிரிவாய் வானோர் தலைவா வாய்மூர் மணவாளாசங்கக் குழையார் செவியா அழகா அவியா அனலேந்திக்கங்குற் புறங்காட் டாடீ அடியார் கவலை களையாயே.

சொற்பிரிப்பு

கொங்கில்‌ குறும்பில்‌ குரக்குத் தளியாய்‌! குழகா! குற்றாலா!மங்குல்‌ திரிவாய்‌! வானோர் தலைவா! வாய்மூர்‌ மணவாளா!சங்கக் குழைஆர்‌ செவியா! அழகா! அவியா அனல்‌ ஏந்திக்‌கங்குல்‌ புறங்காட்டு ஆடீ! அடியார் ‌ கவலை களையாயே!

உரை

மூலத்தில் தமிழ் உரை இல்லை.

3

நிறைக்காட் டானே நெஞ்சத் தானே நின்றி யூரானேமிறைக்காட் டானே புனல்சேர் சடையாய் அனல்சேர் கையானேமறைக்காட் டானே திருமாந் துறையாய் மாகோ ணத்தானேஇறைக்காட் டாயே எங்கட் குன்னை எம்மான் றம்மானே.

சொற்பிரிப்பு

நிறைக்‌ காட்டானே! நெஞ்சத்தானே! நின்றியூரானே!மிறை(க்‌) காட்டானே! புனல்‌ சேர்‌ சடையாய்‌! அனல்‌ சேர்‌ கையானே!மறைக்காட்டானே! திருமாந்துறையாய்‌! மாகோணத்தானே!இறை(க்‌) காட்டாயே, எங்கட்கு உன்னை! எம்மான் தம்மானே!

உரை

மூலத்தில் தமிழ் உரை இல்லை.

4

ஆரூர் அத்தா ஐயாற் றமுதே அளப்பூர் அம்மானேகாரூர் பொழில்கள் புடைசூழ் புறவிற் கருகா வூரானேபேரூர் உறைவாய் பட்டிப் பெருமான் பிறவா நெறியானேபாரூர் பலரும் பரவப் படுவாய் பாசூ ரம்மானே.

சொற்பிரிப்பு

ஆரூர்‌ அத்தா! ஐயாற்று அமுதே! அளப்பூர்‌ அம்மானே!கார்‌ ஊர்‌ பொழில்கள்‌ புடை சூழ்‌ புறவில் ‌ கருகாவூரானே!பேரூர்‌ உறைவாய்‌! பட்டிப்‌ பெருமான்‌! பிறவா நெறியானே!பார்‌ ஊர்‌ பலரும்‌ பரவப்படுவாய்‌!பாசூர்‌ அம்மானே!

உரை

மூலத்தில் தமிழ் உரை இல்லை.

5

மருகல் உறைவாய் மாகா ளத்தாய் மதியஞ் சடையானேஅருகற் பிணிநின் னடியார் மேல அகல அருளாயேகருகற் குரலாய் வெண்ணிக் கரும்பே கானூர்க் கட்டியேபருகப் பணியாய் அடியார்க் குன்னைப் பவளப் படியானே.

சொற்பிரிப்பு

மருகல்‌ உறைவாய்‌! மாகாளத்தாய்‌! மதியம்‌ சடையானே!அருகல்‌ பிணி நின்‌ அடியார் மேல அகல அருளாயே!கருகல் குரலாய்‌! வெண்ணிக்‌ கரும்பே! கானூர்க்‌ கட்டியே!பருகப்‌ பணியாய்‌, அடியார்க்கு உன்னை! பவளப் படியானே!

உரை

மூலத்தில் தமிழ் உரை இல்லை.

6

தாங்கூர் பிணிநின் னடியார் மேல அகல அருளாயேவேங்கூர் உறைவாய் விளமர் நகராய் விடையார் கொடியானேநாங்கூர் உறைவாய் தேங்கூர் நகராய் நல்லூர் நம்பானேபாங்கூர் பலிதேர் பரனே பரமா பழனப் பதியானே.

சொற்பிரிப்பு

தாம்‌ கூர்‌ பிணி நின்‌ அடியார் மேல அகல அருளாயேவேங்கூர்‌ உறைவாய்‌! விளமர்‌ நகராய்‌! விடை ஆர்‌ கொடியானே!நாங்கூர்‌ உறைவாய்‌! தேங்கூர் நகராய்‌! நல்லூர்‌ நம்பானே!பாங்கு ஊர்‌ பலி தேர்‌ பரனே! பரமா! பழனப் பதியானே!

உரை

மூலத்தில் தமிழ் உரை இல்லை.

7

தேனைக் காவல் கொண்டு விண்ட கொன்றைச் செழுந்தாராய்வானைக் காவல் கொண்டு நின்றார் அறியா நெறியானேஆனைக் காவில் அரனே பரனே அண்ணா மலையானேஊனைக் காவல் கைவிட் டுன்னை உகப்பார் உணர்வாரே.

சொற்பிரிப்பு

தேனைக்‌ காவல்‌ கொண்டு விண்ட கொன்றைச்‌ செழுந்‌ தாராய்‌!வானைக்‌ காவல்‌ கொண்டு நின்றார் ‌ அறியா நெறியானே!ஆனைக்காவில்‌ அரனே! பரனே! அண்ணாமலையானே !ஊனைக்‌ காவல்‌ கைவிட்டு, உன்னை உகப்பார்‌ உணர்வாரே.

உரை

மூலத்தில் தமிழ் உரை இல்லை.

8

துருத்திச் சுடரே நெய்த்தா னத்தாய் சொல்லாய் கல்லாலாபருத்தி நியமத் துறைவாய் வெயிலாய்ப் பலவாய்க் காற்றானாய்திருத்தித் திருத்தி வந்தென் சிந்தை இடங்கொள் கயிலாயாஅருத்தித் துன்னை அடைந்தார் வினைக ளகல அருளாயே.

சொற்பிரிப்பு

துருத்திச்‌ சுடரே! நெய்த்தானத்தாய்‌! சொல்லாய்‌, கல்லாலா!பரு(த்‌)தி நியமத்து உறைவாய்‌! வெயிலாய்‌, பலவாய்‌, காற்றானாய்‌;திருத்தித் திருத்தி வந்து, என்‌ சிந்தை இடம்கொள்‌ கயிலாயா!அருத்தித்து, உன்னை அடைந்தார்‌ வினைகள்‌ அகல அருளாயே!

உரை

மூலத்தில் தமிழ் உரை இல்லை.

9

புலியூர்ச் சிற்றம் பலத்தாய் புகலூர்ப் போதா மூதூராபொலிசேர் புரமூன் றெரியச் செற்ற புரிபுன் சடையானேவலிசேர் அரக்கன் தடக்கை ஐஞ்ஞான் கடர்த்த மதிசூடீகலிசேர் புறவிற் கடவூ ராளீ காண அருளாயே.

சொற்பிரிப்பு

புலியூர்ச்‌ சிற்றம்பலத்தாய்‌! புகலூர்ப் ‌ போதா! மூதூரா!பொலி சேர்‌ புரம் மூன்று எரியச்‌ செற்ற புரி புன்சடையானே!வலி சேர்‌ அரக்கன்‌ தடக்கை ஐஞ்ஞான்கு அடர்த்த மதிசூடீ!கலி சேர்‌ புறவில்‌ கடவூர்‌ஆளீ! காண அருளாயே!

உரை

மூலத்தில் தமிழ் உரை இல்லை.

10

கைம்மா உரிவை யம்மான் காக்கும் பலவூர் கருத்துன்னிமைம்மாந் தடங்கண் மதுர மன்ன மொழியாள் மடச்சிங்கடிதம்மான் ஊரன் சடையன் சிறுவன் அடியன் றமிழ்மாலைசெம்மாந் திருந்து திருவாய் திறப்பார் சிவலோ கத்தாரே.

சொற்பிரிப்பு

கைம்மா உரிவை அம்மான்‌ காக்கும் ‌ பலஊர்‌ கருத்து உன்னி,மைம்‌ மாந்‌ தடங்கண்‌ மதுரம்‌ அன்ன மொழியாள்‌ மடச்சிங்கடிதம்மான்‌ ஊரன்‌, சடையன் சிறுவன்‌ , அடியன்‌ தமிழ்மாலைசெம்மாந்து இருந்து திருவாய்‌ திறப்பார் ‌ சிவலோகத்தாரே.

உரை

மூலத்தில் தமிழ் உரை இல்லை.