திருநாகைக்காரோணம்

அருளியவர்: சுந்தரர்
பண்: கொல்லிக்கௌவாணம்
தலம்: நாகைக்காரோணம்
நாடு: சோழநாடு காவிரித் தென்கரை

1

பத்தூர்புக் கிரந்துண்டு பலபதிகம் பாடிப் பாவையரைக் கிறிபேசிப் படிறாடித் திரிவீர்செத்தார்தம் எலும்பணிந்து சேவேறித் திரிவீர் செல்வத்தை மறைத்துவைத்தீர் எனக்கொருநா ளிரங்கீர்முத்தாரம் இலங்கிமிளிர் மணிவயிரக் கோவை அவைபூணத் தந்தருளி மெய்க்கினிதா நாறுங்கத்தூரி கமழ்சாந்து பணித்தருள வேண்டும் கடல்நாகைக் காரோணம் மேவியிருந் தீரே.

சொற்பிரிப்பு

பத்து ஊர்‌ புக்கு, இரந்து, உண்டு, பல பதிகம்‌ பாடி, பாவையரைக்‌ கிறி பேசிப்‌ படிறு ஆடித்‌ திரிவீர்‌;செத்தார் தம்‌ எலும்பு அணிந்து சே ஏறித்‌ திரிவீர்‌; செல்வத்தை மறைத்து வைத்தீர்‌; எனக்கு ஒரு நாள்‌ இரங்கீர்‌;முத்து ஆரம்‌, இலங்கி மிளிர்‌ மணி வயிரக் கோவை அவை, பூணத்‌ தந்தருளி, மெய்க்கு இனிதா நாறும்‌கத்தூரி கமழ் சாந்து பணித்தருள வேண்டும்‌ கடல்‌ நாகைக் காரோணம்‌ மேவி இருந்தீரே!

உரை

மூலத்தில் தமிழ் உரை இல்லை.

2

வேம்பினொடு தீங்கரும்பு விரவியெனைத் தீற்றி விருத்திநான் உமைவேண்டத் துருத்திபுக்கங் கிருந்தீர்பாம்பினொடு படர்சடைக ளவைகாட்டி வெருட்டிப் பகட்டநான் ஒட்டுவனோ பலகாலும் உழன்றேன்சேம்பினொடு செங்கழுநீர் தண்கிடங்கிற் றிகழுந் திருவாரூர் புக்கிருந்த தீவண்ணர் நீரேகாம்பினொடு நேத்திரங்கள் பணித்தருள வேண்டுங் கடல்நாகைக் காரோணம் மேவியிருந் தீரே.

சொற்பிரிப்பு

வேம்பினொடு தீம் கரும்பு விரவி எனைத்‌ தீற்றி, விருத்தி நான்‌ உமை வேண்ட, துருத்தி புக்கு அங்கு இருந்தீர்‌;பாம்பினொடு படர்சடைகள்‌ அவை காட்டி வெருட்டிப்‌ பகட்ட நான்‌ ஒட்டுவனோ? பல காலும்‌ உழன்றேன்‌;சேம்பினோடு செங்கழுநீர்‌ தண்‌ கிடங்கில்‌ திகழும்‌ திரு ஆரூர்‌ புக்கு இருந்த தீவண்ணர்‌ நீரே;காம்பினொடு நேத்திரங்கள்‌ பணித்து அருளவேண்டும்‌ கடல்‌ நாகைக் காரோணம்‌ மேவி இருந்தீரே!

உரை

மூலத்தில் தமிழ் உரை இல்லை.

3

பூண்பதோர் இளஆமை பொருவிடையொன் றேறிப் பொல்லாத வேடங்கொண் டெல்லாருங் காணப்பாண்பேசிப் படுதலையிற் பலிகொள்கை தவிரீர் பாம்பினொடு படர்சடைமேல் மதிவைத்த பண்பீர்வீண்பேசி மடவார்கை வெள்வளைகள் கொண்டால் வெற்பரையன் மடப்பாவை பொறுக்குமோ சொல்லீர்காண்பினிய மணிமாடம் நிறைந்த நெடுவீதிக் கடல்நாகைக் காரோணம் மேவியிருந் தீரே.

சொற்பிரிப்பு

பூண்டது ஓர்‌ இள ஆமை; பொருவிடை ஒன்று ஏறி, பொல்லாத வேடம்‌ கொண்டு, எல்லாரும்‌ காணப்‌பாண்‌ பேசி, படுதலையில்‌ பலி கொள்கை தவிரீர்‌; பாம்பினொடு படர்சடை மேல்‌ மதி வைத்த பண்பீர்‌;வீண்‌ பேசி மடவார்‌ கை வெள்வளைகள்‌ கொண்டால்‌, வெற்பு அரையன்‌ மடப்பாவை பொறுக்குமோ? சொல்லீர்‌காண்பு இனிய மணி மாடம்‌ நிறைந்த நெடுவீதிக்‌ கடல்‌ நாகைக் காரோணம்‌ மேவி இருந்தீரே!

உரை

மூலத்தில் தமிழ் உரை இல்லை.

4

விட்டதோர் சடைதாழ வீணைவிடங் காக வீதிவிடை யேறுவீர் வீணடிமை யுகந்தீர்துட்டரா யினபேய்கள் சூழநட மாடிச் சுந்தரராய்த் தூமதியஞ் சூடுவது சுவண்டேவட்டவார் குழல்மடவார் தம்மைமயல் செய்தல் மாதவமோ மாதிமையோ வாட்டமெலாந் தீரக்கட்டியெமக் கீவதுதான் எப்போது சொல்லீர் கடல்நாகைக் காரோணம் மேவியிருந் தீரே.

சொற்பிரிப்பு

விட்டது ஓர்‌ சடை தாழ, வீணை விடங்கு ஆக, வீதி விடை ஏறுவீர்‌; வீண்‌ அடிமை உகந்தீர்‌;துட்டர்‌ ஆயின பேய்கள்‌ சூழ நடம்‌ஆடிச்‌ சுந்தரராய்த்‌ தூ மதியம்‌ சூடுவது சுவண்டே?வட்டவார் குழல்‌ மடவார் தம்மை மயல்‌ செய்தல்‌ மா தவமோ? மாதிமையோ? வாட்டம்‌ எலாம்‌ தீரக்‌கட்டி எமக்கு ஈவது தான்‌ எப்போது? சொல்லீர்‌. கடல்‌ நாகைக் காரோணம்‌ மேவி இருந்தீரே!

உரை

மூலத்தில் தமிழ் உரை இல்லை.

5

மிண்டாடித் திரிதந்து வெறுப்பனவே செய்து வினைக்கேடு பலபேசி வேண்டியவா திரிவீர்தொண்டாடித் திரிவேனைத் தொழும்புதலைக் கேற்றுஞ் சுந்தரனே கந்தமுதல் ஆடையா பரணம்பண்டாரத் தேயெனக்குப் பணித்தருள வேண்டும் பண்டுதான் பிரமாணம் ஒன்றுண்டே நும்மைக்கண்டார்க்குங் காண்பரிதாய்க் கனலாகி நிமிர்ந்தீர் கடல்நாகைக் காரோணம் மேவியிருந் தீரே.

சொற்பிரிப்பு

மிண்டாடித்‌ திரிதந்து, வெறுப்பனவே செய்து, வினைக்கேடு பல பேசி, வேண்டியவா திரிவீர்‌;தொண்டாடித்‌ திரிவேனைத்‌ தொழும்பு தலைக்கு ஏற்றும்‌ சுந்தரனே! கந்தம்‌ முதல்‌ ஆடை ஆபரணம்‌பண்டாரத்தே எனக்குப்‌ பணித்து அருளவேண்டும்‌; பண்டுதான்‌ பிரமாணம்‌ ஒன்று உண்டே? நும்மைக்‌கண்டார்க்கும்‌ காண்பு அரிது ஆய்க்‌ கனல்‌ ஆகி நிமிர்த்தீர்‌ கடல்‌ நாகைக் காரோணம்‌ மேவி இருந்தீரே!

உரை

மூலத்தில் தமிழ் உரை இல்லை.

6

இலவவிதழ் வாயுமையோ டெருதேறிப் பூதம் இசைபாட இடுபிச்சைக் கெச்சுச்சம் போதுபலவகம்புக் குழிதர்வீர் பட்டோடு சாந்தம் பணித்தருளா திருக்கின்ற பரிசென்ன படிறோஉலவுதிரைக் கடல்நஞ்சை அன்றமரர் வேண்ட உண்டருளிச் செய்ததுமக் கிருக்கொண்ணா திடவேகலவமயில் இயலவர்கள் நடமாடுஞ் செல்வக் கடல்நாகைக் காரோணம் மேவியிருந் தீரே.

சொற்பிரிப்பு

இலவ இதழ் வாய்‌ உமையோடு எருது ஏறி, பூதம்‌ இசை பாட, இடு பிச்சைக்கு எச்சு உச்சம் போது,பல அகம்‌ புக்கு, உழிதர்வீர்‌; பட்டோடு சாந்தம்‌ பணித்து அருளாது இருக்கின்ற பரிசு என்ன படிறோ?உலவு திரைக்‌ கடல்‌ நஞ்சை, அன்று, அமரர்‌ வேண்ட உண்டு அருளிச் செய்தது, உமக்கு இருக்க ஒண்ணாது இடவே;கலவ மயில்‌ இயலவர்கள்‌ நடம்‌ ஆடும்‌ செல்வக்‌ கடல் நாகைக் காரோணம்‌ மேவி இருந்தீரே!

உரை

மூலத்தில் தமிழ் உரை இல்லை.

7

தூசுடைய அகலல்குல் தூமொழியாள் ஊடல் தொலையாத காலத்தோர் சொற்பாடாய் வந்துதேசுடைய இலங்கையர்கோன் வரையெடுக்க அடர்த்துத் திப்பியகீ தம்பாடத் தேரொடுவாள் கொடுத்தீர்நேசமுடை அடியவர்கள் வருந்தாமை அருந்த நிறைமறையோர் உறைவீழி மிழலைதனில் நித்தல்காசருளிச் செய்தீரின் றெனக்கருள வேண்டும் கடல்நாகைக் காரோணம் மேவியிருந் தீரே.

சொற்பிரிப்பு

தூசு உடைய அகல்‌ அல்குல்‌ தூ மொழியாள்‌ ஊடல்‌ தொலையாத காலத்து ஓர்‌ சொல்பாடு ஆய்‌ வந்து,தேசு உடைய இலங்கையர்கோன்‌ வரை எடுக்க அடர்த்து, திப்பிய கீதம்‌ பாட, தேரொடு வாள்‌ கொடுத்தீர்‌;நேசம்‌ உடை அடியவர்கள்‌ வருந்தாமை அருந்த, நிறை மறையோர்‌ உறை வீழி மிழலை தனில்‌ நித்தல்‌காசு அருளிச் செய்தீர்‌; இன்று எனக்கு அருளவேண்டும்‌ கடல்‌ நாகைக் காரோணம்‌ மேவி இருந்தீரே!

உரை

மூலத்தில் தமிழ் உரை இல்லை.

8

மாற்றமேல் ஒன்றுரையீர் வாளாநீர் இருந்தீர் வாழ்விப்பன் எனஆண்டீர் வழியடியேன் உமக்குஆற்றவேற் றிருவுடையீர் நல்கூர்ந்தீ ரல்லீர் அணியாரூர் புகப்பெய்த அருநிதிய மதனில்தோற்றமிகு முக்கூற்றி லொருகூறு வேண்டுந் தாரீரேல் ஒருபொழுதும் அடியெடுக்க லொட்டேன்காற்றனைய கடும்பரிமா ஏறுவது வேண்டும் கடல்நாகைக் காரோணம் மேவியிருந் தீரே.

சொற்பிரிப்பு

மாற்றம்‌ மேல்‌ ஒன்று உரையீர்‌; வாளா நீர்‌ இருந்தீர்‌; 'வாழ்விப்பன்‌' என ஆண்டீர்‌; வழி அடியேன்‌, உமக்கு;ஆற்றவேல்‌ திரு உடையீர்‌; நல்கூர்ந்தீர்‌ அல்லீர்‌; அணி ஆரூர்‌ புகப்‌ பெய்த அருநிதியம்‌ அதனில்‌தோற்றம்‌ மிகு முக்கூற்றில்‌ ஒரு கூறு வேண்டும்‌; தாரீரேல்‌, ஒருபொழுதும்‌ அடி எடுக்கல்‌ ஒட்டேன்‌ ;காற்று அனைய கடும்‌ பரிமா ஏறுவது வேண்டும்‌ கடல்‌ நாகைக் காரோணம்‌ மேவி இருந்தீரே!

உரை

மூலத்தில் தமிழ் உரை இல்லை.

9

மண்ணுலகும் விண்ணுலகும் உம்மதே ஆட்சி மலையரையன் பொற்பாவை சிறுவனையுந் தேறேன்எண்ணிலியுண் பெருவயிறன் கணபதியொன் றறியான் எம்பெருமான் இதுதகவோ இயம்பியருள் செய்வீர்திண்ணெனவென் உடல்விருத்தி தாரீரே யாகில் திருமேனி வருந்தவே வளைக்கின்றேன் நாளைக்கண்ணறையன் கொடும்பாடன் என்றுரைக்க வேண்டா கடல்நாகைக் காரோணம் மேவியிருந் தீரே.

சொற்பிரிப்பு

மண்ணுலகும்‌ விண்ணுலகும்‌ உம்‌மதே ஆட்சி; மலை அரையன் பொன்பாவை, சிறுவனையும்‌, தேறேன்‌ ;எண்ணிலி உண்‌ பெருவயிறன்‌ கணபதி ஒன்று அறியான்‌; எம்பெருமான்‌! இது தகவோ? இயம்பி அருள்செய்வீர்‌! .திண்ணென என்‌ உடல்‌ விருத்தி தாரீரே ஆகில்‌, திருமேனி வருந்தவே வளைக்கின்றேன்‌; நாளை,“கண்ணறையன்‌, கொடும்பாடன்‌” என்று உரைக்க வேண்டா கடல்‌ நாகைக் காரோணம்‌ மேவி இருந்தீரே!

உரை

மூலத்தில் தமிழ் உரை இல்லை.

10

மறியேறு கரதலத்தீர் மாதிமையேல் உடையீர் மாநிதியந் தருவனென்று வல்லீராய் ஆண்டீர்கிறிபேசிக் கீழ்வேளூர் புக்கிருந்தீர் அடிகேள் கிறியும்மாற் படுவேனோ திருவாணை யுண்டேல்பொறிவிரவு நற்புகர்கொள் பொற்சுரிகை மேலோர் பொற்பூவும் பட்டிகையும் புரிந்தருள வேண்டும்கறிவிரவு நெய்சோறு முப்போதும் வேண்டும் கடல்நாகைக் காரோணம் மேவியிருந் தீரே.

சொற்பிரிப்பு

மறி ஏறு கர தலத்தீர்‌; மாதிமையேல்‌ உடையீர்‌;' “மா நிதியம்‌ தருவன்‌” என்று வல்லீராய்‌ ஆண்டீர்‌;கிறி பேசி, கீழ்வேளூர்‌ புக்கு, இருந்தீர்‌; அடிகேள்‌! கிறி உம்மால்‌ படுவேனோ? திருஆணை உண்டேல்‌,பொறி விரவு நல்‌ புகர்‌ கொள்‌ பொன்‌ சுரிகை மேல்‌ ஓர்‌ பொன்பூவும்‌ பட்டிகையும்‌ புரிந்து அருளவேண்டும்‌;கறி விரவு நெய்சோறு முப்போதும்‌ வேண்டும்‌ கடல்‌ நாகைக் காரோணம்‌ மேவி இருந்தீரே!

உரை

மூலத்தில் தமிழ் உரை இல்லை.

11

பண்மயத்த மொழிப்பரவை சங்கிலிக்கும் எனக்கும் பற்றாய பெருமானே மற்றாரை உடையேன்உண்மயத்த உமக்கடியேன் குறைதீர்க்க வேண்டும் ஒளிமுத்தம் பூணாரம் ஒண்பட்டும் பூவுங்கண்மயத்த கத்தூரி கமழ்சாந்தும் வேண்டுங் கடல்நாகைக் காரோணம் மேவியிருந் தீரென்றண்மயத்தால் அணிநாவ லாரூரன் சொன்ன அருந்தமிழ்கள் இவைவல்லார் அமருலகாள் பவரே.

சொற்பிரிப்பு

“பண்‌ மயத்த மொழிப்‌ பரவை சங்கிலிக்கும்‌ எனக்கும்‌ பற்று ஆய பெருமானே! மற்று ஆரை உடையேன்‌?உள்‌ மயத்த உமக்கு அடியேன்‌ குறை தீர்க்க வேண்டும்‌; ஒளி முத்தம்‌, பூண்‌ ஆரம்‌, ஒண்‌ பட்டும்‌, பூவும்‌,கண்‌ மயத்த கத்தூரி, கமழ்சாந்தும்‌, வேண்டும்‌ கடல்‌ நாகைக்காரோணம்‌ மேவி இருந்தீர்‌!” என்றுஅண்‌ மயத்தால்‌ அணி நாவல்‌ ஆரூரன்‌ சொன்ன அருந்தமிழ்கள்‌ இவை வல்லார்‌ அமருலகு ஆள்பவரே.

உரை

மூலத்தில் தமிழ் உரை இல்லை.