முடிப்பதுகங்கை

அருளியவர்: சுந்தரர்
பண்: கொல்லிக்கௌவாணம்
தலம்: பொது
நாடு: பொது

1

முடிப்பது கங்கையுந் திங்களுஞ் செற்றது மூவெயில்நொடிப்பது மாத்திரை நீறெ ழக்கணை நூறினார்கடிப்பது மேறுமென் றஞ்சு வன்றிருக் கைகளாற்பிடிப்பது பாம்பன்றி இல்லை யோவெம் பிரானுக்கே.

சொற்பிரிப்பு

முடிப்பது கங்கையும்‌, திங்களும்‌; செற்றது மூ எயில்‌;நொடிப்பது மாத்திரை நீறு எழக்‌ கணை நூறினார்‌;“கடிப்பதும்‌ ஏறும்‌'” என்று அஞ்சுவன்‌; திருக்கைகளால்‌பிடிப்பது பாம்பு அன்றி இல்லையோ, எம்பிரானுக்கே?

உரை

மூலத்தில் தமிழ் உரை இல்லை.

2

தூறன்றி ஆடரங் கில்லை யோசுட லைப்பொடிநீறன்றிச் சாந்தமற் றில்லை யோஇம வான்மகள்கூறன்றிக் கூறாவ தில்லை யோகொல்லைச் சில்லைவெள்ளேறன்றி ஏறுவ தில்லை யோவெம் பிரானுக்கே.

சொற்பிரிப்பு

தூறு அன்றி ஆடு அரங்கு இல்லையோ? சுடலைப்‌ பொடிநீறு அன்றிச்‌ சாந்தம்‌ மற்று இல்லையோ? இமவான் மகள்கூறு அன்றிக்‌ கூறாவது இல்லையோ? கொல்லைச் ‌சில்லைவெள்ஏறு அன்றி ஏறுவது இல்லையோ, எம்பிரானுக்கே?

உரை

மூலத்தில் தமிழ் உரை இல்லை.

3

தட்டெனுந் தட்டெனுந் தொண்டர் காள்தடு மாற்றத்தைஒட்டெனும் ஒட்டெனும் மாநி லத்துயிர் கோறலைச்சிட்டன் திரிபுரஞ் சுட்ட தேவர்கள் தேவனைவெட்டெனப் பேசன்மின் தொண்டர் காளெம் பிரானையே.

சொற்பிரிப்பு

தட்டு எனும்‌ தட்டு எனும்‌, தொண்டர்காள்‌! தடுமாற்றத்தை,ஒட்டு எனும்‌ ஒட்டு எனும்‌ மாநிலத்து உயிர்‌ கோறலை;சிட்டனும்‌, திரிபுரம்‌ சுட்ட தேவர்கள் தேவனை,வெட்டெனப்‌ பேசன்‌மின்‌, தொண்டர்காள்‌, எம்பிரானையே!

உரை

மூலத்தில் தமிழ் உரை இல்லை.

4

நரிதலை கவ்வநின் றோரி கூப்பிட நள்ளிருள்எரிதலைப் பேய்புடை சூழ ஆரிருள் காட்டிடைச்சிரிதலை மாலை சடைக்க ணிந்தவெஞ் செல்வனைப்பிரிதலைப் பேசன்மின் தொண்டர் காளெம் பிரானையே.

சொற்பிரிப்பு

நரி தலை கவ்வ, நின்று ஓரிகூப்பிட, நள்‌ இருள்‌எரி தலைப்‌ பேய்‌ புடை சூழ, ஆர்‌ இருள்‌ காட்டு இடைச்‌சிரிதலை மாலை சடைக்கு அணிந்த எம்‌ செல்வனை,பிரிதலைப்‌ பேசன்மின்‌, தொண்டர்காள்‌, எம்பிரானையே!

உரை

மூலத்தில் தமிழ் உரை இல்லை.

5

வேயன தோளி மலைம களைவி ரும்பியமாயமில் மாமலை நாட னாகிய மாண்பனைஆயன சொல்லிநின் றார்கள் அல்லல் அறுக்கிலும்பேயனே பித்தனே என்ப ராலெம் பிரானையே.

சொற்பிரிப்பு

வேய்‌ அன தோளி மலைமகளை விரும்பியமாயம்‌ இல்‌ மாமலை நாடன்‌ ஆகிய மாண்பனை,ஆயன சொல்லி நின்றார்கள் ‌ அல்லல்‌ அறுக்கிலும்‌,"பேயனே! பித்தனே!” என்பரால்‌, எம்பிரானையே !

உரை

மூலத்தில் தமிழ் உரை இல்லை.

6

இறைவனென் றெம்பெரு மானை வானவ ரேத்தப்போய்த்துறையொன்றித் தூமல ரிட்ட டியிணை போற்றுவார்மறையன்றிப் பாடுவ தில்லை யோமல்கு வானிளம்பிறையன்றிச் சூடுவ தில்லை யோவெம் பிரானுக்கே.

சொற்பிரிப்பு

“இறைவன்‌!” என்று எம்பெருமானை வானவர்‌ ஏத்தப்‌ போய்‌,துறை ஒன்றி, தூ மலர்‌ இட்டு, அடிஇணை போற்றுவார்‌;மறை அன்றிப்‌ பாடுவது இல்லையோ? மல்கு வான்‌ இளம்‌பிறை அன்றிச்‌ சூடுவது இல்லையோ, எம்பிரானுக்கே?

உரை

மூலத்தில் தமிழ் உரை இல்லை.

7

தாருந்தண் கொன்றையுங் கூவி ளந்தனி மத்தமும்ஆரும் அளவறி யாத ஆதியும் அந்தமும்ஊருமொன் றில்லை உலகெ லாமுகப் பார்தொழப்பேருமோ ராயிரம் என்ப ராலெம் பிரானுக்கே.

சொற்பிரிப்பு

தாரும்‌, தண் கொன்றையும்‌ கூவிளம்‌ தனி மத்தமும்‌;ஆரும்‌ அளவு, அறியாத ஆதியும்‌ அந்தமும்‌;ஊரும்‌, ஒன்று இல்லை, உலகு எலாம்‌, உகப்பார்‌ தொழப்‌பேரும்‌ ஓர்‌ ஆயிரம்‌ என்பரால்‌, எம்பிரானுக்கே.

உரை

மூலத்தில் தமிழ் உரை இல்லை.

8

அரியொடு பூமிசை யானும் ஆதியும் அறிகிலார்வரிதரு பாம்பொடு வன்னி திங்களும் மத்தமும்புரிதரு புன்சடை வைத்த எம்புனி தற்கினிஎரியன்றி அங்கைக்கொன் றில்லை யோவெம் பிரானுக்கே.

சொற்பிரிப்பு

அரியொடு பூ மிசையானும்‌ ஆதியும்‌ அறிகிலார்‌;வரிதரு பாம்பொடு வன்னி திங்களும்‌ மத்தமும்‌புரிதரு புன்சடை வைத்த எம்‌ புனிதற்கு, இனிஎரி அன்றி அங்கைக்கு ஒன்று இல்லையோ, எம்பிரானுக்கே?

உரை

மூலத்தில் தமிழ் உரை இல்லை.

9

கரிய மனச்சமண் காடி யாடு கழுக்களால்எரிய வசவுணுந் தன்மை யோஇம வான்மகள்பெரிய மனந்தடு மாற வேண்டிப்பெம் மான்மதக்கரியின் உரியல்ல தில்லை யோவெம் பிரானுக்கே.

சொற்பிரிப்பு

கரிய மனச்‌ சமண்‌ காடி ஆடு கழுக்களால்எரிய வசவுணும்‌ தன்மையோ? இமவான்‌ மகள்‌பெரிய மனம்‌ தடுமாற வேண்டி பெம்மான்‌ மதக்‌கரியின்‌ உரி அல்லது இல்லையோ, எம்பிரானுக்கே?

உரை

மூலத்தில் தமிழ் உரை இல்லை.

10

காய்சின மால்விடை மாணிக் கத்தெங் கறைக்கண்டத்தீசனை ஊரனெட் டோ டிரண்டுவி ரும்பியஆயின சீர்ப்பகை ஞானியப் பன்னடித் தொண்டன்றான்ஏசின பேசுமின் தொண்டர் காளெம் பிரானையே.

சொற்பிரிப்பு

காய் சின மால் விடை மாணிக்கத்து, எம்‌ கறைக் கண்டத்து,ஈசனை ஊரன்‌ எட்டோடு இரண்டு விரும்பியஆயின சீர்ப்‌ பகைஞானி அப்பன்‌ அடித்தொண்டன் தான்‌,ஏசின பேசுமின்‌, தொண்டர்காள்‌, எம்பிரானையே!

உரை

மூலத்தில் தமிழ் உரை இல்லை.