திருமுதுகுன்றம்

அருளியவர்: சுந்தரர்
பண்: கொல்லிக்கௌவாணம்
தலம்: முதுகுன்றம்
நாடு: நடுநாடு

1

நஞ்சி யிடையின்று நாளை யென்றும்மை நச்சுவார்துஞ்சி யிட்டாற்பின்னைச் செய்வ தென்னடி கேள்சொலீர்பஞ்சி யிடப்புட்டில் கீறு மோபணி யீரருள்முஞ்சி யிடைச்சங்க மார்க்குஞ் சீர்முது குன்றரே.

சொற்பிரிப்பு

நஞ்சி, “இடை இன்று நாளை' என்று உம்மை நச்சுவார்‌துஞ்சியிட்டால்‌ பின்னைச்‌ செய்வது என்‌? அடிகேள்‌, சொலீர்‌!பஞ்சி இடப் புட்டில் கீறுமோ? பணியீர்‌, அருள்‌!முஞ்சி இடைச்‌ சங்கம்‌ ஆர்க்கும் ‌ சீர்‌ முதுகுன்றரே!

உரை

மூலத்தில் தமிழ் உரை இல்லை.

2

ஏரிக் கனகக் கமல மலரன்ன சேவடிஊரித் தனையுந் திரிந்தக் காலவை நோங்கொலோவாரிக் கட்சென்று வளைக்கப் பட்டு வருந்திப்போய்மூரிக் களிறு முழக்க றாமுது குன்றரே.

சொற்பிரிப்பு

ஏரிக்‌ கனகக் கமலம் மலர்‌ அன்ன சேவடிஊர்‌ இத்தனையும்‌ திரிந்தக் கால்‌ அவை நோம் கொலோ?வாரிக்கண்‌ சென்று வளைக்கப் பட்டு, வருந்திப்‌ போய்‌,மூரிக்‌ களிறு முழக்கு அறா முதுகுன்றரே!

உரை

மூலத்தில் தமிழ் உரை இல்லை.

3

தொண்டர்கள் பாட விண்ணோர்க ளேத்த உழிதர்வீர்பண்டகந் தோறும் பலிக்குச் செல்வது பான்மையேகண்டகர் வாளிகள் வில்லி கள்புறங் காக்குஞ்சீர்மொண்டகை வேள்வி முழக்க றாமுது குன்றரே.

சொற்பிரிப்பு

தொண்டர்கள்‌ பாட, விண்ணோர்கள் ‌ ஏத்த உழிதர்வீர்‌!பண்டு அகம்தோறும்‌ பலிக்குச் ‌ செல்வது பான்மையே?கண்டகர்‌ வாளிகள்‌ வில்லிகள் ‌ புறங்காக்கும்‌ சீர்‌மொண்ட கை வேள்வி முழக்கு அறா முதுகுன்றரே!

உரை

மூலத்தில் தமிழ் உரை இல்லை.

4

இளைப்பறி யீரிம்மை யேத்து வார்க்கம்மை செய்வதென்விளைப்பறி யாதவெங் கால னையுயிர் வீட்டினீர்அளைப்பிரி யாவர வல்கு லாளொடு கங்கைசேர்முளைப்பி றைச்சென் னிச்சடை முடிமுது குன்றரே.

சொற்பிரிப்பு

இளைப்பு அறியீர்‌; இம்மை ஏத்துவார்க்கு அம்மை செய்வது என்‌?விளைப்பு அறியாத வெங்காலனை உயிர்‌ வீட்டினீர்‌;அளைப்‌ பிரியா அரவு அல்குலாளொடு கங்கை சேர்‌முளைப்பிறைச்‌ சென்னிச்‌ சடை முடி முதுகுன்றரே!

உரை

மூலத்தில் தமிழ் உரை இல்லை.

5

ஆடி அசைந்தடி யாரும் நீரும் அகந்தொறும்பாடிப் படைத்த பொருளெ லாமுமை யாளுக்கோமாட மதிலணி கோபு ரம்மணி மண்டபம்மூடி முகில்தவழ் சோலை சூழ்முது குன்றரே.

சொற்பிரிப்பு

ஆடி அசைந்து அடியாரும் ‌ நீரும்‌ அகம்தொறும்‌பாடிப்‌ படைத்த பொருள் ‌எலாம்‌ உமையாளுக்கோ?மாடம்‌, மதில்‌, அணி கோபுரம்‌, மணி மண்டபம்‌,மூடி முகில்‌ தவழ்‌ சோலை சூழ்‌ முதுகுன்றரே!

உரை

மூலத்தில் தமிழ் உரை இல்லை.

6

இழைவளர் நுண்ணிடை மங்கை யோடிடு காட்டிடைக்குழைவளர் காதுகள் மோத நின்று குனிப்பதேமழைவள ருந்நெடுங் கோட்டி டைமத யானைகள்முழைவளர் ஆளி முழக்க றாமுது குன்றரே.

சொற்பிரிப்பு

இழை வளர்‌ நுண் இடை மங்கையொடு இடுகாட்டு இடைக்‌குழை வளர்‌ காதுகள்‌ மோத நின்று குனிப்பதே?மழை வளரும்‌ நெடுங்கோட்டு இடை மத யானைகள்‌,முழை வளர்‌ ஆளி, முழக்கு அறா முதுகுன்றரே

உரை

மூலத்தில் தமிழ் உரை இல்லை.

7

சென்றி லிடைச்செடி நாய்கு ரைக்கச்சே டிச்சிகள்மன்றி லிடைப்பலி தேரப் போவது வாழ்க்கையேகுன்றி லிடைக்களி றாளி கொள்ளக் குறத்திகள்முன்றி லிடைப்பிடி கன்றி டும்முது குன்றரே.

சொற்பிரிப்பு

சென்று இல்‌ இடைச்‌ செடி நாய்‌ குரைக்க, செடிச்சிகள்‌மன்றில்‌ இடைப்‌ பலி தேரப்‌ போவது வாழ்க்கையே?குன்றில்‌ இடைக்‌ களிறு ஆளி கொள்ள, குறத்திகள்‌முன்றில் ‌இடைப்‌ பிடி கன்று இடும்‌ முதுகுன்றரே!

உரை

மூலத்தில் தமிழ் உரை இல்லை.

8

அந்தி திரிந்தடி யாரும் நீரும் அகந்தொறுஞ்சந்தி கள்தோறும் பலிக்குச் செல்வது தக்கதேமந்தி கடுவனுக் குண்பழம் நாடி மலைப்புறம்முந்தி யடிதொழ நின்ற சீர்முது குன்றரே.

சொற்பிரிப்பு

அந்தி திரிந்து அடியாரும் ‌ நீரும்‌ அகம்தொறும்‌சந்திகள் தோறும்‌ பலிக்குச் ‌ செல்வது தக்கதே?மந்தி கடுவனுக்கு உண்‌ பழம் ‌ நாடி மலைப்புறம்‌முந்தி அடி தொழ நின்ற சீர்‌ முதுகுன்‌றரே!

உரை

மூலத்தில் தமிழ் உரை இல்லை.

9

செட்டிநின் காதலி ஊர்கள் தோறும் அறஞ்செயஅட்டு மின்சில் பலிக்கென் றகங்கடை நிற்பதேபட்டிவெள் ளேறுகந் தேறு வீர்பரி சென்கொலோமுட்டி யடிதொழ நின்ற சீர்முது குன்றரே.

சொற்பிரிப்பு

செட்டி நின்‌ காதலி ஊர்கள் தோறும்‌ அறம்‌ செய,அட்டுமின்‌, சில் பலிக்கு! என்று அகம் கடை நிற்பதே?பட்டி வெள்ஏறு உகந்து ஏறுவீர்‌! பரிசு என்கொலோ?முட்டி அடி தொழ நின்ற சீர்‌ முதுகுன்‌றரே!

உரை

மூலத்தில் தமிழ் உரை இல்லை.

10

எத்திசை யுந்திரிந் தேற்றக் காற்பிற ரென்சொலார்பத்தியி னாலிடு வாரி டைப்பலி கொண்மினோஎத்திசை யுந்திரை யேற மோதிக் கரைகள்மேல்முத்திமுத் தாறு வலஞ்செ யும்முது குன்றரே.

சொற்பிரிப்பு

எத்திசையும்‌ திரிந்து ஏற்றக்கால்‌ பிறர்‌ என்‌ சொலார்‌?பத்தியினால்‌ இடுவார் ‌ இடைப்‌ பலி கொண்மினோ!எத்திசையும்‌ திரை ஏற மோதிக்‌ கரைகள் மேல்முத்தி முத்தாறு வலம் செயும் ‌ முதுகுன்றரே!

உரை

மூலத்தில் தமிழ் உரை இல்லை.

11

முத்திமுத் தாறு வலஞ்செ யும்முது குன்றரைப்பித்தனொப் பானடித் தொண்ட னூரன் பிதற்றிவைதத்துவ ஞானிக ளாயி னார்தடு மாற்றிலார்எத்தவத் தோர்களு மேத்து வார்க்கிடர் இல்லையே.

சொற்பிரிப்பு

முத்தி முத்தாறு வலம் செயும் ‌ முதுகுன்றரைப்‌பித்தன்‌ ஒப்பான்‌ அடித்தொண்டன்‌ ஊரன்‌ பிதற்று இவைதத்துவ ஞானிகள்‌ ஆயினார் ‌ தடுமாற்று இலார்‌,எத்தவத்தோர்களும்‌, ஏத்துவார்க்கு இடர்‌ இல்லையே.

உரை

மூலத்தில் தமிழ் உரை இல்லை.