திருவெஞ்சமாக்கூடல்

அருளியவர்: சுந்தரர்
பண்: கொல்லிக்கௌவாணம்
தலம்: வெஞ்சமாக்கூடல்
நாடு: கொங்குநாடு

1

எறிக்குங் கதிர்வேய் உதிர்முத் தம்மோடே லம் இலவங்கந் தக்கோலம் இஞ்சிசெறிக்கும் புனலுட் பெய்துகொண்டு மண்டித் திளைத்தெற்று சிற்றா றதன்கீழ்க் கரைமேல்முறிக்குந் தழைமா முடப்புன்னை ஞாழல் குருக்கத்திகள் மேற்குயில் கூவலறாவெறிக்குங் கலைமா வெஞ்சமாக் கூடல் விகிர்தா அடியே னையும்வேண் டுதியே.

சொற்பிரிப்பு

எறிக்கும்‌ கதிர்‌ வேய்‌ உதிர்‌ முத்தமொடு, ஏலம்‌ , இலவங்கம்‌, தக்கோலம்‌, இஞ்சி,செறிக்கும்‌ புனலுள்‌ பெய்துகொண்டு, மண்டி, திளைத்து, எற்று சிற்றாறு அதன்‌ கீழ்க்கரை மேல்‌முறிக்கும்‌ தழை மா முடப்புன்னை, ஞாழல்‌, குருக்கத்திகள் மேல்‌ குயில்‌ கூவல்‌ அறா,வெறிக்கும்‌ கலைமா வெஞ்சமாக்கூடல் விகிர்தா! அடியேனையும்‌ வேண்டுதியே.

உரை

மூலத்தில் தமிழ் உரை இல்லை.

2

குளங்கள் பலவுங் குழியுந் நிறையக் குடமாமணி சந்தனமும் அகிலுந்துளங்கும் புனலுட் பெய்துகொண்டு மண்டித் திளைத்தெற்று சிற்றா றதன்கீழ்க் கரைமேல்வளங்கொள் மதில்மா ளிகைகோ புரமும் மணிமண்டபமும் இவைமஞ்சு தன்னுள்விளங்கும் மதிதோய் வெஞ்சமாக் கூடல் விகிர்தா அடியே னையும்வேண் டுதியே.

சொற்பிரிப்பு

குளங்கள்பலவும்‌ குழியும்‌ நிறைய, குட மா மணி சந்தனமும்‌ அகிலும்‌துளங்கும்‌ புனலுள்‌ பெய்துகொண்டு மண்டி, திளைத்து, எற்று சிற்றாறுஅதன்‌ கீழ்க்கரைமேல்‌வளம்‌ கொள்‌ மதில்‌ மாளிகை, கோபுரமும்‌, மணி மண்டபமும்‌, இவை மஞ்சு தன்னுள்‌விளங்கும்‌ மதி தோய்‌ வெஞ்சமாக்கூடல்‌ விகிர்தா! அடியேனையும்‌ வேண்டுதியே.

உரை

மூலத்தில் தமிழ் உரை இல்லை.

3

வரைமான் அனையார் மயிற்சாயல் நல்லார் வடிவேற் கண்நல்லார் பலர்வந் திறைஞ்சத்திரையார் புனலுட் பெய்துகொண்டு மண்டித் திளைத்தெற்று சிற்றா றதன்கீழ்க் கரைமேல்நிரையார் கமுகும் நெடுந்தாள் தெங்கும் குறுந்தாட்பலவும் விரவிக் குளிரும்விரையார் பொழில்சூழ் வெஞ்சமாக் கூடல் விகிர்தா அடியே னையும்வேண் டுதியே.

சொற்பிரிப்பு

வரை மான்‌ அனையார்‌ மயில் சாயல்‌ நல்லார்‌, வடிவேல்கண்‌ நல்லார்‌ பலர்‌ வந்து இறைஞ்ச,திரை ஆர்‌ புனலுள்‌ பெய்துகொண்டு மண்டி, திளைத்து, எற்று சிற்றாறு அதன்‌ கீழ்க்கரை மேல்‌நிரைஆர்‌ கமுகும்‌, நெடுந்‌தாள்‌ தெங்கும்‌, குறுந்‌தாள்‌ பலவும்‌, விரவிக்‌ குளிரும்‌விரை ஆர்‌ பொழில்‌ சூழ்‌ வெஞ்சமாக்கூடல்‌ விகிர்தா! அடியேனையும்‌ வேண்டுதியே.

உரை

மூலத்தில் தமிழ் உரை இல்லை.

4

பண்ணேர் மொழியா ளையோர்பங் குடையாய் படுகாட் டகத்தென் றும்ஓர்பற் றொழியாய்தண்ணார் அகிலும் நலசா மரையும் அலைத்தெற்று சிற்றா றதன்கீழ்க்கரைமேல்மண்ணார் முழவுங் குழலும் இயம்ப மடவார் நடமாடு மணியரங்கில்விண்ணார் மதிதோய் வெஞ்சமாக் கூடல் விகிர்தா அடியே னையும்வேண் டுதியே.

சொற்பிரிப்பு

பண்‌ நேர்‌ மொழியாளை ஓர் பங்கு உடையாய்‌! படு காட்டு அகத்து என்றும்‌ ஓர்‌ பற்று ஒழியாய்‌!தண்‌ ஆர்‌ அகிலும்‌, நல சாமரையும்‌, அலைத்து எற்று சிற்றாறு அதன்‌ கீழ்க்கரை மேல்‌மண்‌ ஆர்‌ முழவும்‌ குழலும்‌ இயம்ப, மடவார்‌ நடம்‌ ஆடும்‌ மணி அரங்கில்‌விண்‌ ஆர்‌ மதி தோய்‌ வெஞ்சமாக்கூடல்‌ விகிர்தா! அடியேனையும்‌ வேண்டுதியே.

உரை

மூலத்தில் தமிழ் உரை இல்லை.

5

துளைவெண் குழையுஞ் சுருள்வெண் தோடுந் தூங்குங் காதிற் துளங்கும் படியாய்களையே கமழும் மலர்க்கொன் றையினாய் கலந்தார்க் கருள்செய் திடுங்கற் பகமேபிளைவெண் பிறையாய் பிறங்குஞ் சடையாய் பிறவா தவனே பெறுதற் கரியாய்வெளைமால் விடையாய் வெஞ்சமாக் கூடல் விகிர்தா அடியே னையும்வேண் டுதியே.

சொற்பிரிப்பு

துளை வெண்குழையும்‌ சுருள்‌ வெண்தோடும்‌ தூங்கும்‌ காதில்‌ துளங்கும்‌ படியாய்‌!க(ள்‌)ளையே கமழும்‌ மலர்க் கொன்றையினாய்‌! கலந்தார்க்கு அருள் செய்திடும்‌ கற்பகமே!பி(ள்‌)ளை வெண்பிறையாய்‌ ! பிறங்கும்‌ சடையாய்‌! பிறவாதவனே! பெறுதற்கு அரியாய்‌!வெ(ள்‌)ளை மால் விடையாய்‌! வெஞ்சமாக்கூடல்‌ விகிர்தா! அடியேனையும்‌ வேண்டுதியே.

உரை

மூலத்தில் தமிழ் உரை இல்லை.

6

தொழுவார்க் கெளியாய் துயர்தீர நின்றாய் சுரும்பார் மலர்க்கொன் றைதுன்றுஞ் சடையாய்உழுவார்க் கரிய விடையேறி ஒன்னார் புரந்தீ எழஓ டுவித்தாய் அழகார்முழவார் ஒலிபாட லொடா டல்அறா முதுகா டரங்கா நடமாட வல்லாய்விழவார் மறுகின் வெஞ்சமாக் கூடல் விகிர்தா அடியே னையும்வேண் டுதியே.

சொற்பிரிப்பு

தொழுவார்க்கு எளியாய்‌! துயர்‌ தீர நின்றாய்‌! சுரும்பு ஆர்‌ மலர்க் கொன்றை துன்றும்‌ சடையாய்‌!உழுவார்க்கு அரிய விடை ஏறி! ஒன்னார்‌ புரம்‌ தீ எழ ஓடுவித்தாய்‌! அழகார்முழவுஆர்‌ ஒலி பாடலொடு ஆடல்‌ அறா முதுகாடு அரங்கா நடம்‌ ஆடவல்லாய்‌!விழவு ஆர்‌ மறுகின்‌ வெஞ்சமாக்கூடல்‌ விகிர்தா! அடியேனையும்‌ வேண்டுதியே.

உரை

மூலத்தில் தமிழ் உரை இல்லை.

7

கடமா களியா னைஉரித் தவனே கரிகா டிடமா அனல்வீசி நின்றுநடமா டவல்லாய் நரையே றுகந்தாய் நல்லாய் நறுங்கொன் றைநயந் தவனேபடம்ஆ யிரமாம் பருத்துத் திப்பைங்கண் பகுவாய் எயிற்றோ டழலே உமிழும்விடவார் அரவா வெஞ்சமாக் கூடல் விகிர்தா அடியே னையும்வேண் டுதியே.

சொற்பிரிப்பு

கடம்‌ மா களியானை உரித்தவனே! கரிகாடு இடமா, அனல்‌ வீசி நின்றுநடம்‌ ஆடவல்லாய்‌! நரைஏறு உகந்தாய்‌! நல்லாய்‌! நறுங்கொன்றை நயந்தவனே!படம்‌ ஆயிரம்‌ ஆம்‌ பருத்‌துத்திப்‌ பைங்கண்‌ பகுவாய்‌ எயிற்றோடுஅழலே உமிழும்‌விடவார்‌ அரவா! வெஞ்சமாக்கூடல்‌ விகிர்தா! அடியேனையும்‌ வேண்டுதியே.

உரை

மூலத்தில் தமிழ் உரை இல்லை.

8

காடும் மலையும் நாடு மிடறிக் கதிர்மா மணிசந் தனமும் அகிலுஞ்சேட னுறையும் மிடந்தான் விரும்பி திளைத்தெற்று சிற்றாறதன் கீழ்க்கரைமேற்பாடல் முழவுங் குழலு மியம்பப் பணைத்தோ ளியர்பா டலொடா டல்அறாவேடர் விரும்பும் வெஞ்சமாக் கூடல் விகிர்தா அடியேனையும் வேண்டுதியே.

சொற்பிரிப்பு

காடும்‌ மலையும்‌ நாடும்‌ இடறி, கதிர்‌ மா மணி சந்தனமும்‌ அகிலும்‌சேடன்‌ உறையும்‌ இடம் தான்‌ விரும்பி, திளைத்து, எற்று சிற்றாறு அதன்‌ கீழ்க்கரை மேல்‌பாடல்‌ முழவும்‌ குழலும்‌) இயம்ப, பணைத்தோளியர்‌ பாடலொடு ஆடல்‌ அறா,வேடர்‌ விரும்பும்‌ வெஞ்சமாக்கூடல்‌ விகிர்தா! அடியேனையும்‌ வேண்டுதியே.

உரை

மூலத்தில் தமிழ் உரை இல்லை.

9

கொங்கார் மலர்க்கொன் றையந்தா ரவனே கொடுகொட்டி யொர்வீ ணைஉடை யவனேபொங்கா டரவும் புனலுஞ் சடைமேற் பொதியும் புனிதா புனஞ்சூழ்ந் தழகார்துங்கார் புனலுட் பெய்துகொண்டு மண்டித் திளைத்தெற்று சிற்றா றதன்கீழ்க் கரைமேல்வெங்கார் வயல்சூழ் வெஞ்சமாக் கூடல் விகிர்தா அடியே னையும்வேண் டுதியே.

சொற்பிரிப்பு

கொங்கு ஆர்‌ மலர்க் கொன்றை அம் தாரவனே ! கொடுகொட்டி ஒர்‌ வீணை உடையவனே!பொங்கு ஆடு அரவும்‌ புனலும்‌ சடைமேல்‌ பொதியும்‌ புனிதா! புனம்‌ சூழ்ந்து அழகு ஆர்‌துங்கு ஆர்‌ புனலுள்‌ பெய்துகொண்டு மண்டி, திளைத்து எற்று சிற்றாறு அதன்‌ கீழ்க்கரை மேல்‌வெங்‌கார்‌ வயல்‌ சூழ்‌ வெஞ்சமாக்கூடல்‌ விகிர்தா! அடியேனையும்‌ வேண்டுதியே.

உரை

மூலத்தில் தமிழ் உரை இல்லை.

10

வஞ்சிநுண் ணிடையார் மயிற்சாய லன்னார் வடிவேற் கண்நல்லார் பலர்வந் திறைஞ்சும்வெஞ்சமாக் கூடல் விகிர்தா அடியே னையும்வேண் டுதியே என்றுதான் விரும்பிவஞ்சியா தளிக்கும் வயல்நா வலர்கோன் வனப்பகை யப்பன் வன்றொண்டன் சொன்னசெஞ்சொல் தமிழ்மா லைகள்பத் தும்வல்லார் சிவலோ கத்திருப் பதுதிண் ணமன்றே.

சொற்பிரிப்பு

வஞ்சி நுண்‌ இடையார்‌ மயில் சாயல்‌ அன்னார்‌, வடிவேல் கண்‌ நல்லார்‌ பலர்‌ வந்து இறைஞ்சும்‌வெஞ்சமாக்கூடல்‌ விகிர்தா! அடியேனையும்‌ வேண்டுதியே என்று தான்‌ விரும்பி,வஞ்சியாது அளிக்கும்‌ வயல்‌ நாவலர்கோன்‌ வனப்பகை அப்பன்‌, வன்தொண்டன்‌ சொன்னசெஞ்சொல்‌ தமிழ்மாலைகள் பத்தும்‌ வல்லார்‌ சிவலோகத்து இருப்பது திண்ணம்‌ அன்றே!

உரை

மூலத்தில் தமிழ் உரை இல்லை.