திருக்கானாட்டுமுள்ளூர்

அருளியவர்: சுந்தரர்
பண்: கொல்லிக்கௌவாணம்
தலம்: கானாட்டுமுள்ளூர்
நாடு: சோழநாடு காவிரி வடகரை

1

வள்வாய மதிமிளிரும் வளர்சடையி னானைமறையவனை வாய்மொழியை வானவர்தங் கோனைப்புள்வாயைக் கீண்டுலகம் விழுங்கியுமிழ்ந் தானைப்பொன்னிறத்தின் முப்புரிநூல் நான்முகத்தி னானைமுள்வாய மடல்தழுவி முடத்தாழை ஈன்றுமொட்டலர்ந்து விரைநாறும் முருகுவிரி பொழில்சூழ்கள்வாய கருங்குவளை கண்வளருங் கழனிக்கானாட்டு முள்ளூரிற் கண்டுதொழு தேனே.

சொற்பிரிப்பு

வள்‌ வாய மதி மிளிரும்‌ வளர் சடையினானை, மறையவனை, வாய்மொழியை, வானவர் தம்‌ கோனை,புள்‌ வாயைக்‌ கீண்டு உலகம்‌ விழுங்கி உமிழ்ந்தானை, பொன் நிறத்தின்‌ முப்புரிநூல்‌ நான்முகத்தினானை,முள்‌ வாய மடல்‌ தழுவி, முடத்தாழை ஈன்று மொட்டு அலர்ந்து, விரை தாறும்‌ முருகு விரி பொழில்‌ சூழ்‌,கள்‌ வாய கருங்குவளை கண்வளரும்‌ கழனி கானாட்டுமுள்ளூரில்‌ கண்டு தொழுதேனே.

உரை

மூலத்தில் தமிழ் உரை இல்லை.

2

ஒருமேக முகிலாகி ஒத்துலகந் தானாய்ஊர்வனவும் நிற்பனவும் ஊழிகளுந் தானாய்ப்பொருமேவு கடலாகிப் பூதங்கள் ஐந்தாய்ப்புனைந்தவனைப் புண்ணியனைப் புரிசடையி னானைத்திருமேவு செல்வத்தார் தீமூன்றும் வளர்த்ததிருத்தக்க அந்தணர்கள் ஓதுநக ரெங்குங்கருமேதி செந்தாம ரைமேயுங் கழனிக்கானாட்டு முள்ளூரிற் கண்டுதொழு தேனே.

சொற்பிரிப்பு

ஒரு மேக முகில்‌ ஆகி, ஒத்து உலகம் தானாய்‌, ஊர்வனவும்‌ நிற்பனவும்‌ ஊழிகளும்‌ தானாய்‌,பொரு மேவு கடல்‌ஆகி, பூதங்கள் ஐந்தாய்‌, புனைந்தவனை, புண்ணியனை, புரி சடையினானை,திரு மேவு செல்வத்தார்‌ தீ மூன்றும்‌ வளர்த்த திருத்‌தக்க அந்தணர்கள்‌ ஓதும்‌ நகர்‌ எங்கும்‌கருமேதி செந்தாமரை மேயும்‌ கழனி கானாட்டுமுள்ளூரில்‌ கண்டு தொழுதேனே.

உரை

மூலத்தில் தமிழ் உரை இல்லை.

3

இரும்புயர்ந்த மூவிலைய சூலத்தி னானைஇறையவனை மறையவனை எண்குணத்தி னானைச்சுரும்புயர்ந்த கொன்றையொடு தூமதியஞ் சூடுஞ்சடையானை விடையானைச் சோதியெனுஞ் சுடரைஅரும்புயர்ந்த அரவிந்தத் தணிமலர்க ளேறிஅன்னங்கள் விளையாடும் அகன்றுறையின் அருகேகரும்புயர்ந்து பெருஞ்செந்நெல் நெருங்கிவிளை கழனிக்கானாட்டு முள்ளூரிற் கண்டுதொழு தேனே.

சொற்பிரிப்பு

இரும்பு உயர்ந்த மூ இலைய சூலத்தினானை, . இறையவனை, மறையவனை, எண் குணத்தினானை,சுரும்பு உயர்ந்த கொன்றையொடு தூ மதியம்‌ சூடும்‌ சடையானை, விடையானை, சோதி எனும்‌ சுடரை,அரும்பு உயர்ந்த அரவிந்தத்து அணி மலர்கள்‌ ஏறி, அன்னங்கள்‌ விளையாடும்‌ அகன்‌ துறையின்‌ அருகேகரும்பு உயர்ந்து, பெருஞ்‌ செந்நெல்‌ நெருங்கி விளை கழனி கானாட்டுமுள்ளூரில்‌ கண்டு தொழுதேனே.

உரை

மூலத்தில் தமிழ் உரை இல்லை.

4

பூளைபுனை கொன்றையொடு புரிசடையி னானைப்புனலாகி அனலாகிப் பூதங்கள் ஐந்தாய்நாளைஇன்று நெருநலாய் ஆகாய மாகிஞாயிறாய் மதியமாய் நின்றவெம் பரனைப்பாளைபடு பைங்கமுகின் சூழலிளந் தெங்கின்படுமதஞ்செய் கொழுந்தேறல் வாய்மடுத்துப் பருகிக்காளைவண்டு பாடமயில் ஆலும்வளர் சோலைக்கானாட்டு முள்ளூரிற் கண்டுதொழு தேனே.

சொற்பிரிப்பு

பூளை புனை கொன்றையொடு புரி சடையினானை, புனலாகி, அனலாகி, பூதங்கள்‌ ஐந்தாய்‌,நாளை இன்று நெருநலாய்‌ , ஆகாயமாகி, ஞாயிறாய்‌, மதியமாய்‌, நின்ற எம் பரனை,பாளை படு பைங்கமுகின்‌ சூழல்‌, இளந்‌ தெங்கின்‌ படு மதம்‌ செய்‌ கொழுந்‌ தேறல்‌ வாய்‌ மடுத்துப்‌ பருகி,காளை வண்டு பாட, மயில்‌ ஆலும்‌ வளர்‌ சோலை கானாட்டுமுள்ளூரில்‌ கண்டு தொழுதேனே.

உரை

மூலத்தில் தமிழ் உரை இல்லை.

5

செருக்குவாய்ப் பைங்கண்வெள் ளரவரையி னானைத்தேவர்கள்சூ ளாமணியைச் செங்கண்விடை யானைமுருக்குவாய் மலரொக்குந் திருமேனி யானைமுன்னிலையாய் முழுதுலக மாயபெரு மானைஇருக்குவாய் அந்தணர்கள் எழுபிறப்பு ளெங்கும்வேள்வியிருந் திருநிதியம் வழங்குநக ரெங்கும்கருக்குவாய்ப் பெண்ணையொடு தெங்குமலி சோலைக்கானாட்டு முள்ளூரிற் கண்டுதொழு தேனே.

சொற்பிரிப்பு

செருக்கு வாய்ப்‌ பைங்கண்‌ வெள்‌ அரவு அரையினானை, தேவர்கள்‌ சூளாமணியை, செங்கண்‌ விடையானை,முருக்குவாய்‌ மலர்‌ ஒக்கும்‌ திருமேனியானை, முன்னிலைஆய்‌ முழுது உலகம்‌ ஆய பெருமானை,இருக்கு வாய்‌ அந்தணர்கள்‌ எழுபிறப்புள்‌ எங்கும்‌ வேள்வி இருந்து இரு நிதியம்‌ வழங்கும்‌ நகர்‌, எங்கும்‌கருக்கு வாய்ப்‌ பெண்ணையொடு தெங்குமலி சோலை கானாட்டுமுள்ளூரில்‌ கண்டு தொழுதேனே.

உரை

மூலத்தில் தமிழ் உரை இல்லை.

6

விடையரவக் கொடியேந்தும் விண்ணவர்தங் கோனைவெள்ளத்து மாலவனும் வேதமுத லானும்அடியிணையுந் திருமுடியுங் காணவரி தாயசங்கரனைத் தத்துவனைத் தையல்மட வார்கள்உடையவிழக் குழலவிழக் கோதைகுடைந் தாடக்குங்குமங்கள் உந்திவரு கொள்ளிடத்தின் கரைமேற்கடைகள்விடு வார்குவளை களைவாருங் கழனிக்கானாட்டு முள்ளூரிற் கண்டுதொழு தேனே.

சொற்பிரிப்பு

விடை அரவக்‌ கொடி ஏந்தும்‌ விண்ணவர் தம்‌ கோனை, வெள்ளத்து மால்‌ அவனும்‌ வேத முதலானும்‌அடி இணையும்‌ திருமுடியும்‌ காண அரிதாய சங்கரனை, தத்துவனை, தையல் மடவார்கள்‌உடை அவிழ, குழல்‌ அவிழ, கோதை குடைந்து ஆட, குங்குமங்கள்‌ உந்தி வரு கொள்ளிடத்தின்‌ கரைமேல்‌,கடைகள்‌ விடு வார்‌ குவளை களைவாரும்‌ கழனி கானாட்டுமுள்ளூரில்‌ கண்டு தொழுதேனே.

உரை

மூலத்தில் தமிழ் உரை இல்லை.

7

அருமணியை முத்தினை ஆனஞ்சும் ஆடும்அமரர்கள்தம் பெருமானை அருமறையின் பொருளைத்திருமணியைத் தீங்கரும்பின் ஊறலிருந் தேனைத்தெரிவரிய மாமணியைத் திகழ்தருசெம் பொன்னைக்குருமணிகள் கொழித்திழிந்து சுழித்திழியுந் திரைவாய்க்கோல்வளையார் குடைந்தாடுங் கொள்ளிடத்தின் கரைமேற்கருமணிகள் போல்நீலம் மலர்கின்ற கழனிக்கானாட்டு முள்ளூரிற் கண்டுதொழு தேனே.

சொற்பிரிப்பு

அருமணியை, முத்தினை, ஆன்‌ அஞ்சும்‌ ஆடும்‌ அமரர்கள் தம்‌ பெருமானை, அருமறையின்‌ பொருளை,திருமணியை, தீம் கரும்பின்‌ ஊறல்‌ இருந்‌ தேனை, தெரிவு அரிய மாமணியை, திகழ்‌ தகு செம்பொன்னை,குரு மணிகள்‌ கொழித்து இழிந்து சுழித்து இழியும்‌ திரைவாய்க்‌ கோல்வளையார்‌ குடைந்து ஆடும்‌ கொள்ளிடத்தின்‌ கரைமேல்‌,கருமணிகள்‌ போல்‌ நீலம்‌ மலர்கின்‌ற கழனி கானாட்டுமுள்ளூரில்‌ கண்டு தொழுதேனே.

உரை

மூலத்தில் தமிழ் உரை இல்லை.

8

இழைதழுவு வெண்ணூலும் மேவுதிரு மார்பின்ஈசன்றன் எண்டோ ள்கள் வீசியெரி யாடக்குழைதழுவு திருக்காதிற் கோளரவ மசைத்துக்கோவணங்கொள் குழகனைக் குளிர்சடையி னானைத்தழைதழுவு தண்ணிறத்த செந்நெலதன் அயலேதடந்தரள மென்கரும்பின் தாழ்கிடங்கி னருகேகழைதழுவித் தேன்றொடுக்குங் கழனிசூழ் பழனக்கானாட்டு முள்ளூரிற் கண்டுதொழு தேனே.

சொற்பிரிப்பு

இழை தழுவு வெண்‌ நூலும்‌ மேவு திருமார்பின்‌ ஈசன்‌, தன்‌ எண்தோள்கள்‌ வீசி எரிஆட,குழை தழுவு திருக்காதில்‌ கோள்‌ அரவம்‌ அசைத்து, கோவணம்‌ கொள்‌ குழகனை, குளிர் சடையினானை,தழை தழுவு தண்‌ நிறத்த செந்நெல்‌ அதன்‌ அயலே தடந்‌ தரள மென்‌ கரும்பின்‌ தாழ்‌ கிடங்கின்‌ அருகே,கழை தழுவித்‌ தேன்‌ தொடுக்கும்‌ கழனி சூழ்‌ பழன கானாட்டுமுள்ளூரில்‌ கண்டு தொழுதேனே.

உரை

மூலத்தில் தமிழ் உரை இல்லை.

9

குனிவினிய கதிர்மதியஞ் சூடுசடை யானைக்குண்டலஞ்சேர் காதவனை வண்டினங்கள் பாடப்பனியுதிருஞ் சடையானைப் பால்வெண்ணீற் றானைப்பலவுருவுந் தன்னுருவே ஆயபெரு மானைத்துனிவினிய தூயமொழித் தொண்டைவாய் நல்லார்தூநீலங் கண்வளருஞ் சூழ்கிடங்கி னருகேகனிவினிய கதலிவனந் தழுவுபொழிற் சோலைக்கானாட்டு முள்ளூரிற் கண்டுதொழு தேனே.

சொற்பிரிப்பு

குனிவு இனிய கதிர்‌ மதியம்‌ சூடு சடையானை, குண்டலம்‌ சேர்‌ காதவனை, வண்டு இனங்கள்‌ பாடப்‌பனி உதிரும்‌ சடையானை, பால்வெண்‌ நீற்றானை, பல உருவும்‌ தன்‌ உருவே ஆய பெருமானை,துனிவு இனிய தூய மொழித்‌ தொண்டை வாய்‌ நல்லார்‌, தூ நீலம்‌ கண்வளரும்‌ சூழ்‌ கிடங்கின்‌ அருகேகனிவு இனிய கதலிவனம்‌ தழுவு பொழில்‌ சோலை கானாட்டுமுள்ளூரில்‌ கண்டு தொழுதேனே.

உரை

மூலத்தில் தமிழ் உரை இல்லை.

10

தேவியம்பொன் மலைக்கோமன் றன்பாவை யாகத்தனதுருவம் ஒருபாகஞ் சேர்த்துவித்த பெருமான்மேவியவெந் நரகத்தில் அழுந்தாமை நமக்குமெய்ந்நெறியைத் தான்காட்டும் வேதமுத லானைத்தூவிவாய் நாரையொடு குருகுபாய்ந் தார்ப்பத்துறைக்கெண்டை மிளிர்ந்துகயல் துள்ளிவிளை யாடக்காவிவாய் வண்டுபல பண்செய்யுங் கழனிக்கானாட்டு முள்ளூரிற் கண்டுதொழு தேனே.

சொற்பிரிப்பு

தேவி, அம்பொன்மலைக் கோமான் தன்‌ பாவை, ஆகத்‌ தனது உருவம்‌ ஒருபாகம்‌ சேர்த்துவித்த பெருமான்‌;மேவிய வெந்நரகத்தில்‌ அழுந்தாமை நமக்கு மெய்ந்நெறியைத்‌ தான்‌ காட்டும்‌ வேத முதலானை;தூவி வாய்‌ நாரையொடு குருகு பாய்ந்து ஆர்ப்ப, துறைக்‌ கெண்டை மிளிர்ந்து, கயல்‌ துள்ளி விளையாட,காவிவாய்‌ வண்டு பல பண்‌ செய்யும்‌ கழனி கானாட்டுமுள்ளூரில்‌ கண்டு தொழுதேனே.

உரை

மூலத்தில் தமிழ் உரை இல்லை.

11

திரையினார் கடல்சூழ்ந்த தென்னிலங்கைக் கோனைச்செற்றவனைச் செஞ்சடைமேல் வெண்மதியி னானைக்கரையினார் புனல்தழுவு கொள்ளிடத்தின் கரைமேற்கானாட்டு முள்ளூரிற் கண்டுகழல் தொழுதுஉரையினார் மதயானை நாவலா ரூரன்உரிமையால் உரைசெய்த ஒண்டமிழ்கள் வல்லார்வரையினார் வகைஞாலம் ஆண்டவர்க்குந் தாம்போய்வானவர்க்குந் தலைவராய் நிற்பரவர் தாமே.

சொற்பிரிப்பு

திரையின்‌ ஆர்‌ கடல்‌ சூழ்ந்த தென்‌ இலங்கைக்‌ கோனைச்‌ செற்றவனை, செஞ்சடைமேல்‌ வெண்‌ மதியினானை,கரையின்‌ ஆர்‌ புனல்‌ தழுவு கொள்ளிடத்தின்‌ கரைமேல்‌ கானாட்டுமுள்ளூரில்‌ கண்டு கழல்‌ தொழுது,உரையின்‌ ஆர்‌ மதயானை நாவல்‌ ஆரூரன்‌, உரிமையால்‌ உரைசெய்த ஒண் தமிழ்கள்‌ வல்லார்வரையின்‌ ஆர்‌ வகை ஞாலம்‌ ஆண்டவர்க்கும்‌, தாம்‌ போய்‌, வானவர்க்கும்‌, தலைவராய்‌ நிற்பர்‌, அவர் தாமே.

உரை

மூலத்தில் தமிழ் உரை இல்லை.