திருத்தொண்டத்தொகை

அருளியவர்: சுந்தரர்
பண்: கொல்லிக்கௌவாணம்
தலம்: ஆரூர்
நாடு: சோழநாடு காவிரித் தென்கரை

1

தில்லைவாழ் அந்தணர்தம் அடியார்க்கும் அடியேன் திருநீல கண்டத்துக் குயவனார்க் கடியேன்இல்லையே என்னாத இயற்பகைக்கும் அடியேன் இளையான்றன் குடிமாறன் அடியார்க்கும் அடியேன்வெல்லுமா மிகவல்ல மெய்ப்பொருளுக் கடியேன் விரிபொழில்சூழ் குன்றையார் விறன்மிண்டற் கடியேன்அல்லிமென் முல்லையந்தார் அமர்நீதிக் கடியேன் ஆரூரன் ஆரூரில் அம்மானுக் காளே.

சொற்பிரிப்பு

தில்லை வாழ்‌ அந்தணர் தம்‌ அடியார்க்கும்‌ அடியேன்‌; திருநீலகண்டத்துக்‌ குயவனார்க்கு அடியேன்‌;இல்லையே என்னாத இயற்பகைக்கும்‌ அடியேன்‌; இளையான் தன் குடி மாறன்‌ அடியார்க்கும்‌ அடியேன்‌ ;வெல்லுமா மிக வல்ல மெய்ப்பொருளுக்கு அடியேன்‌; விரி பொழில்‌ சூழ்‌ குன்றையார்‌ விறல் மிண்டற்கு அடியேன்‌;அல்லி மென்‌ முல்லை அம்தார்‌ அமர் நீதிக்கு அடியேன்‌; ஆரூரன்‌ ஆரூரில்‌ அம்மானுக்கு ஆளே.

உரை

மூலத்தில் தமிழ் உரை இல்லை.

2

இலைமலிந்த வேல்நம்பி எறிபத்தற் கடியேன் ஏனாதி நாதன்றன் அடியார்க்கும் அடியேன்கலைமலிந்த சீர்நம்பி கண்ணப்பற் கடியேன் கடவூரிற் கலயன்றன் அடியார்க்கும் அடியேன்மலைமலிந்த தோள்வள்ளல் மானக்கஞ் சாறன் எஞ்சாத வாட்டாயன் அடியார்க்கும் அடியேன்அலைமலிந்த புனல்மங்கை ஆனாயற் கடியேன் ஆரூரன் ஆரூரில் அம்மானுக் காளே.

சொற்பிரிப்பு

இலை மலிந்த வேல்‌ நம்பி எறிபத்தற்கு அடியேன்‌; ஏனாதிநாதன் தன்‌ அடியார்க்கும்‌ அடியேன்‌கலை மலிந்த சீர்‌ நம்பி கண்ணப்பற்கு அடியேன்‌; கடவூரில்‌ கலயன் தன்‌ அடியார்க்கும்‌ அடியேன்‌;மலை மலிந்த தோள்‌ வள்ளல்‌ மானக் கஞ்சாறன்‌, எஞ்சாத வாள்‌ தாயன்‌, அடியார்க்கும்‌ அடியேன்‌;அலை மலிந்த புனல்‌ மங்கை ஆனாயற்கு அடியேன்‌; ஆரூரன்‌ ஆரூரில்‌ அம்மானுக்கு ஆளே.

உரை

மூலத்தில் தமிழ் உரை இல்லை.

3

மும்மையால் உலகாண்ட மூர்த்திக்கும் அடியேன் முருகனுக்கும் உருத்திர பசுபதிக்கும் அடியேன்செம்மையே திருநாளைப் போவாற்கும் அடியேன் திருக்குறிப்புத் தொண்டர்தம் அடியார்க்கும் அடியேன்மெய்ம்மையே திருமேனி வழிபடா நிற்க வெகுண்டெழுந்த தாதைதாள் மழுவினால் எறிந்தஅம்மையான் அடிச்சண்டிப் பெருமானுக் கடியேன் ஆரூரன் ஆரூரில் அம்மானுக் காளே.

சொற்பிரிப்பு

மும்மையால்‌ உலகு ஆண்ட மூர்த்திக்கும்‌ அடியேன்‌; முருகனுக்கும்‌, உருத்திர பசுபதிக்கும்‌, அடியேன்‌;செம்மையே திரு நாளைப்போவாற்கும்‌ அடியேன்‌; திருக்குறிப்புத் தொண்டர் தம்‌ அடியார்க்கும்‌ அடியேன்‌;மெய்ம்மையே திருமேனி வழிபடா நிற்க, வெகுண்டு எழுந்த தாதை தாள்‌ மழுவினால்‌ எறிந்த,அம்மையான்‌ அடிச் சண்டிப் பெருமானுக்கு அடியேன்‌; ஆரூரன்‌ ஆரூரில்‌ அம்மானுக்கு ஆளே.

உரை

மூலத்தில் தமிழ் உரை இல்லை.

4

திருநின்ற செம்மையே செம்மையாக் கொண்ட திருநாவுக் கரையன்றன் அடியார்க்கும் அடியேன்பெருநம்பி குலச்சிறைதன் அடியார்க்கும் அடியேன் பெருமிழலைக் குறும்பற்கும் பேயார்க்கும் அடியேன்ஒருநம்பி அப்பூதி அடியார்க்கும் அடியேன் ஒலிபுனல்சூழ் சாத்தமங்கை நீலநக்கற் கடியேன்அருநம்பி நமிநந்தி அடியார்க்கும் அடியேன் ஆரூரன் ஆரூரில் அம்மானுக் காளே.

சொற்பிரிப்பு

திரு நின்ற செம்மையே செம்மையாக்‌ கொண்ட திரு நாவுக்கரையன் தன்‌ அடியார்க்கும்‌ அடியேன்‌;பெரு நம்பி குலச்சிறை தன்‌ அடியார்க்கும்‌ அடியேன்‌; பெருமிழலைக் குறும்பற்கும்‌, பேயார்க்கும்‌, அடியேன்‌;ஒரு நம்பி அப்பூதி அடியார்க்கும்‌ அடியேன்‌; ஒலி புனல்‌ சூழ்‌ சாத்தமங்கை நீலநக்கற்கு அடியேன்‌;அரு நம்பி நமிநந்தி அடியார்க்கும்‌ அடியேன்‌; ஆரூரன்‌ ஆரூரில்‌ அம்மானுக்கு ஆளே.

உரை

மூலத்தில் தமிழ் உரை இல்லை.

5

வம்பறா வரிவண்டு மணம்நாற மலரும் மதுமலர்நற் கொன்றையான் அடியலாற் பேணாஎம்பிரான் சம்பந்தன் அடியார்க்கும் அடியேன் ஏயர்கோன் கலிக்காமன் அடியார்க்கும் அடியேன்நம்பிரான் திருமூலன் அடியார்க்கும் அடியேன் நாட்டமிகு தண்டிக்கும் மூர்க்கற்கும் அடியேன்அம்பரான் சோமாசி மாறனுக்கும் அடியேன் ஆரூரன் ஆரூரில் அம்மானுக் காளே.

சொற்பிரிப்பு

வம்பு அறா வரிவண்டு மணம் நாற மலரும்‌ மதுமலர் நல் கொன்றையான்‌ அடி அலால்‌ பேணாஎம்பிரான்‌ சம்பந்தன்‌ அடியார்க்கும்‌ அடியேன்‌; ஏயர்கோன் கலிக்காமன்‌ அடியார்க்கும்‌ அடியேன்‌நம்பிரான்‌ திருமூலன்‌ அடியார்க்கும்‌ அடியேன்‌ நாட்டம்‌ மிகு தண்டிக்கும்‌, மூர்க்கற்கும்‌, அடியேன்‌அம்பரான்‌ சோமாசி மாறனுக்கும்‌ அடியேன்‌; ஆரூரன்‌ ஆரூரில்‌ அம்மானுக்கு ஆளே.

உரை

மூலத்தில் தமிழ் உரை இல்லை.

6

வார்கொண்ட வனமுலையாள் உமைபங்கன் கழலே மறவாது கல்லெறிந்த சாக்கியற்கும் அடியேன்சீர்கொண்ட புகழ்வள்ளல் சிறப்புலிக்கும் அடியேன் செங்காட்டங் குடிமேய சிறுத்தொண்டற் கடியேன்கார்கொண்ட கொடைக்கழறிற் றறிவாற்கும் அடியேன் கடற்காழிக் கணநாதன் அடியார்க்கும் அடியேன்ஆர்கொண்ட வேற்கூற்றன் களந்தைக்கோன் அடியேன் ஆரூரன் ஆரூரில் அம்மானுக் காளே.

சொற்பிரிப்பு

வார்‌ கொண்ட வனமுலையாள்‌ உமை பங்கன்‌ கழலே மறவாது கல்‌ எறிந்த சாக்கியற்கும்‌ அடியேன்சீர்‌ கொண்ட புகழ்‌ வள்ளல்‌ சிறப்புலிக்கும்‌ அடியேன்‌ செங்காட்டங்குடி மேய சிறுத்தொண்டற்கு அடியேன்‌கார்‌ கொண்ட கொடை கழறிற்று அறிவாற்கும்‌ அடியேன்‌ கடல்‌ காழி கண நாதன்‌ அடியார்க்கும்‌ அடியேன்‌ஆர்‌ கொண்ட வேல்‌ கூற்றன்‌ களந்தைக்‌ கோன் அடியேன்‌; ஆரூரன்‌ ஆரூரில்‌ அம்மானுக்கு ஆளே.

உரை

மூலத்தில் தமிழ் உரை இல்லை.

7

பொய்யடிமை யில்லாத புலவர்க்கும் அடியேன் பொழிற்கருவூர்த் துஞ்சிய புகழ்ச்சோழற் கடியேன்மெய்யடியான் நரசிங்க முனையரையற் கடியேன் விரிதிரைசூழ் கடல்நாகை அதிபத்தற் கடியேன்கைதடிந்த வரிசிலையான் கலிக்கம்பன் கலியன் கழற்சத்தி வரிஞ்சையர்கோன் அடியார்க்கும் அடியேன்ஐயடிகள் காடவர்கோன் அடியார்க்கும் அடியேன் ஆரூரன் ஆரூரில் அம்மானுக் காளே.

சொற்பிரிப்பு

பொய்‌ அடிமை இல்லாத புலவர்க்கும்‌ அடியேன்‌; பொழில்‌ கருவூர்த்‌ துஞ்சிய புகழ்ச்சோழற்கு அடியேன்‌;மெய்‌அடியான் நரசிங்க முனையரையற்கு அடியேன்‌; விரி திரை சூழ்‌ கடல்‌ நாகை அதிபத்தற்கு அடியேன்‌;கை தடிந்த வரி சிலையான்‌ கலிக்கம்பன்‌, கலியன்‌, கழல்‌ சத்தி வரிஞ்சையர் கோன்‌ அடியார்க்கும்‌ அடியேன்‌;ஐயடிகள் காடவர்கோன்‌ அடியார்க்கும்‌ அடியேன்‌; ஆரூரன்‌ ஆரூரில்‌ அம்மானுக்கு ஆளே.

உரை

மூலத்தில் தமிழ் உரை இல்லை.

8

கறைக்கண்டன் கழலடியே காப்புக்கொண் டிருந்த கணம்புல்ல நம்பிக்குங் காரிக்கும் அடியேன்நிறைக்கொண்ட சிந்தையான் நெல்வேலி வென்ற நின்றசீர் நெடுமாறன் அடியார்க்கும் அடியேன்துறைக்கொண்ட செம்பவளம் இருளகற்றுஞ் சோதித் தொன்மயிலை வாயிலான் அடியார்க்கும் அடியேன்அறைக்கொண்ட வேல்நம்பி முனையடுவாற் கடியேன் ஆரூரன் ஆரூரில் அம்மானுக் காளே.

சொற்பிரிப்பு

கறைக்கண்டன்‌ கழல்‌ அடியே காப்புக்‌ கொண்டிருந்த கணம்புல்ல நம்பிக்கும்‌, காரிக்கும்‌, அடியேன்‌;நிறைக்‌ கொண்ட சிந்தையான்‌, நெல்வேலி வென்ற நின்ற சீர்‌ நெடுமாறன்‌ அடியார்க்கும்‌ அடியேன்‌துறைக்‌ கொண்ட செம்பவளம்‌ இருள்‌ அகற்றும்‌ சோதித்‌ தொல்‌ மயிலை வாயிலான்‌ அடியார்க்கும்‌ அடியேன்அறைக்‌ கொண்ட வேல்‌ நம்பி முனையடுவாற்கு அடியேன்‌; ஆரூரன்‌ ஆரூரில்‌ அம்மானுக்கு ஆளே.

உரை

மூலத்தில் தமிழ் உரை இல்லை.

9

கடல்சூழ்ந்த உலகெலாங் காக்கின்ற பெருமான் காடவர்கோன் கழற்சிங்கன் அடியார்க்கும் அடியேன்மடல்சூழ்ந்த தார்நம்பி இடங்கழிக்குந் தஞ்சை மன்னவனாம் செருத்துணைதன் அடியார்க்கும் அடியேன்புடைசூழ்ந்த புலியதள்மேல் அரவாட ஆடி பொன்னடிக்கே மனம்வைத்த புகழ்த்துணைக்கும் அடியேன்அடல்சூழ்ந்த வேல்நம்பி கோட்புலிக்கும் அடியேன் ஆரூரன் ஆரூரில் அம்மானுக் காளே.

சொற்பிரிப்பு

கடல்‌ சூழ்ந்த உலகு எலாம்‌ காக்கின்‌ற பெருமான்‌ காடவர்கோன்‌ கழற்சிங்கன்‌ அடியார்க்கும்‌ அடியேன்‌மடல்‌ சூழ்ந்த தார்‌ நம்பி இடங்கழிக்கும்‌, தஞ்சை மன்னவனாம் செருத்துணை தன்‌ அடியார்க்கும்‌ அடியேன்‌புடை சூழ்ந்த புலி அதள் மேல்‌ அரவு ஆட ஆடி பொன்‌அடிக்கே மனம்‌ வைத்த புகழ்த்துணைக்கும்‌ அடியேன்‌அடல்‌ சூழ்ந்த வேல்‌ நம்பி கோட்புலிக்கும்‌ அடியேன்‌; ஆரூரன்‌ ஆரூரில்‌ அம்மானுக்கு ஆளே.

உரை

மூலத்தில் தமிழ் உரை இல்லை.

10

பத்தராய்ப் பணிவார்கள் எல்லார்க்கும் அடியேன் பரமனையே பாடுவார் அடியார்க்கும் அடியேன்சித்தத்தைச் சிவன்பாலே வைத்தார்க்கும் அடியேன் திருவாரூர்ப் பிறந்தார்கள் எல்லார்க்கும் அடியேன்முப்போதுந் திருமேனி தீண்டுவார்க் கடியேன் முழுநீறு பூசிய முனிவர்க்கும் அடியேன்அப்பாலும் அடிச்சார்ந்த அடியார்க்கும் அடியேன் ஆரூரன் ஆரூரில் அம்மானுக் காளே.

சொற்பிரிப்பு

பத்தராய்ப்‌ பணிவார்கள்‌ எல்லார்க்கும்‌ அடியேன்‌; பரமனையே பாடுவார்‌ அடியார்க்கும்‌ அடியேன்‌;சித்தத்தைச்‌ சிவன்பாலே வைத்தார்க்கும்‌ அடியேன்‌; திருவாரூர்ப்‌ பிறந்தார்கள்‌ எல்லார்க்கும்‌ அடியேன்‌;முப்போதும்‌ திருமேனி தீண்டுவார்க்கு அடியேன்‌; முழுநீறு பூசிய முனிவர்க்கும்‌ அடியேன்‌;அப்பாலும்‌ அடிச்சார்ந்த அடியார்க்கும்‌ அடியேன்‌; ஆரூரன்‌ ஆரூரில்‌ அம்மானுக்கு ஆளே.

உரை

மூலத்தில் தமிழ் உரை இல்லை.

11

மன்னியசீர் மறைநாவன் நின்றவூர்ப் பூசல் வரிவளையாள் மானிக்கும் நேசனுக்கும் அடியேன்தென்னவனாய் உலகாண்ட செங்கணாற் கடியேன் திருநீல கண்டத்துப் பாணனார்க் கடியேன்என்னவனாம் அரனடியே அடைந்திட்ட சடையன் இசைஞானி காதலன் திருநாவ லூர்க்கோன்அன்னவனாம் ஆரூரன் அடிமைகேட் டுவப்பார் ஆரூரில் அம்மானுக் கன்ப ராவாரே.

சொற்பிரிப்பு

மன்னிய சீர்‌ மறை நாவன்‌ நின்றவூர்ப் பூசல்‌, வரிவளையாள்‌ மானிக்கும்‌, நேசனுக்கும்‌, அடியேன்‌;தென்னவனாய்‌ உலகு ஆண்ட செங்கணாற்கு அடியேன்‌; திருநீலகண்டத்துப்‌ பாணனார்க்கு அடியேன்‌;என்னவன்‌ ஆம்‌ அரன்‌ அடியே அடைந்திட்ட சடையன்‌, இசைஞானி, காதலன்‌ திருநாவலூர்க்‌ கோன்‌,அன்னவன்‌ ஆம்‌ ஆரூரன்‌ அடிமை கேட்டு உவப்பார்‌ ஆருரில்‌ அம்மானுக்கு அன்பர்‌ ஆவாரே.

உரை

மூலத்தில் தமிழ் உரை இல்லை.