திருவதிகைத் திருவீரட்டானம்

அருளியவர்: சுந்தரர்
பண்: கொல்லிக்கௌவாணம்
தலம்: அதிகை வீரட்டானம்
நாடு: நடுநாடு

1

தம்மானை அறியாத சாதியார் உளரே சடைமேற்கொள் பிறையானை விடைமேற்கொள் விகிர்தன்கைம்மாவின் உரியானைக் கரிகாட்டி லாடல் உடையானை விடையானைக் கறைகொண்ட கண்டத்தெம்மான்றன் அடிக்கொண்டென் முடிமேல்வைத் திடுமென்னும் ஆசையால் வாழ்கின்ற அறிவிலா நாயேன்எம்மானை எறிகெடில வடவீரட் டானத் துறைவானை இறைபோது மிகழ்வன்போ லியானே.

சொற்பிரிப்பு

தம்மானை அறியாத சாதியார்‌ உளரே? சடைமேல்‌ கொள்‌ பிறையானை, விடை மேற்கொள்‌ விகிர்தன்‌,கைம்மாவின்‌ உரியானை, கரிகாட்டில்‌ ஆடல்‌ உடையானை, விடையானை, கறை கொண்ட கண்டத்துஅம்மான்‌ தன்‌ அடிக்‌ கொண்டு என்‌ முடிமேல்‌ வைத்திடும்‌ என்னும்‌ ஆசையால்‌ வாழ்கின்ற அறிவு இலா நாயேன்‌எம்மானை, எறி கெடில வட வீரட்டானத்து உறைவானை, இறை போதும்‌ இகழ்வன்‌ போல்‌ யானே!

உரை

மூலத்தில் தமிழ் உரை இல்லை.

2

முன்னேயெம் பெருமானை மறந்தென்கொல் மறவா தொழிந்தென்கொல் மறவாத சிந்தையால் வாழ்வேன்பொன்னேநன் மணியேவெண் முத்தேசெம் பவளக் குன்றமே ஈசனென் றுன்னையே புகழ்வேன்அன்னேயென் அத்தாவென் றமரரால் அமரப் படுவானை அதிகைமா நகருள்வாழ் பவனைஎன்னேயென் எறிகெடில வடவீரட் டானத் துறைவானை இறைபோது மிகழ்வன்போ லியானே.

சொற்பிரிப்பு

முன்னே எம்பெருமானை மறந்து என்கொல்‌? மறவாதொழிந்து என்கொல்‌? மறவாத சிந்தையால்‌ வாழ்வேன்‌;"பொன்னே! நல்மணியே! வெண்முத்தே! செம்பவளக்‌ குன்றமே! ஈசன்‌!” என்று உன்னையே புகழ்வேன்‌;“அன்னே! என்‌ அத்தா!” என்று அமரரால்‌ அமரப்‌- படுவானை, அதிகை மா நகருள்‌ வாழ்பவனை,என்னே! என்‌ எறி கெடில வட வீரட்டானத்து உறைவானை, இறைபோதும்‌ இகழ்வன்‌ போல்‌ யானே!

உரை

மூலத்தில் தமிழ் உரை இல்லை.

3

விரும்பினேற் கெனதுள்ளம் விடகிலா விதியே விண்ணவர்தம் பெருமானே மண்ணவர்நின் றேத்துங்கரும்பேயென் கட்டியென் றுள்ளத்தால் உள்கிக் காதல்சேர் மாதராள் கங்கையாள் நங்கைவரும்புனலுஞ் சடைக்கணிந்து வளராத பிறையும் வரியரவும் உடன்துயில வைத்தருளும் எந்தைஇரும்புனல்வந் தெறிகெடில வடவீரட் டானத் துறைவானை இறைபோது மிகழ்வன்போ லியானே.

சொற்பிரிப்பு

விரும்பினேற்கு எனது உள்ளம்‌ விடகிலா விதியே! விண்ணவர்‌ தம்‌ பெருமானே! மண்ணவர்‌ நின்று ஏத்தும்‌கரும்பே! என்‌ கட்டி! என்று உள்ளத்தால்‌ உள்கி, காதல்‌ சேர்‌ மாதராள்‌ கங்கையாள்‌ நங்கைவரும்‌ புனலும்‌ சடைக்கு அணிந்து, வளராத பிறையும்‌ வரி அரவும்‌ உடன் துயில வைத்தருளும்‌ எந்தை,இரும்‌ புனல்‌ வந்து எறி கெடில வட வீரட்டானத்து உறைவானை, இறைபோதும்‌ இகழ்வன்‌ போல்‌ யானே!

உரை

மூலத்தில் தமிழ் உரை இல்லை.

4

நாற்றானத் தொருவனை நானாய பரனை நள்ளாற்று நம்பியை வெள்ளாற்று விதியைக்காற்றானைத் தீயானைக் கடலானை மலையின் றலையானைக் கடுங்கலுழிக் கங்கைநீர் வெள்ளஆற்றானைப் பிறையானை அம்மானை எம்மான் தம்மானை யாவர்க்கும் அறிவரிய செங்கண்ஏற்றானை எறிகெடில வடவீரட் டானத் துறைவானை இறைபோது மிகழ்வன்போ லியானே.

சொற்பிரிப்பு

நால்‌-தானத்து ஒருவனை, நான்‌ ஆய பரனை, நள்ளாற்று நம்பியை, வெள்ளாற்று விதியை,காற்றானை, தீயானை, கடலானை, மலையின்‌ தலையானை, கடுங்‌ கலுழிக்‌ கங்கை நீர் வெள்ளஆற்றானை, பிறையானை, அம்மானை, எம்மான்‌ தம்மானை, யாவர்க்கும்‌ அறிவு அரிய செங்கண்‌ஏற்றானை, எறி கெடில வட வீரட்டானத்து உறைவானை, இறைபோதும்‌ இகழ்வன்‌ போல்‌ யானே!

உரை

மூலத்தில் தமிழ் உரை இல்லை.

5

சேந்தர்தாய் மலைமங்கை திருநிறமும் பரிவும் உடையானை அதிகைமா நகருள்வாழ் பவனைக்கூந்தல்தாழ் புனல்மங்கை குயிலன்ன மொழியாள் சடையிடையிற் கயலினங்கள் குதிகொள்ளக் குலாவிவாய்ந்தநீர் வரவுந்தி மராமரங்கள் வணக்கி மறிகடலை இடங்கொள்வான் மலையாரம் வாரிஏந்துநீர் எறிகெடில வடவீரட் டானத் துறைவானை இறைபோது மிகழ்வன்போ லியானே.

சொற்பிரிப்பு

சேந்தர் தாய்‌ மலைமங்கை திரு நிறமும்‌ பரிவும்‌ உடையானை, அதிகை மா நகருள்‌ வாழ்பவனை,கூந்தல்‌ தாழ்‌ புனல்மங்கை குயில்‌ அன்ன மொழியாள் சடை இடையில்‌ கயல்‌ இனங்கள்‌ குதிகொள்ளக்‌ குலாவி,வாய்ந்த நீர்‌ வர உந்தி மராமரங்கள்‌ வணக்கி, மறிகடலை இடம்‌ கொள்வான்‌ மலை ஆரம்‌ வாரிஏந்து நீர்‌ எறி கெடில வட வீரட்டானத்து உறைவானை, இறைபோதும்‌ இகழ்வன்‌ போல்‌ யானே!

உரை

மூலத்தில் தமிழ் உரை இல்லை.

6

மைம்மான மணிநீல கண்டத்தெம் பெருமான் வல்லேனக் கொம்பணிந்த மாதவனை வானோர்தம்மானைத் தலைமகனைத் தண்மதியும் பாம்பும் தடுமாறுஞ் சடையானைத் தாழ்வரைக்கை வென்றவெம்மான* மதகரியின் உரியானை வேத விதியானை வெண்ணீறு சண்ணித்த மேனிஎம்மானை எறிகெடில வடவீரட் டானத் துறைவானை இறைபோது மிகழ்வன்போ லியானே.( * வெம்மானை என்றும் பாடம்)

சொற்பிரிப்பு

மைம்‌ மான மணி நீலகண்டத்து எம்பெருமான்‌, வல்‌ ஏனக்கொம்பு அணிந்த மாதவனை, வானோர்‌தம்மானை, தலைமகனை, தண்மதியும்‌ பாம்பும்‌ தடுமாறும்‌ சடையானை, தாழ் வரைக்கை வென்றவெம்‌ மான மதகரியின்‌ உரியானை, வேத விதியானை, வெண்நீறு சண்ணித்த மேனிஎம்மானை, எறி கெடில வட வீரட்டானத்து உறைவானை, இறைபோதும்‌ இகழ்வன்‌ போல்‌ யானே!

உரை

மூலத்தில் தமிழ் உரை இல்லை.

7

வெய்தாய வினைக்கடலிற் றடுமாறும் உயிர்க்கு மிகஇரங்கி அருள்புரிந்து வீடுபே றாக்கம்பெய்தானைப் பிஞ்ஞகனை மைஞ்ஞவிலுங் கண்டத் தெண்டோ ளெம் பெருமானைப் பெண்பாகம் ஒருபாற்செய்தானைச் செக்கர்வான் ஒளியானைத் தீவாய் அரவாடு சடையானைத் திரிபுரங்கள் வேவஎய்தானை எறிகெடில வடவீரட் டானத் துறைவானை இறைபோது மிகழ்வன்போ லியானே.

சொற்பிரிப்பு

வெய்து ஆய வினைக்கடலில்‌ தடுமாறும்‌ உயிர்க்கு மிக இரங்கி, அருள்புரிந்து, வீடுபேறு ஆக்கம்‌பெய்தானை, பிஞ்ஞகனை, மைஞ்‌ ஞவிலும்‌ கண்டத்து எண்தோள்‌ எம்பெருமானை, பெண்பாகம்‌ ஒருபால்‌செய்தானை, செக்கர்வான்‌ ஒளியானை, தீ வாய்‌ அரவு ஆடு சடையானை, திரிபுரங்கள்‌ வேவஎய்தானை, எறி கெடில வட வீரட்டானத்து உறைவானை, இறைபோதும்‌ இகழ்வன்‌ போல்‌ யானே!

உரை

மூலத்தில் தமிழ் உரை இல்லை.

8

பொன்னானை மயிலூர்தி முருகவேள் தாதை பொடியாடு திருமேனி நெடுமாறன் முடிமேல்தென்னானைக் குடபாலின் வடபாலின் குணபாற் சேராத சிந்தையான் செக்கர்வான் அந்திஅன்னானை அமரர்கள்தம் பெருமானைக் கருமான் உரியானை அதிகைமா நகருள்வாழ் பவனைஎன்னானை எறிகெடில வடவீரட் டானத் துறைவானை இறைபோது மிகழ்வன்போ லியானே.

சொற்பிரிப்பு

பொன்னானை, மயில்‌ ஊர்தி முருகவேள்‌ தாதை, பொடி ஆடு திருமேனி, நெடுமால் தன்‌ முடிமேல்‌தென்னானை, குடபாலின்‌ வடபாலின்‌ குணபால்‌ சேராத சிந்தையான்‌, செக்கர்வான்‌ அந்திஅன்னானை, அமரர்கள் தம்‌ பெருமானை, கருமான்‌ உரியானை, அதிகை மா நகருள்‌ வாழ்பவனை,என்னானை, எறி கெடில வட வீரட்டானத்து உறைவானை, இறைபோதும்‌ இகழ்வன்‌ போல்‌ யானே!

உரை

மூலத்தில் தமிழ் உரை இல்லை.

9

திருந்தாத வாளவுணர் புரமூன்றும் வேவச் சிலைவளைவித் தொருகணையாற் றொழில்பூண்ட சிவனைக்கருந்தாள மதகளிற்றின் உரியானைப் பெரிய கண்மூன்றும் உடையானைக் கருதாத அரக்கன்பெருந்தோள்கள் நாலைந்தும் ஈரைந்து முடியும் உடையானைப் பேயுருவ மூன்றுமுற மலைமேல்இருந்தானை எறிகெடில வடவீரட் டானத் துறைவானை இறைபோது மிகழ்வன்போ லியானே.

சொற்பிரிப்பு

திருந்தாத வாள்‌ அவுணர்‌ புரம் மூன்றும்‌ வேவச்‌ சிலை வளைவித்து, ஒரு கணையால்‌ தொழில்‌ பூண்ட சிவனை,கருந்‌ தான மத களிற்றின்‌ உரியானை, பெரிய கண் மூன்றும்‌ உடையானை, கருதாத அரக்கன்‌பெருந்தோள்கள்‌ நால்‌-ஐந்தும்‌, ஈர்‌-ஐந்து முடியும்‌, உடையானைப்‌ பேய்‌ உருவம்‌ ஊன்றும்‌ உற மலைமேல்‌இருந்தானை, எறி கெடில வட வீரட்டானத்து உறைவானை, இறைபோதும்‌ இகழ்வன்‌ போல்‌ யானே!

உரை

மூலத்தில் தமிழ் உரை இல்லை.

10

என்பினையே கலனாக அணிந்தானை எங்கள் எருதேறும் பெருமானை இசைஞானி சிறுவன்வன்பனைய வளர்பொழில்சூழ் வயல்நாவ லூர்க்கோன் வன்றொண்டன் ஆரூரன் மதியாது சொன்னஅன்பனை யாவர்க்கும் அறிவரிய அத்தர் பெருமானை அதிகைமா நகருள்வாழ் பவனைஎன்பொன்னை எறிகெடில வடவீரட் டானத் துறைவானை இறைபோதும் இகழ்வன்போ லியானே.

சொற்பிரிப்பு

என்பினையே கலன்‌ ஆக அணிந்தானை, எங்கள்‌ எருது ஏறும்‌ பெருமானை, இசைஞானி சிறுவன்வன்பனைய வளர்பொழில்‌ சூழ்‌ வயல்‌ நாவலூர்க் கோன்‌, வன்தொண்டன்‌, ஆரூரன்‌ மதியாது சொன்னஅன்பனை, யாவர்க்கும்‌ அறிவு அரிய அத்தர்‌ பெருமானை, அதிகை மா நகருள்‌ வாழ்பவனை,என்‌ பொன்னை, எறிகெடில வட வீரட்டானத்து உறைவானை, இறைபோதும்‌ இகழ்வன்‌ போல்‌ யானே!

உரை

மூலத்தில் தமிழ் உரை இல்லை.