திருப்பைஞ்ஞீலி

அருளியவர்: சுந்தரர்
பண்: கொல்லி
தலம்: பைஞ்ஞீலி
நாடு: சோழநாடு காவிரி வடகரை

1

காருலாவிய நஞ்சையுண்டிருள் கண்டர் வெண்டலை யோடுகொண்டூரெலாந்திரிந் தென்செய்வீர்பலி ஓரிடத்திலே கொள்ளும்நீர்பாரெலாம்பணிந் தும்மையேபர விப்பணியும்பைஞ் ஞீலியீர்ஆரமாவது நாகமோசொல்லும் ஆரணீய விடங்கரே.

சொற்பிரிப்பு

கார்‌ உலாவிய நஞ்சை உண்டு இருள் ‌ கண்ட! வெண்‌ தலை ஓடு கொண்டு,ஊர்‌ எலாம்‌ திரிந்து, என்‌ செய்வீர்‌? பலி ஓர்‌ இடத்திலே கொள்ளும்‌, நீர்‌!பார்‌ எலாம்‌ பணிந்து உம்மையே பரவிப்‌ பணியும்‌ பைஞ்ஞீலியீர்‌!ஆரம்‌ ஆவது நாகமோ? சொலும்‌! ஆரணீய விடங்கரே!

உரை

மூலத்தில் தமிழ் உரை இல்லை.

2

சிலைத்துநோக்கும்வெள் ளேறுசெந்தழல் வாயபாம்பது மூசெனும்பலிக்குநீர்வரும் போதுநுங்கையிற் பாம்புவேண்டா பிரானிரேமலைத்தசந்தொடு வேங்கைகோங்கமும் மன்னுகாரகில் சண்பகம்அலைக்கும்பைம்புனல் சூழ்பைஞ்ஞீலியில் ஆரணீய விடங்கரே.

சொற்பிரிப்பு

சிலைத்து நோக்கும்‌, வெள் ஏறு; செந்தழல் ‌ வாய பாம்பது மூசெனும்‌;பலிக்கு நீர்‌ வரும்போது நும்‌ கையில் ‌ பாம்பு வேண்டா பிரானிரே!மலைத்த சந்தொடு, வேங்கை, கோங்கமும்‌, மன்னு கார்‌ அகில்‌, சண்பகம்‌,அலைக்கும்‌ பைம்புனல்‌ சூழ்‌ பைஞ்ஞீலியில் ‌ ஆரணீய விடங்கரே!

உரை

மூலத்தில் தமிழ் உரை இல்லை.

3

தூயவர்கண்ணும் வாயும்மேனியுந் துன்னஆடை சுடலையிற்பேயொடாடலைத் தவிரும்நீரொரு பித்தரோவெம் பிரானிரேபாயும்நீர்க்கிடங் கார்கமலமும் பைந்தண்மாதவி புன்னையும்ஆயபைம்பொழில் சூழ்பைஞ்ஞீலியில் ஆரணீய விடங்கரே.

சொற்பிரிப்பு

தூயவர்‌, கண்ணும்‌ வாயும்‌ மேனியும்‌; துன்ன ஆடை, சுடலையில்‌பேயொடு ஆடலைத்‌ தவிரும்‌! நீர்‌ ஒரு பித்தரோ? எம்பிரானிரே!பாயும்‌ நீர்க்‌ கிடங்கு ஆர்‌ கமலமும்‌, பைந்‌ தண்‌ மாதவி, புன்னையும்‌,ஆய பைம்பொழில்‌ சூழ்‌ பைஞ்ஞீலியில் ‌ ஆரணீய விடங்கரே!

உரை

மூலத்தில் தமிழ் உரை இல்லை.

4

செந்தமிழ்த்திறம் வல்லிரோசெங்கண் அரவமுன்கையில் ஆடவேவந்துநிற்குமி தென்கொலோபலி மாற்றமாட்டோம் இடகிலோம்பைந்தண்மாமலர் உந்துசோலைகள் கந்தம்நாறும்பைஞ் ஞீலியீர்அந்திவானமும் மேனியோசொல்லும் ஆரணீய விடங்கரே.

சொற்பிரிப்பு

செந்தமிழ்த்‌ திறம்‌ வல்லிரோ? செங்கண் ‌ அரவம்‌ முன்கையில்‌ ஆடவேவந்து நிற்கும் இது என்கொலோ? பலி மாற்ற மாட்டோம்‌; இடகிலோம்‌;பைந்‌ தண்‌ மா மலர்‌ உந்து சோலைகள் ‌ கந்தம்‌ நாறும்‌ பைஞ்ஞீலியீர்‌!அந்தி வானம்‌ உம்‌ மேனியோ? சொலும்‌! ஆரணீய விடங்கரே!

உரை

மூலத்தில் தமிழ் உரை இல்லை.

5

நீறுநுந்திரு மேனிநித்திலம் நீணெடுங்கண்ணி னாளொடுங்கூறராய்வந்து நிற்றிராற்கொணர்ந் திடுகிலோம்பலி நடமினோபாறுவெண்டலை கையிலேந்திபைஞ் ஞீலியேனென்றீர் அடிகள்நீர்ஆறுதாங்கிய சடையரோசொல்லும் ஆரணீய விடங்கரே.

சொற்பிரிப்பு

நீறு நும்‌ திருமேனி நித்திலம்‌; நீள் நெடுங் கண்ணினாளொடும்‌கூறராய்‌ வந்து நிற்றிரால்‌; கொணர்ந்து இடகிலோம்‌, பலி; நடமினோ!பாறு வெண்தலை கையில்‌ ஏந்தி, “பைஞ்ஞீலியேன்‌” என்‌றீர்‌, அடிகள் நீர்‌;ஆறு தாங்கிய சடையரோ? சொலும்‌! ஆரணீய விடங்கரே!

உரை

மூலத்தில் தமிழ் உரை இல்லை.

6

குரவம்நாறிய குழலினார்வளை கொள்வதேதொழி லாகிநீர்இரவும்இம்மனை அறிதிரேயிங்கே நடந்துபோகவும் வல்லிரேபரவிநாடொறும் பாடுவார்வினை பற்றறுக்கும்பைஞ் ஞீலியீர்அரவம்ஆட்டவும் வல்லிரோசொல்லும் ஆரணீய விடங்கரே.

சொற்பிரிப்பு

குரவம்‌ நாறிய குழலினார்‌ வளை கொள்வதே தொழில்‌ ஆகி நீர்‌இரவும்‌ இம்‌ மனை அறிதிரே? இங்கே நடந்து போகவும்‌ வல்லிரே?பரவி நாள்தொறும்‌ பாடுவார்‌ வினை பற்று அறுக்கும்‌ பைஞ்ஞீலியீர்‌!அரவம்‌ ஆட்டவும்‌ வல்லிரோ? சொலும்‌! ஆரணீய விடங்கரே!

உரை

மூலத்தில் தமிழ் உரை இல்லை.

7

ஏடுலாமலர்க் கொன்றைசூடுதிர் என்பெலாமணிந் தென்செய்வீர்காடுநும்பதி ஓடுகையது காதல்செய்பவர் பெறுவதென்பாடல்வண்டிசை யாலுஞ்சோலைப்பைஞ் ஞீலியேனென்று நிற்றிரால்ஆடல்பாடலும் வல்லிரோசொல்லும் ஆரணீய விடங்கரே.

சொற்பிரிப்பு

ஏடு உலாம்‌ மலர்க் கொன்றை சூடுதிர்‌; என்பு எலாம்‌ அணிந்து என்‌ செய்வீர்‌?காடு, நும்‌ பதி; ஓடு, கையது; காதல் செய்பவர்‌ பெறுவது என்‌?“பாடல்‌ வண்டு இசை ஆலும்‌ சோலைப் ‌ பைஞ்ஞீலியேன்‌ ' என்று நிற்றிரால்‌;ஆடல்‌ பாடலும்‌ வல்லிரோ? சொலும்‌! ஆரணீய விடங்கரே!

உரை

மூலத்தில் தமிழ் உரை இல்லை.

8

மத்தமாமலர் கொன்றைவன்னியுங் கங்கையாளொடு திங்களும்மொய்த்தவெண்டலை கொக்கிறகொடு வெள்ளெருக்கமுஞ் சடையதாம்பத்தர்சித்தர்கள் பாடியாடும்பைஞ் ஞீலியேன்என்று நிற்றிரால்அத்தியீருரி போர்த்திரோசொல்லும் ஆரணீய விடங்கரே.

சொற்பிரிப்பு

மத்தம்‌, மா மலர்‌,கொன்றை, வன்னியும்‌, கங்கையாளொடு திங்களும்‌,மொய்த்த வெண்தலை, கொக்கு இற(ஃ)கொடு, வெள் எருக்கமும்‌ சடையதாம்‌;“பத்தர் சித்தர்கள்‌ பாடி ஆடும்‌ பைஞ்ஞீலியேன்‌' என்று நிற்றிரால்‌;அத்தி ஈர்‌ உரி போர்த்திரோ? சொலும்‌! ஆரணீய விடங்கரே!

உரை

மூலத்தில் தமிழ் உரை இல்லை.

9

தக்கைதண்ணுமை தாளம்வீணை தகுணிச்சங்கிணை சல்லரிகொக்கரைகுட முழவினோடிசை கூடிப்பாடிநின் றாடுவீர்பக்கமேகுயில் பாடுஞ்சோலைப்பைஞ் ஞீலியேனென நிற்றிரால்அக்கும்ஆமையும் பூண்டிரோசொல்லும் ஆரணீய விடங்கரே.

சொற்பிரிப்பு

தக்கை, தண்ணுமை, தாளம்‌, வீணை, தகுணிச்சம்‌, கிணை, சல்லரி,கொக்கரை, குடமுழவினோடு இசை கூடிப்‌ பாடி நின்று ஆடுவீர்‌;பக்கமே குயில்‌ பாடும்‌ சோலைப் ‌ பைஞ்ஞீலியேன்‌ என நிற்றிரால்‌;அக்கும்‌ ஆமையும்‌ பூண்டிரோ? சொலும்‌! ஆரணிய விடங்கரே!

உரை

மூலத்தில் தமிழ் உரை இல்லை.

10

கையோர்பாம்பரை யார்த்தோர்பாம்பு கழுத்தோர்பாம்பவை பின்புதாழ்மெய்யெலாம்பொடிக் கொண்டுபூசுதிர் வேதமோதுதிர் கீதமும்பையவேவிடங் காகநின்றுபைஞ் ஞீலியேனென்றீர் அடிகள்நீர்ஐயம்ஏற்குமி தென்கொலோசொல்லும் ஆரணீய விடங்கரே.

சொற்பிரிப்பு

கை ஓர்‌ பாம்பு, அரை ஆர்த்த ஓர்‌ பாம்பு, கழுத்து ஓர்‌ பாம்பு, அவை பின்பு தாழ்‌மெய்‌ எலாம்‌ பொடிக் கொண்டு பூசுதிர்‌; வேதம்‌ ஓதுதிர்‌; கீதமும்பையவே விடங்கு ஆக நின்று, பைஞ்ஞீலியேன்‌ என்றீர்‌, அடிகள்‌ நீர்‌;ஐயம்‌ ஏற்குமிது என்கொலோ? சொலும்‌! ஆரணிய விடங்கரே!

உரை

மூலத்தில் தமிழ் உரை இல்லை.

11

அன்னஞ்சேர்வயல் சூழ்பைஞ்ஞீலியில் ஆரணீய விடங்கரைமின்னும்நுண்ணிடை மங்கைமார்பலர் வேண்டிக்காதல் மொழிந்தசொல்மன்னுதொல்புகழ் நாவலூரன்வன் றொண்டன்வாய்மொழி பாடல்பத்துன்னிஇன்னிசை பாடுவார்உமை கேள்வன்சேவடி சேர்வரே.

சொற்பிரிப்பு

அன்னம்‌ சேர்‌ வயல்‌ சூழ்‌ பைஞ்ஞீலியில் ‌ ஆரணீய விடங்கரைமின்னும்‌ நுண்இடை மங்கைமார்பலர் ‌ வேண்டிக்‌ காதல்‌ மொழிந்த சொல்‌மன்னு தொல்புகழ்‌ நாவலூரன்‌ வன்தொண்டன் வாய்மொழி பாடல் பத்துஉன்னி இன்‌இசை பாடுவார்‌, உமை கேள்வன்‌ சேவடி சேர்வரே.

உரை

மூலத்தில் தமிழ் உரை இல்லை.