நமக்கடிகளாகிய

அருளியவர்: சுந்தரர்
பண்: கொல்லி
தலம்: பொது
நாடு: பொது

1

பாறுதாங்கிய காடரோபடு தலையரோமலைப் பாவையோர்கூறுதாங்கிய குழகரோகுழைக் காதரோகுறுங் கோட்டிளஏறுதாங்கிய கொடியரோசுடு பொடியரோஇலங் கும்பிறைஆறுதாங்கிய சடையரோநமக் கடிகளாகிய அடிகளே.

சொற்பிரிப்பு

பாறு தாங்கிய காடரோ? படு தலையரோ? மலைப்பாவை ஓர்‌-கூறு தாங்கிய குழகரோ? குழைக் ‌ காதரோ? குறுங்‌ கோட்டு இளஏறு தாங்கிய கொடியரோ? சுடு பொடியரோ? இலங்கும்‌ பிறைஆறு தாங்கிய சடையரோ?-- நமக்கு அடிகள்‌ ஆகிய அடிகளே.

உரை

மூலத்தில் தமிழ் உரை இல்லை.

2

இட்டிதாகவந் துரைமினோநுமக் கிசையுமாநினைந் தேத்துவீர்கட்டிவாழ்வது நாகமோசடை மேலும்நாறு கரந்தையோபட்டியேறுகந் தேறரோபடு வெண்டலைப்பலி கொண்டுவந்தட்டியாளவுங் கிற்பரோநமக் கடிகளாகிய அடிகளே.

சொற்பிரிப்பு

இட்டிது ஆக வந்து உரைமினோ! நுமக்கு இசையுமா நினைந்து ஏத்துவீர்‌!கட்டி வாழ்வது நாகமோ? சடை மேலும்‌ நாறு கரந்தையோ?பட்டி ஏறு உகந்து ஏறரோ? படு வெண்தலைப்‌ பலி கொண்டு வந்துஅட்டி ஆளவும்‌ கிற்பரோ? நமக்கு அடிகள்‌ ஆகிய அடிகளே.

உரை

மூலத்தில் தமிழ் உரை இல்லை.

3

ஒன்றினீர்கள்வந் துரைமினோநுமக் கிசையுமாநினைந் தேத்துவீர்குன்றிபோல்வதோ ருருவரோகுறிப் பாகிநீறுகொண் டணிவரோஇன்றியேயிலர் ஆவரோஅன்றி உடையராயிலர் ஆவரோஅன்றியேமிக *அறவரோநமக் கடிகளாகிய அடிகளே.( * அறிவரோ என்றும் பாடம்)

சொற்பிரிப்பு

ஒன்றினீர்கள்‌, வந்து உரைமினோ! நுமக்கு இசையுமா நினைந்து ஏத்துவீர்‌ !குன்றி போல்வது ஓர்‌ உருவரோ? குறிப்பு ஆகி நீறு கொண்டு அணிவரோ?இன்றியே இலர்‌ ஆவரோ? அன்றி உடையராய்‌ இலர்‌ ஆவரோ?அன்றியே மிக அறவரோ? நமக்கு அடிகள்‌ ஆகிய அடிகளே.

உரை

மூலத்தில் தமிழ் உரை இல்லை.

4

தேனையாடுமுக் கண்ணரோமிகச் செய்யரோவெள்ளை நீற்றரோபானெய்ஆடலும் பயில்வரோதமைப் பற்றினார்கட்கு நல்லரோமானைமேவிய கண்ணினாள்மலை மங்கைநங்கையை அஞ்சவோர்ஆனையீருரி போர்ப்பரோநமக் கடிகளாகிய அடிகளே.

சொற்பிரிப்பு

தேனை ஆடு முக்கண்ணரோ? மிகச் ‌ செய்யரோ? வெள்ளை நீற்றரோ?பால் நெய்‌ ஆடலும்‌ பயில்வரோ? தமைப் ‌ பற்றினார்கட்கு நல்லரோ?மானை மேவிய கண்ணினாள்‌ மலை மங்கை நங்கையை அஞ்ச, ஓர்‌ஆனை ஈர்‌ உரி போர்ப்பரோ? நமக்கு அடிகள்‌ ஆகிய அடிகளே.

உரை

மூலத்தில் தமிழ் உரை இல்லை.

5

கோணல்மாமதி சூடரோகொடு கொட்டிகாலர்** கழலரோவீணைதானவர் கருவியோ விடையேறுவேத முதல்வரோநாணதாகவோர் நாகங்கொண்டரைக் கார்ப்பரோநல மார்தரஆணையாகநம் மடிகளோநமக் கடிகளாகிய அடிகளே.( ** காலொர் என்றும் பாடம்)

சொற்பிரிப்பு

கோணல் மாமதி சூடரோ? கொடு கொட்டி, காலர் கழலரோ?வீணை தான்‌ அவர்‌ கருவியோ? விடை ஏறு வேத முதல்வரோ?நாண்‌ அது ஆக ஒர்‌ நாகம்‌ கொண்டு அரைக்கு ஆர்ப்பரோ? நலம்‌ ஆர் தரஆணை ஆக நம்‌ அடிகளோ? நமக்கு அடிகள்‌ ஆகிய அடிகளே.

உரை

மூலத்தில் தமிழ் உரை இல்லை.

6

வந்துசொல்லுமின் மூடனேனுக்கு வல்லவாநினைந் தேத்துவீர்வந்தசாயினை அறிவரோதம்மை வாழ்த்தினார்கட்கு நல்லரோபுந்தியாலுரை கொள்வரோஅன்றிப் பொய்யில்மெய்யுரைத் தாள்வரோஅன்றியேமிக அறவரோ*நமக் கடிகளாகிய அடிகளே.( * அறிவரோ என்றும் பாடம்)

சொற்பிரிப்பு

வந்து சொல்லுமின்‌, மூடனேனுக்கு! வல்லவா நினைந்து ஏத்துவீர்‌!வந்த சாயினை அறிவரோ? தம்மை வாழ்த்தினார்கட்கு நல்லரோ?புந்தியால்‌ உரை கொள்வரோ? அன்றிப் ‌ பொய்‌யில்‌ மெய்‌ உரைத்து ஆள்வரோ?அன்றியே மிக அறவரோ? நமக்கு அடிகள்‌ ஆகிய அடிகளே.

உரை

மூலத்தில் தமிழ் உரை இல்லை.

7

மெய்யென்சொல்லுமின் நமரங்காளுமக் கிசையுமாநினைந் தேத்துவீர்கையிற்சூலம துடையரோகரி காடரோகறைக் கண்டரோவெய்யபாம்பரை ஆர்ப்பரோவிடை ஏறரோகடை தோறுஞ்சென்றையங்கொள்ளுமவ் வடிகளோநமக் கடிகளாகிய அடிகளே.

சொற்பிரிப்பு

மெய்‌ என்‌? சொல்லுமின்‌, நமரங்காள்‌! உமக்கு இசையுமா நினைந்து ஏத்துவீர்‌!கையில்‌ சூலம்‌ அது உடையரோ? கரி காடரோ? கறைக்கண்டரோ?வெய்ய பாம்பு அரை ஆர்ப்பரோ? விடை ஏறரோ? கடைதோறும்‌ சென்றுஐயம்‌ கொள்ளும்‌ அவ்‌ அடிகளோ? நமக்கு அடிகள்‌ ஆகிய அடிகளே,

உரை

மூலத்தில் தமிழ் உரை இல்லை.

8

நீடுவாழ்பதி உடையரோஅயன் நெடியமாலுக்கு நெடியரோபாடுவாரையும் உடையரோதமைப் பற்றினார்கட்கு நல்லரோகாடுதானரங் காகவேகைகள் எட்டினோடில யம்படஆடுவாரெனப் படுவரோநமக் கடிகளாகிய அடிகளே.

சொற்பிரிப்பு

நீடு வாழ்‌ பதி உடையரோ? அயன் ‌ நெடிய மாலுக்கும்‌ நெடியரோ?பாடுவாரையும்‌ உடையரோ? தமைப் ‌ பற்றினார்கட்கு நல்லரோ?காடுதான்‌ அரங்கு ஆகவே, கைகள் ‌எட்டினோடு இலயம்‌ பட,ஆடுவார்‌ எனப்படுவரோ? நமக்கு அடிகள்‌ ஆகிய அடிகளே.

உரை

மூலத்தில் தமிழ் உரை இல்லை.

9

நமணநந்தியுங் கருமவீரனுந் தருமசேனனு மென்றிவர்குமணமாமலைக் குன்றுபோனின்று தங்கள்கூறையொன் றின்றியேஞமணஞாஞண ஞாணஞோணமென் றோதியாரையு நாணிலாஅமணராற்பழிப் புடையரோநமக் கடிகளாகிய அடிகளே.

சொற்பிரிப்பு

நமணநந்தியும்‌, கருமவீரனும்‌, தருமசேனனும்‌, என்று இவர்‌குமண மாமலைக் குன்று போல்‌ நின்று, தங்கள்‌ கூறை ஒன்று இன்றியே,“ஞமண, ஞாஞண, ஞாண, ஞோண”” என்று ஓதி யாரையும்‌ நாண் இலாஅமணரால்‌ பழிப்பு உடையரோ? நமக்கு அடிகள்‌ ஆகிய அடிகளே.

உரை

மூலத்தில் தமிழ் உரை இல்லை.

10

படிசெய்நீர்மையிற் பத்தர்காள்பணிந் தேத்தினேன்பணி யீரருள்வடிவிலான்றிரு நாவலூரன் வனப்பகையப்பன் வன்றொண்டன்செடியனாகிலுந் தீயனாகிலுந் தம்மையேமனஞ் சிந்திக்கும்அடியனூரனை ஆள்வரோநமக் கடிகளாகிய அடிகளே.

சொற்பிரிப்பு

படி செய்‌ நீர்மையின்‌ பத்தர்காள்‌! பணிந்து ஏத்தினேன்‌; பணியீர்‌, அருள்‌!வடிவிலான்‌ திரு நாவலூரான்‌ வனப்பகை அப்பன்‌ , வன்தொண்டன்‌,செடியன்‌ ஆகிலும்‌ தீயன்‌ ஆகிலும் ‌ தம்மையே மனம்‌ சிந்திக்கும்‌அடியன்‌ ஊரனை ஆள்வரோ? நமக்கு அடிகள்‌ ஆகிய அடிகளே.

உரை

மூலத்தில் தமிழ் உரை இல்லை.