திருக்காளத்தி

அருளியவர்: சுந்தரர்
பண்: நட்டராகம்
தலம்: காளத்தி
நாடு: தொண்டைநாடு

1

செண்டா டும்விடையாய் சிவனேயென் செழுஞ்சுடரேவண்டாருங் குழலா ளுமைபாகம் மகிழ்ந்தவனேகண்டார் காதலிக்குங் கணநாதனெங் காளத்தியாய்அண்டா உன்னையல்லால் அறிந்தேத்த மாட்டேனே.

சொற்பிரிப்பு

செண்டு ஆடும்‌ விடையாய்‌! சிவனே! என்‌ செழுஞ்சுடரே !வண்டு ஆரும்‌ குழலாள் ‌ உமை பாகம்‌ மகிழ்ந்தவனே !கண்டார்‌ காதலிக்கும்‌ கணநாதன்‌! எம்‌ காளத்தியாய்‌!அண்டா! உன்னை அல்லால்‌ அறிந்து ஏத்தமாட்டேனே.

உரை

மூலத்தில் தமிழ் உரை இல்லை.

2

இமையோர் நாயகனே இறைவாவென் னிடர்த்துணையேகமையார் கருணையினாய் கருமாமுகில் போல்மிடற்றாய்உமையோர் கூறுடையாய் உருவேதிருக் காளத்தியுள்அமைவே உன்னையல்லால் அறிந்தேத்த மாட்டேனே.

சொற்பிரிப்பு

இமையோர்‌ நாயகனே! இறைவா! என்‌ இடர்த்துணையே!கமை ஆர்‌ கருணையினாய்‌! ௧ரு மா முகில்‌ போல்‌ மிடற்றாய்‌!உமை ஓர் கூறு உடையாய்‌! உருவே! திருக்‌ காளத்தியுள்‌அமைவே! உன்னை அல்லால்‌ அறிந்து ஏத்தமாட்டேனே.

உரை

மூலத்தில் தமிழ் உரை இல்லை.

3

படையார் வெண்மழுவா பகலோன்பல் லுகுத்தவனேவிடையார் வேதியனே விளங்குங்குழைக் காதுடையாய்கடையார் மாளிகைசூழ் கணநாதனெங் காளத்தியாய்உடையாய் உன்னையல்லால் உகந்தேத்த மாட்டேனே.

சொற்பிரிப்பு

படை ஆர்‌ வெண்மழுவா! பகலோன்‌ பல்‌ உகுத்தவனே!விடை ஆர்‌ வேதியனே! விளங்கும்‌ குழைக்‌ காது உடையாய்‌!கடை ஆர்‌ மாளிகை சூழ்‌ கணநாதன்‌! எம்‌ காளத்தியாய்‌!உடையாய்‌ ! உன்னை அல்லால் ‌ உகந்து ஏத்தமாட்டேனே.

உரை

மூலத்தில் தமிழ் உரை இல்லை.

4

மறிசேர் கையினனே மதமாவுரி போர்த்தவனேகுறியே என்னுடைய குருவேயுன்குற் றேவல்செய்வேன்நெறியே நின்றடியார் நினைக்குந்திருக் காளத்தியுள்அறிவே உன்னையல்லால் அறிந்தேத்த மாட்டேனே.

சொற்பிரிப்பு

மறி சேர்‌ கையினனே!மத மா உரி போர்த்தவனே!குறியே! என்னுடைய குருவே! உன்‌ குற்றேவல்‌ செய்வேன்‌ ;நெறியே நின்று அடியார் ‌ நினைக்கும்‌ திருக்‌ காளத்தியுள்‌அறிவே! உன்னை அல்லால்‌ அறிந்து ஏத்தமாட்டேனே.

உரை

மூலத்தில் தமிழ் உரை இல்லை.

5

செஞ்சே லன்னகண்ணார் திறத்தேகிடந் துற்றலறிநஞ்சேன் நானடியேன் நலமொன்றறி யாமையினாற்துஞ்சேன் நானொருகாற் றொழுதேன்றிருக் காளத்தியாய்அஞ்சா துன்னையல்லால் அறிந்தேத்த மாட்டேனே.

சொற்பிரிப்பு

செஞ்சேல்‌ அன்ன கண்ணார் ‌ திறத்தே கிடந்து உற்று அலறி,நஞ்சேன்‌, நான்‌அடியேன், நலம்‌ ஒன்று அறியாமையினால்‌,துஞ்சேன்‌ ; நான்‌ ஒரு கால் தொழுதேன்‌; திருக்‌ காளத்தியாய்‌!அஞ்சாது உன்னை அல்லால்‌ அறிந்து ஏத்தமாட்டேனே.

உரை

மூலத்தில் தமிழ் உரை இல்லை.

6

பொய்யவன் நாயடியேன் புகவேநெறி ஒன்றறியேன்செய்யவ னாகிவந்திங் கிடரானவை தீர்த்தவனேமெய்யவ னேதிருவே விளங்குந்திருக் காளத்தியென்ஐயநுன் றன்னையல்லால் அறிந்தேத்த மாட்டேனே.

சொற்பிரிப்பு

பொய்யவன்‌ நாயடியேன்‌ புகவே நெறி ஒன்று அறியேன்‌;செய்யவன்‌ ஆகி வந்து இங்கு இடர்‌ ஆனவை தீர்த்தவனே!மெய்யவனே! திருவே! விளங்கும்‌ திருக்‌ காளத்தி என்‌ஐய! நுன் தன்னை அல்லால்‌ அறிந்து ஏத்தமாட்டேனே.

உரை

மூலத்தில் தமிழ் உரை இல்லை.

7

கடியேன் காதன்மையாற் கழற்போதறி யாதவென்னுள்குடியாக் கோயில்கொண்ட குளிர்வார்சடை யெங்குழகாமுடியால் வானவர்கள் முயங்குந்திருக் காளத்தியாய்அடியேன் உன்னையல்லால் அறியேன்மற் றொருவரையே.

சொற்பிரிப்பு

கடியேன்‌, காதன்மையால் ‌ கழல்போது அறியாத என்‌ உள்‌குடியாக்‌ கோயில்கொண்ட குளிர் வார்சடை எம்‌ குழகா!முடியால்‌ வானவர்கள்‌ முயங்கும்‌ திருக்‌ காளத்தியாய்‌!அடியேன்‌ உன்னை அல்லால்‌ அறியேன்‌, மற்று ஒருவரையே.

உரை

மூலத்தில் தமிழ் உரை இல்லை.

8

நீறார் மேனியனே நிமலாநினை யன்றிமற்றுக்கூறேன் நாவதனாற் கொழுந்தேயென் குணக்கடலேபாறார் வெண்டலையிற் பலிகொண்டுழல் காளத்தியாய்ஏறே உன்னையல்லால் இனிஏத்த மாட்டேனே.

சொற்பிரிப்பு

நீறு ஆர்‌ மேனியனே! நிமலா! நினை அன்றி மற்றுக்‌கூறேன்‌, நா அதனால்‌; கொழுந்தே! என்‌ குணக்கடலே!பாறு ஆர்‌ வெண்தலையில்‌ பலி கொண்டு உழல்‌ காளத்தியாய்‌!ஏறே! உன்னை அல்லால்‌ இனி ஏத்தமாட்டேனே.

உரை

மூலத்தில் தமிழ் உரை இல்லை.

9

தளிர்போல் மெல்லடியாள் தனைஆகத் தமர்ந்தருளிஎளிவாய் வந்தென்னுள்ளம் புகுதவல்ல எம்பெருமான்களியார் வண்டறையுந் திருக்காளத்தி யுள்ளிருந்தஒளியே உன்னையல்லால் இனியொன்றும் உணரேனே.

சொற்பிரிப்பு

தளிர்‌ போல்‌ மெல்‌ அடியாள் தனை ஆகத்து அமர்ந்து அருளி,எளிவாய்‌ வந்து என்‌ உள்ளம் ‌ புகுத வல்ல எம்பெருமான்‌!களி ஆர்‌ வண்டு அறையும் ‌ திருக்‌ காளத்தியுள்‌ இருந்தஒளியே! உன்னை அல்லால் ‌ இனி ஒன்றும்‌ உணரேனே.

உரை

மூலத்தில் தமிழ் உரை இல்லை.

10

காரா* ரும்பொழில்சூழ் கணநாதனெங் காளத்தியுள்ஆரா வின்னமுதை அணிநாவலா ரூரன்சொன்னசீரூர் செந்தமிழ்கள் செப்புவார்வினை யாயினபோய்ப்பேரா விண்ணுலகம் பெறுவார்பிழைப் பொன்றிலரே.(* காரூரும் என்றும் பாடம்)

சொற்பிரிப்பு

கார்‌ ஆரும்‌ பொழில்‌ சூழ்‌ கணநாதன்‌ எம்‌ காளத்தியுள்‌ஆரா இன்னமுதை,அணி நாவல்‌ ஆரூரன்‌ சொன்னசீர்‌ ஊர்‌ செந்தமிழ்கள்‌ செப்புவார்‌ வினை ஆயின போய்ப்‌பேரா விண்ணுலகம்‌ பெறுவார்‌; பிழைப்பு ஒன்று இலரே.

உரை

மூலத்தில் தமிழ் உரை இல்லை.