திருப்பழமண்ணிப்படிக்கரை

அருளியவர்: சுந்தரர்
பண்: நட்டராகம்
தலம்: பழமண்ணிப்படிக்கரை
நாடு: சோழநாடு காவிரி வடகரை

1

முன்னவன் எங்கள்பிரான் முதற்காண்பரி தாயபிரான்சென்னியில் எங்கள்பிரான் திருநீலமி டற்றெம்பிரான்மன்னிய எங்கள்பிரான் மறைநான்குங்கல் லால்நிழற்கீழ்ப்பன்னிய எங்கள்பிரான் பழமண்ணிப் படிக்கரையே.

சொற்பிரிப்பு

முன்னவன்‌, எங்கள்‌ பிரான்‌, முதல்‌ காண்பு அரிது ஆய பிரான்‌,சென்னியில்‌ எங்கள்‌ பிரான்‌, திரு நீலமிடற்று எம்பிரான்‌,மன்னிய எங்கள்‌ பிரான்‌, மறை நான்கும்‌ கல்லால்‌ நிழல் கீழ்ப்‌பன்னிய எங்கள்‌ பிரான்‌ பழ மண்ணிப் படிக்கரையே.

உரை

மூலத்தில் தமிழ் உரை இல்லை.

2

அண்ட கபாலஞ்சென்னி அடிமேலல ரிட்டுநல்லதொண்டங் கடிபரவித் தொழுதேத்திநின் றாடுமிடம்வெண்டிங்கள் வெண்மழுவன் விரையார்கதிர் மூவிலையபண்டங்கன் மேயவிடம் பழமண்ணிப் படிக்கரையே.

சொற்பிரிப்பு

அண்ட கபாலம்‌ சென்னி அடிமேல்‌ அலர்‌ இட்டு நல்லதொண்டு அங்கு அடி பரவி, தொழுது ஏத்தி, நின்று ஆடும்‌ இடம்‌;வெண்திங்கள்‌ வெண்மழுவன்‌, விரை ஆர்‌ கதிர்‌ மூவிலையபண்டங்கன்‌, மேய இடம்‌ பழ மண்ணிப் படிக்கரையே.

உரை

மூலத்தில் தமிழ் உரை இல்லை.

3

ஆடுமின் அன்புடையீர் அடிக்காட்பட்ட தூளிகொண்டுசூடுமின் தொண்டருள்ளீர் உமரோடெமர் சூழவந்துவாடுமிவ் வாழ்க்கைதன்னை வருந்தாமல் திருந்தச்சென்றுபாடுமின் பத்தருள்ளீர் பழமண்ணிப் படிக்கரையே.

சொற்பிரிப்பு

ஆடுமின்‌, அன்பு உடையீர்‌! அடிக்கு ஆட்பட்ட தூளி கொண்டுசூடுமின்‌, தொண்டர்‌ உள்ளீர்‌! உமரோடு எமர்‌ சூழ வந்து,வாடும்‌ இவ்‌ வாழ்க்கை தன்னை வருந்தாமல்‌ திருந்தச்‌ சென்று,பாடுமின்‌, பத்தர்‌ உள்ளீர்‌,பழ மண்ணிப் படிக்கரையே!

உரை

மூலத்தில் தமிழ் உரை இல்லை.

4

அடுதலை யேபுரிந்தான் அவைஅந்தர மூவெயிலுங்கெடுதலை யேபுரிந்தான் கிளருஞ்சிலை நாணியிற்கோல்*நடுதலை யேபுரிந்தான் நரிகான்றிட்ட எச்சில்வெள்ளைப்படுதலை யேபுரிந்தான் பழமண்ணிப் படிக்கரையே.(* அடுதலையே என்றும் பாடம்)

சொற்பிரிப்பு

அடுதலையே புரிந்தான்‌, அவை; அந்தர மூ எயிலும்‌கெடுதலையே புரிந்தான்‌; கிளரும்‌ சிலை நாணியில்‌ கோல்‌நடுதலையே புரிந்தான்‌; நரி கான்றிட்ட எச்சில்‌ வெள்ளைப்‌படு தலையே புரிந்தான்‌ பழ மண்ணிப் படிக்கரையே.

உரை

மூலத்தில் தமிழ் உரை இல்லை.

5

உங்கைக ளாற்கூப்பி உகந்தேத்தித் தொழுமின்தொண்டீர்மங்கையோர் கூறுடையான் வானோர்முத லாயபிரான்அங்கையில் வெண்மழுவன் அலையார்கதிர் மூவிலையபங்கய பாதனிடம் பழமண்ணிப் படிக்கரையே.

சொற்பிரிப்பு

உம்‌ கைகளால்‌ கூப்பி உகந்து ஏத்தித்‌ தொழுமின்‌, தொண்டீர்‌!மங்கை ஒர் கூறு உடையான்‌, வானோர்‌ முதல்‌ ஆய பிரான்‌,அம்‌ கையில்‌ வெண்மழுவன்‌, அலை ஆர்‌ கதிர்‌ மூவிலையபங்கய பாதன்‌, இடம்‌ பழ மண்ணிப் படிக்கரையே.

உரை

மூலத்தில் தமிழ் உரை இல்லை.

6

செடிபடத் தீவிளைத்தான் சிலையார்மதில் செம்புனஞ்சேர்கொடிபடு மூரிவெள்ளை எருதேற்றையும் ஏறக்கொண்டான்கடியவன் காலன்றன்னைக் கறுத்தான்கழற் செம்பவளப்படியவன் பாசுபதன் பழமண்ணிப் படிக்கரையே.

சொற்பிரிப்பு

செடி படத்‌ தீ விளைத்தான்‌, சிலை ஆர்‌ மதில்‌; செம்‌ புனம்‌ சேர்‌கொடி படு மூரி வெள்ளை எருது ஏற்றையும்‌ ஏறக்‌ கொண்டான்‌;கடியவன் காலன் தன்னைக்‌ கறுத்தான்‌; கழல்‌ செம்பவளப்‌படியவன்‌; பாசுபதன்‌ பழ மண்ணிப் படிக்கரையே.

உரை

மூலத்தில் தமிழ் உரை இல்லை.

7

கடுத்தவன் தேர்கொண்டோ டிக் கயிலாயநன் மாமலையைஎடுத்தவன் ஈரைந்துவாய் அரக்கன்முடி பத்தலறவிடுத்தவன் கைநரம்பால் வேதகீதங்கள் பாடலுறப்படுத்தவன் பால்வெண்ணீற்றன் பழமண்ணிப் படிக்கரையே.

சொற்பிரிப்பு

கடுத்தவன்‌ தேர்‌ கொண்டு ஓடிக்‌ கயிலாய நல்‌ மாமலையைஎடுத்தவன்‌, ஈர்‌ ஐந்து வாய்‌ அரக்கன்‌ முடி பத்து அலற,விடுத்து, அவன்‌ கை நரம்பால் ‌ வேத கீதங்கள்‌ பாடல்‌ உறப்‌படுத்தவன்‌; பால் வெண்‌ நீற்றன் பழ மண்ணிப் படிக்கரையே.

உரை

மூலத்தில் தமிழ் உரை இல்லை.

8

திரிவன மும்மதிலும் எரித்தான்இமை யோர்பெருமான்அரியவன் அட்டபுட்பம் அவைகொண்டடி போற்றிநல்லகரியவன் நான்முகனும் அடியும்முடி காண்பரியபரியவன் பாசுபதன் பழமண்ணிப் படிக் கரையே.

சொற்பிரிப்பு

திரிவன மும்மதிலும்‌ எரித்தான்‌; இமையோர் பெருமான்‌ ;அரியவன்‌; அட்ட புட்பம்‌ அவை கொண்டு அடி போற்றி, நல்லகரியவன்‌ நான்முகனும்‌, அடியும்‌ முடி காண்பு அரியபரியவன்‌; பாசுபதன்‌ பழ மண்ணிப் படிக்கரையே.

உரை

மூலத்தில் தமிழ் உரை இல்லை.

9

வெற்றரைக் கற்றமணும் விரையாதுவிண் டாலமுண்ணுந்துற்றரைத் துற்றறுப்பான் றுன்னஆடைத் தொழிலுடையீர்பெற்றரைப் பித்தரென்று கருதேன்மின் படிக்கரையுள்பற்றரைப் பற்றிநின்று பழிபாவங்கள் தீர்மின்களே.

சொற்பிரிப்பு

வெற்று அரைக்‌ கற்ற அமணும்‌, விரையாது வெண்‌ தாலம்‌ உண்ணும்‌துற்றரை, துற்று அறுப்பான்‌ துன்ன ஆடைத்‌ தொழில்‌ உடையீர்‌!பெற்றரைப்‌ பித்தர்‌ என்று கருதேன்மின்‌! படிக்கரையுள்‌பற்றரைப்‌ பற்றி நின்று பழி பாவங்கள்‌ தீர்மின்களே!

உரை

மூலத்தில் தமிழ் உரை இல்லை.

10

பல்லுயிர் வாழுந்தெண்ணீர்ப் பழமண்ணிப் படிக்கரையைஅல்லியந் தாமரைத்தார் ஆரூரன் உரைத்ததமிழ்சொல்லுதல் கேட்டல்வல்லா ரவர்க்குந்தமர்க் குங்கிளைக்கும்எல்லியும் நண்பகலும் இடர்கூருதல் இல்லையன்றே.

சொற்பிரிப்பு

பல்‌ உயிர்‌ வாழும்‌ தெண்‌ நீர்ப் ‌ பழ மண்ணிப் படிக்கரையைஅல்லி அம் தாமரைத் தார் ‌ ஆரூரன்‌ உரைத்த தமிழ்‌சொல்லுதல் கேட்டல் வல்லார் ‌ அவர்க்கும்‌, தமர்க்கும்‌, கிளைக்கும்‌,எல்லியும்‌ நன்பகலும்‌ இடர்‌ கூருதல்‌ இல்லை அன்றே!

உரை

மூலத்தில் தமிழ் உரை இல்லை.