திருக்கச்சிமேற்றளி

அருளியவர்: சுந்தரர்
பண்: நட்டராகம்
தலம்: கச்சி மேற்றளி (காஞ்சிபுரம்)
நாடு: தொண்டைநாடு

1

நொந்தா ஒண்சுடரே நுனையே நினைந்திருந்தேன்வந்தாய் போயறியாய் மனமே புகுந்துநின்றசிந்தாய் எந்தைபிரான் திருமேற் றளியுறையும்எந்தாய் உன்னையல்லால் இனியேத்த மாட்டேனே.

சொற்பிரிப்பு

நொந்தா ஒண் சுடரே! நுனையே நினைந்திருந்தேன்‌;வந்தாய்‌; போய்‌ அறியாய்‌; மனமே புகுந்து நின்றசிந்தாய்‌! எந்தை பிரான்‌! திரு மேற்றளி உறையும்‌எந்தாய்‌! உன்னை அல்லால் ‌ இனி ஏத்த மாட்டேனே.

உரை

மூலத்தில் தமிழ் உரை இல்லை.

2

ஆட்டான் பட்டமையால் அடியார்க்குத் தொண்டுபட்டுக்கேட்டேன் கேட்பதெல்லாம் பிறவாமை கேட்டொழிந்தேன்சேட்டார் மாளிகைசூழ் திருமேற் றளியுறையும்மாட்டே உன்னையல்லால் மகிழ்ந்தேத்த மாட்டேனே.

சொற்பிரிப்பு

ஆள்‌ தான்‌ பட்டமையால் ‌ அடியார்க்குத்‌ தொண்டுபட்டுக்‌கேட்டேன்‌, கேட்பது எல்லாம்‌; பிறவா வகை கேட்டொழிந்தேன்‌சேட்‌டார்‌ மாளிகை சூழ்‌ திரு மேற்றளி உறையும்‌மாட்‌டே! உன்னை அல்லால் ‌ மகிழ்ந்து ஏத்தமாட்டேனே.

உரை

மூலத்தில் தமிழ் உரை இல்லை.

3

மோறாந் தோரொருகால் நினையா திருந்தாலும்வேறா வந்தென்னுள்ளம் புகவல்ல மெய்ப்பொருளேசேறார் தண்கழனித் திருமேற் றளியுறையும்ஏறே உன்னையல்லால் இனியேத்த மாட்டேனே.

சொற்பிரிப்பு

மோறாந்து ஓர்‌ ஒருகால் ‌ நினயாது இருந்தாலும்‌,வேறா வந்து என்‌ உள்ளம்‌ புக வல்ல மெய்ப்பொருளே!சேறு ஆர்‌ தண்கழனித் ‌ திரு மேற்றளி உறையும்‌ஏறே! உன்னை அல்லால் ‌ இனி ஏத்தமாட்டேனே.

உரை

மூலத்தில் தமிழ் உரை இல்லை.

4

உற்றார் சுற்றமெனும் அதுவிட்டு நுன்னடைந்தேன்எற்றால் என்குறைவென் இடரைத் துறந்தொழிந்தேன்செற்றாய் மும்மதிலுந் திருமேற் றளியுறையும்பற்றே நுன்னையல்லால் பணிந்தேத்த மாட்டேனே.

சொற்பிரிப்பு

உற்றார்‌ சுற்றம்‌ எனும்‌அது விட்டு நுன்‌ அடைந்தேன்‌;எற்றால்‌ என்‌ குறைவு? என் ‌ இடரைத்‌ துறந்தொழிந்தேன்‌;செற்றாய்‌, மும்மதிலும்‌! திரு மேற்றளி உறையும்‌பற்றே! நுன்னை அல்லால்‌ பணிந்து ஏத்தமாட்டேனே.

உரை

மூலத்தில் தமிழ் உரை இல்லை.

5

எம்மான் எம்மனையென் றவரிட் டிறந்தொழிந்தார்மெய்ம்மா லாயினதீர்த் தருள்செய்யும் மெய்ப்பொருளேகைம்மா வீருரியாய் கனமேற் றளியுறையும்பெம்மான் உன்னையல்லால் பெரிதேத்த மாட்டேனே.

சொற்பிரிப்பு

எம்மான்‌, எம்‌ அ(ன்‌)னை, என்றவர்‌ இட்டு இறந்தொழிந்தார்‌;மெய்ம்‌ மால்‌ ஆயின தீர்த்து அருள்செயும்‌ மெய்ப்பொருளே!கைம்மா ஈர் உரியாய்‌! கனம்‌ மேற்றளி உறையும்பெம்மான்‌! உன்னை அல்லால்‌ பெரிது ஏத்தமாட்டேனே.

உரை

மூலத்தில் தமிழ் உரை இல்லை.

6

நானேல் உன்னடியே நினைந்தேன் நினைதலுமேஊனேர் இவ்வுடலம் புகுந்தாயென் ஒண்சுடரேதேனே இன்னமுதே திருமேற் றளியுறையுங்கோனே உன்னையல்லாற் குளிர்ந்தேத்த மாட்டேனே.

சொற்பிரிப்பு

நானேல்‌ உன்‌ அடியே நினைந்தேன்‌; நினைதலுமேஊன்‌ நேர்‌ இவ்‌ உடலம் ‌ புகுந்தாய்‌; என்‌ ஒண்சுடரே !தேனே! இன்னமுதே! திரு மேற்றளி உறையும்‌கோனே! உன்னை அல்லால் ‌ குளிர்ந்து ஏத்தமாட்டேனே.

உரை

மூலத்தில் தமிழ் உரை இல்லை.

7

கையார் வெஞ்சிலைநா ணதன்மேற் சரங்கோத்தேஎய்தாய் மும்மதிலும் எரியுண்ண எம்பெருமான்செய்யார் பைங்கமலத் திருமேற் றளியுறையும்ஐயா உன்னையல்லால் அறிந்தேத்த மாட்டேனே.

சொற்பிரிப்பு

கை ஆர்‌ வெஞ்சிலை நாண் ‌அதன்மேல்‌ சரம்‌ கோத்தே,எய்தாய்‌, மும்மதிலும் ‌ எரியுண்ண; எம்பெருமான்‌ !செய்‌ ஆர்‌ பைங்கமலத் ‌ திரு மேற்றளி உறையும்‌ஐயா! உன்னை அல்லால் ‌ அறிந்து ஏத்தமாட்டேனே.

உரை

மூலத்தில் தமிழ் உரை இல்லை.

8

விரையார் கொன்றையினாய் விமலாஇனி உன்னையல்லால்உரையேன் நாவதனால் உடலில்லுயிர் உள்ளளவும்திரையார் தண்கழனித் திருமேற் றளியுறையும்அரையா உன்னையல்லால் அறிந்தேத்த மாட்டேனே.

சொற்பிரிப்பு

விரை ஆர்‌ கொன்றையினாய்‌! விமலா! இனி உன்னை அல்லால்‌,உரையேன்‌, நா அதனால்‌, உடலில்‌ உயிர்‌ உள்ளளவும்‌;திரை ஆர்‌ தண்கழனித் ‌ திரு மேற்றளி உறையும்‌அரையா! உன்னை அல்லால் ‌ அறிந்து ஏத்தமாட்டேனே.

உரை

மூலத்தில் தமிழ் உரை இல்லை.

9

நிலையாய் நின்னடியே நினைந்தேன் நினைதலுமேதலைவா நின்னினையப் பணித்தாய் சலமொழிந்தேன்சிலையார் மாமதில்சூழ் திருமேற் றளியுறையும்மலையே உன்னையல்லால் மகிழ்ந்தேத்த மாட்டேனே.

சொற்பிரிப்பு

நிலையாய்‌ நின்‌ அடியே நினைந்தேன்‌; நினைதலுமே,தலைவா! நின்‌ நினையப்‌ பணித்தாய்‌; சலம்‌ ஒழிந்தேன்‌;சிலை ஆர்‌ மா மதில்‌ சூழ்‌ திரு மேற்றளி உறையும்‌மலையே! உன்னை அல்லால் ‌ மகிழ்ந்து ஏத்தமாட்டேனே.

உரை

மூலத்தில் தமிழ் உரை இல்லை.

10

பாரூர் பல்லவனூர் மதிற்காஞ்சி மாநகர்வாய்ச்சீரூ ரும்புறவிற் றிருமேற் றளிச்சிவனைஆரூ ரன்னடியான் அடித்தொண்டன் ஆரூரன்சொன்னசீரூர் பாடல்வல்லார் சிவலோகஞ் சேர்வாரே.

சொற்பிரிப்பு

பார்‌ ஊர்‌ பல்லவன்‌ ஊர் ‌ மதில்‌ காஞ்சி மா நகர்வாய்ச்‌சீர்‌ ஊரும்‌ புறவில்‌ திரு மேற்றளிச்‌ சிவனைஆரூரன்‌ அடியான்‌ அடித்தொண்டன்‌, ஆரூரன்‌ சொன்னசீர்‌ ஊர்‌ பாடல்‌ வல்லார் ‌ சிவலோகம்‌ சேர்வாரே.

உரை

மூலத்தில் தமிழ் உரை இல்லை.