திருநாட்டியத்தான்குடி

அருளியவர்: சுந்தரர்
பண்: தக்கராகம்
தலம்: நாட்டியத்தான்குடி
நாடு: சோழநாடு காவிரித் தென்கரை

1

பூணாண் ஆவதோர் அரவங்கண் டஞ்சேன் புறங்காட் டாடல்கண் டிகழேன்பேணீ ராகிலும் பெருமையை உணர்வேன் பிறவே னாகிலும் மறவேன்காணீ ராகிலுங் காண்பனென் மனத்தால் கருதீ ராகிலுங் கருதிநானே லும்மடி பாடுதல் ஒழியேன் நாட்டியத் தான்குடி நம்பீ.

சொற்பிரிப்பு

பூண்‌ நாண்‌ ஆவது ஓர்‌ அரவம்‌ கண்டு அஞ்சேன்‌ ; புறங்காட்டு ஆடல்‌ கண்டு இகழேன்‌ ;பேணீர்‌ ஆகிலும்‌ பெருமையை உணர்வேன்‌; பிறவேன்‌ ஆகிலும்‌ மறவேன்‌;காணீர்‌ ஆகிலும்‌ காண்பன்‌, என்‌ மனத்தால்‌; கருதீர்‌ ஆகிலும்‌, கருதி,நானேல்‌, உம்‌ அடி பாடுதல்‌ ஒழியேன்‌ நாட்டியத்தான்குடி நம்பீ!

உரை

மூலத்தில் தமிழ் உரை இல்லை.

2

கச்சேர் பாம்பொன்று கட்டிநின் றிடுகாட் டெல்லியில் ஆடலைக் கவர்வன்துச்சேன் என்மனம் புகுந்திருக் கின்றமை சொல்லாய் திப்பிய மூர்த்திவைச்சே இடர்களைக் களைந்திட வல்ல மணியே மாணிக்க வண்ணாநச்சேன் ஒருவரை நானுமை அல்லால் நாட்டியத் தான்குடி நம்பீ.

சொற்பிரிப்பு

கச்சு ஏர்‌ பாம்பு ஒன்று கட்டி நின்று, இடுகாட்டு எல்லியில்‌ ஆடலைக்‌ கவர்வன்‌;துச்சேன்‌ என்‌ மனம்‌ புகுந்திருக்கின்றமை சொல்லாய்‌, திப்பிய மூர்த்தீ!வைச்சே இடர்களைக்‌ களைந்திட வல்ல மணியே ! மாணிக்க வண்ணா!நச்சேன்‌, ஒருவரை, நான்‌ உம்மை அல்லால்‌; நாட்டியத்தான்குடி நம்பீ!

உரை

மூலத்தில் தமிழ் உரை இல்லை.

3

அஞ்சா தேயுமக் காட்செய வல்லேன் யாதினுக் காசைப் படுகேன்பஞ்சேர் மெல்லடி மாமலை மங்கை பங்கா எம்பர மேட்டீமஞ்சேர் வெண்மதி செஞ்சடை வைத்த மணியே மாணிக்க வண்ணாநஞ்சேர் கண்டா வெண்டலை யேந்தீ நாட்டியத் தான்குடி நம்பீ.

சொற்பிரிப்பு

அஞ்சாதே உமக்கு ஆட்செய வல்லேன்‌; யாதினுக்கு ஆசைப்படுகேன்‌?--பஞ்சு ஏர்‌ மெல்‌அடி மாமலை மங்கை பங்கா! எம்‌ பரமேட்டீ!மஞ்சு ஏர்‌ வெண்மதி செஞ்சடை வைத்த மணியே! மாணிக்க வண்ணா!நஞ்சு ஏர்‌ கண்டா! வெண்தலை ஏந்தீ ! நாட்டியத்தான்குடி நம்பீ!

உரை

மூலத்தில் தமிழ் உரை இல்லை.

4

கல்லே னல்லேன் நின்புகழ் அடிமை கல்லா தேபல கற்றேன்நில்லே னல்லேன் நின்வழி நின்றார் தம்முடை நீதியை நினையவல்லே னல்லேன் பொன்னடி பரவ மாட்டேன் மறுமையை நினையநல்லே னல்லேன் நானுமக் கல்லால் நாட்டியத் தான்குடி நம்பீ.

சொற்பிரிப்பு

கல்லேன்‌ அல்லேன்‌, நின்‌ புகழ்‌; அடிமை கல்லாதே பல கற்றேன்‌;நில்லேன்‌அல்லேன்‌, நின்வழி; நின்றார்‌ தம்முடை நீதியை நினையவல்லேன்‌ அல்லேன்‌; பொன்‌அடி பரவ மாட்டேன்‌; மறுமையை நினைய,நல்லேன்‌ அல்லேன்‌, நான்‌ உமக்கு அல்லால்‌; நாட்டியத்தான்குடி நம்பீ!

உரை

மூலத்தில் தமிழ் உரை இல்லை.

5

மட்டார் பூங்குழல் மலைமகள் கணவனைக் கருதா தார்தமைக் கருதேன்ஒட்டீ ராகிலும் ஒட்டுவன் அடியேன் உம்மடி யடைந்தவர்க் கடிமைப்பட்டே னாகிலும் பாடுதல் ஒழியேன் பாடியும் நாடியும் அறியநட்டேன் ஆதலால் நான்மறக் கில்லேன் நாட்டியத் தான்குடி நம்பீ.

சொற்பிரிப்பு

மட்டு ஆர்‌ பூங்குழல்‌ மலைமகள்‌ கணவனைக்‌ கருதார் தமைக்‌ கருதேன்‌;ஒட்டீர்‌ ஆகிலும்‌ ஒட்டுவன்‌, அடியேன்‌; உம்‌ அடி அடைந்தவர்க்கு அடிமைப்‌பட்டேன்‌ஆகிலும்‌ பாடுதல்‌ ஒழியேன்‌; பாடியும்‌ நாடியும்‌ அறியநட்டேன்‌ ஆதலால்‌ நான்‌ மறக்கில்லேன்‌ நாட்டியத்தான்குடி நம்பீ!

உரை

மூலத்தில் தமிழ் உரை இல்லை.

6

படப்பாற் றன்மையில் நான்பட்ட தெல்லாம் படுத்தா யென்றல்லல் பறையேன்குடப்பாச் சிலுறை கோக்குளிர் வானே கோனே கூற்றுதைத் தானேமடப்பாற் றயிரொடு நெய்மகிழ்ந் தாடும் மறையோ தீமங்கை பங்காநடப்பீ ராகிலும் நடப்பனும் மடிக்கே நாட்டியத் தான்குடி நம்பீ.

சொற்பிரிப்பு

படப்‌பால்‌ தன்மையின்‌, 'நான்‌ பட்டது எல்லாம்‌ படுத்தாய்‌' என்று அல்லல்‌ பறையேன்‌;குடப்‌ பாச்சில்‌ உறை கோ! குளிர்‌ வானே! கோனே! கூற்று உதைத்தானே!மடப்‌ பால்‌ தயிரொடு நெய்‌ மகிழ்ந்து ஆடும்‌ மறை ஓதீ! மங்கை பங்கா!நடப்பீர்‌ ஆகிலும்‌ நடப்பன்‌, உம்‌ அடிக்கே நாட்டியத்தான்குடி நம்பீ!

உரை

மூலத்தில் தமிழ் உரை இல்லை.

7

ஐவாய் அரவினை மதியுடன் வைத்த அழகா அமரர்கள் தலைவாஎய்வான் வைத்ததோர் இலக்கினை அணைதர நினைந்தேன் உள்ளமுள் ளளவும்உய்வான் எண்ணிவந் தும்மடி அடைந்தேன் உகவீ ராகிலும் உகப்பன்நைவா னன்றுமக் காட்பட்ட தடியேன் நாட்டியத் தான்குடி நம்பீ.

சொற்பிரிப்பு

ஐவாய்‌ அரவினை மதி உடன்‌ வைத்த அழகா! அமரர்கள் தலைவா!எய்வான்‌ வைத்தது ஓர்‌ இலக்கினை அணைதர நினைந்தேன்‌, உள்ளம்‌ உள்ளளவும்‌;உய்வான்‌ எண்ணி வந்து உம்‌ அடி அடைந்தேன்‌; உகவீர்‌ ஆகிலும்‌ உகப்பன்‌;நைவான்‌ அன்று, உமக்கு ஆட்பட்டது, அடியேன்‌; நாட்டியத்தான்குடி நம்பீ!

உரை

மூலத்தில் தமிழ் உரை இல்லை.

8

கலியேன் மானுட வாழ்க்கைஒன் றாகக் கருதிடிற் கண்கணீர் பில்கும்பலிதேர்ந் துண்பதோர் பண்புகண் டிகழேன் பசுவே ஏறிலும் பழியேன்வலியே யாகிலும் வணங்குதல் ஒழியேன் மாட்டேன் மறுமையை நினையேன்நலியேன் ஒருவரை நானுமை அல்லால் நாட்டியத் தான்குடி நம்பீ.

சொற்பிரிப்பு

கலியேன்‌, மானுட வாழ்க்கை ஒன்று ஆக; கருதிடின்‌ கண்கள்‌ நீர்‌ பில்கும்‌;பலி தேர்ந்து உண்பது ஓர்‌ பண்பு கண்டு இகழேன்‌; பசுவே ஏறிலும்‌ பழியேன்‌;வலியே ஆகிலும்‌ வணங்குதல்‌ ஒழியேன்‌; மாட்டேன்‌; மறுமையை நினையேன்‌;நலியேன்‌ ஒருவரை, நான்‌ உமை அல்லால்‌ நாட்டியத்தான்குடி நம்பீ!

உரை

மூலத்தில் தமிழ் உரை இல்லை.

9

குண்டா டிச்சமண் சாக்கியப் பேய்கள் கொண்டா ராகிலுங் கொள்ளக்கண்டா லுங்கரு தேன்எரு தேறுங் கண்ணா நின்னல தறியேன்தொண்டா டித்தொழு வார்தொழக் கண்டு தொழுதேன் என்வினை போகநண்டா டும்வயல் தண்டலை வேலி நாட்டியத் தான்குடி நம்பீ.

சொற்பிரிப்பு

குண்டாடிச்‌ சமண் சாக்கியப் பேய்கள்‌ கொண்டார்‌ ஆகிலும்‌, கொள்ளக்‌கண்டாலும்‌, கருதேன்‌; எருது ஏறும்‌ கண்ணா! நின்‌ அலது அறியேன்‌ ;தொண்டாடித்‌ தொழுவார்‌ தொழக்‌ கண்டு தொழுதேன்‌, என்‌ வினை போக;நண்டு ஆடும்‌ வயல்‌ தண்டலை வேலி நாட்டியத்தான்குடி நம்பீ!

உரை

மூலத்தில் தமிழ் உரை இல்லை.

10

கூடா மன்னரைக் கூட்டத்து வென்ற கொடிறன் கோட்புலி சென்னிநாடார் தொல்புகழ் நாட்டியத் தான்குடி நம்பியை நாளும் மறவாச்சேடார் பூங்குழற் சிங்கடி யப்பன் திருவா ரூரன் உரைத்தபாடீராகிலும் பாடுமின் றொண்டீர் பாடநும் பாவம்பற் றறுமே.

சொற்பிரிப்பு

கூடா மன்னரைக்‌ கூட்டத்து வென்ற கொடிறன்‌, கோட்புலி, சென்னிநாடு ஆர்‌ தொல்புகழ்‌ நாட்டியத்தான்குடி நம்பியை நாளும்‌ மறவா,சேடுஆர்‌ பூங்குழல்‌ சிங்கடி அப்பன்‌ திரு ஆரூரன்‌ உரைத்த,பாடீர்‌ ஆகிலும்‌, பாடுமின்‌, தொண்டீர்‌! பாட, நும்‌ பாவம்‌ பற்று அறுமே.

உரை

மூலத்தில் தமிழ் உரை இல்லை.