திருநாட்டுத்தொகை

அருளியவர்: சுந்தரர்
பண்: இந்தளம்
தலம்: பொது
நாடு: பொது

1

வீழக் காலனைக் கால்கொடு பாய்ந்த விலங்கலான்கூழை ஏறுகந் தானிடங் கொண்டதுங் கோவலூர்தாழையூர் தகட்டூர் தக்களூர் தருமபுரம்வாழை காய்க் கும்வளர் மருகல் நாட்டு மருகலே.

சொற்பிரிப்பு

வீழக்‌ காலனைக்‌ கால்கொடு பாய்ந்த விலங்கலான்‌,கூழை ஏறு உகந்தான்‌, இடம் கொண்டதும்‌ கோவலூர்‌,தாழையூர்‌, தகட்டூர்‌, தக்களூர்‌, தருமபுரம்‌,வாழை காய்க்கும்‌ வளர் ‌ மருகல்‌ நாட்டு மருகலே.

உரை

மூலத்தில் தமிழ் உரை இல்லை.

2

அண்டத் தண்டத்தின் அப்புறத் தாடும் அமுதனூர்தண்டந் தோட்டந் தண்டங்குறை தண்டலை யாலங்காடுகண்டல் முண்டல்கள் சூழ்கழிப் பாலை கடற்கரைகொண்டல் நாட்டுக் கொண்டல் குறுக்கை நாட்டுக் குறுக்கையே.

சொற்பிரிப்பு

அண்டத்து அண்டத்தின்‌ அப்‌புறத்து ஆடும்‌ அமுதன்‌ ஊர்‌தண்டந்தோட்டம்‌, தண்டங்குறை, தண்டலை, ஆலங்காடு,கண்டல்‌ முண்டல்கள்‌ சூழ்‌ கழிப் பாலை, கடற்கரை,கொண்டல் நாட்டுக்‌ கொண்டல்‌, குறுக்கை நாட்டுக்‌ குறுக்கையே.

உரை

மூலத்தில் தமிழ் உரை இல்லை.

3

மூல னூர்முத லாயமுக் கண்ணன் முதல்வன்ஊர்நால னூர்நரை ஏறுகந் தேறிய நம்பன்ஊர்கோல நீற்றன் குற்றாலங் குரங்கணின் முட்டமும்வேலனூர் வெற்றியூர் வெண்ணிக் கூற்றத்து வெண்ணியே.

சொற்பிரிப்பு

மூலனூர்‌, முதல்‌ ஆய முக்கண்ணன்‌ முதல்வனூர்‌,நாலனூர்‌, நரை ஏறு உகந்து ஏறிய நம்பன்‌ ஊர்‌கோலம்‌ நீற்றன்‌ குற்றாலம்‌, குரங்கணில் முட்டமும்‌,வேலனூர்‌, வெற்றியூர்‌, வெண்ணிக் கூற்றத்து வெண்ணியே .

உரை

மூலத்தில் தமிழ் உரை இல்லை.

4

தேங்கூ ருந்திருச் சிற்றம் பலமுஞ் சிராப்பள்ளிபாங்கூர் எங்கள் பிரான்உறை யுங்கடம் பந்துறைபூங்கூ ரும்பர மன்பரஞ் சோதி பயிலும்ஊர்நாங்கூர் நாட்டு நாங்கூர் நறையூர் நாட்டு நறையூரே.

சொற்பிரிப்பு

தேங்கூரும்‌, திருச்‌சிற்றம் பலமும்‌, சிராப்பள்ளி,பாங்கு ஊர்‌, எங்கள்‌ பிரான்‌ உறையும்‌ கடம்பந்துறை,பூங்கூரும்‌, பரமன்‌ பரஞ்சோதி பயிலும்‌ ஊர்‌நாங்கூர்‌ நாட்டு நாங்கூர்‌, நறையூர்‌ நாட்டு நறையூரே.

உரை

மூலத்தில் தமிழ் உரை இல்லை.

5

குழலை வென்ற மொழிமட வாளையோர் கூறனாம்மழலை ஏற்று மணாளன் இடந்தட மால்வரைக்கிழவன் கீழை வழிப்பழை யாறு கிழையமும்மிழலை நாட்டு மிழலை வெண்ணி நாட்டு மிழலையே.

சொற்பிரிப்பு

குழலை வென்ற மொழி மடவாளை ஓர் கூறன்‌ ஆம்‌,மழலை ஏற்று, மணாளன் இடம்‌ தடமால் வரைக்‌கிழவன்‌ கீழைவழி, பழையாறு, கிழையமும்‌,மிழலை நாட்டு மிழலை, வெண்ணி நாட்டு மிழலையே.

உரை

மூலத்தில் தமிழ் உரை இல்லை.

6

தென்னூர் கைம்மைத் திருச்சுழி யல்திருக் கானப்பேர்பன்னூர் புக்குறை யும்பர மர்க்கிடம் பாய்நலம்என்னூர் எங்கள் பிரான்உறை யுந்திருத் தேவனூர்பொன்னூர் நாட்டுப் பொன்னூர் புரிசைநாட்டுப் புரிசையே.

சொற்பிரிப்பு

தென்னூர்‌, கைம்மைத்‌ திருச்‌சுழியல்‌, திருக்‌கானப்பேர்‌,பன்‌னூர்‌ புக்கு உறையும்‌ பரமர்க்கு இடம்‌, பாய்‌ நலம்‌என்‌னூர்‌ எங்கள்‌ பிரான்‌ உறையும்‌ திருத்‌தேவனூர்‌,பொன்னூர்‌ நாட்டுப்‌ பொன்னூர்‌, புரிசை நாட்டுப்‌ புரிசையே,

உரை

மூலத்தில் தமிழ் உரை இல்லை.

7

ஈழ நாட்டுமா தோட்டம் தென்னாட் டிராமேச்சுரம்சோழ நாட்டுத் துருத்திநெய்த் தானந் திருமலைஆழி யூரன நாட்டுக்கெல் லாம்அணி யாகியகீழை யில்லர னார்க்கிடங் கிள்ளி குடியதே.

சொற்பிரிப்பு

ஈழநாட்டு மாதோட்டம்‌, தென்‌ நாட்டு இராமேச்சுரம்‌,சோழநாட்டுத்‌ துருத்தி, நெய்த்தானம்‌, திருமலை,ஆழி ஊர்‌ அன நாட்டுக்கு எல்‌லாம்‌ அணி ஆகியகீழையில்‌, அரனார்க்கு இடம்‌ கிள்ளிகுடி அதே.

உரை

மூலத்தில் தமிழ் உரை இல்லை.

8

நாளும் நன்னிலம் தென்பனை யூர்வட கஞ்சனூர்நீள நீள்சடை யான்நெல்லிக் காவும் நெடுங்களம்காள கண்டன் உறையும் கடைமுடி கண்டியூர்வேளார் நாட்டு வேளூர் விளத்தூர் நாட்டு விளத்தூரே.

சொற்பிரிப்பு

நாளும்‌ நன்னிலம்‌, தென் பனையூர்‌,வட கஞ்சனூர்‌,நீள நீள்சடையான்‌ நெல்லிக்காவும், நெடுங்களம்‌,காளகண்டன்‌ உறையும் ‌ கடைமுடி, கண்டியூர்‌,வேளார் நாட்டு வேளூர்‌, விளத்தூர் நாட்டு விளத்தூரே.

உரை

மூலத்தில் தமிழ் உரை இல்லை.

9

தழலும் மேனியன் தையலோர் பாகம் அமர்ந்தவன்தொழலுந் தொல்வினை தீர்க்கின்ற சோதி சோற்றுத்துறைகழலுங் கோவை உடையவன் காதலிக் கும்மிடம்பழனம் பாம்பணி பாம்புரம் தஞ்சைதஞ் சாக்கையே.

சொற்பிரிப்பு

தழலும்‌ மேனியன்‌, தையல்‌ ஓர் பாகம்‌ அமர்ந்தவன்‌,தொழலும்‌ தொல்வினை தீர்க்கின்ற சோதி சோற்றுத்துறைகழலும்‌ கோவை உடையவன்‌, காதலிக்கும்‌ இடம்‌பழனம்‌, பாம்பணி, பாம்புரம்‌, தஞ்சை, தஞ்சாக்கையே.

உரை

மூலத்தில் தமிழ் உரை இல்லை.

10

மைகொள் கண்டன்எண் டோளன்முக் கண்ணன் வலஞ்சுழிபைகொள் வாள்அர வாட்டித் திரியும் பரமனூர்செய்யில் வாளைகள் பாய்ந்துக ளுந்திருப் புன்கூர்நன்றையன் மேய பொழிலணி ஆவடு துறையதே.

சொற்பிரிப்பு

மைகொள்‌ கண்டன்‌, எண்தோளன்‌, முக்கண்ணன்‌, வலஞ்சுழிபை கொள்‌ வாள்‌ அரவு ஆட்டித் ‌ திரியும்‌ பரமன்‌, ஊர்‌செய்யில்‌ வாளைகள்‌ பாய்ந்து உகளும்‌ திருப்‌புன்கூர்‌, நன்றுஐயன்‌ மேய பொழில்‌ அணி ஆவடுதுறை அதே.

உரை

மூலத்தில் தமிழ் உரை இல்லை.

11

பேணி நாடத னில்திரி யும்பெரு மான்றனைஆணை யாவடி யார்கள் தொழப்படும் ஆதியைநாணி ஊரன் வனப்பகை அப்பன்வன் றொண்டன்சொல்பாணி யால்இவை ஏத்துவார் சேர்பர லோகமே.

சொற்பிரிப்பு

பேணி நாடு அதனில் திரியும்‌ பெருமான் தனை,ஆணையா அடியார்கள்‌ தொழப்படும்‌ ஆதியை,நாணி, ஊரன்‌ வனப்பகை அப்பன்‌, வன்தொண்டன்‌ சொல்‌பாணியால்‌ இவை ஏத்துவார் ‌ சேர்‌ பரலோகமே.

உரை

மூலத்தில் தமிழ் உரை இல்லை.