திருவாலம்பொழில்

அருளியவர்: திருநாவுக்கரசர்
பண்: திருத்தாண்டகம்
தலம்: ஆலம்பொழில்
நாடு: சோழநாடு காவிரித் தென்கரை

1

கருவாகிக் கண்ணுதலாய் நின்றான் றன்னைக் கமலத்தோன் றலையரிந்த காபா லியைஉருவார்ந்த மலைமகளோர் பாகத் தானை உணர்வெலா மானானை ஓசை யாகிவருவானை வலஞ்சுழியெம் பெருமான் றன்னை மறைக்காடும் ஆவடுதண் டுறையு மேயதிருவானைத் தென்பரம்பைக் குடியின் மேய திருவாலம் பொழிலானைச் சிந்தி நெஞ்சே.

சொற்பிரிப்பு

கருஆகிக் கண்ணுதலாய் நின்றான் தன்னைக், கமலத்தோன் தலைஅரிந்த காபா லி(ய்)யை,உருஆர்ந்த மலைமகள்ஓர் பாகத் தானை, உணர்வுஎலாம் ஆனானை, ஓசை ஆகிவருவானை, வலஞ்சுழிஎம் பெருமான் தன்னை, மறைக்காடும் ஆவடுதண் துறையும் மேயதிருவானைத், தென்பரம்பைக் குடியில் மேய திருஆலம் பொழிலானைச்;- சிந்தி, நெஞ்சே!

உரை

மூலத்தில் தமிழ் உரை இல்லை.

2

உரித்தானைக் களிறதன் றோல் போர்வை யாக உடையானை உடைபுலியி னதளே யாகத்தரித்தானைச் சடையதன்மேற் கங்கை யங்கைத் தழலுருவை விடமமுதா வுண்டி தெல்லாம்பரித்தானைப் பவளமால் வரையன் னானைப் பாம்பணையான் றனக்கன்றங் காழி நல்கிச்சிரித்தானைத் தென்பரம்பைக் குடியின் மேய திருவாலம் பொழிலானைச் சிந்தி நெஞ்சே.

சொற்பிரிப்பு

உரித்தானைக், களிறுஅதன்தோல் போர்வை ஆக, உடையானை, உடைபுலியின் அதளே ஆகத்;தரித்தானைச், சடைஅதன்மேல், கங்கை, அங்கைத் தழல்உருவை; விடம்அமுதா உண்டு,இது எல்லாம்பரித்தானைப்; பவளமால் வரைஅன் னானைப்; பாம்புஅணையான் தனக்கு,அன்று,அங்கு ஆழி நல்கிச்சிரித்தானைத்; தென்பரம்பைக் குடியில் மேய திருஆலம் பொழிலானைச்;- சிந்தி, நெஞ்சே!

உரை

மூலத்தில் தமிழ் உரை இல்லை.

3

உருமூன்றாய் உணர்வின்கண் ஒன்றா னானை ஓங்கார மெய்ப்பொருளை உடம்பி னுள்ளாற்கருவீன்ற வெங்களவை யறிவான் றன்னைக் காலனைத்தன் கழலடியாற் காய்ந்து மாணிக்கருளீன்ற ஆரமுதை அமரர் கோனை அள்ளூறி எம்பெருமா னென்பார்க் கென்றுந்திருவீன்ற தென்பரம்பைக் குடியின் மேய திருவாலம் பொழிலானைச் சிந்தி நெஞ்சே.

சொற்பிரிப்பு

உருமூன்றுஆய் உணர்வின்கண் ஒன்றுஆ னானை; ஓங்கார மெய்ப்பொருளை; உடம்பின் உள்ளால்கருஈன்ற வெங்களவை அறிவான் தன்னைக்; காலனைத்தன் கழல்அடியால் காய்ந்து, மாணிக்குஅருள்ஈன்ற ஆர்அமுதை; அமரர் கோனை; அள்ஊறி, “எம்பெருமான்!” என்பார்க்கு என்றும்திருஈன்ற - தென்பரம்பைக் குடியில் மேய திருஆலம் பொழிலானைச்;- சிந்தி, நெஞ்சே!

உரை

மூலத்தில் தமிழ் உரை இல்லை.

4

பார்முழுதாய் விசும்பாகிப் பாதா ளமாம் பரம்பரனைச் சுரும்பமருங் குழலாள் பாகத்தாரமுதாம் அணிதில்லைக் கூத்தன் றன்னை வாட்போக்கி யம்மானை எம்மா னென்றுவாரமதா மடியார்க்கு வார மாகி வஞ்சனைசெய் வார்க்கென்றும் வஞ்ச னாகுஞ்சீரரசைத் தென்பரம்பைக் குடியின் மேய திருவாலம் பொழிலானைச் சிந்தி நெஞ்சே.

சொற்பிரிப்பு

பார்முழுதுஆய் விசும்புஆகிப் பாதா ளம்ஆம் பரம்பரனைச்; சுரும்புஅமரும் குழலாள் பாகத்துஆர்அமுதுஆம் அணிதில்லைக் கூத்தன் தன்னை; வாட்போக்கி அம்மானை; “எம்மான்!” என்றுவாரம்அதுஆம் அடியார்க்கு வாரம் ஆகி, வஞ்சனைசெய் வார்க்குஎன்றும் வஞ்சன் ஆகும்சீர்அரசைத்; தென்பரம்பைக் குடியில் மேய திருஆலம் பொழிலானைச்;- சிந்தி, நெஞ்சே!

உரை

மூலத்தில் தமிழ் உரை இல்லை.

5

வரையார்ந்த மடமங்கை பங்கன் றன்னை வானவர்க்கும் வானவனை மணியை முத்தைஅரையார்ந்த புலித்தோல்மேல் அரவ மார்த்த அம்மானைத் தம்மானை அடியார்க் கென்றும்புரையார்ந்த கோவணத்தெம் புனிதன் றன்னைப் பூந்துருத்தி மேயானைப் புகலூ ரானைத்திரையார்ந்த தென்பரம்பைக் குடியின் மேய திருவாலம் பொழிலானைச் சிந்தி நெஞ்சே.

சொற்பிரிப்பு

வரைஆர்ந்த மடமங்கை பங்கன் தன்னை; வானவர்க்கும் வானவனை; மணியை; முத்தை;அரைஆர்ந்த புலித்தோல்மேல் அரவம் ஆர்த்த அம்மானைத்; தம்மானை, அடியார்க்கு என்றும்;புரைஆர்ந்த கோவணத்துஎம் புனிதன் தன்னைப்; பூந்துருத்தி மேயானைப்; புகலூ ரானைத்;திரைஆர்ந்த தென்பரம்பைக் குடியில் மேய திருஆலம் பொழிலானைச்;- சிந்தி, நெஞ்சே!

உரை

மூலத்தில் தமிழ் உரை இல்லை.

6

விரிந்தானைக் குவிந்தானை வேத வித்தை வியன்பிறப்போ டிறப்பாகி நின்றான் றன்னைஅரிந்தானைச் சலந்தரன்றன் உடலம் வேறா ஆழ்கடல்நஞ் சுண்டிமையோ ரெல்லா முய்யப்பரிந்தானைப் பல்லசுரர் புரங்கள் மூன்றும் பாழ்படுப்பான் சிலைமலைநா ணேற்றி யம்புதெரிந்தானைத் தென்பரம்பைக் குடியின் மேய திருவாலம் பொழிலானைச்சிந்தி நெஞ்சே.

சொற்பிரிப்பு

விரிந்தானைக், குவிந்தானை; வேத வித்தை; வியன்பிறப்போடு இறப்புஆகி நின்றான் தன்னை;அரிந்தானைச், சலந்தரன்தன் உடலம் வேறா; ஆழ்கடல்நஞ்சு உண்டுஇமையோர் எல்லாம் உய்யப்பரிந்தானைப்; பல்அசுரர் புரங்கள் மூன்றும் பாழ்படுப்பான், சிலைமலைநாண் ஏற்றி, அம்புதெரிந்தானைத்; தென்பரம்பைக் குடியில் மேய திருஆலம் பொழிலானைச்;- சிந்தி, நெஞ்சே!

உரை

மூலத்தில் தமிழ் உரை இல்லை.

7

பொல்லாத என்னழுக்கிற் புகுவா னென்னைப் புறம்புறமே சோதித்த புனிதன் றன்னைஎல்லாருந் தன்னையே இகழ அந்நாள் இடுபலியென் றகந்திரியும் எம்பி ரானைச்சொல்லாதா ரவர்தம்மைச் சொல்லா தானைத் தொடர்ந்துதன் பொன்னடியே பேணு வாரைச்செல்லாத நெறிசெலுத்த வல்லான் றன்னைத் திருவாலம் பொழிலானைச் சிந்தி நெஞ்சே.

சொற்பிரிப்பு

பொல்லாத என்அழுக்கில் புகுவான், என்னைப் புறம்புறமே சோதித்த புனிதன் தன்னை;எல்லாரும் தன்னையே இகழ, அந்நாள், “இடு,பலி”என்று அகம்திரியும் எம்பி ரானைச்;சொல்லாதார் அவர்தம்மைச் சொல்லா தானைத்; தொடர்ந்துதன் பொன்அடியே பேணு வாரைச்செல்லாத நெறிசெலுத்த வல்லான் தன்னைத்; திருஆலம் பொழிலானைச்;- சிந்தி, நெஞ்சே!

உரை

மூலத்தில் தமிழ் உரை இல்லை.

8

ஐந்தலைய நாகவணைக் கிடந்த மாலோ டயன்தேடி நாடரிய அம்மான் றன்னைப்பந்தணவு மெல்விரலாள் பாகத் தானைப் பராய்த்துறையும் வெண்காடும் பயின்றான் றன்னைப்பொந்துடைய வெண்டலையிற் பலிகொள் வானைப் பூவணமும் புறம்பயமும் பொருந்தி னானைச்சிந்தியவெந் தீவினைகள் தீர்ப்பான் றன்னைத் திருவாலம் பொழிலானைச் சிந்தி நெஞ்சே.

சொற்பிரிப்பு

ஐந்தலைய நாகஅணைக் கிடந்த மாலோடு அயன்தேடி நாட(அ)ரிய அம்மான் தன்னைப்,பந்துஅணவு மெல்விரலாள் பாகத் தானைப், பராய்த்துறையும் வெண்காடும் பயின்றான் தன்னைப்,பொந்துஉடைய வெண்தலையில் பலிகொள் வானைப், பூவணமும் புறம்பயமும் பொருந்தி னானைச்,சிந்தியவெந் தீவினைகள் தீர்ப்பான் தன்னைத், திருஆலம் பொழிலானைச்;- சிந்தி, நெஞ்சே!

உரை

மூலத்தில் தமிழ் உரை இல்லை.

9

கையிலுண் டுழல்வாருஞ் சாக்கி யருங் கல்லாத வன்மூடர்க் கல்லா தானைப்பொய்யிலா தவர்க்கென்றும் பொய்யி லானைப் பூணாகம் நாணாகப் பொருப்பு வில்லாக்கையினார் அம்பெரிகால் ஈர்க்குக் கோலாக் கடுந்தவத்தோர் நெடும்புரங்கள் கனல்வாய் வீழ்த்தசெய்யினார் தென்பரம்பைக் குடியின் மேய திருவாலம் பொழிலானைச் சிந்தி நெஞ்சே.

சொற்பிரிப்பு

கையில்உண்டு உழல்வாரும் சாக்கி ய(ர்)ரும், கல்லாத வன்மூடர்க்கு, அல்லா தானைப்;பொய்இலா தவர்க்குஎன்றும் பொய்இ லானைப்; பூண்நாகம் நாண்ஆகப், பொருப்பு வில்லாக்,கையின்ஆர் அம்புஎரிகால் ஈர்க்குக் கோலாக், கடுந்தவத்தோர் நெடும்புரங்கள் கனல்வாய் வீழ்த்த-செய்யின்ஆர் தென்பரம்பைக் குடியில் மேய திருஆலம் பொழிலானைச்;- சிந்தி, நெஞ்சே!

உரை

மூலத்தில் தமிழ் உரை இல்லை.

10 Unavailable

இந்தப் பாடல் மூலத்தில் கிடைக்கப்பெறவில்லை. பாடல் வரிகள் இங்கே சேர்க்கப்படவில்லை.

இப்பதிகத்தில் 10-ம் பாடல் கிடைக்கப்பெறவில்லை.

சொற்பிரிப்பு

பாடல் கிடைக்கப்பெறவில்லை