திருச்செங்காட்டங்குடி

அருளியவர்: திருநாவுக்கரசர்
பண்: திருத்தாண்டகம்
தலம்: செங்காட்டங்குடி
நாடு: சோழநாடு காவிரித் தென்கரை

1

பெருந்தகையைப் பெறற்கரிய மாணிக் கத்தைப் பேணிநினைந் தெழுவார்தம் மனத்தே மன்னிஇருந்தமணி விளக்கதனை நின்ற பூமேல் எழுந்தருளி இருந்தானை எண்டோ ள் வீசிஅருந்திறன்மா நடமாடும் அம்மான் றன்னை அங்கனகச் சுடர்க்குன்றை அன்றா லின்கீழ்த்திருந்துமறைப் பொருள்நால்வர்க் கருள்செய் தானைச் செங்காட்டங் குடியதனிற் கண்டேன் நானே.

சொற்பிரிப்பு

பெருந்தகையைப், பெறற்குஅரிய மாணிக் கத்தைப், பேணிநினைந்து எழுவார்தம் மனத்தே மன்னிஇருந்தமணி விளக்குஅதனை, நின்ற பூமேல் எழுந்தருளி இருந்தானை, எண்தோள் வீசிஅருந்திறல்மா நடம்ஆடும் அம்மான் தன்னை, அங்கனகச் சுடர்க்குன்றை, அன்றுஆ லின்கீழ்த்திருந்துமறைப் பொருள்நால்வர்க்கு அருள்செய் தானைச்,- செங்காட்டங் குடிஅதனில் கண்டேன், நானே.

உரை

மூலத்தில் தமிழ் உரை இல்லை.

2

துங்கநகத் தாலன்றித் தொலையா வென்றித் தொகுதிறலவ் விரணியனை ஆகங் கீண்டஅங்கனகத் திருமாலும் அயனுந் தேடும் ஆரழலை அநங்கனுடல் பொடியாய் வீழ்ந்துமங்கநகத் தான்வல்ல மருந்து தன்னை வண்கயிலை மாமலைமேல் மன்னி நின்றசெங்கனகத் திரள்தோளெஞ் செல்வன் றன்னைச் செங்காட்டங் குடியதனிற் கண்டேன் நானே.

சொற்பிரிப்பு

துங்கநகத் தால்அன்றித் தொலையா வென்றித் தொகுதிறல்அவ் இரணியனை ஆகம் கீண்டஅங்கனகத் திருமாலும், அயனும், தேடும் ஆர்அழலை; அநங்கன்உடல் பொடிஆய் வீழ்ந்துமங்க,நகத், தான்வல்ல மருந்து தன்னை; வண்கயிலை மாமலைமேல் மன்னி நின்ற,செங்கனகத் திரள்தோள்,எம் செல்வன் தன்னைச்;- செங்காட்டங் குடிஅதனில் கண்டேன், நானே.

உரை

மூலத்தில் தமிழ் உரை இல்லை.

3

உருகுமனத் தடியவர்கட் கூறுந் தேனை உம்பர்மணி முடிக்கணியை உண்மை நின்றபெருகுநிலைக் குறியாளர் அறிவு தன்னைப் பேணியஅந் தணர்க்குமறைப் பொருளைப் பின்னும்முருகுவிரி நறுமலர்மே லயற்கும் மாற்கும் முழுமுதலை மெய்த்தவத்தோர் துணையை வாய்த்ததிருகுகுழல் உமைநங்கை பங்கன் றன்னைச் செங்காட்டங் குடியதனிற் கண்டேன் நானே.

சொற்பிரிப்பு

உருகுமனத்து அடியவர்கட்கு ஊறும் தேனை, உம்பர்மணி முடிக்குஅணியை, உண்மை நின்றபெருகுநிலைக் குறியாளர் அறிவு தன்னைப், பேணியஅந் தணர்க்குமறைப் பொருளைப், பின்னும்முருகுவிரி நறுமலர்மேல் அயற்கும் மாற்கும் முழுமுதலை, மெய்த்தவத்தோர் துணையை, வாய்த்ததிருகுகுழல் உமைநங்கை பங்கன் தன்னைச்,- செங்காட்டங் குடிஅதனில் கண்டேன், நானே.

உரை

மூலத்தில் தமிழ் உரை இல்லை.

4

கந்தமலர்க் கொன்றையணி சடையான் றன்னைக் கதிர்விடுமா மணிபிறங்கு கனகச் சோதிச்சந்தமலர்த் தெரிவையொரு பாகத் தானைச் சராசரநற் றாயானை நாயேன் முன்னைப்பந்தமறுத் தாளாக்கிப் பணிகொண் டாங்கே பன்னியநூற் றமிழ்மாலை பாடு வித்தென்சிந்தைமயக் கறுத்ததிரு வருளி னானைச் செங்காட்டங் குடியதனிற் கண்டேன் நானே.

சொற்பிரிப்பு

கந்தமலர்க் கொன்றைஅணி சடையான் தன்னைக்; கதிர்விடுமா மணிபிறங்கு கனகச் சோதிச்சந்தமலர்த் தெரிவைஒரு பாகத் தானைச்; சராசரநல் - தாயானை; நாயேன் முன்னைப்பந்தம்அறுத்து, ஆள்ஆக்கிப், பணிகொண்டு, ஆங்கே பன்னியநூல் தமிழ்மாலை பாடு வித்து,என்சிந்தைமயக்கு அறுத்ததிரு அருளி னானைச்;- செங்காட்டங் குடிஅதனில் கண்டேன், நானே.

உரை

மூலத்தில் தமிழ் உரை இல்லை.

5

நஞ்சடைந்த கண்டத்து நாதன் றன்னை நளிர்மலர்ப்பூங் கணைவேளை நாச மாகவெஞ்சினத்தீ விழித்ததொரு நயனத் தானை வியன்கெடில வீரட்டம் மேவி னானைமஞ்சடுத்த நீள்சோலை மாட வீதி மதிலாரூ ரிடங்கொண்ட மைந்தன் றன்னைச்செஞ்சினத்த திரிசூலப் படையான் றன்னைச் செங்காட்டங் குடியதனிற் கண்டேன் நானே.

சொற்பிரிப்பு

நஞ்சுஅடைந்த கண்டத்து நாதன் தன்னை, நளிர்மலர்ப்-பூங் கணைவேளை நாசம் ஆகவெஞ்சினத்தீ விழித்ததுஒரு நயனத் தானை, வியன்கெடில வீரட்டம் மேவி னானை,மஞ்சுஅடுத்த நீள்சோலை மாட வீதி, மதில்ஆரூர் இடம்கொண்ட மைந்தன் தன்னைச்,செஞ்சினத்த திரிசூலப் படையான் தன்னைச்,- செங்காட்டங் குடிஅதனில் கண்டேன், நானே.

உரை

மூலத்தில் தமிழ் உரை இல்லை.

6

கன்னியையங் கொருசடையிற் கரந்தான் றன்னைக் கடவூரில் வீரட்டங் கருதி னானைப்பொன்னிசூழ் ஐயாற்றெம் புனிதன் றன்னைப் பூந்துருத்தி நெய்த்தானம் பொருந்தி னானைப்பன்னியநான் மறைவிரிக்கும் பண்பன் றன்னைப் பரிந்திமையோர் தொழுதேத்திப் பரனே யென்றுசென்னிமிசைக் கொண்டணிசே வடியி னானைச் செங்காட்டங் குடியதனிற் கண்டேன் நானே.

சொற்பிரிப்பு

கன்னியைஅங்கு ஒருசடையில் கரந்தான் தன்னைக், கடவூரில் வீரட்டம் கருதி னானைப்,பொன்னிசூழ் ஐயாற்றுஎம் புனிதன் தன்னைப், பூந்துருத்தி நெய்த்தானம் பொருந்தி னானைப்,பன்னியநால் மறைவிரிக்கும் பண்பன் தன்னைப், பரிந்துஇமையோர் தொழுதுஏத்திப் “பரனே!” என்றுசென்னிமிசைக் கொண்டுஅணிசே வடியி னானைச்,- செங்காட்டங் குடிஅதனில் கண்டேன், நானே.

உரை

மூலத்தில் தமிழ் உரை இல்லை.

7

எத்திக்கு மாய்நின்ற இறைவன் றன்னை ஏகம்பம் மேயானை இல்லாத் தெய்வம்பொத்தித்தம் மயிர்பறிக்குஞ் சமணர் பொய்யிற் புக்கழுந்தி வீழாமே போத வாங்கிப்பத்திக்கே வழிகாட்டிப் பாவந் தீர்த்துப் பண்டைவினைப் பயமான எல்லாம் போக்கித்தித்தித்தென் மனத்துள்ளே ஊறுந் தேனைச் செங்காட்டங் குடியதனிற் கண்டேன் நானே.

சொற்பிரிப்பு

எத்திக்கும் ஆய்நின்ற இறைவன் தன்னை; ஏகம்பம் மேயானை; இல்லாத் தெய்வம்பொத்தித்தம் மயிர்பறிக்கும் சமணர் பொய்யில் புக்குஅழுந்தி வீழாமே, போத வாங்கிப்,பத்திக்கே வழிகாட்டிப், பாவம் தீர்த்துப், பண்டைவினைப் பயம்ஆன எல்லாம் போக்கித்,தித்தித்து,என் மனத்துள்ளே ஊறும் தேனைச்;- செங்காட்டங் குடிஅதனில் கண்டேன், நானே.

உரை

மூலத்தில் தமிழ் உரை இல்லை.

8

கல்லாதார் மனத்தணுகாக் கடவுள் தன்னைக் கற்றார்கள் உற்றோருங் காத லானைப்பொல்லாத நெறியுகந்தார் புரங்கள் மூன்றும் பொன்றிவிழ அன்றுபொரு சரந்தொட் டானைநில்லாத நிணக்குரம்பைப் பிணக்கம் நீங்க நிறைதவத்தை அடியேற்கு நிறைவித் தென்றுஞ்செல்லாத செந்நெறிக்கே செல்விப் பானைச் செங்காட்டங் குடியதனிற் கண்டேன் நானே.

சொற்பிரிப்பு

கல்லாதார் மனத்துஅணுகாக் கடவுள் தன்னைக்; கற்றார்கள் உற்றுஓரும் காத லானைப்;பொல்லாத நெறிஉகந்தார் புரங்கள் மூன்றும் பொன்றிவிழ, அன்று,பொரு சரம்தொட் டானை;நில்லாத நிணக்குரம்பைப் பிணக்கம் நீங்க, நிறைதவத்தை அடியேற்கு நிறைவித்து, என்றும்செல்லாத செந்நெறிக்கே செல்விப் பானைச்;- செங்காட்டங் குடிஅதனில் கண்டேன், நானே.

உரை

மூலத்தில் தமிழ் உரை இல்லை.

9

அரியபெரும் பொருளாகி நின்றான் றன்னை அலைகடலில் ஆலால மமுது செய்தகரியதொரு கண்டத்துச் செங்க ணேற்றுக் கதிர்விடுமா மணிபிறங்கு காட்சி யானைஉரியபல தொழிற்செய்யு மடியார் தங்கட் குலகமெலாம் முழுதளிக்கும் உலப்பி லானைத்தெரிவையொரு பாகத்துச் சேர்த்தி னானைச் செங்காட்டங் குடியதனிற் கண்டேன் நானே.

சொற்பிரிப்பு

அரியபெரும் பொருள்ஆகி நின்றான் தன்னை; அலைகடலில் ஆலாலம் அமுது செய்தகரியதுஒரு கண்டத்துச், செங்கண் ஏற்றுக், கதிர்விடுமா மணிபிறங்கு காட்சி யானை;உரியபல தொழில்செய்யும் அடியார் தங்கட்கு உலகம்எலாம் முழுதுஅளிக்கும் உலப்புஇ லானைத்;தெரிவைஒரு பாகத்துச் சேர்த்தி னானைச்;- செங்காட்டங் குடிஅதனில் கண்டேன், நானே.

உரை

மூலத்தில் தமிழ் உரை இல்லை.

10

போரரவம் மால்விடையொன் றூர்தி யானைப் புறம்பயமும் புகலூரும் மன்னி னானைநீரரவச் செஞ்சடைமேல் நிலாவெண் டிங்கள் நீங்காமை வைத்தானை நிமலன் றன்னைப்பேரரவப் புட்பகத்தே ருடைய வென்றிப் பிறங்கொளிவா ளரக்கன்முடி யிடியச் செற்றசீரரவக் கழலானைச் செல்வன் றன்னைச் செங்காட்டங் குடியதனிற் கண்டேன் நானே.

சொற்பிரிப்பு

போர்அரவம் மால்விடைஒன்று ஊர்தி யானைப், புறம்பயமும் புகலூரும் மன்னி னானை,நீர்அரவச் செஞ்சடைமேல் நிலாவெண் திங்கள் நீங்காமை வைத்தானை, நிமலன் தன்னைப்,பேர்அரவப் புட்பகத்தேர் உடைய வென்றிப் பிறங்குஒளிவாள் அரக்கன்முடி இடியச் செற்றசீர்அரவக் கழலானைச், செல்வன் தன்னைச்,- செங்காட்டங் குடிஅதனில் கண்டேன், நானே.

உரை

மூலத்தில் தமிழ் உரை இல்லை.