திருவலஞ்சுழியும்

அருளியவர்: திருநாவுக்கரசர்
பண்: திருத்தாண்டகம்
தலம்: கொட்டையூர்
நாடு: சோழநாடு காவிரி வடகரை

1

கருமணிபோற் கண்டத் தழகன் கண்டாய் கல்லால் நிழற்கீ ழிருந்தான் கண்டாய்பருமணி மாநாகம் பூண்டான் கண்டாய் பவளக்குன் றன்ன பரமன் கண்டாய்வருமணிநீர்ப் பொன்னிவலஞ் சுழியான் கண்டாய் மாதேவன் கண்டாய் வரதன் கண்டாய்குருமணிபோல் அழகமருங் கொட்டை யூரிற் கோடீச் சரத்துறையுங் கோமான் றானே.

சொற்பிரிப்பு

கருமணிபோல் கண்டத்து அழகன் கண்டாய்; கல்லால் நிழல்கீழ் இருந்தான் கண்டாய்;பருமணிமா நாகம் பூண்டான் கண்டாய்; பவளக்குன்று அன்ன பரமன் கண்டாய்;வருமணிநீர்ப் பொன்னிவலஞ் சுழியான் கண்டாய்; மாதேவன் கண்டாய்; வரதன் கண்டாய்-குருமணிபோல் அழகுஅமரும் கொட்டை யூரில் கோடீச் சுரத்துஉறையும் கோமான் தானே.

உரை

மூலத்தில் தமிழ் உரை இல்லை.

2

கலைக்கன்று தங்கு கரத்தான் கண்டாய் கலைபயில்வோர் ஞானக்கண் ணானான் கண்டாய்அலைக்கங்கை செஞ்சடைமே லேற்றான் கண்டாய் அண்ட கபாலத்தப் பாலான் கண்டாய்மலைப்பண்டங் கொண்டு வருநீர்ப் பொன்னி வலஞ்சுழியின் மேவிய மைந்தன் கண்டாய்குலைத்தெங்கஞ் சோலைசூழ் கொட்டை யூரிற் கோடீச்சரத் துறையுங் கோமான் றானே.

சொற்பிரிப்பு

கலைக்கன்று தங்கு கரத்தான் கண்டாய்; கலைபயில்வோர் ஞானக்கண் ஆனான் கண்டாய்;அலைக்கங்கை செஞ்சடைமேல் ஏற்றான் கண்டாய்; அண்டக பாலத்துஅப் பாலான் கண்டாய்;மலைப்பண்டம் கொண்டு வரும்நீர்ப் பொன்னி வலஞ்சுழியில் மேவிய மைந்தன் கண்டாய்-குலைத்தெங்குஅம் சோலைசூழ் கொட்டை யூரில் கோடீச் சுரத்துஉறையும் கோமான் தானே.

உரை

மூலத்தில் தமிழ் உரை இல்லை.

3

செந்தா மரைப்போ தணிந்தான் கண்டாய் சிவன்கண்டாய் தேவர் பெருமான் கண்டாய்பந்தாடு மெல்விரலாள் பாகன் கண்டாய் பாலோடு நெய் தயிர்தே னாடி கண்டாய்மந்தார முந்தி வருநீர்ப் பொன்னி வலஞ்சுழியின் மன்னு மணாளன் கண்டாய்கொந்தார் பொழிற்புடைசூழ் கொட்டை யூரிற் கோடீச் சரத்துறையுங் கோமான் றானே.

சொற்பிரிப்பு

செந்தா மரைப்போது அணிந்தான் கண்டாய்; சிவன்கண்டாய்; தேவர் பெருமான் கண்டாய்;பந்துஆடு மெல்விரலாள் பாகன் கண்டாய்; பாலோடு, நெய்,தயிர்,தேன் ஆடி கண்டாய்;மந்தாரம் உந்தி வரும்நீர்ப் பொன்னி வலஞ்சுழியில் மன்னும் மணாளன் கண்டாய்-கொந்துஆர் பொழில்புடைசூழ் கொட்டை யூரில் கோடீச் சுரத்துஉறையும் கோமான் தானே.

உரை

மூலத்தில் தமிழ் உரை இல்லை.

4

பொடியாடு மேனிப் புனிதன் கண்டாய் புட்பாகற் காழி கொடுத்தான் கண்டாய்இடியார் கடுமுழக்கே றூர்ந்தான் கண்டாய் எண்டிசைக்கும் விளக்காகி நின்றான் கண்டாய்மடலார் திரைபுரளுங் காவி ரிவாய் வலஞ்சுழியின் மேவிய மைந்தன் கண்டாய்கொடியாடு நெடுமாடக் கொட்டை யூரிற் கோடீச்சரத் துறையுங் கோமான் றானே.

சொற்பிரிப்பு

பொடிஆடும் மேனிப் புனிதன் கண்டாய்; புள்பாகற்கு ஆழி கொடுத்தான் கண்டாய்;இடிஆர் கடுமுழக்குஏறு ஊர்ந்தான் கண்டாய்; எண்திசைக்கும் விளக்குஆகி நின்றான் கண்டாய்;மடல்ஆர் திரைபுரளும் காவி ரீவாய் வலஞ்சுழியில் மேவிய மைந்தன் கண்டாய்-கொடிஆடு நெடுமாடக் கொட்டை யூரில் கோடீச் சுரத்துஉறையும் கோமான் தானே.

உரை

மூலத்தில் தமிழ் உரை இல்லை.

5

அக்கரவம் அரைக்கசைத்த அம்மான் கண்டாய் அருமறைக ளாறங்க மானான் கண்டாய்தக்கனது பெருவேள்வி தகர்த்தான் கண்டாய் சதாசிவன்காண் சலந்தரனைப் பிளந்தான் கண்டாய்மைக்கொண்மயிற் றழைகொண்டு வருநீர்ப் பொன்னி வலஞ்சுழியான் கண்டாய் மழுவன் கண்டாய்கொக்கமரும் வயற்புடைசூழ் கொட்டை யூரிற் கோடீச் சரத்துறையுங் கோமான் றானே.

சொற்பிரிப்பு

அக்கு,அரவம், அரைக்குஅசைத்த அம்மான் கண்டாய்; அருமறைகள் ஆறுஅங்கம் ஆனான் கண்டாய்;தக்கனது பெருவேள்வி தகர்த்தான் கண்டாய்; சதாசிவன்காண்; சலந்தரனைப் பிளந்தான் கண்டாய்;மைக்கொள்மயில் - தழைகொண்டு வரும்நீர்ப் பொன்னி வலஞ்சுழியான் கண்டாய்; மழுவன் கண்டாய்-கொக்குஅமரும் வயல்புடைசூழ் கொட்டை யூரில் கோடீச் சுரத்துஉறையும் கோமான் தானே.

உரை

மூலத்தில் தமிழ் உரை இல்லை.

6

சண்டனைநல் லண்டர்தொழச் செய்தான் கண்டாய் சதாசிவன் கண்டாய்சங் கரன்றான் கண்டாய்தொண்டர்பலர் தொழுதேத்துங் கழலான் கண்டாய் சுடரொளியாய்த் தொடர்வரிதாய் நின்றான் கண்டாய்மண்டுபுனற் பொன்னிவலஞ் சுழியான் கண்டாய் மாமுனிவர் தம்முடைய மருந்து கண்டாய்கொண்டல்தவழ் கொடிமாடக் கொட்டை யூரிற் கோடீச் சரத்துறையுங் கோமான் றானே.

சொற்பிரிப்பு

சண்டனைநல் அண்டர்தொழச் செய்தான் கண்டாய்; சதாசிவன் கண்டாய்;சங் கரன்தான் கண்டாய்;தொண்டர்பலர் தொழுதுஏத்தும் கழலான் கண்டாய்; சுடர்ஒளிஆய்த் தொடர்வுஅரிதுஆய் நின்றான் கண்டாய்;மண்டுபுனல் பொன்னிவலஞ் சுழியான் கண்டாய்; மாமுனிவர் தம்முடைய மருந்து கண்டாய்;கொண்டல்தவழ் கொடிமாடக் கொட்டை யூரில் கோடீச் சுரத்துஉறையும் கோமான் தானே.

உரை

மூலத்தில் தமிழ் உரை இல்லை.

7

அணவரியான் கண்டாய் அமலன் கண்டாய் அவிநாசி கண்டாயண் டத்தான் கண்டாய்பணமணிமா நாக முடையான் கண்டாய் பண்டரங்கன் கண்டாய் பகவன் கண்டாய்மணல்வருநீர்ப் பொன்னிவலஞ் சுழியான் கண்டாய் மாதவற்கும் நான்முகற்கும் வரதன் கண்டாய்குணமுடைநல் லடியார்வாழ் கொட்டை யூரிற் கோடீச் சரத்துறையுங் கோமான் றானே.

சொற்பிரிப்பு

அணவுஅரியான் கண்டாய்; அமலன் கண்டாய்; அவிநாசி கண்டாய்;அண் டத்தான் கண்டாய்;பணமணிமா நாகம் உடையான் கண்டாய்; பண்டரங்கன் கண்டாய்; பகவன் கண்டாய்;மணல்வரும்நீர்ப் பொன்னிவலஞ் சுழியான் கண்டாய்; மாதவற்கும் நான்முகற்கும் வரதன் கண்டாய்;குணம்உடைநல் அடியார்வாழ் கொட்டை யூரில் கோடீச் சுரத்துஉறையும் கோமான் தானே.

உரை

மூலத்தில் தமிழ் உரை இல்லை.

8

விரைகமழு மலர்க்கொன்றைத் தாரான் கண்டாய் வேதங்கள் தொழநின்ற நாதன் கண்டாய்அரையதனிற் புள்ளியத ளுடையான் கண்டாய் அழலாடி கண்டாய் அழகன் கண்டாய்வருதிரைநீர்ப் பொன்னிவலஞ் சுழியான் கண்டாய் வஞ்சமனத் தவர்க்கரிய மைந்தன் கண்டாய்குரவமரும் பொழிற்புடைசூழ் கொட்டை யூரிற் கோடீச் சரத்துறையுங் கோமான் றானே.

சொற்பிரிப்பு

விரைகமழும் மலர்க்கொன்றைத் தாரான் கண்டாய்; வேதங்கள் தொழநின்ற நாதன் கண்டாய்;அரைஅதனில் புள்ளிஅதள் உடையான் கண்டாய்; அழல்ஆடி கண்டாய்; அழகன் கண்டாய்;வருதிரைநீர்ப் பொன்னிவலஞ் சுழியான் கண்டாய்; வஞ்சமனத் தவர்க்குஅரிய மைந்தன் கண்டாய்-குரவுஅமரும் பொழில்புடைசூழ் கொட்டை யூரில் கோடீச் சுரத்துஉறையும் கோமான் தானே.

உரை

மூலத்தில் தமிழ் உரை இல்லை.

9

தளங்கிளருந் தாமரையா தனத்தான் கண்டாய் தசரதன்றன் மகனசைவு தவிர்த்தான் கண்டாய்இளம்பிறையும் முதிர்சடைமேல் வைத்தான் கண்டாய் எட்டெட் டிருங்கலையு மானான் கண்டாய்வளங்கிளர்நீர்ப் பொன்னிவலஞ் சுழியான் கண்டாய் மாமுனிகள் தொழுதெழுபொற் கழலான் கண்டாய்குளங்குளிர்செங் குவளைகிளர் கொட்டை யூரிற் கோடீச் சரத்துறையுங் கோமான் றானே.

சொற்பிரிப்பு

தளம்கிளரும் தாமரைஆ தனத்தான் கண்டாய்; தசரதன்தன் மகன்அசைவு தவிர்த்தான் கண்டாய்;இளம்பிறையும் முதிர்சடைமேல் வைத்தான் கண்டாய்; எட்டு-எட்டு இருங்கலையும் ஆனான் கண்டாய்;வளங்கிளர்நீர்ப் பொன்னிவலஞ் சுழியான் கண்டாய்; மாமுனிகள் தொழுதுஎழுபொன் கழலான் கண்டாய்;குளம்குளிர்செங் குவளைகிளர் கொட்டை யூரில் கோடீச் சுரத்துஉறையும் கோமான் தானே.

உரை

மூலத்தில் தமிழ் உரை இல்லை.

10

விண்டார் புரமூன் றெரித்தான் கண்டாய் விலங்கலில்வல் லரக்கனுட லடர்த்தான் கண்டாய்தண்டா மரையானும் மாலுந் தேடத் தழற்பிழம்பாய் நீண்ட கழலான் கண்டாய்வண்டார்பூஞ் சோலைவலஞ் சுழியான் கண்டாய் மாதேவன் கண்டாய் மறையோ டங்கங்கொண்டாடு வேதியர்வாழ் கொட்டை யூரிற் கோடீச் சரத்துறையுங் கோமான் றானே.

சொற்பிரிப்பு

விண்டார் புரம்மூன்று எரித்தான் கண்டாய்; விலங்கலில்வல் அரக்கன்உடல் அடர்த்தான் கண்டாய்;தண்தா மரையானும், மாலும், தேடத் தழல்பிழம்புஆய் நீண்ட கழலான் கண்டாய்;வண்டுஆர்பூஞ் சோலைவலஞ் சுழியான் கண்டாய்; மாதேவன் கண்டாய் - மறையோடு அங்கம்கொண்டாடு வேதியர்வாழ் கொட்டை யூரில் கோடீச் சுரத்துஉறையும் கோமான் தானே.

உரை

மூலத்தில் தமிழ் உரை இல்லை.