திருவேகம்பம்

அருளியவர்: திருநாவுக்கரசர்
பண்: திருத்தாண்டகம்
தலம்: கச்சி ஏகம்பம் (காஞ்சிபுரம்)
நாடு: தொண்டைநாடு

1

உரித்தவன்காண் உரக்களிற்றை உமையாள் ஒல்க ஓங்காரத் தொருவன்காண் உணர்மெய்ஞ் ஞானம்விரித்தவன்காண் விரித்தநால் வேதத் தான்காண் வியனுலகிற் பல்லுயிரை விதியி னாலேதெரித்தவன்காண் சில்லுருவாய்த் தோன்றி யெங்குந் திரண்டவன்காண் திரிபுரத்தை வேவ வில்லால்எரித்தவன்காண் எழிலாரும் பொழிலார் கச்சி ஏகம்பன் காணவனென் எண்ணத் தானே.

சொற்பிரிப்பு

உரித்தவன்காண், உரக்களிற்றை உமையாள் ஒல்க; ஓங்காரத்து ஒருவன்காண்; உணர்மெய்ஞ் ஞானம்விரித்தவன்காண்; விரித்தநால் வேதத் தான்காண்; வியன்உலகில் பல்உயிரை விதியி னாலேதெரித்தவன்காண்; சில்உருஆய்த் தோன்றி எங்கும் திரண்டவன்காண்; திரிபுரத்தை வேவ வில்லால்எரித்தவன்காண் - எழில்ஆரும் பொழில்ஆர் கச்சி ஏகம்பன் காண்;அவன்என் எண்ணத் தானே.

உரை

மூலத்தில் தமிழ் உரை இல்லை.

2

நேசன்காண் நேசர்க்கு நேசந் தன்பால் இல்லாத நெஞ்சத்து நீசர் தம்மைக்கூசன்காண் கூசாதார் நெஞ்சு தஞ்சே குடிகொண்ட குழகன்காண் அழகார் கொன்றைவாசன்காண் மலைமங்கை பங்கன் றான்காண் வானவர்கள் எப்பொழுதும் வணங்கி யேத்தும்ஈசன்காண் எழிலாரும் பொழிலார் கச்சி ஏகம்பன் காணவனென் எண்ணத் தானே.

சொற்பிரிப்பு

நேசன்காண், நேசர்க்கு; நேசம் தன்பால் இல்லாத நெஞ்சத்து நீசர் தம்மைக்கூசன்காண்; கூசாதார் நெஞ்சு தஞ்சே குடிகொண்ட குழகன்காண்; அழகுஆர் கொன்றை-வாசன்காண்; மலைமங்கை பங்கன் தான்காண்; வானவர்கள் எப்பொழுதும் வணங்கி ஏத்தும்ஈசன்காண் - எழில்ஆரும் பொழில்ஆர் கச்சி ஏகம்பன் காண்;அவன்என் எண்ணத் தானே.

உரை

மூலத்தில் தமிழ் உரை இல்லை.

3

பொறையவன்காண் பூமியேழ் தாங்கி யோங்கும் புண்ணியன்காண் நண்ணியபுண் டரிகப் போதின்மறையவன்காண் மறையவனைப் பயந்தோன் றான்காண் வார்சடைமா சுணமணிந்து வளரும் பிள்ளைப்பிறையவன்காண் பிறைதிகழும் எயிற்றுப் பேழ்வாய்ப் பேயோடங் கிடுகாட்டில் எல்லி யாடும்இறையவன்காண் எழிலாரும் பொழிலார் கச்சி ஏகம்பன் காணவனென் எண்ணத் தானே.

சொற்பிரிப்பு

பொறையவன்காண்; பூமிஏழ் தாங்கி ஓங்கும் புண்ணியன்காண்; நண்ணியபுண் டரிகப் போதில்மறையவன்காண்; மறையவனைப் பயந்தோன் தான்காண்; வார்சடைமா சுணம்அணிந்து, வளரும் பிள்ளைப்-பிறையவன்காண்; பிறைதிகழும் எயிற்றுப் பேழ்வாய்ப் பேயோடுஅங்கு இடுகாட்டில் எல்லி ஆடும்இறையவன்காண் - எழில்ஆரும் பொழில்ஆர் கச்சி ஏகம்பன் காண்;அவன்என் எண்ணத் தானே.

உரை

மூலத்தில் தமிழ் உரை இல்லை.

4

பாரவன்காண் விசும்பவன்காண் பவ்வந் தான்காண் பனிவரைகள் இரவினொடு பகலாய் நின்றசீரவன்காண் திசையவன்காண் திசைக ளெட்டுஞ் செறிந்தவன்காண் சிறந்தடியார் சிந்தை செய்யும்பேரவன்காண் பேராயி ரங்க ளேத்தும் பெரியவன்காண் அரியவன்காண் பெற்ற மூர்ந்தஏரவன்காண் எழிலாரும் பொழிலார் கச்சி ஏகம்பன் காணவனென் எண்ணத் தானே.

சொற்பிரிப்பு

பார்அவன்காண், விசும்பவன்காண், பவ்வம் தான்காண், பனிவரைகள் இரவினொடு பகல்ஆய் நின்றசீரவன்காண், திசையவன்காண், திசைகள் எட்டும் செறிந்தவன்காண், சிறந்த(அ)டியார் சிந்தை செய்யும்பேரவன்காண், பேர்ஆ யிரங்கள் ஏத்தும் பெரியவன்காண், அரியவன்காண், பெற்றம் ஊர்ந்தஏரவன்காண் - எழில்ஆரும் பொழில்ஆர் கச்சி ஏகம்பன் காண்;அவன்என் எண்ணத் தானே.

உரை

மூலத்தில் தமிழ் உரை இல்லை.

5

பெருந்தவத்தெம் பிஞ்ஞகன்காண் பிறைசூ டிகாண் பேதையேன் வாதையுறு பிணியைத் தீர்க்கும்மருந்தவன்காண் மந்திரங்க ளாயி னான்காண் வானவர்கள் தாம்வணங்கும் மாதே வன்காண்அருந்தவத்தாள் ஆயிழையாள் உமையாள் பாகம் அமர்ந்தவன்காண் அமரர்கள்தாம் அர்ச்சித் தேத்தஇருந்தவன்காண் எழிலாரும் பொழிலார் கச்சி ஏகம்பன் காணவனென் எண்ணத் தானே.

சொற்பிரிப்பு

பெருந்தவத்துஎம் பிஞ்ஞகன்காண், பிறைசூ டீகாண், பேதையேன் வாதைஉறு பிணியைத் தீர்க்கும்மருந்தவன்காண், மந்திரங்கள் ஆயி னான்காண், வானவர்கள் தாம்வணங்கும் மாதே வன்காண்,அருந்தவத்தாள் ஆயிழையாள் உமையாள் பாகம் அமர்ந்தவன்காண், அமரர்கள்தாம் அர்ச்சித்து ஏத்தஇருந்தவன்காண் - எழில்ஆரும் பொழில்ஆர் கச்சி ஏகம்பன் காண்;அவன்என் எண்ணத் தானே.

உரை

மூலத்தில் தமிழ் உரை இல்லை.

6

ஆய்ந்தவன்காண் அருமறையோ டங்க மாறும் அணிந்தவன்காண் ஆடரவோ டென்பு மாமைகாய்ந்தவன்காண் கண்ணழலாற் காம னாகங் கனன்றெழுந்த காலனுடல் பொடியாய் வீழப்பாய்ந்தவன்காண் பண்டுபல சருகாற் பந்தர் பயின்றநூற் சிலந்திக்குப் பாராள் செல்வம்ஈந்தவன்காண் எழிலாரும் பொழிலார் கச்சி ஏகம்பன் காணவனென் எண்ணத் தானே.

சொற்பிரிப்பு

ஆய்ந்தவன்காண், அருமறையோடு அங்கம் ஆறும்; அணிந்தவன்காண், ஆடுஅரவோடு என்பும் ஆமை;காய்ந்தவன்காண், கண்அழலால் காமன் ஆகம்; கனன்றுஎழுந்த காலன்உடல் பொடிஆய் வீழப்பாய்ந்தவன்காண்; பண்டுபல சருகால் பந்தர் பயின்றநூல் சிலந்திக்குப் பார்ஆள் செல்வம்ஈந்தவன்காண் - எழில்ஆரும் பொழில்ஆர் கச்சி ஏகம்பன் காண்;அவன்என் எண்ணத் தானே.

உரை

மூலத்தில் தமிழ் உரை இல்லை.

7

உமையவளை யொருபாகஞ் சேர்த்தி னான்காண் உகந்தொலிநீர்க் கங்கைசடை யொழுக்கி னான்காண்இமய வடகயிலைச் செல்வன் றான்காண் இல்பலிக்குச் சென்றுழலும் நல்கூர்ந் தான்காண்சமயமவை ஆறினுக்குந் தலைவன் றான்காண் தத்துவன்காண் உத்தமன்காண் தானே யாயஇமையவன்காண் எழிலாரும் பொழிலார் கச்சி ஏகம்பன் காணவனென் எண்ணத் தானே.

சொற்பிரிப்பு

உமையவளை ஒருபாகம் சேர்த்தி னான்காண், உகந்துஒலிநீர்க் கங்கைசடை ஒழுக்கி னான்காண்,இமய வடகயிலைச் செல்வன் தான்காண், இல்பலிக்குச் சென்றுஉழலும் நல்கூர்ந் தான்காண்,சமயம்அவை ஆறினுக்கும் தலைவன் தான்காண்; தத்துவன்காண், உத்தமன்காண், தானே ஆயஇமையவன்காண் - எழில்ஆரும் பொழில்ஆர் கச்சி ஏகம்பன் காண்;அவன்என் எண்ணத் தானே.

உரை

மூலத்தில் தமிழ் உரை இல்லை.

8

தொண்டுபடு தொண்டர்துயர் தீர்ப்பான் றான்காண் தூமலர்ச்சே வடியிணையெஞ் சோதி யான்காண்உண்டுபடு விடங்கண்டத் தொடுக்கி னான்காண் ஒலிகடலி லமுதமரர்க் குதவி னான்காண்வண்டுபடு மலர்க்கொன்றை மாலை யான்காண் வாண்மதியாய் நாண்மீனு மாயி னான்காண்எண்டிசையும் எழிலாரும் பொழிலார் கச்சி ஏகம்பன் காணவனென் எண்ணத் தானே.

சொற்பிரிப்பு

தொண்டுபடு தொண்டர்துயர் தீர்ப்பான் தான்காண், தூமலர்ச்சே வடிஇணைஎம் சோதி யான்காண்,உண்டுபடு விடம்கண்டத்து ஒடுக்கி னான்காண், ஒலிகடலில் அமுதுஅமரர்க்கு உதவி னான்காண்,வண்டுபடு மலர்க்கொன்றை மாலை யான்காண், வாள்மதிஆய் நாள்மீனும் ஆயி னான்காண்-எண்திசையும் எழில்ஆரும் பொழில்ஆர் கச்சி ஏகம்பன் காண்;அவன்என் எண்ணத் தானே.

உரை

மூலத்தில் தமிழ் உரை இல்லை.

9

முந்தைகாண் மூவரினு முதலா னான்காண் மூவிலைவேல் மூர்த்திகாண் முருக வேட்குத்தந்தைகாண் தண்கடமா முகத்தி னாற்குத் தாதைகாண் தாழ்ந்தடியே வணங்கு வார்க்குச்சிந்தைகாண் சிந்தாத சித்தத் தார்க்குச் சிவனவன்காண் செங்கண்மால் விடையொன் றேறும்எந்தைகாண் எழிலாரும் பொழிலார் கச்சி ஏகம்பன் காணவனென் எண்ணத் தானே.

சொற்பிரிப்பு

முந்தைகாண், மூவரினும் முதல்ஆ னான்காண்; மூஇலைவேல் மூர்த்திகாண், முருக வேட்குத்தந்தைகாண், தண்கடமா முகத்தி னாற்குத் தாதைகாண்; தாழ்ந்துஅடியே வணங்கு வார்க்குச்சிந்தைகாண், சிந்தாத சித்தத் தார்க்குச் சிவன்அவன்காண், செங்கண்மால் விடைஒன்று ஏறும்எந்தைகாண் - எழில்ஆரும் பொழில்ஆர் கச்சி ஏகம்பன் காண்;அவன்என் எண்ணத் தானே.

உரை

மூலத்தில் தமிழ் உரை இல்லை.

10

பொன்னிசையும் புரிசடையெம் புனிதன் றான்காண் பூதகண நாதன்காண் புலித்தோ லாடைதன்னிசைய வைத்தவெழி லரவி னான்காண் சங்கவெண் குழைக்காதிற் சதுரன் றான்காண்மின்னிசையும் வெள்ளெயிற்றோன் வெகுண்டு வெற்பை எடுக்கவடி அடர்ப்பமீண் டவன்றன் வாயில்இன்னிசைகேட் டிலங்கொளிவாள் ஈந்தோன் கச்சி ஏகம்பன் காணவனென் எண்ணத் தானே.

சொற்பிரிப்பு

பொன்இசையும் புரிசடைஎம் புனிதன் தான்காண், பூதகண நாதன்காண், புலித்தோல் ஆடைதன்இசைய வைத்தஎழில் அரவி னான்காண், சங்கவெண் குழைக்காதின் சதுரன் தான்காண்-மின்இசையும் வெள்எயிற்றோன் வெகுண்டு வெற்பை எடுக்க,அடி அடர்ப்ப,மீண்டு அவன்தன் வாயில்இன்இசைகேட்டு, இலங்குஒளிவாள் ஈந்தோன், கச்சி ஏகம்பன் காண்;அவன்என் எண்ணத் தானே.

உரை

மூலத்தில் தமிழ் உரை இல்லை.