திருமுறை 6 · 6.057 · 10

திருக்கயிலாயத்திருமலை

அருளியவர்
திருநாவுக்கரசர்
பண்
திருத்தாண்டகம்
தலம்
கயிலாயம் (நொடித்தான்மலை)
நாடு
வடநாடு

ஆறாம் திருமுறை ›

1

பாட்டான நல்ல தொடையாய் போற்றி பரிசை யறியாமை நின்றாய் போற்றிசூட்டான திங்கள் முடியாய் போற்றி தூமாலை மத்த மணிந்தாய் போற்றிஆட்டான தஞ்சு மமர்ந்தாய் போற்றி அடங்கார் புரமெரிய நக்காய் போற்றிகாட்டானை மெய்த்தோ லுரித்தாய் போற்றி கயிலை மலையானே போற்றி போற்றி.
சொற்பிரிப்பு
பாட்டுஆன நல்ல தொடையாய், போற்றி! பரிசை அறியாமை நின்றாய், போற்றி!சூட்டுஆன திங்கள் முடியாய், போற்றி! தூமாலை மத்தம் அணிந்தாய், போற்றி!ஆட்டுஆனது அஞ்சும் அமர்ந்தாய், போற்றி! அடங்கார் புரம்எரிய நக்காய், போற்றி!காட்டுஆனை மெய்த்தோல் உரித்தாய், போற்றி!- கயிலை மலையானே, போற்றி! போற்றி!
உரை

மூலத்தில் தமிழ் உரை இல்லை.

2

அதிரா வினைக ளறுப்பாய் போற்றி ஆல நிழற்கீழ் அமர்ந்தாய் போற்றிசதுரா சதுரக் குழையாய் போற்றி சாம்பர் மெய்பூசுந் தலைவா போற்றிஎதிரா உலக மமைப்பாய் போற்றி என்றுமீ ளாவருள் செய்வாய் போற்றிகதிரார் கதிருக்கோர் கண்ணே போற்றி கயிலை மலையானே போற்றி போற்றி.
சொற்பிரிப்பு
அதிரா வினைகள் அறுப்பாய், போற்றி! ஆல நிழல்கீழ் அமர்ந்தாய், போற்றி!சதுரா, சதுரக் குழையாய், போற்றி! சாம்பர் மெய்பூசும் தலைவா, போற்றி!எதிரா உலகம் அமைப்பாய், போற்றி! என்றும் மீளாஅருள் செய்வாய், போற்றி!கதிர்ஆர் கதிருக்குஓர் கண்ணே, போற்றி!- கயிலை மலையானே போற்றி! போற்றி!
உரை

மூலத்தில் தமிழ் உரை இல்லை.

3

செய்யாய் கரியாய் வெளியாய் போற்றி செல்லாத செல்வ முடையாய் போற்றிஐயாய் பெரியாய் சிறியாய் போற்றி ஆகாச வண்ண முடையாய் போற்றிவெய்யாய் தணியா யணியாய் போற்றி வேளாத வேள்வி யுடையாய் போற்றிகையார் தழலார் விடங்கா போற்றி கயிலை மலையானே போற்றி போற்றி.
சொற்பிரிப்பு
செய்யாய், கரியாய், வெளியாய், போற்றி! செல்லாத செல்வம் உடையாய், போற்றி!ஐயாய், பெரியாய், சிறியாய், போற்றி! ஆகாய வண்ணம் உடையாய், போற்றி!வெய்யாய், தணியாய், அணியாய், போற்றி! வேளாத வேள்வி உடையாய், போற்றி!கைஆர் தழல்ஆர் விடங்கா, போற்றி!- கயிலை மலையானே போற்றி! போற்றி!
உரை

மூலத்தில் தமிழ் உரை இல்லை.

4

ஆட்சி யுலகை யுடையாய் போற்றி அடியார்க் கமுதெலாம் ஈவாய் போற்றிசூட்சி சிறிது மிலாதாய் போற்றி சூழ்ந்த கடல்நஞ்ச முண்டாய் போற்றிமாட்சி பெரிது முடையாய் போற்றி மன்னியென் சிந்தை மகிழ்ந்தாய் போற்றிகாட்சி பெரிது மரியாய் போற்றி கயிலை மலையானே போற்றி போற்றி.
சொற்பிரிப்பு
ஆட்சி உலகை உடையாய், போற்றி! அடியார்க்கு அமுதுஎலாம் ஈவாய், போற்றி!சூட்சி சிறிதும் இலாதாய், போற்றி! சூழ்ந்த கடல்நஞ்சம் உண்டாய், போற்றி!மாட்சி பெரிதும் உடையாய், போற்றி! மன்னிஎன் சிந்தை மகிழ்ந்தாய், போற்றி!காட்சி பெரிதும் அரியாய், போற்றி!- கயிலை மலையானே போற்றி! போற்றி!
உரை

மூலத்தில் தமிழ் உரை இல்லை.

5

முன்னியா நின்ற முதல்வா போற்றி மூவாத மேனி யுடையாய் போற்றிஎன்னியா யெந்தை பிரானே போற்றி ஏழி னிசையே யுகப்பாய் போற்றிமன்னிய மங்கை மணாளா போற்றி மந்திரமுந் தந்திரமு மானாய் போற்றிகன்னியார் கங்கைத் தலைவா போற்றி கயிலை மலையானே போற்றி போற்றி.
சொற்பிரிப்பு
மு(ன்)னியா நின்ற முதல்வா, போற்றி! மூவாத மேனி உடையாய், போற்றி!என்னியாய், எந்தை பிரானே, போற்றி! ஏழ்இன் இசையே உகப்பாய், போற்றி!மன்னிய மங்கை மணாளா, போற்றி! மந்திரமும் தந்திரமும் ஆனாய், போற்றி!கன்னிஆர் கங்கைத் தலைவா, போற்றி!- கயிலை மலையானே போற்றி! போற்றி!
உரை

மூலத்தில் தமிழ் உரை இல்லை.

6

உரியாய் உலகினுக் கெல்லாம் போற்றி உணர்வென்னு மூர்வ துடையாய் போற்றிஎரியாய தெய்வச் சுடரே போற்றி ஏசுமா முண்டி யுடையாய் போற்றிஅரியாய் அமரர்கட் கெல்லாம் போற்றி அறிவே அடக்க முடையாய் போற்றிகரியானுக் காழியன் றீந்தாய் போற்றி கயிலை மலையானே போற்றி போற்றி.
சொற்பிரிப்பு
உரியாய், உலகினுக்கு எல்லாம், போற்றி! உணர்வுஎன்னும் ஊர்வது உடையாய், போற்றி!எரிஆய தெய்வச் சுடரே, போற்றி! ஏசும்மா முண்டி உடையாய், போற்றி!அரியாய், அமரர்கட்கு எல்லாம், போற்றி! அறிவே அடக்கம் உடையாய், போற்றி!கரியானுக்கு ஆழிஅன்று ஈந்தாய், போற்றி!- கயிலை மலையானே போற்றி! போற்றி!
உரை

மூலத்தில் தமிழ் உரை இல்லை.

7

எண்மேலும் எண்ண முடையாய் போற்றி ஏறரிய வேறுங் குணத்தாய் போற்றிபண்மேலே பாவித் திருந்தாய் போற்றி பண்ணொடுயாழ் வீணை பயின்றாய் போற்றிவிண்மேலு மேலும் நிமிர்ந்தாய் போற்றி மேலார்கண் மேலார்கண் மேலாய் போற்றிகண்மேலுங் கண்ணொன் றுடையாய் போற்றி கயிலை மலையானே போற்றி போற்றி.
சொற்பிரிப்பு
எண்மேலும் எண்ணம் உடையாய், போற்றி! ஏறுஅரிய ஏறும் குணத்தாய், போற்றி!பண்மேலே பாவித்து இருந்தாய், போற்றி! பண்ணொடுயாழ் வீணை பயின்றாய், போற்றி!விண்மேலும் மேலும் நிமிர்ந்தாய், போற்றி! மேலார்கள் மேலார்கள் மேலாய், போற்றி!கண்மேலும் கண்ஒன்று உடையாய், போற்றி!- கயிலை மலையானே, போற்றி! போற்றி!
உரை

மூலத்தில் தமிழ் உரை இல்லை.

8

முடியார் சடையின் மதியாய் போற்றி முழுநீறு சண்ணித்த மூர்த்தி போற்றிதுடியா ரிடையுமையாள் பங்கா போற்றி சோதித்தார் காணாமை நின்றாய் போற்றிஅடியா ரடிமை அறிவாய் போற்றி அமரர் பதியாள வைத்தாய் போற்றிகடியார் புரமூன்று மெய்தாய் போற்றி கயிலை மலையானே போற்றி போற்றி.
சொற்பிரிப்பு
முடிஆர் சடையின் மதியாய், போற்றி! முழுநீறு சண்ணித்த மூர்த்தி, போற்றி!துடிஆர் இடைஉமையாள் பங்கா, போற்றி! சோதித்தார் காணாமை நின்றாய், போற்றி!அடியார் அடிமை அறிவாய், போற்றி! அமரர் பதிஆள வைத்தாய், போற்றி!கடிஆர் புரம்மூன்றும் எய்தாய், போற்றி!- கயிலை மலையானே, போற்றி! போற்றி!
உரை

மூலத்தில் தமிழ் உரை இல்லை.

9

போற்றிசைத்துன் னடிபரவ நின்றாய் போற்றி புண்ணியனே நண்ண லரியாய் போற்றிஏற்றிசைக்கும் வான்மே லிருந்தாய் போற்றி எண்ணா யிரநூறு பேராய் போற்றிநாற்றிசைக்கும் விளக்காய நாதா போற்றி நான்முகற்கும் மாற்கு மரியாய் போற்றிகாற்றிசைக்குந் திசைக்கெல்லாம் வித்தே போற்றி கயிலை மலையானே போற்றி போற்றி.
சொற்பிரிப்பு
போற்றிஇசைத்துஉன் அடிபரவ நின்றாய், போற்றி! புண்ணியனே, நண்ணல் அரியாய், போற்றி!ஏற்றுஇசைக்கும் வான்மேல் இருந்தாய், போற்றி! எண்ணா யிரம்-நூறு பெயராய், போற்றி!நால்-திசைக்கும் விளக்குஆய நாதா, போற்றி! நான்முகற்கும் மாற்கும் அரியாய், போற்றி!காற்றுஇசைக்கும் திசைக்குஎல்லாம் வித்தே, போற்றி!- கயிலை மலையானே போற்றி! போற்றி!
உரை

மூலத்தில் தமிழ் உரை இல்லை.

10 Unavailable

இந்தப் பாடல் மூலத்தில் கிடைக்கப்பெறவில்லை. பாடல் வரிகள் இங்கே சேர்க்கப்படவில்லை.

இப்பதிகத்தில் 10-ம் பாடல் கிடைக்கப்பெறவில்லை.
சொற்பிரிப்பு
பாடல் கிடைக்கப்பெறவில்லை