திருவீழிமிழலை

அருளியவர்: திருநாவுக்கரசர்
பண்: திருத்தாண்டகம்
தலம்: வீழிமிழலை
நாடு: சோழநாடு காவிரித் தென்கரை

1

மானேறு கரமுடைய வரதர் போலும் மால்வரைகால் வளைவில்லா வளைத்தார் போலும்கானேறு கரிகதற வுரித்தார் போலுங் கட்டங்கங் கொடிதுடிகைக் கொண்டார் போலுந்தேனேறு திருஇதழித் தாரார் போலுந் திருவீழி மிழலையமர் செல்வர் போலும்ஆனேற தேறும் அழகர் போலும் அடியேனை ஆளுடைய அடிகள் தாமே.

சொற்பிரிப்பு

மான்ஏறு கரம்உடைய வரதர் போலும்; மால்வரைகால் வளைவில்லா வளைத்தார் போலும்;கான்ஏறு கரிகதற உரித்தார் போலும்; கட்டங்கம், கொடி,துடி,கைக் கொண்டார் போலும்;தேன்ஏறு திருஇதழித் தாரார் போலும்; திருவீழி மிழலைஅமர் செல்வர் போலும்;ஆன்ஏறு அதுஏறும் அழகர் போலும்- அடியேனை ஆள்உடைய அடிகள் தாமே.

உரை

மூலத்தில் தமிழ் உரை இல்லை.

2

சமரமிகு சலந்தரன்போர் வேண்டி னானைச் சக்கரத்தாற் பிளப்பித்த சதுரர் போலும்நமனையொரு கால்குறைத்த நாதர் போலும் நாரணனை இடப்பாகத் தடைத்தார் போலுங்குமரனையும் மகனாக வுடையார் போலுங் குளிர்வீழி மிழலையமர் குழகர் போலும்அமரர்கள்பின் அமுதுணநஞ் சுண்டார் போலும் அடியேனை ஆளுடைய அடிகள் தாமே.

சொற்பிரிப்பு

சமரம்மிகு சலந்தரன்போர் வேண்டி னானைச் சக்கரத்தால் பிளப்பித்த சதுரர் போலும்;நமனைஒரு கால்குறைத்த நாதர் போலும்; நாரணனை இடப்பாகத்து அடைத்தார் போலும்;குமரனையும் மகன்ஆக உடையார் போலும்; குளிர்வீழி மிழலைஅமர் குழகர் போலும்;அமரர்கள்பின் அமுதுஉண,நஞ்சு உண்டார் போலும்- அடியேனை ஆள்உடைய அடிகள் தாமே.

உரை

மூலத்தில் தமிழ் உரை இல்லை.

3

நீறணிந்த திருமேனி நிமலர் போலும் நேமிநெடு மாற்கருளிச் செய்தார் போலும்ஏறணிந்த கொடியுடையெம் மிறைவர் போலும் எயில்மூன்று மெரிசரத்தா லெய்தார் போலும்வேறணிந்த கோலமுடை வேடர் போலும் வியன்வீழி மிழலையுறை விகிர்தர் போலும்ஆறணிந்த சடாமகுடத் தழகர் போலும் அடியேனை ஆளுடைய அடிகள் தாமே.

சொற்பிரிப்பு

நீறுஅணிந்த திருமேனி நிமலர் போலும்; நேமி,நெடு மாற்கு,அருளிச் செய்தார் போலும்;ஏறுஅணிந்த கொடிஉடைஎம் இறைவர் போலும்; எயில்மூன்றும் எரிசரத்தால் எய்தார் போலும்;வேறுஅணிந்த கோலம்உடை வேடர் போலும்; வியன்வீழி மிழலைஉறை விகிர்தர் போலும்;ஆறுஅணிந்த சடாமகுடத்து அழகர் போலும்- அடியேனை ஆள்உடைய அடிகள் தாமே.

உரை

மூலத்தில் தமிழ் உரை இல்லை.

4

கைவேழ முகத்தவனைப் படைத்தார் போலுங் கயாசுரனை அவனாற்கொல் வித்தார் போலுஞ்செய்வேள்வித் தக்கனைமுன் சிதைத்தார் போலுந் திசைமுகன்றன் சிரமொன்று சிதைத்தார் போலும்மெய்வேள்வி மூர்த்திதலை யறுத்தார் போலும் வியன்வீழி மிழலையிடங் கொண்டார் போலும்ஐவேள்வி ஆறங்க மானார் போலும் அடியேனை ஆளுடைய அடிகள் தாமே.

சொற்பிரிப்பு

கைவேழ முகத்தவனைப் படைத்தார் போலும்; கயாசுரனை அவனால்கொல் வித்தார் போலும்;செய்வேள்வித் தக்கனைமுன் சிதைத்தார் போலும்; திசைமுகன்தன் சிரம்ஒன்று சிதைத்தார் போலும்;மெய்வேள்வி மூர்த்திதலை அறுத்தார் போலும்; வியன்வீழி மிழலைஇடம் கொண்டார் போலும்;ஐவேள்வி, ஆறுஅங்கம், ஆனார் போலும்- அடியேனை ஆள்உடைய அடிகள் தாமே.

உரை

மூலத்தில் தமிழ் உரை இல்லை.

5

துன்னத்தின் கோவணமொன் றுடையார் போலுஞ் சுடர்மூன்றுஞ் சோதியுமாய்த் தூயார் போலும்பொன்னொத்த திருமேனிப் புனிதர் போலும் பூதகணம் புடைசூழ வருவார் போலும்மின்னொத்த செஞ்சடைவெண் பிறையார் போலும் வியன்வீழி மிழலைசேர் விமலர் போலும்அன்னத்தேர் அயன்முடிசேர் அடிகள் போலும் அடியேனை ஆளுடைய அடிகள் தாமே.

சொற்பிரிப்பு

துன்னத்தின் கோவணம்ஒன்று உடையார் போலும்; சுடர்மூன்றும் சோதியும்ஆய்த் தூயார் போலும்;பொன்ஒத்த திருமேனிப் புனிதர் போலும்; பூதகணம் புடைசூழ வருவார் போலும்;மின்ஒத்த செஞ்சடைவெண் பிறையார் போலும்; வியன்வீழி மிழலைசேர் விமலர் போலும்;அன்னத்தேர் அயன்முடிசேர் அடிகள் போலும்- அடியேனை ஆள்உடைய அடிகள் தாமே.

உரை

மூலத்தில் தமிழ் உரை இல்லை.

6

மாலாலும் அறிவரிய வரதர் போலும் மறவாதார் பிறப்பறுக்க வல்லார் போலும்நாலாய மறைக்கிறைவ ரானார் போலும் நாமவெழுத் தஞ்சாய நம்பர் போலும்வேலார்கை வீரியைமுன் படைத்தார் போலும் வியன்வீழி மிழலையமர் விகிர்தர் போலும்ஆலாலம் மிடற்றடக்கி அளித்தார் போலும் அடியேனை ஆளுடைய அடிகள் தாமே.

சொற்பிரிப்பு

மாலாலும் அறிவுஅரிய வரதர் போலும்; மறவாதார் பிறப்புஅறுக்க வல்லார் போலும்;நால்ஆய மறைக்குஇறைவர் ஆனார் போலும்; நாமஎழுத்து அஞ்சுஆய நம்பர் போலும்;வேல்ஆர்கை வீரியைமுன் படைத்தார் போலும்; வியன்வீழி மிழலைஅமர் விகிர்தர் போலும்;ஆலாலம் மிடற்றுஅடக்கி அளித்தார் போலும்- அடியேனை ஆள்உடைய அடிகள் தாமே.

உரை

மூலத்தில் தமிழ் உரை இல்லை.

7

பஞ்சடுத்த மெல்விரலாள் பங்கர் போலும் பைந்நாகம் அரைக்கசைத்த பரமர் போலும்மஞ்சடுத்த மணிநீல கண்டர் போலும் வடகயிலை மலையுடைய மணாளர் போலுஞ்செஞ்சடைக்கண் வெண்பிறைகொண் டணிந்தார் போலுந் திருவீழி மிழலையமர் சிவனார் போலும்அஞ்சடக்கும் அடியவர்கட் கணியார் போலும் அடியேனை ஆளுடைய அடிகள் தாமே.

சொற்பிரிப்பு

பஞ்சுஅடுத்த மெல்விரலாள் பங்கர் போலும்; பைந்நாகம் அரைக்குஅசைத்த பரமர் போலும்;மஞ்சுஅடுத்த மணிநீல கண்டர் போலும்; வடகயிலை மலைஉடைய மணாளர் போலும்;செஞ்சடைக்கண் வெண்பிறைகொண்டு அணிந்தார் போலும்; திருவீழி மிழலைஅமர் சிவனார் போலும்;அஞ்சுஅடக்கும் அடியவர்கட்கு அணியார் போலும்- அடியேனை ஆள்உடைய அடிகள் தாமே.

உரை

மூலத்தில் தமிழ் உரை இல்லை.

8

குண்டரொடு பிரித்தெனையாட் கொண்டார் போலுங் குடமூக்கி லிடமாக்கிக் கொண்டார் போலும்புண்டரிகப் புதுமலரா தனத்தார் போலும் புள்ளரசைக் கொன்றுயிர்பின் கொடுத்தார் போலும்வெண்டலையிற் பலிகொண்ட விகிர்தர் போலும் வியன்வீழி மிழலைநக ருடையார் போலும்அண்டத்துப் புறத்தப்பா லானார் போலும் அடியேனை ஆளுடைய அடிகள் தாமே.

சொற்பிரிப்பு

குண்டரொடு பிரித்துஎனைஆட் கொண்டார் போலும்; குடமூக்கில் இடம்ஆக்கிக் கொண்டார் போலும்;புண்டரிகப் புதுமலர்ஆ தனத்தார் போலும்; புள்அரசைக் கொன்றுஉயிர்பின் கொடுத்தார் போலும்;வெண்தலையில் பலிகொண்ட விகிர்தர் போலும்; வியன்வீழி மிழலைநகர் உடையார் போலும்;அண்டத்துப் புறத்துஅப்பால் ஆனார் போலும்- அடியேனை ஆள்உடைய அடிகள் தாமே.

உரை

மூலத்தில் தமிழ் உரை இல்லை.

9

முத்தனைய முகிழ்முறுவ லுடையார் போலும் மொய்பவளக் கொடியனைய சடையார் போலும்எத்தனையும் பத்திசெய்வார்க் கினியார் போலும் இருநான்கு மூர்த்திகளு மானார் போலும்மித்திரவச் சிரவணற்கு விருப்பர் போலும் வியன்வீழி மிழலையமர் விகிர்தர் போலும்அத்தனொடும் அம்மையெனக் கானார் போலும் அடியேனை ஆளுடைய அடிகள் தாமே.

சொற்பிரிப்பு

முத்துஅனைய முகிழ்முறுவல் உடையார் போலும்; மொய்பவளக் கொடிஅனைய சடையார் போலும்;எத்தனையும் பத்திசெய்வார்க்கு இனியார் போலும்; இரு-நான்கு மூர்த்திகளும் ஆனார் போலும்;மித்திரவச் சிரவணற்கு விருப்பர் போலும்; வியன்வீழி மிழலைஅமர் விகிர்தர் போலும்;அத்தனொடும் அம்மைஎனக்கு ஆனார் போலும்- அடியேனை ஆள்உடைய அடிகள் தாமே.

உரை

மூலத்தில் தமிழ் உரை இல்லை.

10

கரியுரிசெய் துமைவெருவக் கண்டார் போலுங் கங்கையையுஞ் செஞ்சடைமேற் கரந்தார் போலும்எரியதொரு கைதரித்த இறைவர் போலும் ஏனத்தின் கூனெயிறு பூண்டார் போலும்விரிகதிரோ ரிருவரைமுன் வெகுண்டார் போலும் வியன்வீழி மிழலையமர் விமலர் போலும்அரிபிரமர் துதிசெயநின் றளித்தார் போலும் அடியேனை ஆளுடைய அடிகள் தாமே.

சொற்பிரிப்பு

கரிஉரிசெய்து உமைவெருவக் கண்டார் போலும்; கங்கையையும் செஞ்சடைமேல் கரந்தார் போலும்;எரிஅதுஒரு கைதரித்த இறைவர் போலும்; ஏனத்தின் கூன்எயிறு பூண்டார் போலும்;விரிகதிரோர் இருவரைமுன் வெகுண்டார் போலும்; வியன்வீழி மிழலைஅமர் விமலர் போலும்;அரிபிரமர் துதிசெயநின்று அளித்தார் போலும்- அடியேனை ஆள்உடைய அடிகள் தாமே.

உரை

மூலத்தில் தமிழ் உரை இல்லை.

11

கயிலாய மலையெடுத்தான் கதறி வீழக் கால்விரலால் அடர்த்தருளிச் செய்தார் போலுங்குயிலாய மென்மொழியாள் குளிர்ந்து நோக்கக் கூத்தாட வல்ல குழகர் போலும்வெயிலாய சோதிவிளக் கானார் போலும் வியன்வீழி மிழலையமர் விகிர்தர் போலும்அயிலாய மூவிலைவேற் படையார் போலும் அடியேனை ஆளுடைய அடிகள் தாமே.

சொற்பிரிப்பு

கயிலாய மலைஎடுத்தான் கதறி வீழக் கால்விரலால் அடர்த்துஅருளிச் செய்தார் போலும்;குயிலாய மென்மொழியாள் குளிர்ந்து நோக்கக் கூத்துஆட வல்ல குழகர் போலும்;வெயில்ஆய சோதிவிளக்கு ஆனார் போலும்; வியன்வீழி மிழலைஅமர் விகிர்தர் போலும்;அயிலாய மூஇலைவேல் படையார் போலும்- அடியேனை ஆள்உடைய அடிகள் தாமே.

உரை

மூலத்தில் தமிழ் உரை இல்லை.