திருவீழிமிழமலை

அருளியவர்: திருநாவுக்கரசர்
பண்: திருத்தாண்டகம்
தலம்: வீழிமிழலை
நாடு: சோழநாடு காவிரித் தென்கரை

1

போரானை ஈருரிவைப் போர்வை யானைப் புலியதளே யுடையாடை போற்றி னானைப்பாரானை மதியானைப் பகலா னானைப் பல்லுயிராய் நெடுவெளியாய்ப் பரந்து நின்றநீரானைக் காற்றானைத் தீயா னானை நினையாதார் புரமெரிய நினைந்த தெய்வத்தேரானைத் திருவீழி மிழலை யானைச் சேராதார் தீநெறிக்கே சேர்கின் றாரே.

சொற்பிரிப்பு

போர்ஆனை ஈர்உரிவைப் போர்வை யானைப், புலிஅதளே உடைஆடை போற்றி னானைப்,பாரானை, மதியானைப், பகல்ஆ னானைப், பல்உயிர்ஆய் நெடுவெளிஆய்ப் பரந்து நின்றநீரானைக், காற்றானைத், தீஆ னானை, நினையாதார் புரம்எரிய நினைந்த தெய்வத்-தேரானைத், திருவீழி மிழலை யானைச்,- சேராதார் தீநெறிக்கே சேர்கின் றாரே.

உரை

மூலத்தில் தமிழ் உரை இல்லை.

2

சவந்தாங்கு மயானத்துச் சாம்ப லென்பு தலையோடு மயிர்க்கயிறு தரித்தான் தன்னைப்பவந்தாங்கு பாசுபத வேடத் தானைப் பண்டமரர் கொண்டுகந்த வேள்வி யெல்லாங்கவர்ந்தானைக் கச்சியே கம்பன் தன்னைக் கழலடைந்தான் மேற்கறுத்த காலன் வீழச்சிவந்தானைத் திருவீழி மிழலை யானைச் சேராதார் தீநெறிக்கே சேர்கின் றாரே.

சொற்பிரிப்பு

சவம்தாங்கு மயானத்துச் சாம்பல் என்பு தலைஓடு மயிர்க்கயிறு தரித்தான் தன்னைப்,பவம்தாங்கு பாசுபத வேடத் தானைப், பண்டுஅமரர் கொண்டுஉகந்த வேள்வி எல்லாம்கவர்ந்தானைக், கச்சிஏ கம்பன் தன்னைக், கழல்அடைந்தான் மேல்கறுத்த காலன் வீழச்சிவந்தானைத், திருவீழி மிழலை யானைச்,- சேராதார் தீநெறிக்கே சேர்கின் றாரே.

உரை

மூலத்தில் தமிழ் உரை இல்லை.

3

அன்றாலின் கீழிருந்தங் கறஞ்சொன் னானை அகத்தியனை யுகப்பானை அயன்மால் தேடநின்றானைக் கிடந்தகடல் நஞ்சுண் டானை நேரிழையைக் கலந்திருந்தே புலன்க ளைந்தும்வென்றானை மீயச்சூர் மேவி னானை மெல்லியலாள் தவத்தினிறை யளக்க லுற்றுச்சென்றானைத் திருவீழி மிழலை யானைச் சேராதார் தீநெறிக்கே சேர்கின் றாரே.

சொற்பிரிப்பு

அன்றுஆலின் கீழ்இருந்துஅங்கு அறம்சொன் னானை, அகத்தியனை உகப்பானை, அயன்மால் தேடநின்றானைக், கிடந்தகடல் நஞ்சுஉண் டானை, நேரிழையைக் கலந்திருந்தே புலன்கள் ஐந்தும்வென்றானை, மீயச்சூர் மேவி னானை, மெல்லியலாள் தவத்தின்நிறை அளக்கல் உற்றுச்சென்றானைத், திருவீழி மிழலை யானைச்,- சேராதார் தீநெறிக்கே சேர்கின் றாரே.

உரை

மூலத்தில் தமிழ் உரை இல்லை.

4

தூயானைச் சுடர்ப்பவளச் சோதி யானைத் தோன்றிய எவ்வுயிர்க்குந் துணையாய் நின்றதாயானைச் சக்கரமாற் கீந்தான் தன்னைச் சங்கரனைச் சந்தோக சாமம் ஒதும்வாயானை மந்திரிப்பார் மனத்து ளானை வஞ்சனையால் அஞ்செழுத்தும் வழுத்து வார்க்குச்சேயானைத் திருவீழி மிழலை யானைச் சேராதார் தீநெறிக்கே சேர்கின் றாரே.

சொற்பிரிப்பு

தூயானைச், சுடர்ப்பவளச் சோதி யானைத், தோன்றிய எவ்உயிர்க்கும் துணைஆய் நின்றதாயானைச், சக்கரம்மாற்கு ஈந்தான் தன்னைச், சங்கரனைச், சந்தோக சாமம் ஓதும்வாயானை, மந்திரிப்பார் மனத்துஉ ளானை, வஞ்சனையால் அஞ்சுஎழுத்தும் வழுத்து வார்க்குச்சேயானைத், திருவீழி மிழலை யானைச்,- சேராதார் தீநெறிக்கே சேர்கின் றாரே.

உரை

மூலத்தில் தமிழ் உரை இல்லை.

5

நற்றவத்தின் நல்லானைத் தீதாய் வந்த நஞ்சமுது செய்தானை அமுத முண்டமற்றமரர் உலந்தாலும் உலவா தானை வருகாலஞ் செல்காலம் வந்த காலம்உற்றவத்தை யுணர்ந்தாரும் உணர லாகா ஒருசுடரை இருவிசும்பி னூர்மூன் றொன்றச்செற்றவனைத் திருவீழி மிழலை யானைச் சேராதார் தீநெறிக்கே சேர்கின் றாரே.

சொற்பிரிப்பு

நல்-தவத்தின் நல்லானைத், தீதுஆய் வந்த நஞ்சுஅமுது செய்தானை, அமுதம் உண்டமற்ற(அ)மரர் உலந்தாலும் உலவா தானை, வருகாலம் செல்காலம் வந்த காலம்உற்றுஅவத்தை உணர்ந்தாரும் உணரல் ஆகா ஒருசுடரை, இருவிசும்பின் ஊர்மூன்று ஒன்றச்செற்றவனைத், திருவீழி மிழலை யானைச்,- சேராதார் தீநெறிக்கே சேர்கின் றாரே.

உரை

மூலத்தில் தமிழ் உரை இல்லை.

6

மைவான மிடற்றானை அவ்வான் மின்போல் வளர்சடைமேல் மதியானை மழையா யெங்கும்பெய்வானைப் பிச்சாட லாடு வானைப் பிலவாய பேய்க்கணங்க ளார்க்கச் சூலம்பொய்வானைப் பொய்யிலா மெய்யன் தன்னைப் பூதலமும் மண்டலமும் பொருந்தும் வாழ்க்கைசெய்வானைத் திருவீழி மிழலை யானைச் சேராதார் தீநெறிக்கே சேர்கின் றாரே.

சொற்பிரிப்பு

மைவானம் மிடற்றானை, அவ்வான் மின்போல் வளர்சடைமேல் மதியானை, மழைஆய் எங்கும்பெய்வானைப், பிச்சாடல் ஆடு வானைப், பிலவாய பேய்க்கணங்கள் ஆர்க்கச் சூலம்பொய்வானைப், பொய்இலா மெய்யன் தன்னைப், பூதலமும் மண்டலமும் பொருந்தும் வாழ்க்கைசெய்வானைத், திருவீழி மிழலை யானைச்,- சேராதார் தீநெறிக்கே சேர்கின் றாரே.

உரை

மூலத்தில் தமிழ் உரை இல்லை.

7

மிக்கானைக் குறைந்தடைந்தார் மேவ லானை வெவ்வேறாய் இருமூன்று சமய மாகிப்புக்கானை எப்பொருட்கும் பொதுவா னானைப் பொன்னுலகத் தவர்போற்றும் பொருளுக் கெல்லாந்தக்கானைத் தானன்றி வேறொன் றில்லாத் தத்துவனைத் தடவரையை நடுவு செய்ததிக்கானைத் திருவீழி மிழலை யானைச் சேராதார் தீநெறிக்கே சேர்கின் றாரே.

சொற்பிரிப்பு

மிக்கானைக் குறைந்துஅடைந்தார் மேவ லானை, வெவ்வேறுஆய் இருமூன்று சமயம் ஆகிப்புக்கானை, எப்பொருட்கும் பொதுஆ னானைப், பொன்னுலகத் தவர்போற்றும் பொருளுக்கு எல்லாம்தக்கானைத், தான்அன்றி வேறுஒன்று இல்லாத் தத்துவனைத், தடவரையை நடுவு செய்ததிக்கானைத், திருவீழி மிழலை யானைச்,- சேராதார் தீநெறிக்கே சேர்கின் றாரே.

உரை

மூலத்தில் தமிழ் உரை இல்லை.

8

வானவர்கோன் தோளிறுத்த மைந்தன் தன்னை வளைகுளமும் மறைக்காடும் மன்னி னானைஊனவனை உயிரவனை யொருநாட் பார்த்தன் உயர்தவத்தின் நிலையறிய லுற்றுச் சென்றகானவனைக் கயிலாயம் மேவி னானைக் கங்கைசேர் சடையானைக் கலந்தார்க் கென்றுந்தேனவனைத் திருவீழி மிழலை யானைச் சேராதார் தீநெறிக்கே சேர்கின் றாரே.

சொற்பிரிப்பு

வானவர்கோன் தோள்இறுத்த மைந்தன் தன்னை, வளைகுளமும் மறைக்காடும் மன்னி னானை,ஊனவனை, உயிரவனை, ஒருநாள் பார்த்தன் உயர்தவத்தின் நிலைஅறியல் உற்றுச் சென்றகானவனைக், கயிலாயம் மேவி னானைக், கங்கைசேர் சடையானைக், கலந்தார்க்கு என்றும்தேனவனைத், திருவீழி மிழலை யானைச்,- சேராதார் தீநெறிக்கே சேர்கின் றாரே.

உரை

மூலத்தில் தமிழ் உரை இல்லை.

9

பரத்தானை யிப்பக்கம் பலவா னானைப் பசுபதியைப் பத்தர்க்கு முத்தி காட்டும்வரத்தானை வணங்குவார் மனத்து ளானை மாருதமால் எரிமூன்றும் வாய்அம் பீர்க்காஞ்சரத்தானைச் சரத்தையுந்தன் தாட்கீழ் வைத்த தபோதனனைச் சடாமகுடத் தணிந்த பைங்கட்சிரத்தானைத் திருவீழி மிழலை யானைச் சேராதார் தீநெறிக்கே சேர்கின் றாரே.

சொற்பிரிப்பு

பரத்தானை; இப்பக்கம் பலஆ னானைப்; பசுபதியைப்; பத்தர்க்கு முத்தி காட்டும்வரத்தானை; வணங்குவார் மனத்துஉ ளானை மாருதம்,மால், எரி,மூன்றும் வாய்அம்பு ஈர்க்குஆம்சரத்தானைச்; சரத்தையும்தன் தாள்கீழ் வைத்த தபோதனனைச்; சடாமகுடத்து அணிந்த பைங்கண்சிரத்தானைத்; திருவீழி மிழலை யானைச்,- சேராதார் தீநெறிக்கே சேர்கின் றாரே.

உரை

மூலத்தில் தமிழ் உரை இல்லை.

10

அறுத்தானை அயன்தலைகள் அஞ்சி லொன்றை அஞ்சாதே வரையெடுத்த அரக்கன் தோள்கள்இறுத்தானை யெழுநரம்பி னிசைகேட் டானை இந்துவினைத் தேய்த்தானை இரவி தன்பல்பறித்தானைப் பகீரதற்கா வானோர் வேண்டப் பரந்திழியும் புனற்கங்கை பனிபோ லாங்குச்செறித்தானைத் திருவீழி மிழலை யானைச் சேராதார் தீநெறிக்கே சேர்கின் றாரே.

சொற்பிரிப்பு

அறுத்தானை, அயன்தலைகள் அஞ்சில் ஒன்றை; அஞ்சாதே வரைஎடுத்த அரக்கன் தோள்கள்இறுத்தானை; எழுநரம்பின் இசைகேட் டானை; இந்துவினைத் தேய்த்தானை; இரவி தன்பல்பறித்தானைப்; பகீரதற்கா வானோர் வேண்டப் பரந்துஇழியும் புனல்கங்கை பனிபோல் ஆங்குசெறித்தானைத்; திருவீழி மிழலை யானைச்,- சேராதார் தீநெறிக்கே சேர்கின் றாரே.

உரை

மூலத்தில் தமிழ் உரை இல்லை.