திருவொற்றியூர்

அருளியவர்: திருநாவுக்கரசர்
பண்: திருத்தாண்டகம்
தலம்: ஒற்றியூர்
நாடு: தொண்டைநாடு

1

வண்டோங்கு செங்கமலங் கழுநீர் மல்கும் மதமத்தஞ் சேர்சடைமேல் மதியஞ் சூடித்திண்டோள்கள் ஆயிரமும் வீசி நின்று திசைசேர நடமாடிச் சிவலோகனார்உண்டார்னஞ் சுலகுக்கோ ருறுதி வேண்டி ஒற்றியூர் மேய வொளிவண்ணனார்கண்டேன்நான் கனவகத்திற் கண்டேற் கென்றன் கடும்பிணியுஞ் சுடுஞ்தொழிலுங் கைவிட்டவே.

சொற்பிரிப்பு

வண்டுஓங்கு செங்கமலம் கழுநீர் மல்கும் மதமத்தம் சேர்சடைமேல் மதியம் சூடித்,திண்தோள்கள் ஆயிரமும் வீசி நின்று, திசைசேர நடம்ஆடிச்,- சிவலோ க(ன்)னார்-உண்டார்நஞ்சு, உலகுக்குஓர் உறுதி வேண்டி; ஒற்றியூர் மேய ஒளிவண் ண(ன்)னார்;கண்டேன்,நான் கனவுஅகத்தில்; கண்டேற்கு என்தன் கடும்பிணியும் சுடும்தொழிலும் கைவிட் ட(வ்)வே.

உரை

மூலத்தில் தமிழ் உரை இல்லை.

2

ஆகத்தோர் பாம்பசைத்து வெள்ளே றேறி அணிகங்கை செஞ்சடைமே லார்க்கச் சூடிப்பாகத்தோர் பெண்ணுடையார் ஆணு மாவர் பசுவேறி யிழிதருமெம் பரம யோகிகாமத்தால் ஐங்கணையான் தன்னை வீழக் கனலா எரிவிழித்த கண்மூன்றினார்ஓமத்தால் நான்மறைகள் ஓதல் ஓவா ஒளிதிகழும் ஒற்றியூ ருறைகின் றாரே.

சொற்பிரிப்பு

ஆகத்துஓர் பாம்புஅசைத்து, வெள்ஏறு ஏறி, அணிகங்கை செஞ்சடைமேல் ஆர்க்கச் சூடிப்,பாகத்துஓர் பெண்உடையார்; ஆணும் ஆவார்; பசுஏறி உழிதரும்எம் பரம யோகி;காமத்தால் ஐங்கணையான் தன்னை வீழக் கனலா எரிவிழித்த கண்மூன் றி(ன்)னார்-ஓமத்தால் நால்மறைகள் ஓதல் ஓவா ஒளிதிகழும் ஒற்றியூர் உறைகின் றாரே.

உரை

மூலத்தில் தமிழ் உரை இல்லை.

3

வெள்ளத்தைச் செஞ்சடைமேல் விரும்பி வைத்தீர் வெண்மதியும் பாம்பு முடனே வைத்தீர்கள்ளத்தை மனத்தகத்தே கரந்து வைத்தீர் கண்டார்க்குப் பொல்லாது கண்டீர் எல்லேகொள்ளத்தான் இசைபாடிப் பலியுங் கொள்ளீர் கோளரவுங் குளிர்மதியுங் கொடியுங் காட்டிஉள்ளத்தை நீர்கொண்டீர் ஓதல் ஓவா ஒளிதிகழும் ஒற்றியூர் ருடைய கோவே.

சொற்பிரிப்பு

வெள்ளத்தைச் செஞ்சடைமேல் விரும்பி வைத்தீர்! வெண்மதியும் பாம்பும் உடனே வைத்தீர்!கள்ளத்தை மனத்துஅகத்தே கரந்து வைத்தீர்! கண்டார்க்குப் பொல்லாது கண்டீர்! எல்லேகொள்ளத்தான் இசைபாடிப் பலியும் கொள்ளீர்! கோள்அரவும், குளிர்மதியும், கொடியும், காட்டிஉள்ளத்தை நீர்கொண்டீர் - ஓதல் ஓவா ஒளிதிகழும் ஒற்றியூர் உடைய கோவே!

உரை

மூலத்தில் தமிழ் உரை இல்லை.

4

நரையார்ந்த விடையேறி நீறு பூசி நாகங்கச் சரைக்கார்த்தோர் தலைகை யேந்திஉரையாவந் தில்புகுந்து பலிதான் வேண்ட எம்மடிக ளும்மூர்தான் ஏதோ என்னவிரையாதே கேட்டியேல் வேற்கண் நல்லாய் விடுங்கலங்கள் நெடுங்கடலுள் நின்று தோன்றுந்திரைமோதக் கரையேறிச் சங்க மூருந் திருவொற்றி யூரென்றார் தீய வாறே.

சொற்பிரிப்பு

நரைஆர்ந்த விடைஏறி, நீறு பூசி, நாகம்கச்சு அரைக்குஆர்த்து,ஓர் தலைகை ஏந்தி,உரையாவந்து, இல்புகுந்து, பலிதான் வேண்ட, “எம்அடிகள்! உம்ஊர்தான் ஏதோ?” என்ன,“விரையாதே கேட்டியேல், வேல்கண் நல்லாய்! விடும்கலங்கள் நெடுங்கடலுள் நின்று தோன்றும்,திரைமோதக் கரைஏறிச் சங்கம் ஊரும், “திருஒற்றி யூர்”என்றார்; தீய ஆறே!

உரை

மூலத்தில் தமிழ் உரை இல்லை.

5

மத்தமா களியானை யுரிவை போர்த்து வானகத்தார் தானகத்தா ராகிநின்றுபித்தர்தாம் போலங்கோர் பெருமை பேசிப் பேதையரை யச்சுறுத்திப் பெயரக் கண்டுபத்தர்கள்தாம் பலருடனே கூடிப் பாடிப் பயின்றிருக்கு மூரேதோ பணீயீ ரென்னஒத்தமைந்த உத்தரநாள் தீர்த்த மாக ஒளிதிகழும் ஒற்றியூ ரென்கின் றாரே.

சொற்பிரிப்பு

மத்தமா களியானை உரிவை போர்த்து, வானகத்தார் தானகத்தார் ஆகி நின்று,பித்தர்தாம் போல்அங்குஓர் பெருமை பேசிப், பேதையரை அச்சுறுத்திப், பெயரக் கண்டு,பத்தர்கள்தாம் பலர்உடனே கூடிப் பாடிப், “பயின்றுஇருக்கும் ஊர்ஏதோ? பணீயீர்!” என்ன,“ஒத்துஅமைந்த உத்தரநாள் தீர்த்தம் ஆக ஒளிதிகழும் ஒற்றியூர்” என்கின் றாரே.

உரை

மூலத்தில் தமிழ் உரை இல்லை.

6

கடிய விடையேறிக்காள கண்டர் கலையோடு மழுவாளோர் கையி லேந்திஇடிய பலிகொள்ளார் போவா ரல்லர் எல்லாந்தா னிவ்வடிகள் யாரென் பாரேவடிவுடைய மங்கையுந் தாமு மெல்லாம் வருவாரை யெதிர்கண்டோம் மயிலாப் புள்ளேசெடிபடு வெண்டலையொள் றேந்தி வந்து திருவொற்றி யூர்புக்கார் தீய வாறே.

சொற்பிரிப்பு

கடிய விடைஏறி,- காள கண்டர்- கலையோடு மழுவாள்ஓர் கையில் ஏந்தி,இடிய பலிகொள்ளார்; போவார் அல்லர்; “எல்லாம்தான்” இவ்அடிகள் யார்?”என் பாரே;வடிவுஉடைய மங்கையும் தாமும் எல்லாம் வருவாரை எதிர்கண்டோம்; மயிலாப் புள்ளேசெடிபடுவெண் தலைஒன்று ஏந்தி வந்து, திருஒற்றி யூர்புக்கார்; தீய ஆறே.

உரை

மூலத்தில் தமிழ் உரை இல்லை.

7

வல்லாராய் வானவர்க் ளெல்லாங் கூடி வணங்குவார் வாழ்த்துவார் வந்து நிற்பார்எல்லேயெம் பெருமானைக் காணோ மென்ன எவ்வாற்றால் எவ்வகையாற் காண மாட்டார்நல்லார்கள் நான்மறையோர் கூடி நேடி நாமிருக்கு மூர்பணியீ ரடிகே ளென்னஒல்லைதான் திரையேறி யோதம் மீளும் ஒளிதிகழும் ஒற்றியூ ரென்கின் றாரே.

சொற்பிரிப்பு

வல்லராய் - வானவர்கள் எல்லாம் கூடி- வணங்குவார், வாழ்த்துவார், வந்து நிற்பார்,“எல்லைஎம் பெருமானைக் காணோம்” என்ன, எவ்ஆற்றால் எவ்வகையால் காண மாட்டார்;நல்லார்கள் நால்மறையோர் கூடி நேடி, “நாம்இருக்கும் ஊர்பணியீர், அடிகேள்!” என்ன,“ஒல்லைதான் திரைஏறி ஓதம் மீளும் ஒளிதிகழும் ஒற்றியூர்” என்கின் றாரே.

உரை

மூலத்தில் தமிழ் உரை இல்லை.

8

நிலைப்பாடே நான்கண்ட தேடீ கேளாய் நெருநலைநற் பகலிங்கோ ரடிகள் வந்துகலைப்பாடுங் கண்மலருங் கலக்க நோக்கிக் கலந்து பலியிடுவே னேங்குங் காணேன்சலப்பாடே யினியொருநாட் காண்பே னாகில் தன்னாகத் தென்னாகம் ஒடுங்கும் வண்ணமுலைப்பாடே படத்தழுவிப் போக லொட்டேன் ஒற்றியூ ருறைந்திங்கே திரிவானையே.

சொற்பிரிப்பு

நிலைப்பாடே நான்கண்டது; ஏடீ, கேளாய்! நெருநலைநன் பகல்இங்குஓர் அடிகள் வந்து,கலைப்பாடும் கண்மலரும் கலக்க, நோக்கிக், கலந்து பலிஇடுவேன்; எங்கும் காணேன்;சலப்பாடே; இனிஒருநாள் காண்பேன் ஆகில், தன்ஆகத்து என்ஆகம் ஒடுங்கும் வண்ணம்,உலைப்பாடே படத்தழுவிப், போகல் ஒட்டேன்- ஒற்றியூர் உறைந்துஇங்கே திரிவா னையே.

உரை

மூலத்தில் தமிழ் உரை இல்லை.

9

மண்ணல்லை விண்ணல்லை வலய மல்லை மலையல்லை கடலல்லை வாயு வல்லைஎண்ணல்லை யெழுத்தல்லை யெரியு மல்லை யிரவல்லை பகலல்லை யாவு மல்லைபெண்ணல்லை யாணல்லை பேடு மல்லை பிறிதல்லை யானாயும் பெரியாய் நீயேஉண்ணல்லை நல்லார்க்குத் தீயை யல்லை உணர்வரிய ஒற்றியூ ருடைய கோவே.

சொற்பிரிப்பு

மண்அல்லை; விண்அல்லை; வலயம் அல்லை; மலைஅல்லை; கடல்அல்லை; வாயு அல்லை;எண்அல்லை; எழுத்துஅல்லை; எரியும் அல்லை; இரவுஅல்லை; பகல்அல்லை; யாவும் அல்லைபெண்அல்லை; ஆண்அல்லை; பேடும் அல்லை; பிறிதுஅல்லை; ஆனாயும், பெரியாய்! நீயே;உள்-நல்லை, நல்லார்க்குத்; தீயை அல்லை- உணர்வுஅரிய ஒற்றியூர் உடைய கோவே!

உரை

மூலத்தில் தமிழ் உரை இல்லை.

10

மருவுற்ற மலர்க்குழலி மடவா ளஞ்ச மலைதுளங்கத் திசைநடுங்கச் செறுத்து நோக்கிச்செருவுற்ற வாளரக்கன் வலிதான் மாளத் திருவடியின் விரலொன்றால் அலற வூன்றிஉருவொற்றி யங்கிருவ ரோடிக் காண ஓங்கினவவ் வொள்ளழலா ரிங்கே வந்துதிருவொற்றி யூர்நம்மூ ரென்று போனார் செறிவளைகள் ஒன்றொன்றாச் சென்ற வாறே.

சொற்பிரிப்பு

மருஉற்ற மலர்க்குழலி மடவாள் அஞ்ச, மலைதுளங்கத் திசைநடுங்கச் செறுத்து நோக்கிச்,செருஉற்ற வாள்அரக்கன் வலிதான் மாளத், திருவடியின் விரல்ஒன்றால் அலற ஊன்றி,உருஒற்றி அங்குஇருவர் ஓடிக் காண ஓங்கினஅவ் ஒள்அழலார் இங்கே வந்து,“திருஒற்றி யூர்,நம்ஊர்” என்று போனார்; செறிவளைகள் ஒன்றுஒன்றாய்ச் சென்ற ஆறே!.

உரை

மூலத்தில் தமிழ் உரை இல்லை.