திருநெய்த்தானம்

அருளியவர்: திருநாவுக்கரசர்
பண்: திருத்தாண்டகம்
தலம்: நெய்த்தானம்
நாடு: சோழநாடு காவிரி வடகரை

1

வகையெலா முடையாயும் நீயே யென்றும் வான்கயிலை மேவினாய் நீயே யென்றும்மிகையெலாம் மிக்காயும் நீயே யென்றும் வெண்காடு மேவினாய் நீயே யென்றும்பகையெலாந் தீர்த்தாண்டாய் நீயே யென்றும் பாசூர் அமர்ந்தாயும் நீயே யென்றும்திகையெலாந் தொழச்செல்வாய் நீயே யென்றும் நின்றநெய்த் தானாவென் னெஞ்சு ளாயே.

சொற்பிரிப்பு

வகை எலாம் உடையாயும் நீயே என்றும், வான்கயிலை மேவினாய் நீயே என்றும்,மிகை எலாம் மிக்காயும் நீயே என்றும், வெண்காடு மேவினாய் நீயே என்றும்,பகை எலாம் தீர்த்து ஆண்டாய் நீயே என்றும், பாசூர் அமர்ந்தாயும் நீயே என்றும்,திகை எலாம் தொழச்செல்வாய் நீயே என்றும், நின்ற நெய்த்தானா!-என் நெஞ்சு உளாயே.

உரை

மூலத்தில் தமிழ் உரை இல்லை.

2

ஆர்த்த எனக்கன்பன் நீயே யென்றும் ஆதிக் கயிலாயன் நீயே யென்றுங்கூர்த்த நடமாடி நீயே யென்றுங் கோடிகா மேய குழகா வென்றும்பார்த்தற் கருள்செய்தாய் நீயே யென்றும் பழையனூர் மேவிய பண்பா வென்றுந்தீர்த்தன் சிவலோகன் நீயே யென்றும் நின்றநெய்த் தானாவென் நெஞ்சு ளாயே.

சொற்பிரிப்பு

ஆர்த்த எனக்கு அன்பன் நீயே என்றும், ஆதிக் கயிலாயன் நீயே என்றும்,கூர்த்த நடம் ஆடி நீயே என்றும், “கோடிகா மேய குழகா!” என்றும்,பார்த்தற்கு அருள்செய்தாய் நீயே என்றும், “பழையனூர் மேவிய பண்பா!” என்றும்,தீர்த்தன் சிவலோகன் நீயே என்றும், நின்ற நெய்த்தானா!-என் நெஞ்சு உளாயே.

உரை

மூலத்தில் தமிழ் உரை இல்லை.

3

அல்லாய்ப் பகலானாய் நீயே யென்றும் ஆதிக் கயிலாயன் நீயே யென்றும்கல்லா லமர்ந்தாயும் நீயே யென்றுங் காளத்திக் கற்பகமும் நீயே யென்றும்சொல்லாய்ப் பொருளானாய் நீயே யென்றுந் சோற்றுத் துறையுறைவாய் நீயே யென்றும்செல்வாய்த் திருவானாய் நீயே யென்றும் நின்ற நெய்த் தானாவென் நெஞ்சு ளாயே.

சொற்பிரிப்பு

அல் ஆய்ப் பகல் ஆனாய் நீயே என்றும், ஆதிக் கயிலாயன் நீயே என்றும்,கல்லால் அமர்ந்தாயும் நீயே என்றும், காளத்திக் கற்பகமும் நீயே என்றும்,சொல் ஆய்ப் பொருள் ஆனாய் நீயே என்றும், சோற்றுத்துறை உறைவாய் நீயே என்றும்,செல்வாய்த் திரு ஆனாய் நீயே என்றும், நின்ற நெய்த்தானா!-என் நெஞ்சுஉ ளாயே.

உரை

மூலத்தில் தமிழ் உரை இல்லை.

4

மின்னே ரிடைபங்கன் நீயே யென்றும் வெண்கயிலை மேவினாய் நீயே யென்றும்பொன்னேர் சடைமுடியாய் நீயே யென்றும் பூத கணநாதன் நீயே யென்றும்என்னா விரதத்தாய் நீயெ யென்றும் ஏகம்பத் தென்னீசன் நீயே யென்றும்தென்னூர்ப் பதியுளாய் நீயே யென்றும் நின்ற நெய்த் தானாவென் நெஞ்சு ளாயே.

சொற்பிரிப்பு

மின் நேர் இடை பங்கன் நீயே என்றும், வெண்கயிலை மேவினாய் நீயே என்றும்,பொன் நேர் சடைமுடியாய் நீயே என்றும், பூத கணநாதன் நீயே என்றும்,என் நா இரதத்தாய் நீயே என்றும், ஏகம்பத்து என் ஈசன் நீயே என்றும்,தென்னூர்ப் பதி உளாய் நீயே என்றும், நின்ற நெய்த்தானா!-என் நெஞ்சு உளாயே.

உரை

மூலத்தில் தமிழ் உரை இல்லை.

5

முந்தி யிருந்தாயும் நீயே யென்றும் முன்கயிலை மேவினாய் நீயே யென்றும்நந்திக் கருள்செய்தாய் நீயே யென்றும் நடமாடி நள்ளாறன் நீயே யென்றும்பந்திப் பரியாயும் நீயே யென்றும் பைஞ்ஞீலி மேவினாய் நீயே யென்றும்சிந்திப் பரியாயும் நீயே யென்றும் நின்ற நெய்த் தானாவென் நெஞ்சு ளாயே.

சொற்பிரிப்பு

முந்தி இருந்தாயும் நீயே என்றும், முன்கயிலை மேவினாய் நீயே என்றும்,நந்திக்கு அருள்செய்தாய் நீயே என்றும், நடம்ஆடி நள்ளாறன் நீயே என்றும்,பந்திப்பு (அ)ரியாயும் நீயே என்றும், பைஞ்ஞீலி மேவினாய் நீயே என்றும்,சிந்திப்ப (அ)ரியாயும் நீயே என்றும், நின்ற நெய்த்தானா!-என் நெஞ்சு உளாயே.

உரை

மூலத்தில் தமிழ் உரை இல்லை.

6

தக்கா ரடியார்க்கு நீயே யென்றுந் தலையார் கயிலாயன் நீயே யென்றும்அக்காரம் பூண்டாயும் நீயே யென்றும் ஆக்கூரில் தான்றோன்றி நீயே யென்றும்புக்காய ஏழுலகும் நீயே யென்றும் புள்ளிருக்கு வேளூராய் நீயே யென்றும்தெக்காரு மாகோணத் தானே யென்றும் நின்ற நெய்த் தானாவென் நெஞ்சு ளாயே.

சொற்பிரிப்பு

தக்கார் அடியார்க்கு நீயே என்றும், தலையார் கயிலாயன் நீயே என்றும்,அக்கு ஆரம் பூண்டாயும் நீயே என்றும், ஆக்கூரில் தான்தோன்றி நீயே என்றும்,புக்காய ஏழ்உலகும் நீயே என்றும், புள்ளிருக்கு வேளூராய் நீயே என்றும்,தெக்கு ஆரும் மாகோணத்தானே என்றும், நின்ற நெய்த்தானா!-என் நெஞ்சு உளாயே.

உரை

மூலத்தில் தமிழ் உரை இல்லை.

7

புகழும் பெருமையாய் நீயே யென்றும் பூங்கயிலை மேவினாய் நீயே யென்றும்இகழுந் தலையேந்தி நீயே யென்றும் இராமேச் சரத்தின்பன் நீயே யென்றும்அகழும் மதிலுடையாய் நீயே யென்றும் ஆலவாய் மேவினாய் நீயே யென்றும்திகழும் மதிசூடி நீயே யென்றும் நின்ற நெய்த் தானாவென் நெஞ்சு ளாயே.

சொற்பிரிப்பு

புகழும் பெருமையாய் நீயே என்றும், பூங்கயிலை மேவினாய் நீயே என்றும்,இகழும் தலை ஏந்தி நீயே என்றும், இராமேச்சுரத்து இன்பன் நீயே என்றும்,அகழும் மதில் உடையாய் நீயே என்றும், ஆலவாய் மேவினாய் நீயே என்றும்,திகழும் மதிசூடி நீயே என்றும், நின்ற நெய்த்தானா!-என் நெஞ்சு உளாயே.

உரை

மூலத்தில் தமிழ் உரை இல்லை.

8

வானவர்க்கு மூத்திளையாய் நீயே யென்றும் வானக் கயிலாயன் நீயே யென்றும்கான் நடமாடி நீயே யென்றும் கடவூரில் வீரட்டன் நீயே யென்றும்ஊனார் முடியறுத்தாய் நீயே யென்றும் ஒற்றியூ ராரூராய் நீயே யென்றும்தேனாய் அமுதானாய் நீயே யென்றும் நின்ற நெய்த் தானாவென் நெஞ்சு ளாயே.

சொற்பிரிப்பு

வானவர்க்கு மூத்து இளையாய் நீயே என்றும், வானக் கயிலாயன் நீயே என்றும்,கானம் நடம் ஆடி நீயே என்றும், கடவூரில் வீரட்டன் நீயே என்றும்,ஊன் ஆர் முடி அறுத்தாய் நீயே என்றும், ஒற்றியூர் ஆரூராய் நீயே என்றும்,தேன்ஆய் அமுது ஆனாய் நீயே என்றும், நின்ற நெய்த்தானா!-என் நெஞ்சு உளாயே.

உரை

மூலத்தில் தமிழ் உரை இல்லை.

9

தந்தைதா யில்லாதாய் நீயே யென்றும் தலையார் கயிலாயன் நீயே யென்றும்எந்தாயெம் பிரானானாய் நீயே யென்றும் ஏகம்பத் தென்னீசன் நீயே யென்றும்முந்திய முக்கணாய் நீயே யென்றும் மூவலூர் மேவினாய் நீயே யென்றும்சிந்தையாய்த் தேனூராய் நீயே யென்றும் நின்ற நெய்த் தானாவென் நெஞ்சு ளாயே.

சொற்பிரிப்பு

தந்தைதாய் இல்லாதாய் நீயே என்றும், தலைஆர் கயிலாயன் நீயே என்றும்,எந்தாய் எம் பிரான் ஆனாய் நீயே என்றும், ஏகம்பத்து என் ஈசன் நீயே என்றும்,முந்திய முக்கணாய் நீயே என்றும், மூவலூர் மேவினாய் நீயே என்றும்,சிந்தையாய்த், தேனூராய் நீயே என்றும், நின்ற நெய்த்தானா!-என் நெஞ்சு உளாயே.

உரை

மூலத்தில் தமிழ் உரை இல்லை.

10

மறித்தான் வலிசெற்றாய் நீயே யென்றும் வான்கயிலை மேவினாய் நீயே யென்றும்வெறுத்தார் பிறப்பறுப்பாய் நீயே யென்றும் வீழி மிழலையாய் நீயே யென்றும்அறத்தாய் அமுதீந்தாய் நீயே யென்றும் யாவர்க்குந் தாங்கொணா நஞ்ச முண்டுபொறுத்தாய் புலனைந்தும் நீயே யென்றும் நின்ற நெய்த் தானாவென் நெஞ்சு ளாயே.

சொற்பிரிப்பு

மறித்தான் வலிசெற்றாய் நீயே என்றும், வான்கயிலை மேவினாய் நீயே என்றும்,வெறுத்தார் பிறப்பு அறுப்பாய் நீயே என்றும், வீழி மிழலையாய் நீயே என்றும்,அறத்தாய், அமுது ஈந்தாய் நீயே என்றும், யாவர்க்கும் தாங்க ஒணா நஞ்சம் உண்டு,பொறுத்தாய், புலன் ஐந்தும், நீயே என்றும், நின்ற நெய்த்தானா!-என் நெஞ்சு உளாயே.

உரை

மூலத்தில் தமிழ் உரை இல்லை.