திருமழபாடி

அருளியவர்: திருநாவுக்கரசர்
பண்: திருத்தாண்டகம்
தலம்: மழபாடி
நாடு: சோழநாடு காவிரி வடகரை

1

நீறேறு திருமேனி யுடையான் கண்டாய் நெற்றிமேல் ஒற்றைக்கண் நிறைந்தான் கண்டாய்கூறாக உமைபாகங் கொண்டான் கண்டாய் கொடியவிட முண்டிருண்ட கண்டன் கண்டாய்ஏறேறி யெங்குந் திரிவான் கண்டாய் ஏழுலகும் ஏழ்மலையு மானான் கண்டாய்மாறானார் தம்மரண மட்டான் கண்டாய் மழபாடி மன்னும் மணாளன் றானே.

சொற்பிரிப்பு

நீறுஏறு திருமேனி உடையான் கண்டாய்; நெற்றிமேல் ஒற்றைக்கண் நிறைந்தான் கண்டாய்;கூறுஆக உமைபாகம் கொண்டான் கண்டாய்; கொடியவிடம் உண்டுஇருண்ட கண்டன் கண்டாய்;ஏறுஏறி எங்கும் திரிவான் கண்டாய்; ஏழ்உலகும் ஏழ்மலையும் ஆனான் கண்டாய்;மாறுஆனார் தம்அரணம் அட்டான் கண்டாய்- மழபாடி மன்னும் மணாளன் தானே.

உரை

மூலத்தில் தமிழ் உரை இல்லை.

2

கொக்கிறகு சென்னி யுடையான் கண்டாய் கொல்லை விடையேறுங் கூத்தன் கண்டாய்அக்கரைமே லாட லுடையான் கண்டாய் அனலங்கை யேந்திய ஆதி கண்டாய்அக்கோ டரவ மணிந்தான் கண்டாய் அடியார்கட் காரமுத மானான் கண்டாய்மற்றிருந்த கங்கைச் சடையான் கண்டாய் மழபாடி மன்னும் மணாளன் றானே.

சொற்பிரிப்பு

கொக்குஇறகு சென்னி உடையான் கண்டாய்; கொல்லை விடைஏறும் கூத்தன் கண்டாய்;அக்குஅரைமேல் ஆடல் உடையான் கண்டாய்; அனல்அங்கை ஏந்திய ஆதி கண்டாய்;அக்கோடு அரவம் அணிந்தான் கண்டாய்; அடியார்கட்கு ஆர்அமுதம் ஆனான் கண்டாய்;மற்றுஇருந்த கங்கைச் சடையான் கண்டாய்- மழபாடி மன்னும் மணாளன் தானே.

உரை

மூலத்தில் தமிழ் உரை இல்லை.

3

நெற்றித் தனிக்கண் ணுடையான் கண்டாய் நேரிழையோர் பாகமாய் நின்றான் கண்டாய்பற்றிப்பாம் பாட்டும் படிறன் கண்டாய் பல்லூர் பலிதேர் பரமன் கண்டாய்செற்றார் புரமூன்றுஞ் செற்றான் கண்டாய் செழுமா மதிசென்னி வைத்தான் கண்டாய்மற்றொரு குற்ற மிலாதான் கண்டாய் மழபாடி மன்னும் மணாளன் றானே.

சொற்பிரிப்பு

நெற்றித் தனிக்கண் உடையான் கண்டாய்; நேர்இழைஓர் பாகம்ஆய் நின்றான் கண்டாய்;பற்றிப்பாம்பு ஆட்டும் படிறன் கண்டாய்; பல்ஊர் பலிதேர் பரமன் கண்டாய்;செற்றார் புரம்மூன்றும் செற்றான் கண்டாய்; செழுமா மதிசென்னி வைத்தான் கண்டாய்;மற்றுஒரு குற்றம்இ லாதான் கண்டாய்- மழபாடி மன்னும் மணாளன் தானே.

உரை

மூலத்தில் தமிழ் உரை இல்லை.

4

அலையார்ந்த புனற்கங்கைச் சடையான் கண்டாய் அண்டத்துக் கப்பாலாய் நின்றான் கண்டாய்கொலையான கூற்றங் குமைத்தான் கண்டாய் கொல்வேங்கைத் தோலொன் றுடுத்தான் கண்டாய்சிலையாற் றிரிபுரங்கள் செற்றான் கண்டாய் செழுமா மதிசென்னி வைத்தான் கண்டாய்மலையார் மடந்தை மணாளன் கண்டாய் மழபாடி மன்னும் மணாளன் றானே.

சொற்பிரிப்பு

அலைஆர்ந்த புனல்கங்கைச் சடையான் கண்டாய்; அண்டத்துக்கு அப்பால்ஆய் நின்றான் கண்டாய்;கொலைஆன கூற்றம் குமைத்தான் கண்டாய்; கொல்வேங்கைத் தோல்ஒன்று உடுத்தான் கண்டாய்;சிலையால் - திரிபுரங்கள் செற்றான் கண்டாய்; செழுமா மதிசென்னி வைத்தான் கண்டாய்;மலைஆர் மடந்தை மணாளன் கண்டாய் மழபாடி மன்னும் மணாளன் தானே.

உரை

மூலத்தில் தமிழ் உரை இல்லை.

5

உலந்தார்தம் அங்க மணிந்தான் கண்டாய் உவகையோ டின்னருள்கள் செய்தான் கண்டாய்நலந்திகழுங் கொன்றைச் சடையான் கண்டாய் நால்வேத மாறங்க மானான் கண்டாய்உலந்தார் தலைகலனாக் கொண்டான் கண்டாய் உம்பரார் தங்கள் பெருமான் கண்டாய்மலர்ந்தார் திருவடியென் தலைமேல் வைத்த மழபாடி மன்னும் மணாளன் றானே.

சொற்பிரிப்பு

உலந்தார்தம் அங்கம் அணிந்தான் கண்டாய்; உவகையோடு இன்அருள்கள் செய்தான் கண்டாய்;நலம்திகழும் கொன்றைச் சடையான் கண்டாய்; நால்வேதம் ஆறுஅங்கம் ஆனான் கண்டாய்;உலந்தார் தலைகலனாக் கொண்டான் கண்டாய்; உம்பரார் தங்கள் பெருமான் கண்டாய்-மலர்ந்தார் திருவடிஎன் தலைமேல் வைத்த மழபாடி மன்னும் மணாளன் தானே.

உரை

மூலத்தில் தமிழ் உரை இல்லை.

6

தாமரையான் தன்றலையைச் சாய்த்தான் கண்டாய் தகவுடையார் நெஞ்சிருக்கை கொண்டான் கண்டாய்பூமலரா னேத்தும் புனிதன் கண்டாய் புணர்ச்சிப் பொருளாகி நின்றான் கண்டாய்ஏமருவு வெஞ்சிலையொன் றேந்தி கண்டாய் இருளார்ந்த கண்டத் திறைவன் கண்டாய்மாமருவுங் கலைகையி லேந்தி கண்டாய் மழபாடி மன்னும் மணாளன் றானே.

சொற்பிரிப்பு

தாமரையான் தன்தலையைச் சாய்த்தான் கண்டாய்; தகவுஉடையார் நெஞ்சுஇருக்கை கொண்டான் கண்டாய்;பூமலரான் ஏத்தும் புனிதன் கண்டாய்; புணர்ச்சிப் பொருள்ஆகி நின்றான் கண்டாய்;ஏமருவு வெஞ்சிலைஒன்று ஏந்தி கண்டாய்; இருள்ஆர்ந்த கண்டத்து இறைவன் கண்டாய்;மாமருவும் கலைகையில் ஏந்தி கண்டாய்- மழபாடி மன்னும் மணாளன் தானே.

உரை

மூலத்தில் தமிழ் உரை இல்லை.

7

நீராகி நெடுவரைக ளானான் கண்டாய் நிழலாகி நீள்விசும்பு மானான் கண்டாய்பாராகிப் பௌவமே ழானான் கண்டாய் பகலாகி வானாகி நின்றான் கண்டாய்ஆரேனுந் தன்னடியார்க் கன்பன் கண்டாய் அணுவாகி ஆதியாய் நின்றான் கண்டாய்வாரார்ந்த வனமுலையாள் பங்கன் கண்டாய் மழபாடி மன்னும் மணாளன் றானே.

சொற்பிரிப்பு

நீர்ஆகி, நெடுவரைகள் ஆனான் கண்டாய்; நிழல்ஆகி, நீள்விசும்பும் ஆனான் கண்டாய்;பார்ஆகிப், பௌவம்ஏழ் ஆனான் கண்டாய்; பகல்ஆகி, வான்ஆகி, நின்றான் கண்டாய்;ஆரேனும் தன்அடியார்க்கு அன்பன் கண்டாய்; அணுஆகி, ஆதிஆய், நின்றான் கண்டாய்;வார்ஆர்ந்த வனமுலையாள் பங்கன் கண்டாய்- மழபாடி மன்னும் மணாளன் தானே.

உரை

மூலத்தில் தமிழ் உரை இல்லை.

8

பொன்னியலுந் திருமேனி யுடையான் கண்டாய் பூங்கொன்றைத் தாரொன் றணிந்தான் கண்டாய்மின்னியலும் வார்சடையெம் பெருமான் கண்டாய் வேழத்தி னுரிவிரும்பிப் போர்த்தான் கண்டாய்தன்னியல்பார் மற்றொருவ ரில்லான் கண்டாய் தாங்கரிய சிவந்தானாய் நின்றான் கண்டாய்மன்னிய மங்கையோர் கூறன் கண்டாய் மழபாடி மன்னும் மணாளன் றானே.

சொற்பிரிப்பு

பொன்இயலும் திருமேனி உடையான் கண்டாய்; பூங்கொன்றைத் தார்ஒன்று அணிந்தான் கண்டாய்;மின்இயலும் வார்சடைஎம் பெருமான் கண்டாய்; வேழத்தின் உரிவிரும்பிப் போர்த்தான் கண்டாய்;தன்இயல்பார் மற்றுஒருவர் இல்லான் கண்டாய்; தாங்க(அ)ரிய சிவம்தானாய் நின்றான் கண்டாய்;மன்னிய மங்கைஓர் கூறன் கண்டாய்- மழபாடி மன்னும் மணாளன் தானே.

உரை

மூலத்தில் தமிழ் உரை இல்லை.

9

ஆலால முண்டுகந்த ஆதி கண்டாய் அடையலர்தம் புரமூன்று மெய்தான் கண்டாய்காலாலக் காலனையுங் காய்ந்தான் கண்டாய் கண்ணப்பர்க் கருள்செய்த காளை கண்டாய்பாலாரும் மொழிமடவாள் பாகன் கண்டாய் பசுவேறிப் பலிதிரியும் பண்பன் கண்டாய்மாலாலு மறிவரிய மைந்தன் கண்டாய் மழபாடி மன்னும் மணாளன் றானே.

சொற்பிரிப்பு

ஆலாலம் உண்டுஉகந்த ஆதி கண்டாய்; அடையலர்தம் புரம்மூன்றும் எய்தான் கண்டாய்;காலால்அக் காலனையும் காய்ந்தான் கண்டாய்; கண்ணப்பர்க்கு அருள்செய்த காளை கண்டாய்;பால்ஆரும் மொழிமடவாள் பாகன் கண்டாய்; பசுஏறிப் பலிதிரியும் பண்பன் கண்டாய்;மாலாலும் அறிவுஅரிய மைந்தன் கண்டாய்- மழபாடி மன்னும் மணாளன் தானே.

உரை

மூலத்தில் தமிழ் உரை இல்லை.

10

ஒருசுடரா யுலகேழு மானான் கண்டாய் ஓங்காரத் துட்பொருளாய் நின்றான் கண்டாய்விரிசுடராய் விளங்கொளியாய் நின்றான் கண்டாய் விழவொலியும் வேள்வொலியு மானான் கண்டாய்இருசுடர் மீதோடா இலங்கைக் கோனை ஈடழிய இருபதுதோ ளிறுத்தான் கண்டாய்மருசுடரின் மாணிக்கக் குன்று கண்டாய் மழபாடி மன்னும் மணாளன் றானே.

சொற்பிரிப்பு

ஒருசுடர்ஆய், உலகுஏழும் ஆனான் கண்டாய்; ஓங்காரத்து உள்பொருள்ஆய் நின்றான் கண்டாய்;விரிசுடர்ஆய், விளங்குஒளிஆய், நின்றான் கண்டாய்; விழவுஒலியும், வேள்வொலியும், ஆனான் கண்டாய்;இருசுடர்மீது ஓடா இலங்கைக் கோனை ஈடுஅழிய இருபதுதோள் இறுத்தான் கண்டாய்;மருசுடரின் மாணிக்கக் குன்று கண்டாய்- மழபாடி மன்னும் மணாளன் தானே.

உரை

மூலத்தில் தமிழ் உரை இல்லை.