திருமுறை 6 · 6.037 · 10

திருவையாறு

அருளியவர்
திருநாவுக்கரசர்
பண்
திருத்தாண்டகம்
தலம்
ஐயாறு
நாடு
சோழநாடு காவிரி வடகரை

ஆறாம் திருமுறை ›

1

ஆரார் திரிபுரங்கள் நீறா நோக்கும் அனலாடி ஆரமுதே யென்றேன் நானேகூரார் மழுவாட் படையொன் றேந்திக் குறட்பூதப் பல்படையா யென்றேன் நானேபேரா யிரமுடையா யென்றேன் நானே பிறைசூடும் பிஞ்ஞகனே யென்றேன் நானேஆரா வமுதேயென் ஐயா றனே என்றென்றே நானரற்றி நைகின் றேனே.
சொற்பிரிப்பு
“ஆரார் திரிபுரங்கள் நீறா நோக்கும் அனல்ஆடி! ஆரமுதே!” என்றேன், நானே;“கூர்ஆர் மழுவாள் படைஒன்று ஏந்திக் குறள்பூதப் பல்படையாய்!” என்றேன், நானே;“பேர்ஆ யிரம்உடையாய்!” என்றேன், நானே; “பிறைசூடும் பிஞ்ஞகனே!” என்றேன், நானே;“ஆரா ஆமுதே!என் ஐயா ற(ன்)னே!”- என்றுஎன்றே நான்அரற்றி நைகின் றேனே!
உரை

மூலத்தில் தமிழ் உரை இல்லை.

2

தீவாயின் முப்புரங்கள் நீறா நோக்குந் தீர்த்தா புராணனே யென்றேன் நானேமூவா மதிசூடி யென்றேன் நானே முதல்வாமுக் கண்ணனே யென்றேன் நானேஏவார் சிலையானே யென்றேன் நானே இடும்பைக் கடல்நின்று மேற வாங்கிஆவாவென் றருள்புரியும் ஐயா றனே என்றென்றே நானரற்றி நைகின் றேனே.
சொற்பிரிப்பு
“தீவாயில் முப்புரங்கள் நீறா நோக்கும் “தீர்த்தா! புராணனே!” என்றேன், நானே;“மூவா மதிசூடி!” என்றேன் நானே; “முதல்வா!முக் கண்ணனே!” என்றேன், நானே;“ஏஆர் சிலையானே!” என்றேன், நானே; இடும்பைக் கடல்நின்றும் ஏற வாங்கி,“ஆவா!என்று அருள்புரியும் ஐயா ற(ன்)னே!”- என்றுஎன்றே நான்அரற்றி நைகின் றேனே!
உரை

மூலத்தில் தமிழ் உரை இல்லை.

3

அஞ்சுண்ண வண்ணனே யென்றேன் நானே அடியார்கட் காரமுதே யென்றேன் நானேநஞ்சணி கண்டனே யென்றேன் நானே நாவலர்கள் நான்மறையே யென்றேன் நானேநெஞ்சுணர வுள்புக் கிருந்த போது நிறையு மமுதமே யென்றேன் நானேஅஞ்சாதே ஆள்வானே ஐயா றனே என்றென்றே நானரற்றி நைகின் றேனே.
சொற்பிரிப்பு
“அம்சுண்ண வண்ணனே!” என்றேன், நானே; “அடியார்கட்கு ஆர்அமுதே!” என்றேன், நானே;“நஞ்சுஅணி கண்டனே!” என்றேன், நானே; “நாவலர்கள் நால்மறையே!” என்றேன், நானே;“நெஞ்சுஉணர உள்புக்கு இருந்த போது நிறையும் அமுதமே!” என்றேன், நானே;“அஞ்சாதே ஆள்வானே! ஐயா ற(ன்)னே!”- என்றுஎன்றே நான்அரற்றி நைகின் றேனே!
உரை

மூலத்தில் தமிழ் உரை இல்லை.

4

தொல்லைத் தொடுகடலே யென்றேன் நானே துலங்கும் இளம்பிறையா யென்றேன் நானேஎல்லை நிறைந்தானே யென்றேன் நானே ஏழ்நரம்பி னின்னிசையா யென்றேன் நானேஅல்லற் கடல்புக் கழுந்து வேனை வாங்கி யருள்செய்தா யென்றேன் நானேஎல்லையாம் ஐயாறா வென்றேன் நானே என்றென்றே நானரற்றி நைகின் றேனே.
சொற்பிரிப்பு
“தொல்லைத் தொடுகடலே!” என்றேன், நானே; “துலங்கும் இளம்பிறையாய்!” என்றேன், நானே;“எல்லை நிறைந்தானே!” என்றேன், நானே; “ஏழ்நரம்பின் இன்இசையாய்!” என்றேன், நானே;“அல்லல் கடல்புக்கு அழுந்து வேனை வாங்கி அருள்செய்தாய்!” என்றேன், நானே;“எல்லைஆம் ஐயாறா!” என்றேன், நானே!;- என்றுஎன்றே நான்அரற்றி நைகின் றேனே!
உரை

மூலத்தில் தமிழ் உரை இல்லை.

5

இண்டைச் சடைமுடியா யென்றேன் நானே இருசுடர் வானத்தா யென்றேன் நானேதொண்டர் தொழப்படுவா யென்றேன் நானே துருத்திநெய்த் தானத்தா யென்றேன் நானேகண்டங் கறுத்தானே யென்றேன் நானே கனலாகுங் கண்ணானே யென்றேன் நானேஅண்டத்துக் கப்பாலாம் ஐயா றனே என்றென்றே நானரற்றி நைகின் றேனே.
சொற்பிரிப்பு
“இண்டைச் சடைமுடியா!” என்றேன், நானே; “இருசுடர் வானத்தாய்!” என்றேன், நானே;“தொண்டர் தொழப்படுவாய்!” என்றேன், நானே; “துருத்திநெய்த் தானத்தாய்!” என்றேன், நானே;“கண்டம் கறுத்தானே!” என்றேன், நானே; “கனல்ஆகும் கண்ணானே!” என்றேன், நானே;“அண்டத்துக்கு அப்பால்ஆம் ஐயா ற(ன்)னே!”- என்றுஎன்றே நான்அரற்றி நைகின் றேனே!
உரை

மூலத்தில் தமிழ் உரை இல்லை.

6

பற்றார் புரமெரித்தா யென்றேன் நானே பசுபதி பண்டரங்கா வென்றேன் நானேகற்றார்கள் நாவினா யென்றேன் நானே கடுவிடையொன் றூர்தியா யென்றேன் நானேபற்றானார் நெஞ்சுளா யென்றேன் நானே பார்த்தற் கருள்செய்தா யென்றேன் நானேஅற்றார்க் கருள்செய்யும் ஐயா றனே என்றென்றே நானரற்றி நைகின் றேனே.
சொற்பிரிப்பு
“பற்றார் புரம்எரித்தாய்!” என்றேன், நானே; “பசுபதி! பண்டரங்கா!” என்றேன், நானே;“கற்றார்கள் நாவினாய்!” என்றேன், நானே; “கடுவிடைஒன்று ஊர்தியாய்!” என்றேன், நானே;“பற்றுஆனார் நெஞ்சுஉளாய்!” என்றேன், நானே; “பார்த்தற்கு அருள்செய்தாய்!” என்றேன், நானே;“அற்றார்க்கு அருள்செய்யும் ஐயா ற(ன்)னே!”- என்றுஎன்றே நான்அரற்றி நைகின் றேனே!
உரை

மூலத்தில் தமிழ் உரை இல்லை.

7

விண்ணோர் தலைவனே யென்றேன் நானே விளங்கும் இளம்பிறையா யென்றேன் நானேஎண்ணா ரெயிலெரித்தா யென்றேன் நானே ஏகம்பம் மேயானே யென்றேன் நானேபண்ணார் மறைபாடி யென்றேன் நானே பசுபதி பால்நீற்றா யென்றேன் நானேஅண்ணாஐ யாறனே யென்றேன் நானே என்றென்றே நானரற்றி நைகின் றேனே.
சொற்பிரிப்பு
“விண்ணோர் தலைவனே!” என்றேன், நானே; “விளங்கும் இளம்பிறையாய்!” என்றேன், நானே;“எண்ணார் எயில்எரித்தாய்!” என்றேன், நானே; “ஏகம்பம் மேயானே!” என்றேன், நானே;“பண்ஆர் மறைபாடி!” என்றேன், நானே; “பசுபதி பால்நீற்றாய்!” என்றேன், நானே;“அண்ணா! ஐயாறனே!” என்றேன், நானே!;- என்றுஎன்றே நான்அரற்றி நைகின் றேனே!
உரை

மூலத்தில் தமிழ் உரை இல்லை.

8

அவனென்று நானுன்னை அஞ்சா தேனை அல்ல லறுப்பானே யென்றேன் நானேசிவனென்று நானுன்னை யெல்லாஞ் சொல்லச் செல்வந் தருவானே யென்றேன் நானேபவனாகி யென்னுள்ளத் துள்ளே நின்று பண்டை வினையறுப்பா யென்றேன் நானேஅவனென்றே யாதியே ஐயா றனே என்றென்றே நானரற்றி நைகின் றேனே.
சொற்பிரிப்பு
“அவன்”என்று நான்உன்னை அஞ்சா தேனை “அல்லல் அறுப்பானே!” என்றேன், நானே;“சிவன்”என்று நான்உன்னை எல்லாம் சொல்லச், “செல்வம் தருவானே!” என்றேன், நானே;“பவன்ஆகி என்உள்ளத்து உள்ளே நின்று “பண்டை வினைஅறுப்பாய்!” என்றேன், நானே;“அவன்”என்றே, “ஆதியே! ஐயா ற(ன்)னே!”- என்றுஎன்றே நான்அரற்றி நைகின் றேனே!
உரை

மூலத்தில் தமிழ் உரை இல்லை.

9

கச்சியே கம்பனே யென்றேன் நானே கயிலாயா காரோணா வென்றேன் நானேநிச்சன் மணாளனே யென்றேன் நானே நினைப்பார் மனத்துளா யென்றேன் நானேஉச்சம்போ தேறேறீ யென்றேன் நானே உள்குவா ருள்ளத்தா யென்றேன் நானேஅச்சம் பிணிதீர்க்கும் ஐயா றனே என்றென்றே நானரற்றி நைகின் றேனே.
சொற்பிரிப்பு
“கச்சிஏ கம்பனே!” என்றேன், நானே; “கயிலாயா! காரோணா!” என்றேன், நானே;“நிச்சல் மணாளனே!” என்றேன், நானே; “நினைப்பார் மனத்துஉளாய்!” என்றேன், நானே;“உச்சம்போது ஏறுஏறீ!” என்றேன், நானே; “உள்குவார் உள்ளத்தாய்!” என்றேன், நானே;“அச்சம் பிணிதீர்க்கும் ஐயா ற(ன்)னே!”- என்றுஎன்றே நான்அரற்றி நைகின் றேனே!
உரை

மூலத்தில் தமிழ் உரை இல்லை.

10

வில்லாடி வேடனே யென்றேன் நானே வெண்ணீறு மெய்க்கணிந்தா யென்றேன் நானேசொல்லாய சூழலா யென்றேன் நானே சுலாவாய தொன்னெறியே யென்றேன் நானேஎல்லாமா யென்னுயிரே யென்றேன் நானே இலங்கையர்கோன் தோளிறுத்தா யென்றேன் நானேஅல்லா வினைதீர்க்கும் ஐயா றனே என்றென்றே நானரற்றி நைகின் றேனே.
சொற்பிரிப்பு
“வில்ஆடி வேடனே!” என்றேன், நானே; “வெண்நீறு மெய்க்குஅணிந்தாய்!” என்றேன், நானே;“சொல்ஆய சூழலாய்!” என்றேன், நானே; “சுலாஆய தொன்னெறியே!” என்றேன், நானே;“எல்லாம்ஆய் என்உயிரே!” என்றேன், நானே; “இலங்கையர்கோன் தோள்இறுத்தாய்!” என்றேன், நானே;“அல்லா வினைதீர்க்கும் ஐயா ற(ன்)னே!”- என்றுஎன்றே நான்அரற்றி நைகின் றேனே!
உரை

மூலத்தில் தமிழ் உரை இல்லை.