திருவெண்காடு

அருளியவர்: திருநாவுக்கரசர்
பண்: திருத்தாண்டகம்
தலம்: வெண்காடு
நாடு: சோழநாடு காவிரி வடகரை

1

தூண்டு சுடர்மேனித் தூநீ றாடிச் சூலங்கை யேந்தியோர் சுழல்வாய் நாகம்பூண்டு பொறியரவங் காதிற் பெய்து பொற்சடைக ளவைதாழப் புரிவெண் ணூலர்நீண்டு கிடந்திலங்கு திங்கள் சூடி நெடுந்தெருவே வந்தெனது நெஞ்சங் கொண்டார்வேண்டு நடைநடக்கும் வெள்ளே றேறி வெண்காடு மேவிய விகிர்த னாரே.

சொற்பிரிப்பு

தூண்டு சுடர்மேனித் தூநீறு ஆடிச், சூலம்கை ஏந்தி,ஓர் சுழல்வாய் நாகம்பூண்டு, பொறிஅரவம் காதில் பெய்து, பொற்சடைகள் அவைதாழப், புரிவெண் நூலர்,நீண்டு கிடந்துஇலங்கு திங்கள் சூடி, நெடும்தெருவே வந்துஎனது நெஞ்சம் கொண்டார்,வேண்டு நடைநடக்கும் வெள்ஏறு ஏறி;- வெண்காடு மேவிய விகிர்த னாரே!

உரை

மூலத்தில் தமிழ் உரை இல்லை.

2

பாதந் தரிப்பார்மேல் வைத்த பாதர் பாதாள மேழுருவப் பாய்ந்த பாதர்ஏதம் படாவண்ணம் நின்ற பாதர் ஏழுலகு மாய்நின்ற ஏக பாதர்ஓதத் தொலிமடங்கி யூருண் டேறி ஒத்துலக மெல்லா மொடுங்கி யபின்வேதத் தொலிகொண்டு வீணை கேட்பார் வெண்காடு மேவிய விகிர்த னாரே.

சொற்பிரிப்பு

பாதம் தரிப்பார்மேல் வைத்த பாதர்; பாதாளம் ஏழ்உருவப் பாய்ந்த பாதர்;ஏதம் படாவண்ணம் நின்ற பாதர்; ஏழ்உலகும் ஆய்நின்ற ஏக பாதர்;ஓதத்து ஒலிமடங்கி ஊர்உண்டு ஏறி ஒத்துஉலகம் எல்லாம் ஒடுங்கி யபின்வேதத்து ஒலிகொண்டு வீணை கேட்பார் வெண்காடு மேவிய விகிர்த னாரே!

உரை

மூலத்தில் தமிழ் உரை இல்லை.

3

நென்னலையோர் ஓடேந்திப் பிச்சைக் கென்று வந்தார்க்கு வந்தேனென் றில்லே புக்கேன்அந்நிலையே நிற்கின்றார் ஐயங் கொள்ளார் அருகே வருவார்போல் நோக்கு கின்றார்நுந்நிலைமை யேதோநும் மூர்தா னேதோ என்றேனுக் கொன்றாகச் சொல்ல மாட்டார்மென்முலையார் கூடி விரும்பி யாடும் வெண்காடு மேவிய விகிர்த னாரே.

சொற்பிரிப்பு

நென்னலைஓர் ஓடுஏந்திப் பிச்சைக்கு என்று வந்தார்க்கு “வந்தேன்”என்று இல்லே புக்கேன்;அந்நிலையே நிற்கின்றார்; ஐயம் கொள்ளார்; அருகே வருவார்போல் நோக்கு கின்றார்;“நும்நிலைமை ஏதோ?நும் ஊர்தான் ஏதோ?” என்றேனுக்கு ஒன்றுஆகச் சொல்ல மாட்டார்-மென்முலையார் கூடி விரும்பி ஆடும்- வெண்காடு மேவிய விகிர்த னாரே!

உரை

மூலத்தில் தமிழ் உரை இல்லை.

4

ஆகத் துமையடக்கி ஆறு சூடி ஐவா யரவசைத்தங் கானே றேறிப்போகம் பலவுடைத்தாய்ப் பூதஞ் சூழப் புலித்தோ லுடையாப் புகுந்து நின்றார்பாகிடுவான் சென்றேனைப் பற்றி நோக்கிப் பரிசழித்தென் வளைகவர்ந்தார் பாவி யேனைமேக முகிலுரிஞ்சு சோலை சூழ்ந்த வெண்காடு மேவிய விகிர்த னாரே.

சொற்பிரிப்பு

ஆகத்து உமைஅடக்கி, ஆறு சூடி, ஐவாய் அரவுஅசைத்து,அங்கு ஆன்ஏறு ஏறிப்,போகம் பலஉடைத்துஆய்ப் பூதம் சூழப், புலித்தோல் உடையாப் புகுந்து நின்றார்;பாகுஇடுவான் சென்றேனைப் பற்றி நோக்கிப், பரிசுஅழித்து,என் வளைகவர்ந்தார், பாவி யேனை;-மேகம் முகில்உரிஞ்சு சோலை சூழ்ந்த வெண்காடு மேவிய விகிர்த னாரே!

உரை

மூலத்தில் தமிழ் உரை இல்லை.

5

கொள்ளைக் குழைக்காதிற் குண்டைப் பூதங் கொடுகொட்டி கொட்டிக் குனித்துப் பாடஉள்ளங் கவர்ந்திட்டுப் போவார் போல உழிதருவர் நான்தெரிய மாட்டேன் மீண்டேன்கள்ள விழிவிழிப்பார் காணாக் கண்ணாற் கண்ணுளார் போலே கரந்து நிற்பர்வெள்ளச் சடைமுடியர் வேத நாவர் வெண்காடு மேவிய விகிர்த னாரே.

சொற்பிரிப்பு

கொள்ளைக் குழைக்காதின் குண்டைப் பூதம் கொடுகொட்டி கொட்டிக் குனித்துப் பாட,உள்ளம் கவர்ந்திட்டுப் போவார் போல உழிதருவர்; நான்தெரிய மாட்டேன், மீண்டேன்;கள்ள விழிவிழிப்பார்; காணாக் கண்ணால்; கண்ணுளார் போலே கரந்து நிற்பர்;வெள்ளச் சடைமுடியர்; வேத நாவர்- வெண்காடு மேவிய விகிர்த னாரே!

உரை

மூலத்தில் தமிழ் உரை இல்லை.

6

தொட்டிலங்கு சூலத்தர் மழுவா ளேந்திச் சுடர்க்கொன்றைத் தாரணிந்து சுவைகள் பேசிப்பட்டிவெள் ளேறேறிப் பலியுங் கொள்ளார் பார்ப்பாரைப் பரிசழிப்பா ரொக்கின் றாராற்கட்டிலங்கு வெண்ணீற்றர் கனலப் பேசிக் கருத்தழித்து வளைகவர்ந்தார் காலை மாலைவிட்டிலங்கு சடைமுடியர் வேத நாவர் வெண்காடு மேவிய விகிர்த னாரே.

சொற்பிரிப்பு

தொட்டுஇலங்கு சூலத்தர்; மழுவாள் ஏந்திச், சுடர்க்கொன்றைத் தார்அணிந்து சுவைகள் பேசிப்,பட்டிவெள் ஏறுஏறிப், பலியும் கொள்ளார்; பார்ப்பாரைப் பரிசுஅழிப்பார் ஒக்கின் றாரால்;கட்டுஇலங்கு வெண்நீற்றர்; கனலப் பேசிக் கருத்துஅழித்து வளைகவர்ந்தார்; காலை மாலைவிட்டுஇலங்கு சடைமுடியர்; வேத நாவர்- வெண்காடு மேவிய விகிர்த னாரே!

உரை

மூலத்தில் தமிழ் உரை இல்லை.

7

பெண்பா லொருபாகம் பேணா வாழ்க்கைக் கோள்நாகம் பூண்பனவும் நாணாஞ் சொல்லார்உண்பா ருறங்குவார் ஒவ்வா நங்காய் உண்பதுவும் நஞ்சன்றே ஓவி யுண்ணார்பண்பா லவிர்சடையர் பற்றி நோக்கிப் பாலைப் பரிசழியப் பேசு கின்றார்விண்பால் மதிசூடி வேத மோதி வெண்காடு மேவிய விகிர்த னாரே.

சொற்பிரிப்பு

பெண்பால், ஒருபாகம்; பேணா வாழ்க்கைக்; கோள்நாகம் பூண்பனவும்; நாண்ஆம் சொல்லார்;உண்பார், உறங்குவார், ஒவ்வா; நங்காய்! உண்பதுவும் நஞ்சுஅன்றே, ஓவி உண்ணார்;பண்பால் அவிர்சடையர் பற்றி நோக்கிப், பாலைப் பரிசுஅழியப், பேசு கின்றார்-விண்பால் மதிசூடி, வேதம் ஓதி, வெண்காடு மேவிய விகிர்த னாரே!

உரை

மூலத்தில் தமிழ் உரை இல்லை.

8

மருதங்க ளாமொழிவர் மங்கை யோடு வானவரும் மாலயனுங் கூடித் தங்கள்சுருதங்க ளாற்றுதித்துத் தூநீ ராட்டித் தோத்திரங்கள் பலசொல்லித் தூபங் காட்டிக்கருதுங்கொல் எம்பெருமான் செய்குற் றேவல் என்பார்க்கு வேண்டும் வரங் கொடுத்துவிகிர்தங்க ளாநடப்பர் வெள்ளே றேறி வெண்காடு மேவிய விகிர்த னாரே.

சொற்பிரிப்பு

மருதங்க ளாமொழிவர், மங்கை யோடு; வானவரும் மால்அயனும் கூடித், தங்கள்சுருதங்க ளால்-துதித்துத், தூநீர் ஆட்டித், தோத்திரங்கள் பலசொல்லித், தூபம் காட்டிக்,“கருதும்கொல் எம்பெருமான், செய்குற் றேவல்?” என்பார்க்கு வேண்டும் வரம்கொ டுத்து,விகிர்தங்க ளாநடப்பர், வெள்ஏறு ஏறி;- வெண்காடு மேவிய விகிர்த னாரே!

உரை

மூலத்தில் தமிழ் உரை இல்லை.

9

புள்ளானும் நான்முகனும் புக்கும் போந்துங் காணார் பொறியழலாய் நின்றான் றன்னைஉள்ளானை யொன்றல்லா உருவி னானை உலகுக் கொருவிளக்காய் நின்றான் றன்னைக்கள்ளேந்து கொன்றைதூய்க் காலை மூன்றும் ஓவாமே நின்று தவங்கள் செய்தவெள்ளானை வேண்டும் வரங் கொடுப்பார் வெண்காடு மேவிய விகிர்த னாரே.

சொற்பிரிப்பு

புள்ளானும் நான்முகனும் புக்கும் போந்தும் காணார், பொறிஅழல்ஆய் நின்றான் தன்னை;உள்ளானை; ஒன்றுஅல்லா உருவி னானை; உலகுக்கு ஒருவிளக்குஆய் நின்றான் தன்னைக்;கள்ஏந்து கொன்றைதூய்க், காலை மூன்றும் ஓவாமே, நின்று தவங்கள் செய்தவெள்ளானை வேண்டும் வரம்கொ டுப்பார்- வெண்காடு மேவிய விகிர்த னாரே!

உரை

மூலத்தில் தமிழ் உரை இல்லை.

10

மாக்குன் றெடுத்தோன்றன் மைந்த னாகி மாவேழம் வில்லா மதித்தான் றன்னைநோக்குந் துணைத்தேவ ரெல்லாம் நிற்க நொடிவரையில் நோவ விழித்தான் றன்னைக்காக்குங் கடலிலங்கைக் கோமான் றன்னைக் கதிர்முடியுங் கண்ணும் பிதுங்க வூன்றிவீக்கந் தவிர்த்த விரலார் போலும் வெண்காடு மேவிய விகிர்த னாரே.

சொற்பிரிப்பு

மாக்குன்று எடுத்தோன்தன் மைந்தன் ஆகி மாவேழம் வில்லா மதித்தான் தன்னை-நோக்கும் துணைத்தேவர் எல்லாம் நிற்க- நொடிவரையில் நோவ விழித்தான் தன்னைக்;காக்கும் கடல்இலங்கைக் கோமான் தன்னைக் கதிர்முடியும் கண்ணும் பிதுங்க ஊன்றி,வீக்கம் தவிர்த்த விரலார் போலும்- வெண்காடு மேவிய விகிர்த னாரே!

உரை

மூலத்தில் தமிழ் உரை இல்லை.