திருவாரூர்

அருளியவர்: திருநாவுக்கரசர்
பண்: திருத்தாண்டகம்
தலம்: ஆரூர்
நாடு: சோழநாடு காவிரித் தென்கரை

1

ஒருவனாய் உலகேத்த நின்ற நாளோ ஓருருவே மூவுருவ மான நாளோகருவனாய்க் காலனைமுன் காய்ந்த நாளோ காமனையுங் கண்ணழலால் விழித்த நாளோமருவனாய் மண்ணும்விண்ணுந் தெரித்த நாளோ மான்மறிக்கை யேந்தியோர் மாதோர் பாகந்திருவினாள் சேர்வதற்கு முன்னோ பின்னோ திருவாரூர் கோயிலாக் கொண்ட நாளே.

சொற்பிரிப்பு

ஒருவனாய் உலகுஏத்த நின்ற நாளோ? ஓர்உருவே மூஉருவம் ஆன நாளோ?கருவனாய்க் காலனைமுன் காய்ந்த நாளோ? காமனையும் கண்அழலால் விழித்த நாளோ?மருவனாய் மண்ணும்விண்ணும் தெரித்த நாளோ? மான்மறிக்கை ஏந்தி,ஓர் மாது,ஓர் பாகம்திருவினாள் சேர்வதற்கு முன்னோ? பின்னோ? திருஆரூர் கோயிலாக் கொண்ட நாளே.

உரை

மூலத்தில் தமிழ் உரை இல்லை.

2

மலையார்பொற் பாவையொடு மகிழ்ந்த நாளோ வானவரை வலியமுத மூட்டி யந்நாள்நிலைபேறு பெறுவித்து நின்ற நாளோ நினைப்பரிய தழற்பிழம்பாய் நிமிர்ந்த நாளோஅலைசாமே அலைகடல்நஞ் சுண்ட நாளோ அமரர்கணம் புடைசூழ இருந்த நாளோசிலையால்முப் புரமெரித்த முன்னோ பின்னோ திருவாரூர் கோயிலாக் கொண்ட நாளே.

சொற்பிரிப்பு

மலையார்பொன் பாவையொடு மகிழ்ந்த நாளோ? வானவரை வலிஅமுதம் ஊட்டி, அந்நாள்நிலைபேறு பெறுவித்து நின்ற நாளோ? நினைப்ப(அ)ரிய தழல்பிழம்புஆய் நிமிர்ந்த நாளோ?அலைசாமே அலைகடல்நஞ்சு உண்ட நாளோ? அமரர்கணம் புடைசூழ இருந்த நாளோ?சிலையால்முப் புரம்எரித்த முன்னோ? பின்னோ?- திருஆரூர் கோயிலாக் கொண்ட நாளே.

உரை

மூலத்தில் தமிழ் உரை இல்லை.

3

பாடகஞ்சேர் மெல்லடிநற் பாவை யாளும் நீயும்போய்ப் பார்த்தனது பலத்தைக் காண்பான்வேடனாய் வில்வாங்கி யெய்த நாளோ விண்ணவர்க்குங் கண்ணவனாய் நின்ற நாளோமாடமொடு மாளிகைகள் மல்கு தில்லை மணிதிகழும் அம்பலத்தே மன்னிக் கூத்தைஆடுவான் புகுவதற்கு முன்னோ பின்னோ அணியாரூர் கோயிலாக் கொண்ட நாளே.

சொற்பிரிப்பு

பாடகம்சேர் மெல்அடிநல் பாவை யாளும் நீயும்போய்ப் பார்த்தனது பலத்தைக் காண்பான்வேடனாய் வில்வாங்கி எய்த நாளோ? விண்ணவர்க்கும் கண்ணவனாய் நின்ற நாளோ?மாடமொடு மாளிகைகள் மல்கு தில்லை மணிதிகழும் அம்பலத்தே மன்னிக் கூத்தைஆடுவான் புகுவதற்கு முன்னோ? பின்னோ?- அணிஆரூர் கோயிலாக் கொண்ட நாளே.

உரை

மூலத்தில் தமிழ் உரை இல்லை.

4

ஓங்கி யுயர்ந்தெழுந்து நின்ற நாளோ ஓருகம்போல் ஏழுகமாய் நின்ற நாளோதாங்கியசீர்த் தலையான வானோர் செய்த தக்கன்றன் பெருவேள்வி தகர்த்த நாளோநீங்கியநீர்த் தாமரையான் நெடுமா லோடு நில்லாயெம் பெருமானே யென்றங் கேத்திவாங்கிமதி வைப்பதற்கு முன்னோ பின்னோ வளராரூர் கோயிலாக் கொண்ட நாளே.

சொற்பிரிப்பு

ஓங்கி - உயர்ந்துஎழுந்து நின்ற நாளோ? ஓர்உகம்போல் ஏழ்உகம்ஆய் நின்ற நாளோ?தாங்கியசீர்த் தலைஆன வானோர் செய்த தக்கன்தன் பெருவேள்வி தகர்த்த நாளோ?நீங்கியநீர்த் தாமரையான் நெடுமா லோடு, “நில்லாய்,எம் பெருமானே!” என்றுஅங்கு ஏத்தி,வாங்கி,மதி, வைப்பதற்கு முன்னோ? பின்னோ? வளர்ஆரூர் கோயிலாக் கொண்ட நாளே.

உரை

மூலத்தில் தமிழ் உரை இல்லை.

5

பாலனாய் வளர்ந்திலாப் பான்மை யானே பணிவார்கட் கங்கங்கே பற்றா னானேநீலமா மணிகண்டத் தெண்டோ ளானே நெருநலையாய் இன்றாகி நாளை யாகுஞ்சீலமே சிவலோக நெறியே யாகுஞ் சீர்மையே கூர்மையே குணமே நல்லகோலம்நீ கொள்வதற்கு முன்னோ பின்னோ குளிராரூர் கோயிலாக் கொண்ட நாளே.

சொற்பிரிப்பு

பாலனாய் வளர்ந்திலாப் பான்மை யானே! பணிவார்கட்கு அங்குஅங்கே பற்றுஆ னானே!நீலமா மணிகண்டத்து எண்தோ ளானே! நெருநலையாய் இன்றுஆகி நாளை ஆகும்சீலமே! சிவலோக நெறியே ஆகும் சீர்மையே! கூர்மையே! குணமே! நல்லகோலம்நீ கொள்வதற்கு முன்னோ? பின்னோ? குளிர்ஆரூர் கோயிலாக் கொண்ட நாளே.

உரை

மூலத்தில் தமிழ் உரை இல்லை.

6

திறம்பலவும் வழிகாட்டிச் செய்கை காட்டிச் சிறியையாய்ப் பெரியையாய் நின்ற நாளோமறம்பலவு முடையாரை மயக்கந் தீர்த்து மாமுனிவர்க் கருள்செய்தங் கிருந்த நாளோபிறங்கியசீர்ப் பிரமன்றன் தலைகை யேந்திப் பிச்சையேற் றுண்டுழன்று நின்ற நாளோஅறம்பலவு முரைப்பதற்கு முன்னோ பின்னோ அணியாரூர் கோயிலாக் கொண்ட நாளே.

சொற்பிரிப்பு

திறம்பலவும் வழிகாட்டிச் செய்கை காட்டிச் சிறியையாய்ப் பெரியையாய் நின்ற நாளோ?மறம்பலவும் உடையாரை மயக்கம் தீர்த்து மாமுனிவர்க்கு அருள்செய்துஅங்கு இருந்த நாளோ?பிறங்கியசீர்ப் பிரமன்தன் தலைகை ஏந்திப் பிச்சைஏற்று உண்டுஉழன்று நின்ற நாளோ?அறம்பலவும் உரைப்பதற்கு முன்னோ? பின்னோ? அணிஆரூர் கோயிலாக் கொண்ட நாளே.

உரை

மூலத்தில் தமிழ் உரை இல்லை.

7

நிலந்தரத்து நீண்டுருவ மான நாளோ நிற்பனவும் நடப்பனவும் நீயே யாகிக்கலந்துரைக்கக் கற்பகமாய் நின்ற நாளோ காரணத்தால் நாரணனைக் கற்பித் தன்றுவலஞ்சுருக்கி வல்லசுரர் மாண்டு வீழ வாசுகியை வாய்மடுத்து வானோ ருய்யச்சலந்தரனைக் கொல்வதற்கு முன்னோ பின்னோ தண்ணாரூர் கோயிலாக் கொண்ட நாளே.

சொற்பிரிப்பு

நிலந்தரத்து நீண்டுஉருவம் ஆன நாளோ? நிற்பனவும் நடப்பனவும் நீயே ஆகிக்கலந்துஉரைக்கக் கற்பகம்ஆய் நின்ற நாளோ? காரணத்தால் நாரணனைக் கற்பித்து, அன்று,வலம்சுருக்கி வல்அசுரர் மாண்டு வீழ, வாசுகியை வாய்மடுத்து, வானோர் உய்யச்,சலந்தரனைக் கொல்வதற்கு முன்னோ? பின்னோ?- தண்ஆரூர் கோயிலாக் கொண்ட நாளே.

உரை

மூலத்தில் தமிழ் உரை இல்லை.

8

பாதத்தால் முயலகனைப் பாது காத்துப் பாரகத்தே பரஞ்சுடராய் நின்ற நாளோகீதத்தை மிகப்பாடும் அடியார்க் கென்றுங் கேடிலா வானுலகங் கொடுத்த நாளோபூதத்தான் பொருநீலி புனிதன் மேவிப் பொய்யுரையா மறைநால்வர் விண்ணோர்க் கென்றும்வேதத்தை விரிப்பதற்கு முன்னோ பின்னோ விழவாரூர் கோயிலாக் கொண்ட நாளே.

சொற்பிரிப்பு

பாதத்தால் முயலகனைப் பாது காத்துப் பார்அகத்தே பரஞ்சுடர்ஆய் நின்ற நாளோ?கீதத்தை மிகப்பாடும் அடியார்க்கு என்றும் கேடுஇலா வான்உலகம் கொடுத்த நாளோ?பூதத்தான், பொருநீலி, புனிதன், மேவிப் பொய்உரையா மறைநால்வர், விண்ணோர்க்கு,என்றும்வேதத்தை விரிப்பதற்கு முன்னோ? பின்னோ? விழவுஆரூர் கோயிலாக் கொண்ட நாளே.

உரை

மூலத்தில் தமிழ் உரை இல்லை.

9

புகையெட்டும் போக்கெட்டும் புலன்க ளெட்டும் பூதலங்க ளவையெட்டும் பொழில்க ளெட்டுங்கலையெட்டுங் காப்பெட்டுங் காட்சி யெட்டுங் கழற்சே வடியடைந்தார் களைக ணெட்டும்நகையெட்டும் நாளெட்டும் நன்மை யெட்டும் நலஞ்சிறந்தார் மனத்தகத்து மலர்க ளெட்டுந்திகையெட்டுந் தெரிப்பதற்கு முன்னோ பின்னோ திருவாரூர் கோயிலாக் கொண்ட நாளே.

சொற்பிரிப்பு

புகைஎட்டும், போக்குஎட்டும், புலன்கள் எட்டும், பூதலங்கள் அவைஎட்டும், பொழில்கள் எட்டும்,கலைஎட்டும், காப்புஎட்டும், காட்சி எட்டும், கழல்சே வடிஅடைந்தார் களைகண் எட்டும்,நகைஎட்டும், நாள்எட்டும், நன்மை எட்டும், நலம்சிறந்தார் மனத்துஅகத்து மலர்கள் எட்டும்,திகைஎட்டும், தெரிப்பதற்கு முன்னோ? பின்னோ? திருஆரூர் கோயிலாக் கொண்ட நாளே.

உரை

மூலத்தில் தமிழ் உரை இல்லை.

10

ஈசனா யுலகேழும் மலையு மாகி இராவணனை ஈடழித்திட் டிருந்த நாளோவாசமலர் மகிழ்தென்ற லான நாளோ மதயானை யுரிபோர்த்து மகிழ்ந்த நாளோதாதுமலர் சண்டிக்குக் கொடுத்த நாளோ சகரர்களை மறித்திட்டாட் கொண்ட நாளோதேசமுமை யறிவதற்கு முன்னோ பின்னோ திருவாரூர் கோயிலாக் கொண்ட நாளே.

சொற்பிரிப்பு

ஈசனாய், உலகுஏழும் மலையும் ஆகி, இராவணனை ஈடுஅழித்திட்டு, இருந்த நாளோ?வாசமலர் மகிழ்தென்றல் ஆன நாளோ? மதயானை உரிபோர்த்து மகிழ்ந்த நாளோ?தாதுமலர் சண்டிக்குக் கொடுத்த நாளோ? சகரர்களை மறித்திட்டுஆட் கொண்ட நாளோ?தேசம்உமை அறிவதற்கு முன்னோ? பின்னோ?- திருஆரூர் கோயிலாக் கொண்ட நாளே.

உரை

மூலத்தில் தமிழ் உரை இல்லை.