திருவாரூர்

அருளியவர்: திருநாவுக்கரசர்
பண்: திருத்தாண்டகம்
தலம்: ஆரூர்
நாடு: சோழநாடு காவிரித் தென்கரை

1

இடர்கெடுமா றெண்ணுதியேல் நெஞ்சே நீவா ஈண்டொளிசேர் கங்கைச் சடையா யென்றுஞ்சுடரொளியா யுள்விளங்கு சோதீ யென்றுந் தூநீறு சேர்ந்திலங்கு தோளா வென்றுங்கடல்விடம துண்டிருண்ட கண்டா வென்றுங் கலைமான் மறியேந்து கையா வென்றும்அடல்விடையாய் ஆரமுதே ஆதீ யென்றும் ஆரூரா வென்றென்றே அலறா நில்லே.

சொற்பிரிப்பு

இடர்கெடும்ஆறு எண்ணுதியேல், நெஞ்சே! நீவா! “ஈண்டுஒளிசேர் கங்கைச் சடையாய்!” என்றும்,“சுடர்ஒளியாய்! உள்விளங்கு சோதீ!” என்றும், “தூநீறு சேர்ந்துஇலங்கு தோளா!” என்றும்,“கடல்விடம்அது உண்டுஇருண்ட கண்டா!” என்றும், “கலைமான் மறிஏந்து கையா!” என்றும்,“அடல்விடையாய்! ஆர்அமுதே! ஆதீ!” என்றும், “ஆரூரா!” என்றுஎன்றே, அலறா நில்லே!

உரை

மூலத்தில் தமிழ் உரை இல்லை.

2

செடியேறு தீவினைகள் தீரும் வண்ணஞ் சிந்தித்தே நெஞ்சமே திண்ண மாகப்பொடியேறு திருமேனி யுடையா யென்றும் புரந்தரன்றன் தோள்துணித்த புனிதா வென்றும்அடியேனை யாளாகக் கொண்டா யென்றும் அம்மானே ஆரூரெம் மரசே யென்றுங்கடிநாறு பொழிற்கச்சிக் கம்பா வென்றுங் கற்பகமே யென்றென்றே கதறா நில்லே.

சொற்பிரிப்பு

செடிஏறு தீவினைகள் தீரும் வண்ணம் சிந்தித்தே, நெஞ்சமே! திண்ணம் ஆகப்,“பொடிஏறு திருமேனி உடையாய்!” என்றும், “புரந்தரன்தன் தோள்துணித்த புனிதா!” என்றும்,“அடியேனை ஆள்ஆகக் கொண்டாய்!” என்றும், “அம்மானே! ஆரூர்எம் அரசே!” என்றும்,“கடிநாறு பொழில்கச்சிக் கம்பா!” என்றும், “கற்பகமே!” என்றுஎன்றே கதறா நில்லே!

உரை

மூலத்தில் தமிழ் உரை இல்லை.

3

நிலைபெறுமா றெண்ணுதியேல் நெஞ்சே நீவா நித்தலுமெம் பிரானுடைய கோயில் புக்குப்புலர்வதன்முன் னலகிட்டு மெழுக்கு மிட்டுப் பூமாலை புனைந்தேத்திப் புகழ்ந்து பாடித்தலையாரக் கும்பிட்டுக் கூத்து மாடிச் சங்கரா சயபோற்றி போற்றி யென்றும்அலைபுனல்சேர் செஞ்சடையெம் ஆதீ யென்றும் ஆரூரா வென்றென்றே அலறா நில்லே.

சொற்பிரிப்பு

நிலைபெறுமாறு எண்ணுதியேல், நெஞ்சே! நீவா! நித்தலும்எம் பிரானுடைய கோயில் புக்குப்,புலர்வதன்முன் அலகிட்டு, மெழுக்கும் இட்டுப், பூமாலை புனைந்துஏத்திப், புகழ்ந்து பாடித்,தலைஆரக் கும்பிட்டுக், கூத்தும் ஆடிச், “சங்கரா சய!போற்றி போற்றி!” என்றும்,“அலைபுனல்சேர் செஞ்சடைஎம் ஆதி!” என்றும், “ஆரூரா!” என்றுஎன்றே அலறா நில்லே!

உரை

மூலத்தில் தமிழ் உரை இல்லை.

4

புண்ணியமும் நன்னெறியு மாவ தெல்லாம் நெஞ்சமே இதுகண்டாய் பொருந்தக் கேள்நீநுண்ணியவெண் ணூல்கிடந்த மார்பா வென்றும் நுந்தாத வொண்சுடரே யென்று நாளும்விண்ணியங்கு தேவர்களும் வேதம் நான்கும் விரைமலர்மேல் நான்முகனும் மாலுங் கூடிஎண்ணரிய திருநாம முடையா யென்றும் எழிலாரூ ராவென்றே ஏத்தா நில்லே.

சொற்பிரிப்பு

புண்ணியமும் நன்நெறியும் ஆவது எல்லாம் நெஞ்சமே! இதுகண்டாய்; பொருந்தக் கேள்,நீ;“நுண்ணியவெண் நூல்கிடந்த மார்பா!” என்றும் “நுந்தாத ஒண்சுடரே!” என்றும், “நாளும்விண்இயங்கு தேவர்களும் வேதம் நான்கும் விரைமலர்மேல் நான்முகனும் மாலும் கூடிஎண்ண(அ)ரிய திருநாமம் உடையாய்!” என்றும் “எழில்ஆரூ ரா!”என்றே ஏத்தா நில்லே!

உரை

மூலத்தில் தமிழ் உரை இல்லை.

5

இழைத்தநாள் எல்லை கடப்ப தென்றால் இரவினொடு நண்பகலு மேத்தி வாழ்த்திப்பிழைத்ததெலாம் பொறுத்தருள்செய் பெரியோ யென்றும் பிஞ்ஞகனே மைஞ்ஞவிலுங் கண்டா வென்றும்அழைத்தலறி அடியேனுன் னரணங் கண்டாய் அணியாரூர் இடங்கொண்ட அழகா வென்றுங்குழற்சடையெங் கோனென்றுங் கூறு நெஞ்சே குற்றமில்லை யென்மேல்நான் கூறி னேனே.

சொற்பிரிப்பு

இழைத்தநாள் எல்லை கடப்பது என்றால்; இரவினொடு நண்பகலும் ஏத்தி வாழ்த்திப்,“பிழைத்ததுஎலாம் பொறுத்துஅருள்செய் பெரியோய்!” என்றும், “பிஞ்ஞகனே! மைஞ்ஞவிலும் கண்டா!” என்றும்,அழைத்துஅலறி, “அடியேன்உன் அரணம் கண்டாய், அணிஆரூர் இடம்கொண்ட அழகா!” என்றும்,“குழல்சடைஎம் கோன்!”என்றும், கூறு, நெஞ்சே! குற்றம்இல்லை, என்மேல்;நான் கூறி னேனே.

உரை

மூலத்தில் தமிழ் உரை இல்லை.

6

நீப்பரிய பல்பிறவி நீக்கும் வண்ணம் நினைந்திருந்தேன் காண்நெஞ்சே நித்த மாகச்சேப்பிரியா வெல்கொடியி னானே யென்றுஞ் சிவலோக நெறிதந்த சிவனே யென்றும்பூப்பிரியா நான்முகனும் புள்ளின் மேலைப் புண்டரிகக் கண்ணானும் போற்றி யென்னத்தீப்பிழம்பாய் நின்றவனே செல்வ மல்குந் திருவாரூ ராவென்றே சிந்தி நெஞ்சே.

சொற்பிரிப்பு

நீப்ப(அ)ரிய பல்பிறவி நீக்கும் வண்ணம் நினைந்திருந்தேன் காண்;நெஞ்சே! “நித்தம் ஆகச்சேப்பிரியா வெல்கொடியி னானே!” என்றும், “சிவலோக நெறிதந்த சிவனே!” என்றும்,பூப்பிரியா நான்முகனும் புள்ளின் மேலைப் புண்டரிகக் கண்ணானும், “போற்றி!” என்னத்தீப்பிழம்புஆய் நின்றவனே! செல்வம் மல்கும் “திருஆரூ ரா!”என்றே சிந்தி, நெஞ்சே!

உரை

மூலத்தில் தமிழ் உரை இல்லை.

7

பற்றிநின்ற பாவங்கள் பாற்ற வேண்டிற் பரகதிக்குச் செல்வதொரு பரிசு வேண்டிற்சுற்றிநின்ற சூழ்வினைகள் வீழ்க்க வேண்டிற் சொல்லுகேன் கேள்நெஞ்சே துஞ்சா வண்ணம்உற்றவரும் உறுதுணையும் நீயே யென்றும் உன்னையல்லால் ஒருதெய்வம் உள்கே னென்றும்புற்றரவக் கச்சார்த்த புனிதா வென்றும் பொழிலாரூ ராவென்றே போற்றா நில்லே.

சொற்பிரிப்பு

பற்றிநின்ற பாவங்கள் பாற்ற வேண்டில், பரகதிக்குச் செல்வதுஒரு பரிசு வேண்டில்,சுற்றிநின்ற சூழ்வினைகள் வீழ்க்க வேண்டில், சொல்லுகேன்; கேள்;நெஞ்சே, துஞ்சா வண்ணம்!“உற்றவரும் உறுதுணையும் நீயே” என்றும், “உன்னைஅல்லால் ஒருதெய்வம் உள்கேன்” என்றும்,“புற்றுஅரவக் கச்சுஆர்த்த புனிதா!” என்றும், “பொழில்ஆரூ ரா!”என்றே போற்றா நில்லே!

உரை

மூலத்தில் தமிழ் உரை இல்லை.

8

மதிதருவன் நெஞ்சமே உஞ்சு போக வழியாவ திதுகண்டாய் வானோர்க் கெல்லாம்அதிபதியே ஆரமுதே ஆதி யென்றும் அம்மானே ஆரூரெம் மையா வென்றுந்துதிசெய்து துன்றுமலர் கொண்டு தூவிச் சூழும் வலஞ்செய்து தொண்டு பாடிக்கதிர்மதிசேர் சென்னியனே கால காலா கற்பகமே யென்றென்றே கதறா நில்லே.

சொற்பிரிப்பு

மதிதருவன், நெஞ்சமே, உஞ்சு போக! வழிஆவது இதுகண்டாய்; “வானோர்க்கு எல்லாம்அதிபதியே! ஆர்அமுதே! ஆதி!” என்றும்; “அம்மானே! ஆரூர்எம் ஐயா!” என்றும்;துதிசெய்து துன்றுமலர் கொண்டு தூவிச் சூழும் வலம்செய்து தொண்டு பாடிக்,“கதிர்மதிசேர் சென்னியனே! கால காலா! கற்பகமே!” என்றுஎன்றே கதறா நில்லே!

உரை

மூலத்தில் தமிழ் உரை இல்லை.

9

பாசத்தைப் பற்றறுக்க லாகு நெஞ்சே பரஞ்சோதி பண்டரங்கா பாவ நாசாதேசத் தொளிவிளக்கே தேவ தேவே திருவாரூர்த் திருமூலட் டானா வென்றும்நேசத்தை நீபெருக்கி நேர்நின் றுள்கி நித்தலுஞ் சென்றடிமேல் வீழ்ந்து நின்றுஏசற்று நின்றிமையோ ரேறே வென்றும் எம்பெருமா னென்றென்றே ஏத்தா நில்லே.

சொற்பிரிப்பு

பாசத்தைப் பற்றுஅறுக்கல் ஆகும்; நெஞ்சே! “பரஞ்சோதி! பண்டரங்கா! பாவ நாசா!தேசத்து ஒளிவிளக்கே! தேவ தேவே! திருஆரூர்த் திருமூலட் டானா!” என்றும்,நேசத்தை நீபெருக்கி நேர்நின்று உள்கி நித்தலும் சென்றுஅடிமேல் வீழ்ந்து நின்று,ஏசற்று நின்று,“இமையோர் ஏறே!” என்றும், “எம்பெருமான்!” என்றுஎன்றே ஏத்தா நில்லே!

உரை

மூலத்தில் தமிழ் உரை இல்லை.

10

புலன்களைந்தால் ஆட்டுண்டு போது போக்கிப் புறம்புறமே திரியாதே போது நெஞ்சேசலங்கொள்சடை முடியுடைய தலைவா வென்றுந் தக்கன்செய் பெருவேள்வி தகர்த்தா யென்றும்இலங்கையர்கோன் சிரநெரித்த இறைவா வென்றும் எழிலாரூ ரிடங்கொண்ட எந்தா யென்றும்நலங்கொளடி என்றலைமேல் வைத்தா யென்றும் நாடோ றும் நவின்றேத்தாய் நன்மை யாமே.

சொற்பிரிப்பு

புலன்கள்ஐந்தால் ஆட்டுண்டு போது போக்கிப் புறம்புறமே திரியாதே போது, நெஞ்சே!“சலம்கொள்சடை முடிஉடைய தலைவா!” என்றும், “தக்கன்செய் பெருவேள்வி தகர்த்தாய்!” என்றும்,“இலங்கையர்கோன் சிரம்நெரித்த இறைவா!” என்றும், “எழில்ஆரூர் இடம்கொண்ட எந்தாய்!” என்றும்,“நலம்கொள்அடி என்தலைமேல் வைத்தாய்!” என்றும், நாள்தோறும் நவின்றுஏத்தாய்! நன்மை ஆமே.

உரை

மூலத்தில் தமிழ் உரை இல்லை.