திருவாரூர்

அருளியவர்: திருநாவுக்கரசர்
பண்: திருத்தாண்டகம்
தலம்: ஆரூர்
நாடு: சோழநாடு காவிரித் தென்கரை

1

உயிரா வணமிருந் துற்று நோக்கி உள்ளக் கிழியி னுரு வெழுதிஉயிரா வணஞ்செய்திட் டுன்கைத் தந்தால் உணரப் படுவாரோ டொட்டி வாழ்திஅயிரா வணமேறா தானே றேறி அமரர்நா டாளாதே ஆரூ ராண்டஅயிரா வணமேயென் னம்மா னேநின் அருட்கண்ணால் நோக்காதார் அல்லா தாரே.

சொற்பிரிப்பு

உயிரா வணம்இருந்து, உற்று நோக்கி, உள்ளக் கிழியின் உருஎ ழுதி,உயிர்ஆ வணம்செய்திட்டு, உன்கைத் தந்தால், உணரப் படுவாரோடு ஒட்டி, வாழ்தி;அயிரா வணம்ஏறாது, ஆன்ஏறு ஏறி, அமரர்நாடு ஆளாதே, ஆரூர் ஆண்டஅயிரா வணமே!என் அம்மா னே!நின் அருள்கண்ணால் நோக்காதார் அல்லா தாரே.

உரை

மூலத்தில் தமிழ் உரை இல்லை.

2

எழுது கொடியிடையார் ஏழை மென்றோள் இளையார்கள் நம்மை இகழா முன்னம்பழுது படநினையேல் பாவி நெஞ்சே பண்டுதான் என்னோடு பகைதா னுண்டோமுழுதுலகில் வானவர்கள் முற்றுங் கூடி முடியா லுறவணங்கி முற்றம் பற்றிஅழுது திருவடிக்கே பூசை செய்ய இருக்கின்றான் ஊர்போலும் ஆரூர் தானே.

சொற்பிரிப்பு

எழுது கொடிஇடையார், ஏழை மென்தோள் இளையார்கள், நம்மை இகழா முன்னம்பழுது படநினையேல், பாவி நெஞ்சே! பண்டுதான் என்னோடு பகைதான் உண்டோ?முழுதுஉலகில் வானவர்கள் முற்றும் கூடி, முடியால் உறவணங்கி, முற்றம் பற்றி,அழுது, திருவடிக்கே பூசை செய்ய இருக்கின்றான் ஊர்போலும், ஆரூர் தானே.

உரை

மூலத்தில் தமிழ் உரை இல்லை.

3

தேரூரார் மாவூரார் திங்க ளூரார் திகழ்புன் சடைமுடிமேற் றிங்கள் சூடிக்காரூரா நின்ற கழனிச் சாயற் கண்ணார்ந்த நெடுமாடங் கலந்து தோன்றும்ஓரூரா உலகெலா மொப்பக் கூடி உமையாள் மணவாளா என்று வாழ்த்திஆரூரா ஆரூரா என்கின் றார்கள் அமரர்கள்தம் பெருமானே எங்குற் றாயே.

சொற்பிரிப்பு

தேரூரார்; மாவூரார்; திங்க ளூரார்; திகழ்புன் சடைமுடிமேல் - திங்கள் சூடிக்;கார்ஊரா நின்ற கழனிச் சாயல் கண்ஆர்ந்த நெடுமாடம் கலந்து தோன்றும்ஓர்ஊரா உலகுஎலாம் ஒப்பக் கூடி, “உமையாள் மணவாளா!” என்று வாழ்த்தி,“ஆரூரா! ஆரூரா!” என்கின் றார்கள்; அமரர்கள்தம் பெருமானே எங்குற் றாயே?

உரை

மூலத்தில் தமிழ் உரை இல்லை.

4

கோவணமோ தோலோ உடை யாவது கொல்லேறோ வேழமோ ஊர்வ துதான்பூவணமோ புறம்பயமோ அன்றா யிற்றான் பொருந்தாதார் வாழ்க்கை திருந்தா மையோதீவணத்த செஞ்சடைமேற் றிங்கள் சூடித் திசைநான்கும் வைத்துகந்த செந்தீ வண்ணர்ஆவணமோ ஒற்றியோ அம்மா னார்தாம் அறியேன்மற் றூராமா றாரூர் தானே.

சொற்பிரிப்பு

கோவணமோ, தோலோ, உடை ஆவது? கொல்ஏறோ, வேழமோ, ஊர்வ துதான்?பூவணமோ, புறம்பயமோ, அன்றுஆ யில்-தான் பொருந்தாதார் வாழ்க்கை திருந்தா மையோ?தீவணத்த செஞ்சடைமேல் - திங்கள் சூடித், திசைநான்கும் வைத்துஉகந்த செந்தீ வண்ணர்,ஆவணமோ, ஒற்றியோ, அம்மா னார்தாம்- அறியேன்மற்று - ஊர்ஆம்ஆறு ஆரூர் தானே?

உரை

மூலத்தில் தமிழ் உரை இல்லை.

5

ஏந்து மழுவாளர் இன்னம் பரார் எரிபவள வண்ணர் குடமூக் கிலார்வாய்ந்த வளைக்கையாள் பாக மாக வார்சடையார் வந்து வலஞ்சு ழியார்போந்தா ரடிகள் புறம்ப யத்தே புகலூர்க்கே போயினார் போரே றேறிஆய்ந்தே யிருப்பார்போய் ஆரூர் புக்கார் அண்ணலார் செய்கின்ற கண்மா யமே.

சொற்பிரிப்பு

ஏந்து மழுவாளர்; இன்னம் பராஅர்; எரிபவள வண்ணர்; குடமூக் கி(ல்)லார்;வாய்ந்த வளைக்கையாள் பாகம் ஆக வார்சடையார்; வந்து வலஞ்சு ழி(ய்)யார்;போந்தார், அடிகள் புறம்ப யத்தே; புகலூர்க்கே போயினார்; போர்ஏறு ஏறி;ஆய்ந்தே இருப்பார்போய், ஆரூர் புக்கார்; அண்ணலார் செய்கின்ற கண்மா யமே!

உரை

மூலத்தில் தமிழ் உரை இல்லை.

6

கருவாகிக் குழம்பிருந்து கலித்து மூளை கருநரம்பும் வெள்ளெலும்புஞ் சேர்ந்தொன் றாகிஉருவாகிப் புறப்பட்டிங் கொருத்தி தன்னால் வளர்க்கப்பட் டுயிராருங் கடைபோ காரால்மருவாகி நின்னடியே மறவே னம்மான் மறித்தொருகாற் பிறப்புண்டேல் மறவா வண்ணந்திருவாரூர் மணவாளா திருத்தெங் கூராய் செம்பொனே கம்பனே திகைத்திட் டேனே.

சொற்பிரிப்பு

கருஆகிக் குழம்பி(இ)ருந்து, கலித்து, மூளை கருநரம்பும் வெள்எலும்பும் சேர்ந்துஒன்று ஆகி,உருஆகிப் புறப்பட்டு,இங்கு ஒருத்தி தன்னால் வளர்க்கப்பட்டு, உயிராரும் கடைபோ காரால்;மருஆகி, நின்அடியே, மறவேன்; அம்மான்; மறித்துஒருகால் பிறப்புஉண்டேல், மறவா வண்ணம்,-திருஆரூர் மணவாளா! திருத்தெங் கூராய்! செம்பொன்ஏ கம்பனே!- திகைத்திட் டேனே.

உரை

மூலத்தில் தமிழ் உரை இல்லை.

7

முன்னம் அவனுடைய நாமங் கேட்டாள் மூர்த்தி யவனிருக்கும் வண்ணங் கேட்டாள்பின்னை அவனுடைய ஆரூர் கேட்டாள் பெயர்த்து மவனுக்கே பிச்சி யானாள்அன்னையையும் அத்தனையும் அன்றே நீத்தாள் அகன்றாள் அகலிடத்தார் ஆசா ரத்தைதன்னை மறந்தாள்தன் நாமங் கெட்டாள் தலைப்பட்டாள் நங்கை தலைவன் றாளே.

சொற்பிரிப்பு

முன்னம் அவன்உடைய நாமம் கேட்டாள்; மூர்த்தி அவன்இருக்கும் வண்ணம் கேட்டாள்;பின்னை அவன்உடைய ஆரூர் கேட்டாள்; பெயர்த்தும் அவனுக்கே பிச்சி ஆனாள்;அன்னையையும் அத்தனையும் அன்றே நீத்தாள்; அகன்றாள், அகலிடத்தார் ஆசா ரத்தைத்;தன்னை மறந்தாள்;தன் நாமம் கெட்டாள்; தலைப்பட்டாள், நங்கை தலைவன் தாளே!

உரை

மூலத்தில் தமிழ் உரை இல்லை.

8

ஆடுவாய் நீநட்டம் அளவிற் குன்றா அவியடுவார் அருமறையோ ரறிந்தே னுன்னைப்பாடுவார் தும்புருவும் நார தாதி பரவுவார் அமரர்களு மமரர் கோனுந்தேடுவார் திருமாலும் நான்மு கனுந் தீண்டுவார் மலைமகளுங் கங்கை யாளுங்கூடுமே நாயடியேன் செய்குற் றேவல் குறையுண்டே திருவாரூர் குடிகொண் டீர்க்கே.

சொற்பிரிப்பு

ஆடுவாய், நீநட்டம்; அளவில் குன்றா அவிஅடுவார், அருமறையோர்; அறிந்தேன், உன்னைப்;பாடுவார், தும்புருவும் நார தாதி; பரவுவார், அமரர்களும் அமரர் கோனும்;தேடுவார், திருமாலும் நான்மு க(ன்)னும்; தீண்டுவார், மலைமகளும் கங்கை யாளும்;கூடுமே, நாய்அடியேன் செய்குற் றேவல்? குறைஉண்டே, திருஆரூர் குடிகொண் டீர்க்கே?

உரை

மூலத்தில் தமிழ் உரை இல்லை.

9

நீரூருஞ் செஞ்சடையாய் நெற்றிக் கண்ணாய் நிலாத்திங்கள் துண்டத்தாய் நின்னைத் தேடிஓரூரு மொழியாமே ஒற்றித் தெங்கும் உலகமெலாந் திரிதந்து நின்னைக் காண்பான்தேரூரும் நெடுவீதி பற்றி நின்று திருமாலும் நான்முகனுந் தேர்ந்துங் காணாதாரூரா ஆரூரா என்கின் றார்கள் அமரர்கள்தம் பெருமானே ஆரூ ராயே.

சொற்பிரிப்பு

நீர்ஊரும் செஞ்சடையாய்! நெற்றிக் கண்ணாய்! நிலாத்திங்கள் - துண்டத்தாய்! நின்னைத் தேடி,ஓர்ஊரும் ஒழியாமே ஒற்றித்து எங்கும் உலகம்எலாம் திரிதந்து, நின்னைக் காண்பான்,தேர்ஊரும் நெடுவீதி பற்றி நின்று, திருமாலும் நான்முகனும், தேர்ந்தும் காணாது,“ஆரூரா! ஆரூரா!” என்கின் றார்கள்- அமரர்கள்தம் பெருமானே! ஆரூ ராயே!

உரை

மூலத்தில் தமிழ் உரை இல்லை.

10

நல்லூரே நன்றாக நட்ட மிட்டு நரையேற்றைப் பழையாறே பாய ஏறிப்பல்லூரும் பலிதிரிந்து சேற்றூர் மீதே பலர்காணத் தலையாலங் காட்டி னூடேஇல்லார்ந்த பெருவேளூர்த் தளியே பேணி இராப்பட்டீச் சரங்கடந்து மணற்கால் புக்குஎல்லாருந் தளிச்சாத்தங் குடியிற் காண இறைப்பொழுதில் திருவாரூர் புக்கார் தாமே.

சொற்பிரிப்பு

நல்லூரே நன்றுஆக நட்டம் இட்டு, நரைஏற்றைப் பழையாறே பாய ஏறிப்,பல்ஊரும் பலிதிரிந்து, சேற்றூர் மீதே,- பலர்காணத்,- தலையாலங் காட்டின் ஊடே,இல்ஆர்ந்த பெருவேளூர்த் தளியே பேணி, இராப்பட்டீச் சரம்கடந்து மணக்கால் புக்கு(வ்),எல்ஆரும் தளிச்சாத்தங் குடியில் காண, இறைப்பொழுதில் திருஆரூர் புக்கார் தாமே.

உரை

மூலத்தில் தமிழ் உரை இல்லை.

11

கருத்துத்திக் கதநாகங் கையி லேந்திக் கருவரைபோற் களியானை கதறக் கையால்உரித்தெடுத்துச் சிவந்ததன்றோல் பொருந்த மூடி உமையவளை அச்சுறுத்தும் ஒளிகொள் மேனித்திருத்துருத்தி திருப்பழனந் திருநெய்த்தானம் திருவையா றிடங்கொண்ட செல்வர் இந்நாள்அரிப்பெருத்த வெள்ளேற்றை அடர ஏறி அப்பனார் இப்பருவ மாரூ ராரே.

சொற்பிரிப்பு

கருத்துத்திக் கதநாகம் கையில் ஏந்திக், கருவரைபோல் களியானைக் கதறக் கையால்உரித்துஎடுத்துச் சிவந்து,அதன்தோல் பொருந்த மூடி, உமையவளை அச்சுறுத்தும் ஒளிகொள் மேனித்,திருத்துருத்தி திருப்பழனம் திருநெய்த் தானம் திருஐயாறு இடம்கொண்ட, செல்வர்; இந்நாள்அரிப்பெருத்த வெள்ஏற்றை அடர ஏறி, அப்பனார், இப்பருவம் ஆரூ ராரே.

உரை

மூலத்தில் தமிழ் உரை இல்லை.