திருவாரூர்

அருளியவர்: திருநாவுக்கரசர்
பண்: திருத்தாண்டகம்
தலம்: ஆரூர்
நாடு: சோழநாடு காவிரித் தென்கரை

1

கைம்மான மதகளிற்றி னுரிவை யான்காண் கறைக்கண்டன் காண்கண்ணார் நெற்றி யான்காண்அம்மான்காண் ஆடரவொன் றாட்டி னான்காண் அனலாடி காண்அயில்வாய்ச் சூலத் தான்காண்எம்மான்காண் ஏழுலகு மாயி னான்காண் எரிசுடரோன் காண்இலங்கு மழுவா ளன்காண்செம்மானத் தொளியன்ன மேனி யான்காண் திருவாரூ ரான்காண்என் சிந்தை யானே.

சொற்பிரிப்பு

கைம்மான மதகளிற்றின் உரிவை யான்காண்; கறைக்கண்டன் காண்;கண்ஆர் நெற்றி யான்காண்;அம்மான்காண்; ஆடுஅரவுஒன்று ஆட்டி னான்காண்; அனல்ஆடி காண்;அயில்வாய்ச் சூலத் தான்காண்;எம்மான்காண்; ஏழ்உலகும் ஆயி னான்காண்; எரிசுடரோன் காண்;இலங்கும் மழுவா ளன்காண்;செம்மானத்து ஒளிஅன்ன மேனி யான்காண்- திருஆரூ ரான்காண்,என் சிந்தை யானே.

உரை

மூலத்தில் தமிழ் உரை இல்லை.

2

ஊனேறு படுதலையில் உண்டி யான்காண் ஓங்காரன் காண்ஊழி முதலா னான்காண்ஆனேறொன் றூர்ந்துழலும் ஐயா றன்காண் அண்டன்காண் அண்டத்துக் கப்பா லான்காண்மானேறு கரதலத்தெம் மணிகண் டன்காண் மாதவன்காண் மாதவத்தின் விளைவா னான்காண்தேனேறு மலர்க்கொன்றைக் கண்ணி யான்காண் திருவாரூ ரான்காண்என் சிந்தை யானே.

சொற்பிரிப்பு

ஊன்ஏறு படுதலையில் உண்டி யான்காண்; ஓங்காரன் காண்;ஊழி முதல்ஆ னான்காண்;ஆன்ஏறுஒன்று ஊர்ந்துஉழலும் ஐயா றன்காண்; அண்டன்காண்; அண்டத்துக்கு அப்பா லான்காண்;மான்ஏறு கரதலத்துஎம் மணிகண் டன்காண்; மாதவன்காண்; மாதவத்தின் விளைவுஆ னான்காண்;தேன்ஏறும் மலர்க்கொன்றைக் கண்ணி யான்காண்- திருஆரூ ரான்காண்,என் சிந்தை யானே.

உரை

மூலத்தில் தமிழ் உரை இல்லை.

3

ஏவணத்த சிலையான்முப் புரமெய் தான்காண் இறையவன்காண் மறையவன்காண் ஈசன் றான்காண்தூவணத்த சுடர்ச்சூலப் படையி னான்காண் சுடர்மூன்றுங் கண்மூன்றாக் கொண்டான் றான்காண்ஆவணத்தால் என்றன்னை ஆட்கொண் டான்காண் அனலாடி காண்அடியார்க் கமிர்தா னான்காண்தீவணத்த திருவுருவிற் கரியுரு வன்காண் திருவாரூ ரான்காண்என் சிந்தை யானே.

சொற்பிரிப்பு

ஏவணத்த சிலையால்முப் புரம்எய் தான்காண்; இறையவன்காண்; மறையவன்காண்; ஈசன் தான்காண்;தூவணத்த சுடர்ச்சூலப் படையி னான்காண்; சுடர்மூன்றும் கண்மூன்றாக் கொண்டான் தான்காண்;ஆவணத்தால் என்தன்னை ஆட்கொண் டான்காண்; அனல்ஆடி காண்;அடியார்க்கு அமிர்துஆ னான்காண்;தீவணத்த திருஉருவில் கரிஉரு வன்காண்; திருஆரூ ரான்காண்,என் சிந்தை யானே.

உரை

மூலத்தில் தமிழ் உரை இல்லை.

4

கொங்குவார் மலர்க்கண்ணிக் குற்றா லன்காண் கொடுமழுவன் காண்கொல்லை வெள்ளேற் றான்காண்எங்கள்பாற் றுயர்கெடுக்கு மெம்பி ரான்காண் ஏழ்கடலும் ஏழ்மலையு மாயி னான்காண்பொங்குமா கருங்கடல்நஞ் சுண்டான் றான்காண் பொற்றூண்காண் செம்பவளத் திரள்போல் வான்காண்செங்கண்வா ளராமதியோ டுடன்வைத் தான்காண் திருவாரூ ரான்காண்என் சிந்தை யானே.

சொற்பிரிப்பு

கொங்குவார் மலர்க்கண்ணிக் குற்றா லன்காண்; கொடுமழுவன் காண்;கொல்லை வெள்ஏற் றான்காண்;எங்கள்பால் - துயர்கெடுக்கும் எம்பி ரான்காண்; ஏழ்கடலும் ஏழ்மலையும் ஆயி னான்காண்;பொங்குமா கருங்கடல்நஞ்சு உண்டான் தான்காண் பொன்-தூண்காண்; செம்பவளத் திரள்போல் வான்காண்;செங்கண்வாள் அரா,மதியோடு உடன்வைத் தான்காண்- திருஆரூ ரான்காண்,என் சிந்தை யானே.

உரை

மூலத்தில் தமிழ் உரை இல்லை.

5

காரேறு நெடுங்குடுமிக் கயிலா யன்காண் கறைக்கண்டன் காண்கண்ணார் நெற்றி யான்காண்போரேறு நெடுங்கொடிமே லுயர்த்தி னான்காண் புண்ணியன்காண் எண்ணரும்பல் குணத்தி னான்காண்நீரேறு சுடர்ச்சூலப் படையி னான்காண் நின்மலன்காண் நிகரேது மில்லா தான்காண்சீரேறு திருமாலோர் பாகத் தான்காண் திருவாரூ ரான்காண்என் சிந்தை யானே.

சொற்பிரிப்பு

கார்ஏறு நெடுங்குடுமிக் கயிலா யன்காண்; கறைக்கண்டன் காண்;கண்ஆர் நெற்றி யான்காண்;போர்ஏறு நெடுங்கொடிமேல் உயர்த்தி னான்காண்; புண்ணியன்காண்; எண்ண(அ)ரும்பல் குணத்தி னான்காண்;நீர்ஏறு சுடர்ச்சூலப் படையி னான்காண்; நின்மலன்காண்; நிகர்ஏதும் இல்லா தான்காண்;சீர்ஏறு திருமால்ஓர் பாகத் தான்காண் திருஆரூ ரான்காண்,என் சிந்தை யானே.

உரை

மூலத்தில் தமிழ் உரை இல்லை.

6

பிறையரவக் குறுங்கண்ணிச் சடையி னான்காண் பிறப்பிலிகாண் பெண்ணோடா ணாயி னான்காண்கறையுருவ மணிமிடற்று வெண்ணீற் றான்காண் கழல்தொழுவார் பிறப்பறுக்குங் காபா லிகாண்இறையுருவக் கனவளையாள் இடப்பா கன்காண் இருநிலன்காண் இருநிலத்துக் கியல்பா னான்காண்சிறையுருவக் களிவண்டார் செம்மை யான்காண் திருவாரூ ரான்காண்என் சிந்தை யானே.

சொற்பிரிப்பு

பிறைஅரவக் குறுங்கண்ணிச் சடையி னான்காண்; பிறப்புஇலிகாண்; பெண்ணோடுஆண் ஆயி னான்காண்;கறைஉருவ மணிமிடற்று வெண்நீற் றான்காண்; கழல்தொழுவார் பிறப்புஅறுக்கும் காபா லீகாண்;இறைஉருவக் கனவளையாள் இடப்பா கன்காண்; இருநிலன்காண்; இருநிலத்துக்கு இயல்புஆ னான்காண்;சிறைஉருவக் களிவண்டுஆர் செம்மை யான்காண்- திருஆரூ ரான்காண்,என் சிந்தை யானே.

உரை

மூலத்தில் தமிழ் உரை இல்லை.

7

தலையுருவச் சிரமாலை சூடி னான்காண் தமருலகந் தலைகலனாப் பலிகொள் வான்காண்அலையுருவச் சுடராழி ஆக்கி னான்காண் அவ்வாழி நெடுமாலுக் கருளி னான்காண்கொலையுருவக் கூற்றுதைத்த கொள்கை யான்காண் கூரெரிநீர் மண்ணொடுகாற் றாயி னான்காண்சிலையுருவச் சரந்துரந்த திறத்தி னான்காண் திருவாரூ ரான்காண்என் சிந்தை யானே.

சொற்பிரிப்பு

தலைஉருவச் சிரமாலை சூடி னான்காண்; தமர்உலகம் தலைகலனாப் பலிகொள் வான்காண்;அலைஉருவச் சுடர்ஆழி ஆக்கி னான்காண்; அவ்ஆழி நெடுமாலுக்கு அருளி னான்காண்;கொலைஉருவக் கூற்றுஉதைத்த கொள்கை யான்காண்; கூர்எரிநீர் மண்ணொடுகாற்று ஆயி னான்காண்;சிலைஉருவச் சரம்துரந்த திறத்தி னான்காண்- திருஆரூ ரான்காண்,என் சிந்தை யானே.

உரை

மூலத்தில் தமிழ் உரை இல்லை.

8

ஐயன்காண் குமரன்காண் ஆதி யான்காண் அடல்மழுவாள் தானொன்று பியன்மே லேந்துகையன்காண் கடற்பூதப் படையி னான்காண் கண்ணெரியால் ஐங்கணையோ னுடல்காய்ந் தான்காண்வெய்யன்காண் தண்புனல்சூழ் செஞ்சடை யான்காண் வெண்ணீற்றான் காண்விசயற் கருள்செய் தான்காண்செய்யன்காண் கரியன்காண் வெளியோன் றான்காண் திருவாரூ ரான்காண்என் சிந்தை யானே.

சொற்பிரிப்பு

ஐயன்காண்; குமரன்காண்; ஆதி யான்காண்; அடல்மழுவாள் தான்ஒன்று பியல்மேல் ஏந்துகையன்காண்; கடல்பூதப் படையி னான்காண்; கண்எரியால் ஐங்கணையோன் உடல்காய்ந் தான்காண்;வெய்யன்காண்; தண்புனல்சூழ் செஞ்சடை யான்காண்; வெண்நீற்றான் காண்;விசயற்கு அருள்செய் தான்காண்;செய்யன்காண்; கரியன்காண்; வெளியோன் தான்காண்- திருஆரூ ரான்காண்,என் சிந்தை யானே.

உரை

மூலத்தில் தமிழ் உரை இல்லை.

9

மலைவளர்த்த மடமங்கை பாகத் தான்காண் மயானத்தான் காண்மதியஞ் சூடி னான்காண்இலைவளர்த்த மலர்க்கொன்றை மாலை யான்காண் இறையவன்காண் எறிதிரைநீர் நஞ்சுண் டான்காண்கொலைவளர்த்த மூவிலைய சூலத் தான்காண் கொடுங்குன்றன் காண்கொல்லை யேற்றி னான்காண்சிலைவளர்த்த சரந்துரந்த திறத்தி னான்காண் திருவாரூ ரான்காண்என் சிந்தை யானே.

சொற்பிரிப்பு

மலைவளர்த்த மடமங்கை பாகத் தான்காண்; மயானத்தான் காண்;மதியம் சூடி னான்காண்;இலைவளர்த்த மலர்க்கொன்றை மாலை யான்காண்; இறையவன்காண்; எறிதிரைநீர் நஞ்சுஉண் டான்காண்;கொலைவளர்த்த மூஇலைய சூலத் தான்காண்; கொடுங்குன்றன் காண்;கொல்லை ஏற்றி னான்காண்;சிலைவளர்த்த சரம்துரந்த திறத்தி னான்காண்- திருஆரூ ரான்காண்,என் சிந்தை யானே.

உரை

மூலத்தில் தமிழ் உரை இல்லை.

10

பொற்றாது மலர்க்கொன்றை சூடி னான்காண் புரிநூலன் காண்பொடியார் மேனி யான்காண்மற்றாருந் தன்னொப்பா ரில்லா தான்காண் மறையோதி காண்எறிநீர் நஞ்சுண் டான்காண்எற்றாலுங் குறைவொன்று மில்லா தான்காண் இறையவன்காண் மறையவன்காண் ஈசன் றான்காண்செற்றார்கள் புரமூன்றுஞ் செற்றான் றான்காண் திருவாரூ ரான்காண்என் சிந்தை யானே.

சொற்பிரிப்பு

பொன்-தாது மலர்க்கொன்றை சூடி னான்காண்; புரிநூலன் காண்;பொடிஆர் மேனி யான்காண்;மற்றுஆரும் தன்ஒப்பார் இல்லா தான்காண்; மறைஓதி காண்;எறிநீர் நஞ்சுஉண் டான்காண்;எற்றாலும் குறைவுஒன்றும் இல்லா தான்காண்; இறையவன்காண்; மறையவன்காண்; ஈசன் தான்காண்;செற்றார்கள் புரம்மூன்றும் செற்றான் தான்காண்- திருஆரூ ரான்காண்என் சிந்தை யானே.

உரை

மூலத்தில் தமிழ் உரை இல்லை.