திருமுறை 6 · 6.014 · 11

திருநல்லூர்

அருளியவர்
திருநாவுக்கரசர்
பண்
திருத்தாண்டகம்
தலம்
நல்லூர்
நாடு
சோழநாடு காவிரித் தென்கரை

ஆறாம் திருமுறை ›

1

நினைந்துருகும் அடியாரை நைய வைத்தார் நில்லாமே தீவினைகள் நீங்க வைத்தார்சினந்திருகு களிற்றுரிவைப் போர்வை வைத்தார் செழுமதியின் தளிர்வைத்தார் சிறந்து வானோர்இனந்துருவி மணிமகுடத் தேறத் துற்ற இனமலர்கள் போதவிழ்ந்து மதுவாய்ப் பில்கிநனைந்தனைய திருவடியென் றலைமேல் வைத்தார் நல்லூரெம் பெருமானார் நல்ல வாறே.
சொற்பிரிப்பு
நினைந்து உருகும் அடியாரை நைய வைத்தார்; நில்லாமே தீவினைகள் நீங்க வைத்தார்;சினம் திருகு களிற்று உரிவைப் போர்வை வைத்தார்; செழுமதியின் தளிர் வைத்தார்; சிறந்து வானோர்-இனம் துருவி, மணிமகுடத்து ஏறத், துற்ற இனமலர்கள் போது அவிழ்ந்து மதுவாய்ப் பில்கிநனைந்தனைய திருவடி என் தலைமேல் வைத்தார்- நல்லூர் எம் பெருமானார் நல்லவாறே!
உரை

மூலத்தில் தமிழ் உரை இல்லை.

2

பொன்னலத்த நறுங்கொன்றை சடைமேல் வைத்தார் புலியுரியின் அதள்வைத்தார் புனலும் வைத்தார்மன்னலத்த திரள்தோள்மேல் மழுவாள் வைத்தார் வார்காதிற் குழைவைத்தார் மதியும் வைத்தார்மின்னலத்த நுண்ணிடையாள் பாகம் வைத்தார் வேழத்தி னுரிவைத்தார் வெண்ணூல் வைத்தார்நன்னலத்த திருவடியென் றலைமேல் வைத்தார் நல்லூரெம் பெருமானார் நல்ல வாறே.
சொற்பிரிப்பு
பொன் நலத்த நறுங்கொன்றை சடைமேல் வைத்தார்; புலிஉரியின் அதள் வைத்தார்; புனலும் வைத்தார்;மன்நலத்த திரள் தோள்மேல் மழுவாள் வைத்தார்; வார்காதில் குழை வைத்தார்; மதியும் வைத்தார்;மின்நலத்த நுண்இடையாள் பாகம் வைத்தார்; வேழத்தின் உரி வைத்தார்; வெண்நூல் வைத்தார்;நன்நலத்த திருவடி என் தலைமேல் வைத்தார்- நல்லூர் எம் பெருமானார் நல்லவாறே!
உரை

மூலத்தில் தமிழ் உரை இல்லை.

3

தோடேறும் மலர்க்கொன்றை சடைமேல் வைத்தார் துன்னெருக்கின் வடம்வைத்தார் துவலை சிந்தப்பாடேறு படுதிரைக ளெறிய வைத்தார் பனிமத்த மலர்வைத்தார் பாம்பும் வைத்தார்சேடேறு திருநுதன்மேல் நாட்டம் வைத்தார் சிலைவைத்தார் மலைபெற்ற மகளை வைத்தார்நாடேறு திருவடியென் றலைமேல் வைத்தார் நல்லூரெம் பெருமானார் நல்ல வாறே.
சொற்பிரிப்பு
தோடு ஏறும் மலர்க்கொன்றை சடைமேல் வைத்தார்; துன்எருக்கின் வடம் வைத்தார்; துவலை சிந்தப்,பாடு ஏறு படுதிரைகள் எறிய வைத்தார்; பனிமத்த மலர் வைத்தார்; பாம்பும் வைத்தார்;சேடு ஏறு திருநுதல் மேல் நாட்டம் வைத்தார்; சிலை வைத்தார்; மலைபெற்ற மகளை வைத்தார்;நாடு ஏறு திருவடி என் தலைமேல் வைத்தார்- நல்லூர் எம் பெருமானார் நல்லவாறே!
உரை

மூலத்தில் தமிழ் உரை இல்லை.

4

வில்லருளி வருபுருவத் தொருத்தி பாகம் பொருத்தாகி விரிசடைமே லருவி வைத்தார்கல்லருளி வரிசிலையா வைத்தார் ஊராக் கயிலாய மலைவைத்தார் கடவூர் வைத்தார்சொல்லருளி யறநால்வர்க் கறிய வைத்தார் சுடுசுடலைப் பொடிவைத்தார் துறவி வைத்தார்நல்லருளாற் றிருவடியென் றலைமேல் வைத்தார் நல்லூரெம் பெருமானார் நல்ல வாறே.
சொற்பிரிப்பு
வில் அருளி வரு புருவத்து ஒருத்தி பாகம் பொருத்து ஆகி, விரிசடைமேல் அருவி வைத்தார்;கல் அருளி வரி சிலையா வைத்தார்; ஊராக் கயிலாய மலை வைத்தார்; கடவூர் வைத்தார்;சொல் அருளி அறம் நால்வர்க்கு அறிய வைத்தார்; சுடுசுடலைப் பொடிவைத்தார்; துறவி வைத்தார்;நல்அருளால் - திருவடி என் தலைமேல் வைத்தார்- நல்லூர் எம் பெருமானார் நல்லவாறே!
உரை

மூலத்தில் தமிழ் உரை இல்லை.

5

விண்ணிரியுந் திரிபுரங்க ளெரிய வைத்தார் வினைதொழுவார்க் கறவைத்தார் துறவி வைத்தார்கண்ணெரியாற் காமனையும் பொடியா வைத்தார் கடிக்கமல மலர்வைத்தார் கயிலை வைத்தார்திண்ணெரியுந் தண்புனலு முடனே வைத்தார் திசைதொழுது மிசையமரர் திகழ்ந்து வாழ்த்திநண்ணரிய திருவடியென் றலைமேல் வைத்தார் நல்லூரெம் பெருமானார் நல்ல வாறே.
சொற்பிரிப்பு
விண் இரியும் திரிபுரங்கள் எரிய வைத்தார்; வினை,தொழுவார்க்கு அற வைத்தார்; துறவி வைத்தார்;கண்எரியால் காமனையும் பொடியா வைத்தார்; கடிக்கமலம் மலர் வைத்தார்; கயிலை வைத்தார்;திண் எரியும் தண் புனலும் உடனே வைத்தார்; திசைதொழுது மிசை அமரர் திகழ்ந்து வாழ்த்திநண்ணரிய திருவடி என் தலைமேல் வைத்தார்- நல்லூர் எம் பெருமானார் நல்லவாறே!
உரை

மூலத்தில் தமிழ் உரை இல்லை.

6

உற்றுலவு பிணியுலகத் தெழுமை வைத்தார் உயிர்வைத்தார் உயிர்செல்லுங் கதிகள் வைத்தார்மற்றமரர் கணம்வைத்தார் அமரர் காணா மறைவைத்தார் குறைமதியம் வளர வைத்தார்செற்றமலி யார்வமொடு காம லோபஞ் சிறவாத நெறிவைத்தார் துறவி வைத்தார்நற்றவர்சேர் திருவடியென் றலைமேல் வைத்தார் நல்லூரெம் பெருமானார் நல்ல வாறே.
சொற்பிரிப்பு
உற்று உலவு பிணி உலகத்து எழுமை வைத்தார்; உயிர் வைத்தார்; உயிர் செல்லும் கதிகள் வைத்தார்;மற்று அமரர் கணம் வைத்தார்; அமரர் காணா மறை வைத்தார்; குறைமதியம் வளர வைத்தார்;செற்றம் மலி ஆர்வமொடு காம லோபம் சிறவாத நெறி வைத்தார்; துறவி வைத்தார்;நற்றவர் சேர் திருவடி என் தலைமேல் வைத்தார்- நல்லூர் எம் பெருமானார் நல்லவாறே!
உரை

மூலத்தில் தமிழ் உரை இல்லை.

7

மாறுமலைந் தாரரண மெரிய வைத்தார் மணிமுடிமே லரவைத்தா ரணிகொள் மேனிநீறுமலிந் தெரியாடல் நிலவ வைத்தார் நெற்றிமேற் கண்வைத்தார் நிலையம் வைத்தார்ஆறுமலைந் தறுதிரைக ளெறிய வைத்தார் ஆர்வத்தா லடியமரர் பரவ வைத்தார்நாறுமலர்த் திருவடியென் றலைமேல் வைத்தார் நல்லூரெம் பெருமானார் நல்ல வாறே.
சொற்பிரிப்பு
மாறு மலைந்தார் அரணம் எரிய வைத்தார்; மணிமுடி மேல் அர வைத்தார்; அணிகொள் மேனிநீறு மலிந்து எரி ஆடல் நிலவ வைத்தார்; நெற்றிமேல் கண்வைத்தார்; நிலையம் வைத்தார்;ஆறு மலைந்து அறுதிரைகள் எறிய வைத்தார்; ஆர்வத்தால் அடி அமரர் பரவ வைத்தார்;நாறுமலர்த் திருவடி என் தலைமேல் வைத்தார்- நல்லூர் எம் பெருமானார் நல்லவாறே!
உரை

மூலத்தில் தமிழ் உரை இல்லை.

8

குலங்கள்மிகும் அலைகடல்கள் ஞாலம் வைத்தார் குருமணிசே ரரவைத்தார் கோலம் வைத்தார்உலங்கிளரும் அரவத்தின் உச்சி வைத்தார் உண்டருளி விடம்வைத்தார் எண்டோ ள் வைத்தார்நிலங்கிளரும் புனல்கனலுள் அனிலம் வைத்தார் நிமிர்விசும்பின் மிசைவைத்தார் நினைந்தா ரிந்நாள்நலங்கிளருந் திருவடியென் றலைமேல் வைத்தார் நல்லூரெம் பெருமானார் நல்ல வாறே.
சொற்பிரிப்பு
குலங்கள் மிகும் மலை,கடல்கள், ஞாலம், வைத்தார்; குருமணி சேர் அர வைத்தார்; கோலம் வைத்தார்;உலம் கிளரும் அரவத்தின் உச்சி வைத்தார்; உண்டு அருளி விடம் வைத்தார்; எண்தோள் வைத்தார்;நிலம் கிளரும் புனல் கனலுள் அனிலம் வைத்தார்; நிமிர் விசும்பின் மிசை வைத்தார்; நினைந்தார் இந்நாள்நலம் கிளரும் திருவடி என் தலைமேல் வைத்தார்- நல்லூர் எம் பெருமானார் நல்லவாறே!
உரை

மூலத்தில் தமிழ் உரை இல்லை.

9

சென்றுருளுங் கதிரிரண்டும் விசும்பில் வைத்தார் திசைபத்தும் இருநிலத்தில் திருந்த வைத்தார்நின்றருளி யடியமரர் வணங்க வைத்தார் நிறைதவமும் மறைபொருளும் நிலவ வைத்தார்கொன்றருளிக் கொடுங்கூற்றம் நடுங்கி யோடக் குரைகழற்சே வடிவைத்தார் விடையும் வைத்தார்நன்றருளுந் திருவடியென் றலைமேல் வைத்தார் நல்லூரெம் பெருமானார் நல்ல வாறே.
சொற்பிரிப்பு
சென்று உருளும் கதிர் இண்டும் விசும்பில் வைத்தார்; திசை பத்தும் இருநிலத்தில் திருந்த வைத்தார்;நின்று அருளி அடி அமரர் வணங்க வைத்தார்; நிறை தவமும் மறைபொருளும் நிலவ வைத்தார்;கொன்று அருளிக், கொடுங்கூற்றம் நடுங்கி ஓடக், குரைகழல் சேவடி வைத்தார் விடையும் வைத்தார்;நன்று அருளும் திருவடி என் தலைமேல் வைத்தார்- நல்லூர் எம் பெருமானார் நல்லவாறே!
உரை

மூலத்தில் தமிழ் உரை இல்லை.

10

பாம்புரிஞ்சி மதிகிடந்து திரைக ளேங்கப் பனிக்கொன்றை சடைவைத்தார் பணிசெய் வானோர்ஆம்பரிசு தமக்கெல்லாம் அருளும் வைத்தார் அடுசுடலைப் பொடிவைத்தார் அழகும் வைத்தார்ஓம்பரிய வல்வினைநோய் தீர வைத்தார் உமையையொரு பால்வைத்தார் உகந்து வானோர்நாம்பரவுந் திருவடியென் றலைமேல் வைத்தார் நல்லூரெம் பெருமானார் நல்ல வாறே.
சொற்பிரிப்பு
பாம்பு உரிஞ்சி, மதி கிடந்து திரைகள் ஏங்கப், பனிக்கொன்றை சடை வைத்தார்; பணிசெய் வானோர்ஆம் பரிசு தமக்கு எல்லாம் அருளும் வைத்தார்; அடுசுடலைப் பொடிவைத்தார்; அழகும் வைத்தார்;ஓம்பரிய வல்வினை நோய் தீர வைத்தார்; உமையை ஒரு பால் வைத்தார்; உகந்து வானோர்,நாம்,பரவும் திருவடி என் தலைமேல் வைத்தார்- நல்லூர் எம் பெருமானார் நல்லவாறே!
உரை

மூலத்தில் தமிழ் உரை இல்லை.

11

குலங்கிளரும் வருதிரைக ளேழும் வைத்தார் குருமணிசேர் மலைவைத்தார் மலையைக் கையால்உலங்கிளர எடுத்தவன்றோள் முடியும் நோவ ஒருவிரலா லுறவைத்தார் இறைவா வென்றுபுலம்புதலும் அருளொடுபோர் வாளும் வைத்தார் புகழ்வைத்தார் புரிந்தாளாக் கொள்ள வைத்தார்நலங்கிளருந் திருவடியென் றலைமேல் வைத்தார் நல்லூரெம் பெருமானார் நல்ல வாறே.
சொற்பிரிப்பு
குலம் கிளரும் வருதிரைகள் ஏழும் வைத்தார்; குருமணிசேர் மலை வைத்தார்; மலையைக் கையால்உலம் கிளர எடுத்தவன் தோள் முடியும் நோவ ஒரு விரலால் உற வைத்தார் “இறைவா!” என்றுபுலம்புதலும், அருளொடு போர் வாளும் வைத்தார்; புகழ் வைத்தார்; புரிந்து ஆளாக் கொள்ள வைத்தார்;நலம் கிளரும் திருவடி என் தலை மேல் வைத்தார்- நல்லூர் எம் பெருமானார் நல்லவாறே!
உரை

மூலத்தில் தமிழ் உரை இல்லை.