திருஆமாத்தூர்

அருளியவர்: திருநாவுக்கரசர்
பண்: திருத்தாண்டகம்
தலம்: ஆமாத்தூர்
நாடு: நடுநாடு

1

வண்ணங்கள் தாம்பாடி வந்து நின்று வலிசெய்து வளைகவர்ந்தார் வகையால் நம்மைக்கண்ணம்பால் நின்றெய்து கனலப் பேசிக் கடியதோர் விடையேறிக் காபா லியார்சுண்ணங்கள் தாங்கொண்டு துதையப் பூசித் தோலுடுத்து நூல்பூண்டு தோன்றத் தோன்றஅண்ணலார் போகின்றார் வந்து காணீர் அழகியரே ஆமாத்தூர் ஐய னாரே.

சொற்பிரிப்பு

வண்ணங்கள் தாம்பாடி, வந்து நின்று, வலிசெய்து, வளைகவர்ந்தார் - வகையால் நம்மைக்கண்அம்பால் நின்றுஎய்து, கனலப் பேசிக், கடியதுஓர் விடைஏறிக் காபா லியார்;சுண்ணங்கள் தாம்கொண்டு துதையப் பூசித் தோல்உடுத்து நூல்பூண்டு தோன்றத் தோன்றஅண்ணலார் போகின்றார்; வந்து காணீர்- அழகியரே, ஆமாத்தூர் ஐய னாரே.

உரை

மூலத்தில் தமிழ் உரை இல்லை.

2

வெந்தார்வெண் பொடிப்பூசி வெள்ளை மாலை விரிசடைமேற் றாஞ்சூடி வீணை யேந்திக்கந்தாரந் தாமுரலாப் போகா நிற்கக் கறைசேர் மணிமிடற்றீ ரூரே தென்றேன்நொந்தார்போல் வந்தென தில்லே புக்கு நுடங்கே ரிடைமடவாய் நம்மூர் கேட்கில்அந்தா மரைமலர்மேல் அளிவண் டியாழ்செய் ஆமாத்தூர் என்றடிகள் போயி னாரே.

சொற்பிரிப்பு

வெந்தார்வெண் பொடிப்பூசி, வெள்ளை மாலை விரிசடைமேல்-– தாம்சூடி, வீணை ஏந்திக்கந்தாரம் தாம்முரலாப், போகா நிற்கக், “கறைசேர் மணிமிடற்றீர்! ஊர்ஏது?” என்றேன்;நொந்தார்போல் வந்துஎனது இல்லே புக்கு “நுடங்குஏர் இடைமடவாய்! நம்ஊர் கேட்கில்,அந்தா மரைமலர்மேல் அளி-வண்டு யாழ்செய் ஆமாத்தூர்” என்ற,அடிகள் போயி னாரே.

உரை

மூலத்தில் தமிழ் உரை இல்லை.

3

கட்டங்கந் தாமொன்று கையி லேந்திக் கடிய விடையேறிக் காபா லியார்இட்டங்கள் தாம்பேசி இல்லே புக்கு இடும்பலியும் இடக்கொள்ளார் போவா ரல்லர்பட்டிமையும் படிறுமே பேசா நின்றார் பார்ப்பாரைப் பரிசழிப்பார் போல்கின் றார்தாம்அட்டிய சில்பலியுங் கொள்ளார் விள்ளார் அழகியரே ஆமாத்தூர் ஐய னாரே.

சொற்பிரிப்பு

கட்டங்கம் தாம்ஒன்று கையில் ஏந்திக், கடிய விடைஏறிக் - காபா லியார்-இட்டங்கள் தாம்பேசி, இல்லே புக்கு, இடும்பலியும் இடக்கொள்ளார்; போவார் அல்லர்;பட்டிமையும் படிறுமே பேசு கின்றார்; பார்ப்பாரைப் பரிசுஅழிப்பார் போல்கின் றார்,தாம்;அட்டிய சில்பலியும் கொள்ளார்; விள்ளார்- அழகியரே ஆமாத்தூர் ஐய னாரே.

உரை

மூலத்தில் தமிழ் உரை இல்லை.

4

பசைந்தபல பூதத்தர் பாட லாடல் படநாகக் கச்சையர் பிச்சைக் கென்றங்கிசைந்ததோ ரியல்பினர் எரியின் மேனி இமையாமுக் கண்ணினர் நால்வே தத்தர்பிசைந்ததிரு நீற்றினர் பெண்ணோர் பாகம் பிரிவறியாப் பிஞ்ஞகனார் தெண்ணீர்க் கங்கைஅசைந்த திருமுடியர் அங்கைத் தீயர் அழகியரே ஆமாத்தூர் ஐய னாரே.

சொற்பிரிப்பு

பசைந்தபல பூதத்தர், பாடல் ஆடல், படநாகக் கச்சையர்; பிச்சைக்கு என்றுஅங்குஇசைந்ததுஓர் இயல்பினர்; எரியின் மேனி இமையாமுக் கண்ணினர்; நால்வே தத்தர்;பிசைந்ததிரு நீற்றினர்; பெண்ஓர் பாகம் பிரிவுஅறியாப் பிஞ்ஞகனார்; தெண்நீர்க் கங்கைஅசைந்த திருமுடியர்; அங்கைத் தீயர்- அழகியரே, ஆமாத்தூர் ஐய னாரே.

உரை

மூலத்தில் தமிழ் உரை இல்லை.

5

உருளுடைய தேர்புரவி யோடும் யானை ஒன்றாலுங் குறைவில்லை ஊர்தி வெள்ளேறிருளுடைய கண்டத்தர் செந்தீ வண்ணர் இமையவர்கள் தொழுதேத்தும் இறைவ னார்தாம்பொருளுடைய ரல்லர் இலரு மல்லர் புலித்தோ லுடையாகப் பூதஞ் சூழஅருளுடைய அங்கோதை மாலை மார்பர் அழகியரே ஆமாத்தூர் ஐய னாரே.

சொற்பிரிப்பு

உருள்உடைய தேர்,புரவி யோடும், யானை ஒன்றாலும் குறைவுஇல்லை; ஊர்தி வெள்ஏறு;இருள்உடைய கண்டத்தர்; செந்தீ வண்ணர்; இமையவர்கள் தொழுதுஏத்தும் இறைவ னார்,தாம்;பொருள்உடையர் அல்லர்; இலரும் அல்லர்; புலித்தோல் உடைஆகப் பூதம் சூழ,அருள்உடைய அம்கோதை, மாலை மார்பர்- அழகியரே, ஆமாத்தூர் ஐய னாரே.

உரை

மூலத்தில் தமிழ் உரை இல்லை.

6

வீறுடைய ஏறேறி நீறு பூசி வெண்தோடு பெய்திடங்கை வீணை யேந்திக்கூறுடைய மடவாளோர் பாகங் கொண்டு குழையாடக் கொடுகொட்டி கொட்டா வந்துபாறுடைய படுதலையோர் கையி லேந்திப் பலிகொள்வா ரல்லர் படிறே பேசிஆறுடைய சடைமுடியெம் மடிகள் போலும் அழகியரே ஆமாத்தூர் ஐய னாரே.

சொற்பிரிப்பு

வீறுஉடைய ஏறுஏறி, நீறு பூசி, வெண்தோடு பெய்து,இடங்கை வீணை ஏந்திக்,கூறுஉடைய மடவாள்ஓர் பாகம் கொண்டு, குழைஆடக், கொடுகொட்டி கொட்டா, வந்துபாறுஉடைய படுதலைஓர் கையில் ஏந்திப், பலிகொள்வார் அல்லர், படிறே பேசி;ஆறுஉடைய சடைமுடிஎம் அடிகள் போலும்- அழகியரே, ஆமாத்தூர் ஐய னாரே.

உரை

மூலத்தில் தமிழ் உரை இல்லை.

7

கையோர் கபாலத்தர் மானின் றோலர் கருத்துடையர் நிருத்தராய்க் காண்பார் முன்னேசெய்ய திருமேனி வெண்ணீ றாடித் திகழ்புன் சடைமுடிமேல் திங்கள் சூடிமெய்யொரு பாகத் துமையை வைத்து மேவார் திரிபுரங்கள் வேவச் செய்துஐயனார் போகின்றார் வந்து காணீர் அழகியரே ஆமாத்தூர் ஐய னாரே.

சொற்பிரிப்பு

கைஓர் கபாலத்தர்; மானின் தோலர்; கருத்துஉடையர் நிருத்தராய்க் காண்பார் முன்னே,செய்ய திருமேனி வெண்நீறு ஆடித், திகழ்புன் சடைமுடிமேல் - திங்கள் சூடி,மெய்ஒரு பாகத்து உமையை வைத்து மேவார் திரிபுரங்கள் வேவச் செய்து(வ்)ஐயனார் போகின்றார்; வந்து காணீர்- அழகியரே, ஆமாத்தூர் ஐய னாரே.

உரை

மூலத்தில் தமிழ் உரை இல்லை.

8

ஒன்றாலுங் குறைவில்லை ஊர்தி வெள்ளே றொற்றியூர் உம்மூரே உணரக் கூறீர்நின்றுதான் என்செய்வீர் போவீ ராகில் நெற்றிமேற் கண்காட்டி நிறையுங் கொண்டீர்என்றுந்தான் இவ்வகையே இடர்செய் கின்றீர் இருக்குமூர் இனியறிந்தோம் ஏகம் பமோஅன்றித்தான் போகின்றீர் அடிக ளெம்மோ டழகியரே ஆமாத்தூர் ஐய னாரே.

சொற்பிரிப்பு

“ஒன்றாலும் குறைவில்லை; ஊர்தி வெள்ஏறு ஒற்றியூர் உம்ஊரே? உணரக் கூறீர்!நின்றுதான் என்செய்வீர், போவீர் ஆகில்? நெற்றிமேல் கண்காட்டி நிறையும் கொண்டீர்;என்றும்தான் இவ்வகையே இடர்செய் கின்றீர்; இருக்கும்ஊர் இனிஅறிந்தோம், ஏகம் ப(ம்)மோ?அன்றித்தான் போகின்றீர், அடிகள்! எம்மோடு;”- அழகியரே, ஆமாத்தூர் ஐய னாரே.

உரை

மூலத்தில் தமிழ் உரை இல்லை.

9

கல்லலகு தாங்கொண்டு காளத் தியார் கடியவிடை யேறிக் காணக் காணஇல்லமே தாம்புகுதா இடுமின் பிச்சை என்றாருக் கெதிரெழுந்தேன் எங்குங் காணேன்சொல்லாதே போகின்றீர் உம்மூ ரேது துருத்தி பழனமோ நெய்த்தானமோஅல்லலே செய்தடிகள் போகின் றார்தாம் அழகியரே ஆமாத்தூர் ஐய னாரே.

சொற்பிரிப்பு

கல்லலகு தாம்கொண்டு, காளத் தி(ய்)யார், கடிய விடைஏறிக், காணக் காணஇல்லமே தாம்புகுதா, “இடுமின் பிச்சை என்றாருக்கு எதிர்எழுந்தேன்; எங்கும் காணேன்;“சொல்லாதே போகின்றீர்; உம்ஊர் ஏது? துருத்தி? பழனமோ? நெய்த்தானமோ?அல்லலே செய்துஅடிகள் போகின் றார்,தாம்- அழகியரே, ஆமாத்தூர் ஐய னாரே.

உரை

மூலத்தில் தமிழ் உரை இல்லை.

10

மழுங்கலா நீறாடும் மார்பர் போலும் மணிமிழலை மேய மணாளர் போலுங்கொழுங்குவளைக் கோதைக் கிறைவர் போலுங் கொடுகொட்டி தாள முடையார் போலுஞ்செழுங்கயி லாயத்தெஞ் செல்வர் போலுந் தென்னதிகை வீரட்டஞ் சேர்ந்தார் போலும்அழுங்கினார் ஐயுறவு தீர்ப்பார் போலும் அழகியரே ஆமாத்தூர் ஐய னாரே.

சொற்பிரிப்பு

மழுங்கலா நீறுஆடும் மார்பர் போலும்; மணிமிழலை மேய மணாளர் போலும்;கொழுங்குவளைக் கோதைக்கு இறைவர் போலும்; கொடுகொட்டி, தாளம், உடையார் போலும்;செழுங்கயி லாயத்துஎம் செல்வர் போலும்; தென்அதிகை வீரட்டம் சேர்ந்தார் போலும்;அழுங்கினார் ஐயுறவு தீர்ப்பார் போலும்- அழகியரே, ஆமாத்தூர் ஐய னாரே.

உரை

மூலத்தில் தமிழ் உரை இல்லை.