திருவதிகைவீரட்டானம்

அருளியவர்: திருநாவுக்கரசர்
பண்: திருத்தாண்டகம்
தலம்: அதிகை வீரட்டானம்
நாடு: நடுநாடு

1

அரவணையான் சிந்தித் தரற்றும்மடி அருமறையான் சென்னிக் கணியாமடிசரவணத்தான் கைதொழுது சாரும்மடி சார்ந்தார்கட் கெல்லாஞ் சரணாமடிபரவுவார் பாவம் பறைக்கும்மடி பதினெண் கணங்களும் பாடும்மடிதிரைவிரவு தென்கெடில நாடன்னடி திருவீரட் டானத்தெஞ் செல்வனடி.

சொற்பிரிப்பு

அரவுஅணையான் சிந்தித்து அரற்றும் அடி; அருமறையான் சென்னிக்கு அணிஆம் அடி;சரவணத்தான் கைதொழுது சாரும் அடி; சார்ந்தார்கட்கு எல்லாம் சரண்ஆம் அடி;பரவுவார் பாவம் பறைக்கும் அடி; பதினெண் கணங்களும் பாடும் அடி;திரைவிரவு தென்கெடில நாடன் அடி; திருவீரட் டானத்துஎம் செல்வன் அடி.

உரை

மூலத்தில் தமிழ் உரை இல்லை.

2

கொடுவினையா ரென்றுங் குறுகாவடி குறைந்தடைந்தார் ஆழாமைக் காக்கும்மடிபடுமுழவம் பாணி பயிற்றும்மடி பதைத்தெழுந்த வெங்கூற்றைப் பாய்ந்தவடிகடுமுரணே றூர்ந்தான் கழற்சேவடி கடல்வையங் காப்பான் கருதும்மடிநெடுமதியங் கண்ணி யணிந்தானடி நிறைகெடில வீரட்டம் நீங்காவடி.

சொற்பிரிப்பு

கொடுவினையார் என்றும் குறுகா அடி; குறைந்துஅடைந்தார் ஆழாமைக் காக்கும் அடி;படுமுழவம் பாணி பயிற்றும் அடி; பதைத்துஎழுந்த வெங்கூற்றைப் பாய்ந்த(வ்) அடி;கடுமுரண்ஏறு ஊர்ந்தான் கழல்சே வடி; கடல்வையம் காப்பான் கருதும் அடி;நெடுமதியம் கண்ணி அணிந்தான் அடி- நிறைகெடில வீரட்டம் நீங்கா அடி.

உரை

மூலத்தில் தமிழ் உரை இல்லை.

3

வைதெழுவார் காமம்பொய் போகாவடி வஞ்சவலைப் பாடொன் றில்லாவடிகைதொழுது நாமேத்திக் காணும்மடி கணக்கு வழக்கைக் கடந்தவடிநெய்தொழுது நாமேத்தி யாட்டும்மடி நீள்விசும்பை ஊடறுத்து நின்றவடிதெய்வப் புனற்கெடில நாடன்னடி திருவீரட் டானத்தெஞ் செல்வனடி.

சொற்பிரிப்பு

வைதுஎழுவார் காமம்,பொய், போகா அடி; வஞ்சவலைப் பாடுஒன்று இல்லா அடி;கைதொழுது நாம்ஏத்திக் காணும் அடி; கணக்கு வழக்கைக் கடந்த(வ்) அடி;நெய்-தொழுது, நாம்ஏத்தி - ஆட்டும் அடி; நீள்விசும்பை ஊடுஅறுத்து நின்ற அடி;தெய்வப் புனல்கெடில நாடன் அடி- திருவீரட் டானத்துஎம் செல்வன் அடி.

உரை

மூலத்தில் தமிழ் உரை இல்லை.

4

அரும்பித்த செஞ்ஞாயி றேய்க்கும்மடி அழகெழுத லாகா அருட்சேவடிசுரும்பித்த வண்டினங்கள் சூழ்ந்தவடி சோமனையுங் காலனையுங் காய்ந்தவடிபெரும்பித்தர் கூடிப் பிதற்றும்மடி பிழைத்தார் பிழைப்பறிய வல்லவடிதிருந்துநீர்த் தென்கெடில நாடன்னடி திருவீரட் டானத்தெஞ் செல்வனடி.

சொற்பிரிப்பு

அரும்பித்த செஞ்ஞாயிறு ஏய்க்கும் அடி; அழகுஎழுதல் ஆகா அருள்சே அடி;சுரும்பித்த வண்டுஇனங்கள் சூழ்ந்த(வ்) அடி; சோமனையும் காலனையும் காய்ந்த(வ்) அடி;பெரும்பித்தர் கூடிப் பிதற்றும் அடி; பிழைத்தார் பிழைப்புஅறிய வல்ல(வ்) அடி;திருந்துநீர்த் தென்கெடில நாடன் அடி; திருவீரட் டானத்துஎம் செல்வன் அடி.

உரை

மூலத்தில் தமிழ் உரை இல்லை.

5

ஒருகாலத் தொன்றாகி நின்றவடி ஊழிதோ றூழி உயர்ந்தவடிபொருகழலும் பல்சிலம்பும் ஆர்க்கும்மடி புகழ்வார் புகழ்தகைய வல்லவடிஇருநிலத்தார் இன்புற்றங் கேத்தும்மடி இன்புற்றார் இட்டபூ ஏறும்மடிதிருவதிகைத் தென்கெடில நாடன்னடி திருவீரட் டானத்தெஞ் செல்வனடி.

சொற்பிரிப்பு

ஒருகாலத்து ஒன்றுஆகி நின்ற(வ்) அடி; ஊழிதோறு ஊழி உயர்ந்த(வ்) அடி;பொருகழலும் பல்சிலம்பும் ஆர்க்கும் அடி; புகழ்வார் புகழ்தகைய வல்ல(வ்) அடி;இருநிலத்தார் இன்புஉற்றஅங்கு ஏத்தும் அடி; இன்புஉற்றார் இட்டபூ ஏறும் அடி;திருஅதிகைத் தென்கெடில நாடன் அடி; திருவீரட் டானத்துஎம் செல்வன் அடி.

உரை

மூலத்தில் தமிழ் உரை இல்லை.

6

திருமகட்குச் செந்தா மரையாமடி சிறந்தவர்க்குத் தேனாய் விளைக்கும்மடிபொருளவர்க்குப் பொன்னுரையாய் நின்றவடி புகழ்வார் புகழ்தகைய வல்லவடிஉருவிரண்டு மொன்றோடொன் றொவ்வாவடி உருவென் றுணரப் படாதவடிதிருவதிகைத் தென்கெடில நாடன்னடி திருவீரட் டானத்தெஞ் செல்வனடி.

சொற்பிரிப்பு

திருமகட்குச் செந்தா மரைஆம் அடி; சிறந்தவர்க்குத் தேன்ஆய் விளைக்கும் அடி;பொருளவர்க்குப் பொன்உரைஆய் நின்ற(வ்) அடி; புகழ்வார் புகழ்தகைய வல்ல(வ்) அடி;உருஇரண்டும் ஒன்றோடுஒன்று ஒவ்வா அடி; உருஎன்று உணரப் படாத(வ்) அடி;திருஅதிகைத் தென்கெடில நாடன் அடி; திருவீரட் டானத்துஎம் செல்வன் அடி.

உரை

மூலத்தில் தமிழ் உரை இல்லை.

7

உரைமாலை யெல்லா முடையவடி உரையால் உணரப் படாதவடிவரைமாதை வாடாமை வைக்கும்மடி வானவர்கள் தாம்வணங்கி வாழ்த்தும்மடிஅரைமாத் திரையில் லடங்கும்மடி அகலம் அளக்கிற்பார் இல்லாவடிகரைமாங் கலிக்கெடில நாடன்னடி கமழ்வீரட் டானக் காபாலியடி.

சொற்பிரிப்பு

உரைமாலை எல்லாம் உடைய(வ்) அடி; உரையால் உணரப் படாத(வ்) அடி;வரைமாதை வாடாமை வைக்கும் அடி; வானவர்கள் தாம்வணங்கி வாழ்த்தும் அடி;அரைமாத் திரையில் அடங்கும் அடி; அகலம் அளக்கிற்பார் இல்லா அடி;கரைமாங் கலிக்கெடில நாடன் அடி; கமழ்வீரட் டானக்கா பாலி(ய்) அடி.

உரை

மூலத்தில் தமிழ் உரை இல்லை.

8

நறுமலராய் நாறு மலர்ச்சேவடி நடுவாய் உலகநா டாயவடிசெறிகதிருந் திங்களுமாய் நின்றவடி தீத்திரளா யுள்ளே திகழ்ந்தவடிமறுமதியை மாசு கழுவும்மடி மந்திரமுந் தந்திரமு மாயவடிசெறிகெடில நாடர் பெருமானடி திருவீரட் டானத்தெஞ் செல்வனடி.

சொற்பிரிப்பு

நறுமலர்ஆய் நாறும் மலர்ச்சே அடி; நடுஆய் உலகம்நாடு ஆய(வ்) அடி;செறிகதிரும் திங்களும்ஆய் நின்ற(வ்) அடி; தீத்திரள்ஆய் உள்ளே திகழ்ந்த(வ்) அடி;மறுமதியை மாசு கழுவும் அடி; மந்திரமும் தந்திரமும் ஆய(வ்) அடி;செறிகெடில நாடர் பெருமான் அடி- திருவீரட் டானத்துஎம் செல்வன் அடி.

உரை

மூலத்தில் தமிழ் உரை இல்லை.

9

அணியனவுஞ் சேயனவு மல்லாவடி அடியார்கட் காரமுத மாயவடிபணிபவர்க்குப் பாங்காக வல்லவடி பற்றற்றார் பற்றும் பவளவடிமணியடி பொன்னடி மாண்பாமடி மருந்தாய்ப் பிணிதீர்க்க வல்லவடிதணிபாடு தண்கெடில நாடன்னடி தகைசார் வீரட்டத் தலைவனடி.

சொற்பிரிப்பு

அணியனவும் சேயனவும் அல்லா அடி; அடியார்கட்கு ஆர்அமுதம் ஆய(வ்) அடி;பணிபவர்க்குப் பாங்குஆக வல்ல(வ்) அடி; பற்றுஅற்றார் பற்றும் பவள(வ்) அடி;மணிஅடி; பொன்அடி; மாண்புஆம் அடி; மருந்துஆய்ப் பிணிதீர்க்க வல்ல(வ்) அடி;தணிபுஆடு தண்கெடில நாடன் அடி; தகைசார் வீரட்டத் தலைவன் அடி.

உரை

மூலத்தில் தமிழ் உரை இல்லை.

10

அந்தாம ரைப்போ தலர்ந்தவடி அரக்கனையும் ஆற்றல் அழித்தவடிமுந்தாகி முன்னே முளைத்தவடி முழங்கழலாய் நீண்டவெம் மூர்த்தியடிபந்தாடு மெல்விரலாள் பாகன்னடி பவளத் தடவரையே போல்வானடிவெந்தார் சுடலைநீ றாடும்மடி வீரட்டங் காதல் விமலனடி.

சொற்பிரிப்பு

அம்தா மரைப்போது அலர்ந்த(வ்) அடி; அரக்கனையும் ஆற்றல் அழித்த(வ்) அடி;முந்துஆகி முன்னே முளைத்த(வ்) அடி; முழங்குஅழல்ஆய் நீண்டஎம் மூர்த்தி(வ்) அடி;பந்துஆடு மெல்விரலாள் பாகன் அடி; பவளத் தடவரையே போல்வான் அடி;வெந்தார் சுடலைநீறு ஆடும் அடி; வீரட்டம் காதல் விமலன் அடி.

உரை

மூலத்தில் தமிழ் உரை இல்லை.