திருவீரட்டானம்

அருளியவர்: திருநாவுக்கரசர்
பண்: திருத்தாண்டகம்
தலம்: அதிகை வீரட்டானம்
நாடு: நடுநாடு

1

எல்லாஞ் சிவனென்ன நின்றாய் போற்றி எரிசுடராய் நின்ற இறைவா போற்றிகொல்லார் மழுவாட் படையாய் போற்றி கொல்லுங் கூற்றொன்றை உதைத்தாய் போற்றிகல்லாதார் காட்சிக் கரியாய் போற்றி கற்றா ரிடும்பை களைவாய் போற்றிவில்லால் வியனரணம் எய்தாய் போற்றி வீரட்டங் காதல் விமலா போற்றி.

சொற்பிரிப்பு

எல்லாம் சிவன்என்ன நின்றாய், போற்றி! எரிசுடர்ஆய் நின்ற இறைவா, போற்றி!கொல்லார் மழுவாள் படையாய், போற்றி! கொல்லும் கூற்றுஒன்றை உதைத்தாய், போற்றி!கல்லாதார் காட்சிக்கு அரியாய், போற்றி! கற்றார் இடும்பை களைவாய், போற்றி!வில்லால் வியன்அரணம் எய்தாய், போற்றி!- வீரட்டம் காதல் விமலா, போற்றி!

உரை

மூலத்தில் தமிழ் உரை இல்லை.

2

பாட்டுக்கும் ஆட்டுக்கும் பண்பா போற்றி பல்லூழி யாய படைத்தாய் போற்றிஓட்டகத்தே யூணா உகந்தாய் போற்றி உள்குவார் உள்ளத் துறைவாய் போற்றிகாட்டகத்தே ஆடல் மகிழ்ந்தாய் போற்றி கார்மேக மன்ன மிடற்றாய் போற்றிஆட்டுவதோர் நாகம் அசைத்தாய் போற்றி அலைகெடில வீரட்டத் தாள்வாய் போற்றி.

சொற்பிரிப்பு

பாட்டுக்கும் ஆட்டுக்கும் பண்பா, போற்றி! பல்ஊழி ஆய படைத்தாய், போற்றி!ஓட்டுஅகத்தே ஊணா உகந்தாய், போற்றி! உள்குவார் உள்ளத்து உறைவாய், போற்றி!காட்டுஅகத்தே ஆடல் மகிழ்ந்தாய், போற்றி! கார்மேகம் அன்ன மிடற்றாய், போற்றி!ஆட்டுவதுஓர் நாகம் அசைத்தாய், போற்றி!- அலைகெடில வீரட்டத்து ஆள்வாய், போற்றி!

உரை

மூலத்தில் தமிழ் உரை இல்லை.

3

முல்லையங் கண்ணி முடியாய் போற்றி முழுநீறு பூசிய மூர்த்தி போற்றிஎல்லை நிறைந்த குணத்தாய் போற்றி ஏழ்நரம்பி னோசை படைத்தாய் போற்றிசில்லைச் சிரைத்தலையில் ஊணா போற்றி சென்றடைந்தார் தீவினைகள் தீர்ப்பாய் போற்றிதில்லைச்சிற் றம்பல மேயாய் போற்றி திருவீரட் டானத்தெஞ் செல்வா போற்றி.

சொற்பிரிப்பு

முல்லைஅம் கண்ணி முடியாய், போற்றி! முழுநீறு பூசிய மூர்த்தி, போற்றி!எல்லை நிறைந்த குணத்தாய், போற்றி! ஏழ்நரம்பின் ஓசை படைத்தாய், போற்றி!சில்லைச் சிரைத்தலையில் ஊணா, போற்றி! சென்றுஅடைந்தார் தீவினைகள் தீர்ப்பாய், போற்றி!தில்லைச்சிற் றம்பலம் மேயாய், போற்றி!- திருவீரட் டானத்துஎம் செல்வா, போற்றி!

உரை

மூலத்தில் தமிழ் உரை இல்லை.

4

சாம்பர் அகலத் தணிந்தாய் போற்றி தவநெறிகள் சாதித்து நின்றாய் போற்றிகூம்பித் தொழுவார்தங் குற்றே வலைக் குறிக்கொண் டிருக்குங் குழகா போற்றிபாம்பும் மதியும் புனலுந் தம்மிற் பகைதீர்த் துடன்வைத்த பண்பா போற்றிஆம்பல் மலர்கொண் டணிந்தாய் போற்றி அலைகெடில வீரட்டத் தாள்வாய் போற்றி.

சொற்பிரிப்பு

சாம்பர் அகலத்து அணிந்தாய், போற்றி! தவநெறிகள் சாதித்து நின்றாய், போற்றி!கூம்பித் தொழுவார்தம் குற்றே வ(ல்)லைக் குறிக்கொண்டு இருக்கும் குழகா, போற்றி!பாம்பும் மதியும் புனலும் தம்மில் பகைதீர்த்து உடன்வைத்த பண்பா, போற்றி!ஆம்பல் மலர்கொண்டு அணிந்தாய், போற்றி!- அலைகெடில வீரட்டத்து ஆள்வாய், போற்றி!

உரை

மூலத்தில் தமிழ் உரை இல்லை.

5

நீறேறு நீல மிடற்றாய் போற்றி நிழல்திகழும் வெண்மழுவாள் வைத்தாய் போற்றிகூறே றுமையொருபாற் கொண்டாய் போற்றி கோளரவம் ஆட்டுங் குழகா போற்றிஆறேறு சென்னி யுடையாய் போற்றி அடியார்கட் காரமுத மானாய் போற்றிஏறேற என்றும் உகப்பாய் போற்றி இருங்கெடில வீரட்டத் தெந்தாய் போற்றி.

சொற்பிரிப்பு

நீறுஏறு நீல மிடற்றாய், போற்றி! நிழல்திகழும் வெண்மழுவாள் வைத்தாய், போற்றி!கூறுஏறு உமைஒருபால் கொண்டாய், போற்றி! கோள்அரவம் ஆட்டும் குழகா, போற்றி!ஆறுஏறு சென்னி உடையாய், போற்றி! அடியார்கட்கு ஆர்அமுதம் ஆனாய், போற்றி!ஏறுஏற என்றும் உகப்பாய், போற்றி!- இருங்கெடில வீரட்டத்து எந்தாய், போற்றி.

உரை

மூலத்தில் தமிழ் உரை இல்லை.

6

பாடுவார் பாட லுகப்பாய் போற்றி பழையாற்றுப் பட்டீச் சுரத்தாய் போற்றிவீடுவார் வீடருள வல்லாய் போற்றி வேழத் துரிவெருவப் போர்த்தாய் போற்றிநாடுவார் நாடற் கரியாய் போற்றி நாகம் அரைக்கசைத்த நம்பா போற்றிஆடுமா னைந்தும் உகப்பாய் போற்றி அலைகெடில வீரட்டத் தாள்வாய் போற்றி.

சொற்பிரிப்பு

பாடுவார் பாடல் உகப்பாய், போற்றி! பழையாற்றுப் பட்டீச் சுரத்தாய், போற்றி!வீடுவார் வீடுஅருள வல்லாய், போற்றி! வேழத்து உரிவெருவப் போர்த்தாய், போற்றி!நாடுவார் நாடற்கு அரியாய், போற்றி! நாகம் அரைக்குஅசைத்த நம்பா, போற்றி!ஆடும்ஆன் அஞ்சும் உகப்பாய், போற்றி!- அலைகெடில வீரட்டத்து ஆள்வாய், போற்றி!

உரை

மூலத்தில் தமிழ் உரை இல்லை.

7

மண்டுளங்க ஆடல் மகிழ்ந்தாய் போற்றி மால்கடலு மால்விசும்பு மானாய் போற்றிவிண்டுளங்க மும்மதிலும் எய்தாய் போற்றி வேழத் துரிமூடும் விகிர்தா போற்றிபண்டுளங்கப் பாடல் பயின்றாய் போற்றி பார்முழுது மாய பரமா போற்றிகண்டுளங்கக் காமனைமுன் காய்ந்தாய் போற்றி கார்க்கெடிலங் கொண்ட கபாலி போற்றி.

சொற்பிரிப்பு

மண்துளங்க ஆடல் மகிழ்ந்தாய், போற்றி! மால்கடலும் மால்விசும்பும் ஆனாய், போற்றி!விண்துளங்க மும்மதிலும் எய்தாய், போற்றி! வேழத்து உரிமூடும் விகிர்தா, போற்றி!பண்துளங்கப் பாடல் பயின்றாய், போற்றி! பார்முழுதும் ஆய பரமா, போற்றி!கண்துளங்கக் காமனைமுன் காய்ந்தாய், போற்றி!- கார்க்கெடிலம் கொண்ட கபாலி, போற்றி!

உரை

மூலத்தில் தமிழ் உரை இல்லை.

8

வெஞ்சினவெள் ளேறூர்தி யுடையாய் போற்றி விரிசடைமேல் வெள்ளம் படைத்தாய் போற்றிதுஞ்சாப் பலிதேருந் தோன்றால் போற்றி தொழுதகை துன்பந் துடைப்பாய் போற்றிநஞ்சொடுங்குங் கண்டத்து நாதா போற்றி நான்மறையோ டாறங்க மானாய் போற்றிஅஞ்சொலாள் பாகம் அமர்ந்தாய் போற்றி அலைகெடில வீரட்டத் தாள்வாய் போற்றி.

சொற்பிரிப்பு

வெஞ்சினவெள் ஏறுஊர்தி உடையாய், போற்றி! விரிசடைமேல் வெள்ளம் படைத்தாய், போற்றி!துஞ்சாப் பலிதேரும் தோன்றால், போற்றி! தொழுதகை துன்பம் துடைப்பாய், போற்றி!நஞ்சுஒடுங்கும் கண்டத்து நாதா, போற்றி! நால்மறையோடு ஆறுஅங்கம் ஆனாய், போற்றி!அஞ்சொலாள் பாகம் அமர்ந்தாய், போற்றி!- அலைகெடில வீரட்டத்து ஆள்வாய், போற்றி!

உரை

மூலத்தில் தமிழ் உரை இல்லை.

9

சிந்தையாய் நின்ற சிவனே போற்றி சீபர்ப்ப தஞ்சிந்தை செய்தாய் போற்றிபுந்தியாய்ப் புண்டரிகத் துள்ளாய் போற்றி புண்ணியனே போற்றி புனிதா போற்றிசந்தியாய் நின்ற சதுரா போற்றி தத்துவனே போற்றியென் தாதாய் போற்றிஅந்தியாய் நின்ற அரனே போற்றி அலைகெடில வீரட்டத் தாள்வாய் போற்றி.

சொற்பிரிப்பு

சிந்தைஆய் நின்ற சிவனே, போற்றி! சீபர்ப்ப தம்சிந்தை செய்தாய், போற்றி!புந்திஆய்ப் புண்டரிகத்து உள்ளாய், போற்றி! புண்ணியனே, போற்றி! புனிதா, போற்றி!சந்திஆய் நின்ற சதுரா, போற்றி! தத்துவனே, போற்றி!என் தாதாய், போற்றி!அந்திஆய் நின்ற அரனே, போற்றி!- அலைகெடில வீரட்டத்து ஆள்வாய், போற்றி!

உரை

மூலத்தில் தமிழ் உரை இல்லை.

10

முக்கணா போற்றி முதல்வா போற்றி முருகவேள் தன்னைப் பயந்தாய் போற்றிதக்கணா போற்றி தருமா போற்றி தத்துவனே போற்றியென் தாதாய் போற்றிதொக்கணா வென்றிருவர் தோள்கை கூப்பத் துளங்கா தெரிசுடராய் நின்றாய் போற்றிஎக்கண்ணுங் கண்ணிலேன் எந்தாய் போற்றி எறிகெடில வீரட்டத் தீசா போற்றி.

சொற்பிரிப்பு

முக்கணா, போற்றி முதல்வா, போற்றி! முருகவேள் தன்னைப் பயந்தாய், போற்றி!தக்கணா, போற்றி! தருமா, போற்றி! தத்துவனே போற்றி!என் தாதாய், போற்றி!தொக்கு“அணா” என்றுஇருவர் தோள்கை கூப்பத் துளங்காது எரிசுடர்ஆய் நின்றாய், போற்றி!எக்கண்ணும் கண்இலேன்; எந்தாய், போற்றி!- எறிகெடில வீரட்டத்து ஈசா, போற்றி.

உரை

மூலத்தில் தமிழ் உரை இல்லை.