திருவதிகைவீரட்டானம்

அருளியவர்: திருநாவுக்கரசர்
பண்: திருத்தாண்டகம்
தலம்: அதிகை வீரட்டானம்
நாடு: நடுநாடு

1

சந்திரனை மாகங்கைத் திரையால் மோதச் சடாமகுடத் திருத்துமே சாம வேதகந்தருவம் விரும்புமே கபால மேந்து கையனே மெய்யனே கனக மேனிப்பந்தணவு மெல்விரலாள் பாக னாமே பசுவேறு மேபரம யோகி யாமேஐந்தலைய மாசுணங்கொண் டரையார்க் கும்மே அவனாகில் அதிகைவீ ரட்ட னாமே.

சொற்பிரிப்பு

சந்திரனை மாகங்கைத் திரையால் மோதச் சடாமகுடத்து இருத்துமே; சாம வேதக்-கந்தருவம் விரும்புமே; கபாலம் ஏந்து கையனே; மெய்யனே; கனக மேனிப்பந்துஅணவு மெல்விரலாள் பாகன் ஆமே; பசுஏறு மே;பரம யோகி ஆமே;ஐந்தலைய மாசுணம்கொண்டு அரைஆர்க் கு(ம்)மே;- அவன்ஆகில் அதிகைவீ ரட்டன் ஆமே.

உரை

மூலத்தில் தமிழ் உரை இல்லை.

2

ஏறேறி யேழுலகும் உழிதர் வானே இமையவர்கள் தொழுதேத்த இருக்கின் றானேபாறேறு படுதலையிற் பலிகொள் வானே படவரவந் தடமார்பிற் பயில்வித் தானேநீறேறு செழும்பவளக் குன்றொப் பானே நெற்றிமேல் ஒற்றைக்கண் நிறைவித் தானேஆறேறு சடைமுடிமேற் பிறைவைத் தானே அவனாகில் அதிகைவீ ரட்ட னாமே.

சொற்பிரிப்பு

ஏறுஏறி ஏழ்உலகும் உழிதர் வானே; இமையவர்கள் தொழுதுஏத்த இருக்கின் றானே;பாறுஏறு படுதலையில் பலிகொள் வானே; படஅரவம் தடமார்பில் பயில்வித் தானே;நீறுஏறு செழும்பவளக் குன்றுஒப் பானே; நெற்றிமேல் ஒற்றைக்கண் நிறைவித் தானே;ஆறுஏறு சடைமுடிமேல் பிறைவைத் தானே;- அவன்ஆகில் அதிகைவீ ரட்டன் ஆமே.

உரை

மூலத்தில் தமிழ் உரை இல்லை.

3

முண்டத்திற் பொலிந்திலங்கு மேனி யானே முதலாகி நடுவாகி முடிவா னானேகண்டத்தில் வெண்மருப்பின் காறை யானே கதநாகங் கொண்டாடுங் காட்சி யானேபிண்டத்தின் இயற்கைக்கோர் பெற்றி யானே பெருநிலநீர் தீவளிஆ காச மாகிஅண்டத்துக் கப்பாலாய் இப்பா லானே அவனாகில் அதிகைவீ ரட்ட னாமே.

சொற்பிரிப்பு

முண்டத்தின் பொலிந்துஇலங்கு நெற்றி யானே; முதல்ஆகி நடுஆகி முடிவுஆ னானே;கண்டத்தில் வெண்மருப்பின் காறை யானே; கதம்நாகம் கொண்டுஆடும் காட்சி யானே;பிண்டத்தின் இயற்கைக்குஓர் பெற்றி யானே; பெருநிலம்,நீர், தீ,வளி,ஆ காசம், ஆகிஅண்டத்துக்கு அப்பால்ஆய் இப்பா லானே;- அவன்ஆகில் அதிகைவீ ரட்டன் ஆமே.

உரை

மூலத்தில் தமிழ் உரை இல்லை.

4

செய்யனே கரியனே கண்டம் பைங்கண் வெள்ளெயிற்றா டரவனே வினைகள் போகவெய்யனே தண்கொன்றை மிலைத்த சென்னிச் சடையனே விளங்குமழுச் சூல மேந்துங்கையனே காலங்கள் மூன்றா னானே கருப்புவிற் றனிக்கொடும்பூண் காமற் காய்ந்தஐயனே பருத்துயர்ந்த ஆனேற் றானே அவனாகி லதிகைவீ ரட்ட னாமே.

சொற்பிரிப்பு

செய்யனே; கரியனே, கண்டம்; பைங்கண் வெள்எயிற்றுஆடு அரவனே; வினைகள் போகவெய்யனே; தண்கொன்றை மிலைத்த சென்னிச் சடையனே; விளங்குமழுச் சூலம் ஏந்தும்கையனே; காலங்கள் மூன்றுஆ னானே; கருப்புவில் தனிக்கொடும்பூண் காமற் காய்ந்தஐயனே; பருத்துஉயர்ந்த ஆன்ஏற் றானே;- அவன்ஆகில் அதிகைவீ ரட்டன் ஆமே.

உரை

மூலத்தில் தமிழ் உரை இல்லை.

5

பாடுமே யொழியாமே நால்வே தமும் படர்சடைமேல் ஒளிதிகழப் பனிவெண் டிங்கள்சூடுமே அரைதிகழத் தோலும் பாம்புஞ் சுற்றுமே தொண்டைவாய் உமையோர் பாகங்கூடுமே குடமுழவம் வீணை தாளங் குறுநடைய சிறுபூதம் முழக்க மாக்கூத்தாடுமே அந்தடக்கை அனலேந் தும்மே அவனாகில் அதிகைவீ ரட்ட னாமே.

சொற்பிரிப்பு

பாடுமே, ஒழியாமே நால்வே த(ம்)மும்; படர்சடைமேல் ஒளிதிகழப் பனிவெண் திங்கள்சூடுமே; அரைதிகழத் தோலும் பாம்பும் சுற்றுமே; தொண்டைவாய் உமைஓர் பாகம்கூடுமே; குடமுழவம், வீணை, தாளம், குறுநடைய சிறுபூதம் முழக்க, மாக்கூத்துஆடுமே; அம்தடக்கை அனல்ஏந் து(ம்)மே;- அவன்ஆகில் அதிகைவீ ரட்டன் ஆமே.

உரை

மூலத்தில் தமிழ் உரை இல்லை.

6

ஒழித்திடுமே உள்குவார் உள்ளத் துள்ள உறுபிணியுஞ் செறுபகையும் ஒற்றைக் கண்ணால்விழித்திடுமே காமனையும் பொடியா வீழ வெள்ளப் புனற்கங்கை செஞ்சடைமேல்இழித்திடுமே ஏழுலகுந் தானா கும்மே இயங்குந் திரிபுரங்க ளோரம் பினால்அழித்திடுமே ஆதிமா தவத்து ளானே அவனாகில் அதிகைவீ ரட்ட னாமே.

சொற்பிரிப்பு

ஒழித்திடுமே, உள்குவார் உள்ளத்து உள்ள உறுபிணியும் செறுபகையும்; ஒற்றைக் கண்ணால்விழித்திடுமே, காமனையும் பொடிஆய் வீழ; வெள்ளப் புனல்கங்கை செஞ்ச டைமேல்இழித்திடுமே; ஏழ்உலகும் தான்ஆ கு(ம்)மே; இயங்கும் திரிபுரங்கள் ஓர்அம் பி(ன்)னால்அழித்திடுமே, ஆதிமா தவத்துஉ ளானே;- அவன்ஆகில் அதிகைவீ ரட்டன் ஆமே.

உரை

மூலத்தில் தமிழ் உரை இல்லை.

7

குழலோடு கொக்கரைகைத் தாளம் மொந்தை குறட்பூதம் முன்பாடத் தானா டும்மேகழலாடு திருவிரலாற் கரணஞ் செய்து கனவின்கண் திருவுருவந் தான்காட் டும்மேஎழிலாருந் தோள்வீசி நடமா டும்மே ஈமப் புறங்காட்டில் ஏமந் தோறும்அழலாடு மேயட்ட மூர்த்தி யாமே அவனாகில் அதிகைவீ ரட்ட னாமே.

சொற்பிரிப்பு

குழலோடு, கொக்கரை,கைத் தாளம், மொந்தை, குறள்பூதம் முன்பாடத் தான்ஆ டு(ம்)மே;கழல்ஆடு திருவிரலால் கரணம் செய்து, கனவின்கண் திருஉருவம் தான்காட் டு(ம்)மே;எழில்ஆரும் தோள்வீசி நடம்ஆ டு(ம்)மே; ஈமப் புறங்காட்டில் ஏமம் தோறும்அழல்ஆடு மே!ஆட்ட மூர்த்தி ஆமே;- அவன்ஆகில் அதிகைவீ ரட்டன் ஆமே.

உரை

மூலத்தில் தமிழ் உரை இல்லை.

8

மாலாகி மதமிக்க களிறு தன்னை வதைசெய்து மற்றதனின் உரிவை கொண்டுமேலாலுங் கீழாலுந் தோன்றா வண்ணம் வெம்புலால் கைகலக்க மெய்போர்த் தானேகோலாலம் படவரைநட் டரவு சுற்றிக் குரைகடலைத் திரையலறக் கடைந்து கொண்டஆலால முண்டிருண்ட கண்டத் தானே அவனாகில் அதிகைவீ ரட்ட னாமே.

சொற்பிரிப்பு

மால்ஆகி மதம்மிக்க களிறு தன்னை வதைசெய்து, மற்றுஅதனின் உரிவை கொண்டு,மேலாலும் கீழாலும் தோன்றா வண்ணம், வெம்புலால் கைகலக்க, மெய்போர்த் தானே;கோலாலம் படவரைநட்டு, அரவு சுற்றிக், குரைகடலைத் திரைஅலறக், கடைந்து கொண்டஆலாலம் உண்டுஇருண்ட கண்டத் தானே அவன்ஆகில் அதிகைவீ ரட்டன் ஆமே.

உரை

மூலத்தில் தமிழ் உரை இல்லை.

9

செம்பொனாற் செய்தழகு பெய்தாற் போலுஞ் செஞ்சடையெம் பெருமானே தெய்வ நாறும்வம்பினாள் மலர்க்கூந்த லுமையாள் காதல் மணவாள னேவலங்கை மழுவா ளனேநம்பனே நான்மறைகள் தொழநின் றானே நடுங்காதார் புரமூன்றும் நடுங்கச் செற்றஅம்பனே அண்டகோ சரத்து ளானே அவனாகில் அதிகைவீ ரட்ட னாமே.

சொற்பிரிப்பு

செம்பொனால் செய்துஅழகு பெய்தால் போலும் செஞ்சடையஎம் பெருமானே; தெய்வம் நாறும்வம்பின்நாள் மலர்க்கூந்தல் உமையாள் காதல் மணவாள னே;வலங்கை மழுவா ள(ன்)னே;நம்பனே; நான்மறைகள் தொழநின் றானே; நடுங்காதார் புரம்மூன்றும் நடுங்கச் செற்றஅம்பனே; அண்டகோ சத்துஉ ளானே;- அவன்ஆகில் அதிகைவீ ரட்டன் ஆமே.

உரை

மூலத்தில் தமிழ் உரை இல்லை.

10

எழுந்ததிரை நதித்துவலை நனைந்த திங்கள் இளநிலாத் திகழ்கின்ற வளர்ச டையனேகொழும்பவளச் செங்கனிவாய்க் காமக் கோட்டி கொங்கையிணை அமர்பொருது கோலங் கொண்டதழும்புளவே வரைமார்பில் வெண்ணூ லுண்டே சாந்தமொடு சந்தனத்தின் அளறு தங்கிஅழுந்தியசெந் திருவுருவில் வெண்ணீற் றானே அவனாகில் அதிகைவீ ரட்ட னாமே.

சொற்பிரிப்பு

எழுந்ததிரை நதித்துவலை நனைந்த திங்கள் இளநிலாத் திகழ்கின்ற வளர்ச டையனே;கொழும்பவளச் செங்கனிவாய்க் காமக் கோட்டி கொங்கைஇணை அமர்பொருது கோலம் கொண்டதழும்புஉளவே; வரைமார்பில் வெண்நூல் உண்டே; சாந்தமொடு சந்தனத்தின் அளறு தங்கிஅழுந்தியசெந் திருஉருவில் வெண்நீற் றானே;- அவன்ஆகில் அதிகைவீ ரட்டன் ஆமே.

உரை

மூலத்தில் தமிழ் உரை இல்லை.

11

நெடியானும் நான்முகனும் நேடிக் காணா நீண்டானே நேரொருவ ரில்லா தானேகொடியேறு கோலமா மணிகண் டனே கொல்வேங்கை அதளனே கோவ ணவனேபொடியேறு மேனியனே ஐயம் வேண்டிப் புவலோகந் திரியுமே புரிநூ லானேஅடியாரை அமருலகம் ஆள்விக் கும்மே அவனாகில் அதிகைவீ ரட்ட னாமே.

சொற்பிரிப்பு

நெடியானும் நான்முகனும் நேடிக் காணா நீண்டானே; நேர்ஒருவர் இல்லா தானே;கொடிஏறு கோலமா மணிகண் ட(ன்)னே; கொல்வேங்கை அதளனே; கோவ ணவனே;பொடிஏறு மேனியனே; ஐயம் வேண்டிப் புவலோகம் திரியுமே; புரிநூ லானே;அடியாரை அமருலகம் ஆள்விக் கு(ம்)மே;- அவன்ஆகில் அதிகைவீ ரட்டன் ஆமே.

உரை

மூலத்தில் தமிழ் உரை இல்லை.