கோயில்

அருளியவர்: திருநாவுக்கரசர்
பண்: திருத்தாண்டகம்
தலம்: கோயில் (சிதம்பரம், தில்லை)
நாடு: சோழநாடு காவிரி வடகரை

1

மங்குல் மதிதவழும் மாட வீதி மயிலாப்பி லுள்ளார் மருக லுள்ளார்கொங்கிற் கொடுமுடியார் குற்றா லத்தார் குடமூக்கி லுள்ளார்போய்க் கொள்ளம் பூதூர்த்தங்கு மிடமறியார் சால நாளார் தரும புரத்துள்ளார் தக்க ளூரார்பொங்குவெண் ணீறணிந்து பூதஞ் சூழப் புலியூர்ச்சிற் றம்பலமே புக்கார் தாமே.

சொற்பிரிப்பு

மங்குல் மதிதவழும் மாட வீதி மயிலாப்பில் உள்ளார்; மருகல் உள்ளார்கொங்கில் கொடுமுடியார்; குற்றா லத்தார்; குடமூக்கின் உள்ளார்;போய்க் கொள்ளம் பூதூர்த்தங்கும் இடம்அறியார்; சால நாளார்; தருமபுரத்து உள்ளார் தக்க ளூரார்-பொங்குவெண் நீறுஅணிந்து பூதம் சூழப், புலியூர்ச்சிற் றம்பலமே புக்கார் தாமே.

உரை

மூலத்தில் தமிழ் உரை இல்லை.

2

நாக மரைக்கசைத்த நம்ப ரிந்நாள் நனிபள்ளி யுள்ளார்போய் நல்லூர்த் தங்கிப்பாகப் பொழுதெல்லாம் பாசூர்த் தங்கிப் பரிதி நியமத்தார் பன்னி ருநாள்வேதமும் வேள்விப் புகையு மோவா விரிநீர் மிழலை எழுநாள் தங்கிப்போகமும் பொய்யாப் பொருளு மானார் புலியூர்ச்சிற் றம்பலமே புக்கார் தாமே.

சொற்பிரிப்பு

நாகம் அரைக்குஅசைத்த நம்பர் இந்நாள் நனிபள்ளி உள்ளார்;போய் நல்லூர்த் தங்கிப்பாகப் பொழுதுஎல்லாம் பாசூர்த் தங்கிப் பரிதி நியமத்தார், பன்னி ருநாள்;வேதமும் வேள்விப் புகையும் ஓவா விரிநீர் மிழலை எழுநாள் - தங்கிப்,போகமும் பொய்யாப் பொருளும் ஆனார்- புலியூர்ச்சிற் றம்பலமே புக்கார் தாமே.

உரை

மூலத்தில் தமிழ் உரை இல்லை.

3

துறங்காட்டி யெல்லாம் விரித்தார் போலுந் தூமதியும் பாம்பு முடையார் போலும்மறங்காட்டி மும்மதிலு மெய்தார் போலும் மந்திரமுந் தந்திரமுந் தாமே போலும்அறங்காட்டி அந்தணர்க்கன் றால நீழல் அறமருளிச் செய்த அரனா ரிந்நாள்புறங்காட் டெரியாடிப் பூதஞ் சூழப் புலியூர்ச்சிற் றம்பலமே புக்கார் தாமே.

சொற்பிரிப்பு

துறம்காட்டி, எல்லாம் விரித்தார் போலும்; தூமதியும் பாம்பு முடையார் போலும்;மறம்காட்டி, மும்மதிலும் எய்தார் போலும்; மந்திரமும் தந்திரமும் தாமே போலும்;அறம்காட்டி, அந்தணர்க்குஅன்று ஆல நீழல் அறம்அருளிச் செய்த அரனார் - இந்நாள்புறங்காட்டு எரிஆடிப் பூதம் சூழப், புலியூர்ச்சிற் றம்பலமே புக்கார் தாமே.

உரை

மூலத்தில் தமிழ் உரை இல்லை.

4

வாரேறு வனமுலையாள் பாக மாக மழுவாள்கை யேந்தி மயானத் தாடிச்சீரேறு தண்வயல்சூழ் ஓத வேலித் திருவாஞ்சி யத்தார் திருநள் ளாற்றார்காரேறு கண்டத்தார் காமற் காய்ந்த கண்விளங்கு நெற்றியார் கடல்நஞ் சுண்டார்போரேறு தாமேறிப் பூதஞ் சூழப் புலியூர்ச்சிற் றம்பலமே புக்கார் தாமே.

சொற்பிரிப்பு

வார்ஏறு வனமுலையாள் பாகம் ஆக, மழுவாள்கை ஏந்தி, மயானத்து ஆடிச்,சீர்ஏறு தண்வயல்சூழ் ஓத வேலித் திருவாஞ்சி யத்தார்; திருநள் ளாற்றார்;கார்ஏறு கண்டத்தார்; காமற் காய்ந்த கண்விளங்கு நெற்றியார்; கடல்நஞ்சு உண்டார்-போர்ஏறு தாம்ஏறிப் பூதம் சூழப், புலியூர்ச்சிற் றம்பலமே புக்கார் தாமே.

உரை

மூலத்தில் தமிழ் உரை இல்லை.

5

காரார் கமழ்கொன்றைக் கண்ணி சூடிக் கபாலங்கை யேந்திக் கணங்கள் பாடஊரா ரிடும்பிச்சை கொண்டு ழலும் உத்தம ராய்நின்ற ஒருவ னார்தாஞ்சீரார் கழல்வணங்குந் தேவ தேவர் திருவாரூர்த் திருமூலட் டான மேயார்போரார் விடையேறிப் பூதஞ் சூழப் புலியூர்ச்சிற் றம்பலமே புக்கார் தாமே.

சொற்பிரிப்பு

கார்ஆர் கமழ்கொன்றைக் கண்ணி சூடிக், கபாலம்கை ஏந்திக், கணங்கள் பாட,ஊரார் இடுபிச்சை கொண்டு,உ ழ(ல்)லும் உத்தமராய் நின்ற ஒருவ னார்தாம்;சீர்ஆர் கழல்வணங்கும் தேவ தேவர்; திருஆரூர்த் திருமூலட் டானம் மேயார்-போர்ஆர் விடைஏறிப் பூதம் சூழப், புலியூர்ச்சிற் றம்பலமே புக்கார் தாமே.

உரை

மூலத்தில் தமிழ் உரை இல்லை.

6

காதார் குழையினர் கட்டங் கத்தர் கயிலாய மாமலையார் காரோ ணத்தார்மூதாயர் மூதாதை யில்லார் போலும் முதலு மிறுதியுந் தாமே போலும்மாதாய மாதர் மகிழ வன்று வன்மதவேள் தன்னுடலங் காய்ந்தா ரிந்நாட்போதார் சடைதாழப் பூதஞ் சூழப் புலியூர்ச்சிற் றம்பலமே புக்கார் தாமே.

சொற்பிரிப்பு

காதுஆர் குழையினர்; கட்டங் கத்தார்; கயிலாய மாமலையார்; காரோ ணத்தார்;மூதாயர் மூதாதை இல்லார் போலும் முதலும் இறுதியும் தாமே போலும்;மாதுஆய மாதர் மகிழ, அன்று, வன்மதவேள் தன்உடலம் காய்ந்தார் - இந்நாள்போதுஆர் சடைதாழப் பூதம் சூழப், புலியூர்ச்சிற் றம்பலமே புக்கார் தாமே.

உரை

மூலத்தில் தமிழ் உரை இல்லை.

7

இறந்தார்க்கு மென்றும் இறவா தார்க்கும் இமையவர்க்கும் ஏகமாய் நின்று சென்றுபிறந்தார்க்கு மென்றும் பிறவா தார்க்கும் பெரியான்றன் பெருமையே பேச நின்றுமறந்தார் மனத்தென்றும் மருவார் போலும் மறைக்காட் டுறையும் மழுவாட் செல்வர்புறந்தாழ் சடைதாழப் பூதஞ் சூழப் புலியூர்ச்சிற் றம்பலமே புக்கார் தாமே.

சொற்பிரிப்பு

இறந்தார்க்கும் என்றும் இறவா தார்க்கும் இமையவர்க்கும் ஏகம்ஆய் நின்று, சென்றுபிறந்தார்க்கும் என்றும் பிறவா தார்க்கும் பெரியான்;தன் பெருமையே பேச நின்று,மறந்தார் மனத்துஎன்றும் மருவார் போலும்; மறைக்காட்டு உறையும் மழுவாள் செல்வர்-புறம்தாழ் சடைதாழப் பூதம் சூழப், புலியூர்ச்சிற் றம்பலமே புக்கார் தாமே.

உரை

மூலத்தில் தமிழ் உரை இல்லை.

8

குலாவெண் டலைமாலை யென்பு பூண்டு குளிர்கொன்றைத் தாரணிந்து கொல்லே றேறிக்கலாவெங் களிற்றுரிவைப் போர்வை மூடிக் கையோ டனலேந்திக் காடு றைவார்நிலாவெண் மதியுரிஞ்ச நீண்ட மாடம் நிறைவயல்சூழ் நெய்த்தான மேய செல்வர்புலால்வெண் டலையேந்திப் பூதஞ் சூழப் புலியூர்ச்சிற் றம்பலமே புக்கார் தாமே.

சொற்பிரிப்பு

குலாவெண் தலைமாலை என்பு பூண்டு, குளிர்கொன்றைத் தார்அணிந்து, கொல்ஏறு ஏறிக்,கலாவெங் களிற்றுஉரிவைப் போர்வை மூடிக், கைஓடு அனல்ஏந்திக், காடுஉ றைவார்;நிலாவெண் மதிஉரிஞ்ச நீண்ட மாடம் நிறைவயல்சூழ் நெய்த்தானம் மேய செல்வர்-புலால்வெண் தலைஏந்திப் பூதம் சூழப், புலியூர்ச்சிற் றம்பலமே புக்கார் தாமே.

உரை

மூலத்தில் தமிழ் உரை இல்லை.

9

சந்தித்த கோவணத்தர் வெண்ணூல் மார்பர் சங்கரனைக் கண்டீரோ கண்டோ மிந்நாள்பந்தித்த வெள்விடையைப் பாய வேறிப் படுதலையி லென்கொலோ ஏந்திக் கொண்டுவந்திங்கென் வெள்வளையுந் தாமு மெல்லாம் மணியாரூர் நின்றந்தி கொள்ளக் கொள்ளப்பொன்தீ மணிவிளக்குப் பூதம் பற்றப் புலியூர்ச்சிற் றம்பலமே புக்கார் தாமே.

சொற்பிரிப்பு

சந்தித்த கோவணத்தர், வெண்நூல் மார்பர்; சங்கரரைக் கண்டீரோ? கண்டோம் - இந்நாள்,பந்தித்த வெள்விடையைப் பாய ஏறிப், படுதலையில் என்கொலோ ஏந்திக் கொண்டு,வந்துஈங்குஎன் வெள்வளையும் தாமும் எல்லாம், மணிஆரூர் நின்று,அந்திக் கொள்ளக் கொள்ளப்,பொன்தீ மணிவிளக்குப் பூதம் பற்றப், புலியூர்ச்சிற் றம்பலமே புக்கார் தாமே.

உரை

மூலத்தில் தமிழ் உரை இல்லை.

10

பாதங்கள் நல்லார் பரவி யேத்தப் பத்திமையாற் பணிசெய்யுந் தொண்டர் தங்கள்ஏதங்கள் தீர இருந்தார் போலும் எழுபிறப்பும் ஆளுடைய ஈச னார்தாம்வேதங்க ளோதியோர் வீணை யேந்தி விடையொன்று தாமேறி வேத கீதர்பூதங்கள் சூழப் புலித்தோல் வீக்கிப் புலியூர்ச்சிற் றம்பலமே புக்கார் தாமே.

சொற்பிரிப்பு

பாதங்கள் நல்லார் பரவி ஏத்தப், பத்திமையால் பணிசெய்யும் தொண்டர் தங்கள்ஏதங்கள் தீர, இருந்தார் போலும்; எழுபிறப்பும் ஆள்உடைய ஈச னார்தாம்-வேதங்கள் ஓதி,ஓர் வீணை ஏந்தி, விடைஒன்று தாம்ஏறி, வேத கீதர்,பூதங்கள் சூழப், புலித்தோல் வீக்கிப், புலியூர்ச்சிற் றம்பலமே புக்கார் தாமே.

உரை

மூலத்தில் தமிழ் உரை இல்லை.

11

பட்டுடுத்துத் தோல்போர்த்துப் பாம்பொன் றார்த்துப் பகவனார் பாரிடங்கள் சூழ நட்டஞ்சிட்டராய்த் தீயேந்திச் செல்வார் தம்மைத் தில்லைச்சிற் றம்பலத்தே கண்டோ மிந்நாள்விட்டிலங்கு சூலமே வெண்ணூ லுண்டே ஓதுவதும் வேதமே வீணை யுண்டேகட்டங்கங் கையதே சென்று காணீர் கறைசேர் மிடற்றெங் கபாலி யார்க்கே.

சொற்பிரிப்பு

பட்டுஉடுத்துத், தோல்போர்த்துப், பாம்புஒன்று ஆர்த்துப், பகவனார், பாரிடங்கள் சூழ நட்டம்சிட்டராய்த், தீஏந்திச், செல்வார் தம்மைத் தில்லைச்சிற் றம்பலத்தே கண்டோம், இந்நாள்;விட்டுஇலங்கு சூலமே, வெண்நூல், உண்டே; ஓதுவதும் வேதமே; வீணை உண்டே;கட்டங்கம் கையதே,- சென்று காணீர்!- கறைசேர் மிடற்றுஎம் கபாலி யார்க்கே.

உரை

மூலத்தில் தமிழ் உரை இல்லை.