கோயில்

அருளியவர்: திருநாவுக்கரசர்
பண்: திருத்தாண்டகம்
தலம்: கோயில் (சிதம்பரம், தில்லை)

1

அரியானை அந்தணர்தஞ் சிந்தை யானைஅருமறையி னகத்தானை அணுவை யார்க்குந்தெரியாத தத்துவனைத் தேனைப் பாலைத்திகழொளியைத் தேவர்கள்தங் கோனை மற்றைக்கரியானை நான்முகனைக் கனலைக் காற்றைக்கனைகடலைக் குலவரையைக் கலந்து நின்றபெரியானைப் பெரும்பற்றப் புலியூ ரானைப்பேசாத நாளெல்லாம் பிறவா நாளே.

சொற்பிரிப்பு

அரியானை, அந்தணர் தம் சிந்தையானை, அருமறையின் அகத்தானை, அணுவை, யார்க்கும்தெரியாத தத்துவனைத், தேனைப், பாலைத், திகழ் ஒளியைத், தேவர்கள் தம் கோனை, மற்றைக்கரியானை, நான்முகனைக், கனலைக், காற்றைக், கனைகடலைக், குலவரையைக், கலந்து நின்றபெரியானைப், பெரும்பற்றப் புலியூரானைப் பேசாத நாள் எல்லாம் பிறவா நாளே.

உரை

மூலத்தில் தமிழ் உரை இல்லை.

2

கற்றானைக் கங்கைவார் சடையான் றன்னைக் காவிரிசூழ் வலஞ்சுழியுங் கருதி னானைஅற்றார்க்கும் அலந்தார்க்கும் அருள்செய் வானை ஆரூரும் புகுவானை அறிந்தோ மன்றேமற்றாருந் தன்னொப்பா ரில்லா தானை வானவர்க ளெப்பொழுதும் வணங்கி யேத்தப்பெற்றானைப் பெரும்பற்றப் புலியூ ரானைப் பேசாத நாளெல்லாம் பிறவா நாளே.

சொற்பிரிப்பு

கற்றானைக், கங்கை வார் சடையான் தன்னைக், காவிரி சூழ் வலஞ்சுழியும் கருதினானை,அற்றார்க்கும் அலந்தார்க்கும் அருள் செய்வானை, ஆரூரும் புகுவானை, அறிந்தோம் அன்றே;மற்று ஆரும் தன் ஒப்பார் இல்லாதானை, வானவர்கள் எப்பொழுதும் வணங்கி ஏத்தப்-பெற்றானைப், பெரும்பற்றப் புலியூரானைப் பேசாத நாள் எல்லாம் பிறவா நாளே.

உரை

மூலத்தில் தமிழ் உரை இல்லை.

3

கருமானின் உரியதளே உடையா வீக்கிக் கனைகழல்கள் கலந்தொலிப்ப அனல்கை யேந்திவருமானத் திரள்தோள்கள் மட்டித் தாட வளர்மதியஞ் சடைக்கணிந்து மானேர் நோக்கிஅருமான வாண்முகத்தா ளமர்ந்து காண அமரர்கணம் முடிவணங்க ஆடு கின்றபெருமானைப் பெரும்பற்றப் புலியூ ரானைப் பேசாத நாளெல்லாம் பிறவா நாளே.

சொற்பிரிப்பு

கருமானின் உரி-அதளே உடையா வீக்கிக், கனைகழல்கள் கலந்து ஒலிப்ப, அனல் கை ஏந்தி,வருமானத் திரள்தோள்கள் மட்டித்து ஆட, வளர்மதியம் சடைக்கு அணிந்து, மான்நேர் நோக்கிஅருமான வாள் முகத்தாள் அமர்ந்து காண, அமரர்கணம் முடி வணங்க, ஆடுகின்றபெருமானைப், பெரும்பற்றப் புலியூரானைப், பேசாத நாள் எல்லாம் பிறவா நாளே.

உரை

மூலத்தில் தமிழ் உரை இல்லை.

4

அருந்தவர்கள் தொழுதேத்தும் அப்பன் றன்னை அமரர்கள்தம் பெருமானை அரனை மூவாமருந்தமரர்க் கருள்புரிந்த மைந்தன் றன்னை மறிகடலுங் குலவரையும் மண்ணும் விண்ணுந்திருந்தொளிய தாரகையுந் திசைக ளெட்டுந் திரிசுடர்கள் ஓரிரண்டும் பிறவு மாயபெருந்தகையைப் பெரும்பற்றப் புலியூ ரானைப் பேசாத நாளெல்லாம் பிறவா நாளே.

சொற்பிரிப்பு

அருந்தவர்கள் தொழுது ஏத்தும் அப்பன் தன்னை, அமரர்கள் தம் பெருமானை, அரனை, மூவாமருந்து அமரர்க்கு அருள்புரிந்த மைந்தன் தன்னை, மறிகடலும் குலவரையும் மண்ணும் விண்ணும்திருந்து ஒளிய தாரகையும் திசைகள் எட்டும் திரிசுடர்கள் ஓர் இரண்டும் பிறவும் ஆயபெருந்தகையைப், பெரும்பற்றப் புலியூரானைப் பேசாத நாள் எல்லாம் பிறவா நாளே.

உரை

மூலத்தில் தமிழ் உரை இல்லை.

5

அருந்துணையை அடியார்தம் அல்லல் தீர்க்கும் அருமருந்தை அகல்ஞாலத் தகத்துள் தோன்றிவருந்துணையுஞ் சுற்றமும் பற்றும் விட்டு வான்புலன்கள் அகத்தடக்கி மடவா ரோடும்பொருந்தணைமேல் வரும்பயனைப் போக மாற்றிப் பொதுநீக்கித் தனைநினைய வல்லோர்க் கென்றும்பெருந்துணையைப் பெரும்பற்றப் புலியூ ரானைப் பேசாத நாளெல்லாம் பிறவா நாளே.

சொற்பிரிப்பு

அருந்துணையை; அடியார் தம் அல்லல் தீர்க்கும் அருமருந்தை; அகல் ஞாலத்து அகத்துள் தோன்றிவரும் துணையும் சுற்றமும் பற்றும் விட்டு, வான்புலன்கள் அகத்து அடக்கி, மடவாரோடும்பொருந்து அணைமேல் வரும்பயனைப் போக மாற்றிப், பொது நீக்கித், தனை நினைய வல்லோர்க்கு என்றும்பெருந்துணையைப், பெரும்பற்றப் புலியூரானைப்,- பேசாத நாள் எல்லாம் பிறவா நாளே.

உரை

மூலத்தில் தமிழ் உரை இல்லை.

6

கரும்பமரும் மொழிமடவாள் பங்கன் றன்னைக் கனவயிரக் குன்றனைய காட்சி யானைஅரும்பமரும் பூங்கொன்றைத் தாரான் றன்னை அருமறையோ டாறங்க மாயி னானைச்சுரும்பமருங் கடிபொழில்கள் சூழ்தென் னாரூர்ச் சுடர்க்கொழுந்தைத் துளக்கில்லா விளக்கை மிக்கபெரும்பொருளைப் பெரும்பற்றப் புலியூ ரானைப் பேசாத நாளெல்லாம் பிறவா நாளே.

சொற்பிரிப்பு

கரும்பு அமரும் மொழிமடவாள் பங்கன் தன்னைக், கனவயிரக் குன்று அனைய காட்சியானை,அரும்பு அமரும் பூங்கொன்றைத் தாரான் தன்னை, அருமறையோடு ஆறு அங்கம் ஆயினானைச்,சுரும்பு அமரும் கடிபொழில்கள் சூழ் தென் ஆரூர்ச் சுடர்க்கொழுந்தைத், துளக்கு இல்லா விளக்கை, மிக்கபெரும்பொருளைப், பெரும்பற்றப் புலியூரானைப் பேசாத நாள் எல்லாம் பிறவா நாளே.

உரை

மூலத்தில் தமிழ் உரை இல்லை.

7

வரும்பயனை எழுநரம்பி னோசை யானை வரைசிலையா வானவர்கள் முயன்ற வாளிஅரும்பயஞ்செ யவுணர்புர மெரியக் கோத்த அம்மானை அலைகடல்நஞ் சயின்றான் றன்னைச்சுரும்பமருங் குழல்மடவார் கடைக்கண் நோக்கிற் துளங்காத சிந்தையராய்த் துறந்தோ ருள்ளப்பெரும்பயனைப் பெரும்பற்றப் புலியூ ரானைப் பேசாத நாளெல்லாம் பிறவா நாளே.

சொற்பிரிப்பு

வரும்பயனை, எழுநரம்பின் ஓசையானை, வரைசிலையா வானவர்கள் முயன்ற வாளிஅரும்பயம்செய் அவுணர் புரம் எரியக் கோத்த அம்மானை, அலைகடல் நஞ்சு அயின்றான் தன்னைச்,சுரும்பு அமரும் குழல்மடவார் கடைக்கண் நோக்கில்- துளங்காத சிந்தையராய்த் துறந்தோர் உள்ளப்பெரும்பயனைப், பெரும்பற்றப் புலியூரானைப் பேசாத நாள் எல்லாம் பிறவா நாளே.

உரை

மூலத்தில் தமிழ் உரை இல்லை.

8

காரானை ஈருரிவைப் போர்வை யானைக் காமருபூங் கச்சியே கம்பன் றன்னைஆரேனு மடியவர்கட் கணியான் றன்னை அமரர்களுக் கறிவரிய அளவி லானைப்பாரோரும் விண்ணோரும் பணிய நட்டம் பயில்கின்ற பரஞ்சுடரைப் பரனை எண்ணில்பேரானைப் பெரும்பற்றப் புலியூ ரானைப் பேசாத நாளெல்லாம் பிறவா நாளே.

சொற்பிரிப்பு

கார் ஆனை ஈர் உரிவைப் போர்வையானைக், காமரு பூங் கச்சி ஏகம்பன் தன்னை,ஆரேனும் அடியவர்கட்கு அணியான் தன்னை, அமரர்களுக்கு அறிவு அரிய அளவு இலானைப்,பாரோரும் விண்ணோரும் பணிய நட்டம் பயில்கின்ற பரஞ்சுடரைப், பரனை, எண் இல்பேரானைப், பெரும்பற்றப் புலியூரானைப் பேசாத நாள் எல்லாம் பிறவா நாளே.

உரை

மூலத்தில் தமிழ் உரை இல்லை.

9

முற்றாத பால்மதியஞ் சூடினானை மூவுலகுந் தானாய முதல்வன் றன்னைச்செற்றார்கள் புரமூன்றுஞ் செற்றான் றன்னைத் திகழொளியை மரகதத்தைத் தேனைப் பாலைக்குற்றாலத் தமர்ந்துறையுங் குழகன் றன்னைக் கூத்தாட வல்லானைக் கோனை ஞானம்பெற்றானைப் பெரும்பற்றப் புலியூ ரானைப் பேசாத நாளெல்லாம் பிறவா நாளே.

சொற்பிரிப்பு

முற்றாத பால்மதியம் சூடினானை, மூஉலகும் தான் ஆய முதல்வன் தன்னைச்,செற்றார்கள் புரம் மூன்றும் செற்றான் தன்னைத், திகழ் ஒளியை, மரகதத்தைத், தேனைப், பாலைக்,குற்றாலத்து அமர்ந்து உறையும் குழகன் தன்னைக், கூத்து ஆட வல்லானைக், கோனை, ஞானம்பெற்றானைப் பெரும்பற்றப் புலியூரானைப் பேசாத நாள் எல்லாம் பிறவா நாளே.

உரை

மூலத்தில் தமிழ் உரை இல்லை.

10

காரொளிய திருமேனிச் செங்கண் மாலுங் கடிக்கமலத் திருந்தயனுங் காணா வண்ணஞ்சீரொளிய தழற்பிழம்பாய் நின்ற தொல்லைத் திகழொளியைச் சிந்தைதனை மயக்கந் தீர்க்கும்ஏரொளியை இருநிலனும் விசும்பும் விண்ணும் ஏழுலகுங் கடந்தண்டத் தப்பால் நின்றபேரொளியைப் பெரும்பற்றப் புலியூ ரானைப் பேசாத நாளெல்லாம் பிறவா நாளே.

சொற்பிரிப்பு

கார் ஒளிய திருமேனிச் செங்கண் மாலும், கடிக்கமலத்து இருந்த (அ)யனும், காணா வண்ணம்சீர் ஒளிய தழல் பிழம்பாய் நின்ற தொல்லைத் திகழ் ஒளியைச்; சிந்தை தனை மயக்கம் தீர்க்கும்ஏர் ஒளியை; இரு நிலனும், விசும்பும், விண்ணும், ஏழ் உலகும், கடந்து அண்டத்து அப்பால் நின்றபேர் ஒளியைப்; பெரும்பற்றப் புலியூரானைப்;- பேசாத நாள் எல்லாம் பிறவா நாளே.

உரை

மூலத்தில் தமிழ் உரை இல்லை.