மனத்தொகை

அருளியவர்: திருநாவுக்கரசர்
பண்: திருக்குறுந்தொகை
தலம்: பொது
நாடு: பொது

1

பொன்னுள் ளத்திரள் புன்சடை யின்புறம்மின்னுள் ளத்திரள் வெண்பிறை யாயிறைநின்னுள் ளத்தருள் கொண்டிருள் நீங்குதல்என்னுள் ளத்துள தெந்தை பிரானிரே.

சொற்பிரிப்பு

பொன் உள்ளத்திரள் புன்சடையின் புறம்,மின் உள்ளத்திரள் வெண்பிறையாய்! இறைநின் உள்ளத்து அருள் கொண்டு, இருள் நீங்குதல்என் உள்ளத்து உளது எந்தை பிரானிரே!

உரை

மூலத்தில் தமிழ் உரை இல்லை.

2

முக்க ணும்முடை யாய்முனி கள்பலர்தொக்கெ ணுங்கழ லாயொரு தோலினோடக்க ணும்மரை யாயரு ளேயலாதெக்க ணும்மிலன் எந்தை பிரானிரே.

சொற்பிரிப்பு

முக்கணும் உடையாய்! முனிகள் பலர்தொக்கு எணும் கழலாய்! ஒரு தோலினோடுஅக்கு அணும் அரையாய்! அருளே அலாதுஎக்கணும் இலன் எந்தை பிரானிரே!

உரை

மூலத்தில் தமிழ் உரை இல்லை.

3

பனியாய் வெங்கதிர் பாய்படர் புன்சடைமுனியாய் நீயுல கம்முழு தாளினுந்தனியாய் நீசரண் நீசல மேபெரிதினியாய் நீயெனக் கெந்தை பிரானிரே.

சொற்பிரிப்பு

பனியாய்! வெண்கதிர் பாய் படர் புன்சடைமுனியாய்! நீ உலகம் முழுது ஆளினும்,தனியாய், நீ! சரண்நீ! சலமே பெரிது;இனியாய், நீ! எனக்கு எந்தை பிரானிரே!

உரை

மூலத்தில் தமிழ் உரை இல்லை.

4

மறையும் பாடுதிர் மாதவர் மாலினுக்குறையு மாயினை கோளர வோடொருபிறையுஞ் சூடினை யென்பத லாற்பிறிதிறையுஞ் சொல்லிலை எந்தை பிரானிரே.

சொற்பிரிப்பு

மறையும் பாடுதிர் மாதவர் மாலினுக்குஉறையும் ஆயினை கோள் அரவோடு ஒருபிறையும் சூடினை என்பது அலால், பிறிதுஇறையும் சொல் இலை எந்தை பிரானிரே!

உரை

மூலத்தில் தமிழ் உரை இல்லை.

5

பூத்தார் கொன்றையி னாய்புலி யின்னதள்ஆர்த்தா யாடர வோடன லாடியகூத்தா நின்குரை யார்கழ லேயலதேத்தா நாவெனக் கெந்தை பிரானிரே.

சொற்பிரிப்பு

பூத்து ஆர் கொன்றையினாய்! புலியின் அதள்ஆர்த்தாய், ஆடு அரவோடு! அனல் ஆடியகூத்தா! நின் குரை ஆர் கழலே அலதுஏத்தா, நா எனக்கு எந்தை பிரானிரே!

உரை

மூலத்தில் தமிழ் உரை இல்லை.

6

பைம்மா லும்மர வாபர மாபசுமைம்மால் கண்ணியோ டேறுமைந் தாவெனும்அம்மா லல்லது மற்றடி நாயினேற்கெம்மா லும்மிலன் எந்தை பிரானிரே.

சொற்பிரிப்பு

"பைம்மாலும் அரவா! பரமா! பசுமைம்மால் கண்ணியோடு ஏறும் மைந்தா!” எனும்அம்மால் அல்லது மற்று அடி நாயினேன்எம்மாலும் இலன் எந்தை பிரானிரே!

உரை

மூலத்தில் தமிழ் உரை இல்லை.

7

வெப்பத் தின்மன மாசு விளக்கியசெப்பத் தாற்சிவ னென்பவர் தீவினைஒப்பத் தீர்த்திடும் ஒண்கழ லாற்கல்லதெப்பற் றும்மிலன் எந்தை பிரானிரே.

சொற்பிரிப்பு

வெப்பத்தின் மன மாசு விளக்கியசெப்பத்தால், சிவன்! என்பவர் தீவினைஒப்பத் தீர்த்திடும் ஒண் கழலாற்கு அல்லதுஎப்பற்றும் இலன் எந்தை பிரானிரே!

உரை

மூலத்தில் தமிழ் உரை இல்லை.

8

திகழுஞ் சூழ்சுடர் வானொடு வைகலும்நிகழு மொண்பொரு ளாயின நீதியென்புகழு மாறு மலானுன பொன்னடிஇகழு மாறிலன் எந்தை பிரானிரே.

சொற்பிரிப்பு

திகழும் சூழ் சுடர் வானொடு, வைகலும்,நிகழும் ஒண்பொருள் ஆயின, நீதி, என்புகழும் ஆறு அலால், நுன பொன் அடிஇகழும் ஆறு இலன் எந்தை பிரானிரே!

உரை

மூலத்தில் தமிழ் உரை இல்லை.

9

கைப்பற் றித்திரு மால்பிர மன்னுனைஎப்பற் றியறி தற்கரி யாயருள்அப்பற் றல்லது மற்றடி நாயினேன்எப்பற் றும்மிலன் எந்தை பிரானிரே.

சொற்பிரிப்பு

கைப்பற்றித் திருமால் பிரமன் உனைஎப்பற்றி அறிதற்கு அரியாய்! அருள்அப்பற்று அல்லது மற்று அடி நாயினேன்எப்பற்றும் இலன் எந்தை பிரானிரே!

உரை

மூலத்தில் தமிழ் உரை இல்லை.

10

எந்தை யெம்பிரான் என்றவர் மேல்மனம்எந்தை யெம்பிரான் என்றிறைஞ் சித்தொழுதெந்தை யெம்பிரான் என்றடி யேத்துவார்எந்தை யெம்பிரான் என்றடி சேர்வரே.

சொற்பிரிப்பு

எந்தை, எம்பிரான் என்றவர்மேல் மனம்,எந்தை, எம்பிரான் என்று இறைஞ்சித் தொழுது,எந்தை, எம்பிரான் என்று அடி ஏத்துவார்,எந்தை, எம்பிரான் என்று அடி சேர்வரே.

உரை

மூலத்தில் தமிழ் உரை இல்லை.